ئەڤرۆ نيوز:

رێڤەبەریا پۆلیسێن دھۆکێ راگەھاند کو بزاڤێن وان بۆ دەستەسەرکرنا تاوانبارێ سنێلێ 14 سالی ل چیایێ گارەی د بەردەوامن و ئاشکەرا کر کو ئەوان چەندین جورێن چەکی دەستەسەرکرینە و دێ ب گۆرەیی قانوونی سەرەدەری ل گەل خودانێن وان ھێتە کرن.

رائیدێ مافپەروەر، ھێمن سلێمان، بەرپرسێ پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ بۆ ئەڤرۆ نيوز گۆت: “ل رۆژا ئەینی رێکەفتی 26ی کانوونا دویێ 2018 و ل دەمژمێر 4:30ی ئێڤاری و ل دەمێ ژمارەکا وەلاتیان قەستا چیایێ گارەی و جھێن بەفر لێ باری کرین، ب مەرەما گەشتان، ب مخابنی ڤە وەلاتیەکێ سنێل ب ناڤێ یاسر شاکر یێ 14 سالی ل گەل خێزانا خوە بۆ گەشتێ چووبوو چیایێ گارەیی، ژ نشکەکێ ڤە گولەک ب سەرێ وی دکەڤیت و بریندار دبیت”.

زێدەتر گۆت: “رەوشا ساخلەمیا وی ژی گەلەک یا خرابە و ل بن چاڤدێریا چرە ل نەخۆشخانا تەنگاڤیان. ژێدەرێ ھاتنا وێ گولێ ژی یێ دیار نەبوو، ژ بەر کو گەلەک وەلاتی دەما دچنە سەیرانان تەقێن خوەشیێ دکەن و ب ئەڤێ کەیفا خوە ژیانا ھندەک کەسێن دی نەخۆش دکەن و کەیفا وان تێک ددەن”.

رائیدێ مافپەروەر ئاشکەرا ژی کر کو پشتی روودانێ پۆلیسێن تایبەتمەند ل جھێ روودانێ ئامادە بوون و پەرێن ڤەکۆلینێ ھاتینە ڤەکرن و گۆت: “چەند پارچەیێن چەکی و سێ دەبانجە و چەکەکێ ئەمریکی ژ لایێ پۆلیسان ڤە ھاتینە دەستەسەرکرن و پێرابوونێن قانوونی ھاتینە وەرگرتن و دێ ل دووڤ بەندێ 405 ل سەر 31 یێ سزایێن عیراقی سەرەدەری ل گەل ھەلگرێن وان چەکان ھێتە کرن”.

بەرپرسێ پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ گۆتژی: “ئەم وەکو رێڤەبەرا پۆلیسێن پارێزگەھا دھۆکێ داخوازێ ژ وەلاتیان دکەین کو ئێدی تەقەکرن و ئەڤ دیاردا نەشارستانی بھێتە راوەستاندن، ژ بەر کو بۆ جارا گەلەکێ یە خەلکێ سڤیل دبیتە قوربانی ب تایبەت ل ھەلکەفتان. چەندین جاران مە وەلاتی ئاگەھدارکرینە کو تەقە ب چو مەرەم بیت تاوانە و گەلەک جاران تاوانبار ھاتینە دەستەسەرکرن ل سەر ڤێ کریارا نەشارستانی، لەورا جارەکا دی داخوازێ ژ وەلاتیێن ھێژا دکەین خوە ژ دیاردا تەقەکرنێ دوور بێخن پێخەمەت پاراستنا ئێمناھیا گشتی و پاراستنا وەلاتیان”.

ئەڤرۆنیۆز، سالار دۆسكی:

سەرۆكێ‌ ئێكەتیا مامۆستایێن كوردستانێ‌ ئاشكەراكر كو سوباهى دوشه‌مبى 29/1/2018 لژنێن هووردبینیێ يێن حوكمه‌تا عيراقێ‌ دێ‌ سەره‌دانا رێڤه‌به‌ريێن پەروەردێ‌ و ساخلەمیێ‌ ل هەردو پارێزگەهێن دهۆكێ و سلێمانیێ‌ كەن.

عەبدلواحد محەمەد سەرۆكێ‌ ئێكەتیا مامۆستایێن كوردستانێ‌ بۆ ئەڤرۆ نیۆز ئاشكراكر كو سوباهى دێ‌ 9كەس ژ لژنا هوودبینیێ‌ سەرەدانا پارێزگەها دهۆكێ‌ كەن13 كه‌سێن دى ژ وێ لژنێ دێ سەره‌دانا سلێمانیێ‌ و15 ژى دێ سەره‌دانا پارێزگەها هەولێرێ‌ كەن.

هێشتا گۆت”كار ل دیوانێن هەر دو وەزارەتێن په‌روه‌ردێ واخله‌ميێ يێ ب دووماهی هاتی و پێشبینيێ دكەین كار ل پارێزگەهان دو رۆژان ڤەكێشیت و تنێ‌ دێ‌ چەند نموونان وەرگرن.

گۆت ژى” پێشبینی بەر ب وێ‌ چەندێ‌ دچن كو ڤێ‌ حەفتیێ‌ مووچە ژلايێ به‌غدا ڤه‌ بهێتە بەلاڤەكرن”.

خویا ژی كر دەرمالێن 125 هزار ديناران دێ‌ بۆ مامۆستايان هێنە مه‌زاختن چونكى ئەو ب قانوونا عیراقێ‌ هاتیە بنەجهكرن، ب تنێ‌ مامۆستایێن پلە پێنچ و شەش دەرمالەكا 50 هزار دينارى هەبوو، ئەو ل عیراقێ‌ نینە و دێ‌ هێتە برین.

ئەو ژی ئاشكراكر كو هه‌كه‌ كار ب دووماهی هات و مووچە هاتن، ئێدی هەموو سەرێن هەیڤان وەك سالێن بەری قەیرانێ‌ دێ‌ مووچێن پەروەردێ‌ و ساخلەمیێ‌ هێنە به‌لاڤكرن.

هەڤدەم د.ڤیان جاف ئەنداما لژنا هووربینیێ‌ دلیستا موچێن پەروەردێ و ساخلەمیێ‌ دا دیاركر كو 10كەسێن دى ل سه‌ر لژنا هووربینيێ‌ هاتینە زێدەكرن ب مەرەما سەره‌دانا رێڤه‌به‌ريێن پەروەردێ‌ و ساخلەمیێ‌ ل پارێزگەهان.

ئه‌ڤرۆنيوز:

رێڤه‌به‌ريا به‌ره‌ڤانيا باژێرێ دهۆكێ، راگه‌هاند ژ ئه‌گه‌رێ روودانه‌كا ئاگربه‌ربوونێ وه‌لاتيه‌كى گيانێ خوه‌ ژده‌ستدا.

راگه‌هاندنا به‌ره‌ڤانيا باژێرێ دهۆكێ به‌لاڤكر” ئه‌ڤرۆ ئێكشه‌مبى 28/1/2018، ل ده‌مژمێر 5:12 مه‌غره‌ب په‌يوه‌ندى ب يه‌كا كونترۆلى ( 062115) هاته‌ كرن ل دۆرهەبوونا روودانەکا ئاگری ل خانکێ کو ئاگر بەربوویە خانیەکى”.

دياركر ژى” بنگەهێ سێمێلێ يێ ئاگرڤه‌مراندنێ ل جهێ روودانێ ئامادەبوو و ئاگر ڤەمراند، لێ ب مخابنی ڤە زەلامەکێ دانعەمر گیانێ خو ژدەست دا ژ ئەگەرێ سوتنێ و هاتیە رەوانەکرن بۆ نوشداريا داد ل دهۆکێ”.