د. فەرھاد ئیسماعیل شەھاب بەرپرسێ ھۆبا کونترۆلکرنا ئایدزێ و نەخۆشیێن زایندەیی ل رێڤەبەریا خۆپاراستانا ساخلەمیێ راگەھاند ل سالا 2017ێ 158 ھزار و 497 پشکنینێن ڤایرۆسێ ئایدزێ ل سەرانسەری پارێزگەھا دھۆکێ ھاتینە کرن و چو حالەتێن نوو نەھاتینە تۆمارکرن، تنێ پێنج کەس ھەنە، بەلێ نەخۆشێن کەڤنن، نەخۆشیا وان یا کونترۆل کریە.
گۆتژی: “حەفت ھزار و 27 پشکنین بۆ ریڤینگێن بیانی ھاتینە کرن ژ وان 39 حالەتێن نەخۆشیا ھەودانا ڤایروسێ میلاکێ ژ جورێ (B) ھاتینە تومارکرن، ھەروەسا ژ جورێ (c) 11 حالەت بووینە، ڤایرۆسێ ئایدزێ سێ حالەت بووینە، پشتی پشکنینێ ھاتینە رەوانە کرن بۆ وەلاتێن وان”.د. فەرھاد خۆیا کر کو د ئامادەنە پتر پێشوازیا خەلکی بکەین بۆ ئەنجامدانا ڤێ پشکنینێ و بۆ نوش نيوز گۆت: “ئەو ژمارا بۆ مە دھێت د ئاستێ پێدڤی دا نینە، لەورا بۆ ڤێ چەندێ مە پروگرامەک دانایە ب ناڤێ راوێژ و پشکنینا خۆبەخش، ھەر کەسەک دشێت ب تایبەتی تەخا گەنجا پێشوازیا وان بکەین پشکنینێ بۆ ب رەنگەکێ نھێنی بکەین، دشێت ناڤەکی ئاشۆپی ژی بدەت ھەکە نەڤیا ناڤێ خۆ بدەت”.
سەبارەت پەنابەرێن سوری ژی گۆت:سێ ھزار و 422 پشکنین بۆ وان ئەنجام داینە، 57 ژ وان ھەودانا مێلاکێ ژ جورێ (B) و ژ جورێ (c) ژی دو حالەت ھەبووینە.
نيشاندان