ئه‌ڤرۆنيۆز:

ده‌زگه‌هێ هه‌والگيريێ هوله‌ندى هوشداريه‌ك دايه‌ وه‌لاتان ل دۆر چه‌كدارێن ژن يێن داعشێ كو رۆژانه‌ رۆلێ وان زێده‌تر دبيت ول پاشه‌رۆژێ دێ بنه‌ گه‌فێن مه‌ترسيدار ل سه‌ر ده‌ڤه‌رێ ودێ درێژيێ ب كارێن تيرۆرستى ده‌ن.

دراپۆرته‌كا ده‌زگه‌هێ هه‌والگيريا هوله‌ندا دا هاتيه‌ كو رۆلێ ژنێ دگرۆپێن تيرۆرستى دا يێ كێمتر نينه‌ ژ رۆلێ زه‌لامان، ئه‌وژى دپێگيرن ب ئه‌نجامدانا كريارێن تيرۆرستى وخوه‌كوژى و ئه‌ڤه‌ دێ بيته‌ گه‌فه‌كا مه‌ترسيدار بۆ سه‌ر هوله‌ندا ووه‌لاتێن دى.

دپشكه‌كا دى يا راپۆرتێ هاتيه‌، ئه‌و ژنێن تيرۆرت يێن ب سه‌ر داعشێ ڤه‌ كو ژيێ وان دبن 30 ساليێ دانه‌، دشێن وه‌كو زه‌لامان چه‌كى ب هه‌لگرن وبكاربينن وپشكداريێ دشه‌ر وكريارێن تيرۆرستى دا بكه‌ن.

ئاماژه‌ ب وێ چه‌ندێ ژى كريه‌ كو هه‌رچه‌نده‌ دهێته‌ گۆتن كو ژن دناڤ داعشێ، ب مه‌ره‌ما سوزداريێ چووينه‌ ده‌ڤه‌رێن داعشێ وپاشى شاشيێن داعشێ بۆ وان رۆهن بوويه‌ ودخواز ب ره‌ڤن، به‌لێ دراستيدا وان پترترين چالاكيێن توندوتيژى يێن هه‌ين ورۆژانه‌ چالاكيان وان پتر دبن، ئه‌ڤه‌ ژى ژئه‌گه‌رێ شكه‌ستنێن مه‌زن يێن داعشێ وكێمبوونا چه‌كدارێن زه‌لام دناڤ رێزێن وێ دا، له‌وما رۆلێ ژنێ يێ به‌رفره‌هتر بووى وبه‌رده‌وام ژى بزاڤێن راكێشانا ژنان بۆ ناڤ رێزێن وێ رێكخراوا تيرۆرستى دهێنه‌ كرن.

ل دووماهيا وێ راپۆرتێ دا هاتيه‌ كو 280 هه‌لگرێن ره‌گه‌زناما هوله‌ندا يێن دناڤ رێزێن داعشێ دا كو 45 ژوان يێن زڤرين و45 ژى يێن هاتينه‌ كوشتن و190 يێن دى نوكه‌ يێن ل رۆژهه‌لاتا ناڤه‌راست وسێكا وان ژنن.

ئەڤرۆ نیوز ، ھلۆری:
پشتی کو ل چەند روژێن بوری سەعەد حەریری ل وەلاتێ سعودیێ دەستکارکێشانا خوە راگەھاندی ، ئەڤرۆ د چارچوڤێ ڤەگەرا خوە دا ژ بو لوبنان پەشیمان بوونا خوە راگەھاند و دیارکر کو ئەو لسەر داخوازیا سەرۆوکێ لوبنان دەستکارناکێشیت.

سەعد حەریری د راگەھاندنەکا کورت دا دیارکر کو لسەر داخوازیا سەروک کومارێ لوبنان ئەو ژ دەستکارکێشانا خوە پەشیمانە و گۆت ژی: (ئەز دێ ھەر وەکو سەروک وەزیرێن لوبنان مینم ڤە ، و ئەڤ یەک ژی پشتی وێ یەکێ دھێت دەما کو من دەستکارکێشان بو سەروک کوماری بلندکری و ئەوی رەتکری کو ئەز دەستکاربکێشم و گوتە من دڤێت تو خوە راگربی و دەستکارکێشانا تە ژ بەر ھندەک کارڤەدانان بویە ، ژ بەرڤێ جارەک دن دێ لسەر کارێ خوە بەردەوام بم).