NO IORG
نووترين نووچه
Twitter

ئه‌ڤرۆنيۆز:

هه‌فت كه‌س ژلايێ سه‌يه‌كى ڤه‌ دهێنه‌ برينداركرن ل باژێرێ ناسريه‌ ل باشوورێ عيراقێ ده‌مێ بزاڤا گرتنا وى دكرن.

ژيده‌ره‌كى ژپۆليسێن پارێزگه‌ها زيقار بۆ (الغد پرێس) گۆت، پشتى هه‌فت كه‌سان سه‌يه‌كێ به‌ره‌للا ل ده‌ڤه‌را مهيديه‌ ل باژێرێ ناسريه‌ سه‌نته‌رێ پارێزگه‌ها زيقار، دۆرپێچكرى ب مه‌ره‌ما قورتالكرنا وێ ده‌ڤه‌رێ ژوى، وى سه‌ى هێرش كره‌ سه‌ر وبرينداركرن.

دياركر ژى، هه‌ر هه‌فت كه‌س هاتنه‌ هنارتن بۆ نه‌خوه‌شخانێ وگۆت ، ئێك ژ برينداران تبله‌كا خوه‌ ژده‌ستدايه‌.

ئه‌ڤرۆنيۆز:

چالاكڤانه‌كێ جڤاكێ سڤيل ل كه‌ركووكێ دبێژيت، ل هه‌ر باره‌گايه‌كێ ئێكه‌تى نيشتمانى كوردستان ل كه‌ركووكێ، ئه‌فسه‌ره‌كێ ميليشيێن حه‌شدا شه‌عبى سه‌رپه‌رشتيێ دكه‌ت وب فه‌رمانا ئه‌فسه‌رى، كادرێن باره‌گاى هاتنوچوونێ دكه‌ن.

هه‌ژار كاكه‌يى، پارێزه‌ر وچالاكڤانێ جڤاكێ سڤيل ل كه‌ركووكێ، ل به‌رپه‌رێ خوه‌ ل سه‌ر تۆرا فيسبووكى به‌لاڤكريه‌، هه‌ر كۆميته‌ وباره‌گايه‌كێ ئێكه‌تيێ ل كه‌ركووكێ، ئه‌فسه‌ره‌كێ حه‌شدا شه‌عبى، يان هێزێن عيراقى سه‌رپه‌رشتيێ دكه‌ت، ودبيژيت، وى ئه‌فسه‌ره‌ ئاگه‌ه  ژهه‌موو هاتنوچوونێن وى باره‌گاى دبيت وكاره‌كى كو كۆميتێن ئێكه‌تيێ پێدڤى ب چوونێ بۆ جهه‌كى هه‌بيت، پێدڤيه‌ ب فه‌رمانا وى ئه‌فسه‌رى بچن.

ل دووڤ نڤيسينا  وى چالاكڤانى، ل سه‌ر باره‌گايێن ئێكه‌تيێ ل كه‌ركووكێ تنێ ئالايێ عيراقێ وئالايێ ئێكه‌تى هاتيه‌ بلندكرن وئالايێ كوردستانێ نه‌هاتيه‌ بلندكرن، چونكى ئه‌و ئه‌فسه‌رێ هاتيه‌ دانان بۆ سه‌رپه‌رشتيكرنا هه‌ر كۆميته‌كێ، رێ ناده‌ت ئالايێ كوردستانێ بلند بكه‌ن.

ئه‌ڤرۆ نيوز:

سۆپايێ سوريا كونترۆلكرنا ته‌ماما باژێرێ ئه‌لبۆكه‌مال راگه‌هاند.

سۆپايێ سوريا دبێژيت كو چه‌كدارێن ره‌ڤين خوه‌ راده‌ستى هێزێن سوريا ديموكرات “هه‌ده‌سه‌” كرين.

ئه‌لبۆكه‌مال باژێره‌كێ سۆريايه‌، سه‌ر ب پارێزگه‌ها دێره‌زوره‌ و دكه‌ڤيته‌ سه‌ر سنورێ عيراقێ، حه‌فتيا بۆرى سوپايێ سوريا داعش ژ وى باژێرى رامالى، به‌لێ پشتى شه‌ڤ و رۆژه‌كا د هێرشه‌كا هه‌ڤدژ دا، چه‌كدارێن داعش پتريا باژێرى كونترۆلكر، ئه‌لبۆكه‌مال ب دووماهى بنگه‌هێ داعش ل سوريا دهێته‌ دانان.

ئه‌ڤرۆنيۆز:

كرياره‌كا  تيرۆركرنا شازاده‌كێ سعوديێ، كو دهێته‌ نياسين ب زه‌لامێ ب هێز ل سعوديێ، شكه‌ست ئينا وهژماره‌كا ئه‌فسه‌رێن نێزيك كۆرێ مامێ وى هاتنه‌ تۆمه‌تباركرن ب ئه‌نجامدانا وێ كريارێ.

ل دووڤ ده‌نگوباسه‌كێ مالپه‌رێ (الديار)، پێنج ئه‌فسه‌رێن زێره‌ڤانێن نيشتمانى يێن سعودى، كو كو موتعب كۆرێ عه‌بدوللا ئال سعود سه‌رۆكايه‌تيا وان دكر، بزاڤا تيرۆكرنا محه‌مه‌د كۆرێ سه‌لمانى شازادێ جهنشينێ سعوديێ كريه‌.

وى مالپه‌رى دياركريه‌ كو وان ئه‌فسه‌ران ته‌قه‌ ل كاروانێ ترومێلێن محه‌مه‌د كۆرێ سه‌لمانى كريه‌ وهژماره‌كا زێره‌ڤانێن وى بووينه‌ قوربانى، به‌لێ شازادێ سعوديێ ب سلامه‌تى ژوێ كريارا تيرۆركرنێ ده‌ربازبوو، ئه‌فسه‌رێن ب وێ كريارێ ژى رابووين يێن ره‌ڤين.

به‌رى مه‌هه‌كێ ب بريارا محه‌مه‌د كۆرێ سه‌لمانى، ده‌هان شازادێن سعوديێ هاتنه‌ ده‌سته‌سه‌ركرن كو موتعب كۆرێ شاهێ سعوديێ يێ به‌رێ (عه‌بدوللا كۆرێ عه‌بدولعه‌زيز ئال سعود) ئێك بوو ژده‌سته‌سه‌ركريان، كو دبيته‌ كۆرێ مامێ محه‌مه‌د كۆرێ سه‌لمانى.

766

ئه‌ڤرۆنيۆز:

ئه‌ڤرۆ فراكسيۆنێن كوردستانى ل به‌غدا ل گه‌ل سه‌رۆكێ جڤاتا نوونه‌رێن عيراقى كۆمبوون و په‌رله‌مانتاره‌كێ كورد ل جڤاتا نوونه‌رێن عيراقێ ئاشكراكر كو فراكسيۆنێن كوردستانى نڤيساره‌كا فه‌رمى بۆ عه‌بادى هنارتيه‌.

ئيسلام حسێن په‌رله‌مانتارێ پارتى ديموكراتى كوردستان ل جڤاتا نوونه‌رێن عيراقێ بۆ باسنۆز دياركر كو ئه‌ڤرۆ هه‌ر پێنج فراكسيۆنێن كوردستانى ل گه‌ل سه‌ليم جبوورى سه‌رۆكێ جڤاتا نوونه‌رين عيراقێ كۆمبوون

ئيسلامى گۆت، دوێ كۆمبوونێ دا نڤيساره‌كا فه‌رمى بۆ حه‌يده‌ر عه‌بادى سه‌رۆك وه‌زيرێن عيراقێ هاته‌ هنارتن كو نابيت په‌رله‌مانتارێن كوردستانێ ل سه‌ر پشته‌ڤانيێ ل ريفراندۆمێ بهێنه‌ سزادان.

ئاشكراكر ژى، هه‌كه‌ په‌رله‌مانتارێن كورد بهێنه‌ سزادان، وى ده‌مى دێ هه‌لويستێ سياسى راگه‌هينين، جبوورى ژى دووپاتكر كو پێدڤيه‌ ئه‌و پرسه‌ بهێته‌ چاره‌كرن.

ئه‌ڤرۆنيۆز:

كۆمسيۆنا بلند يا هه‌لبژارتنان ل عيراقێ، دانا مۆله‌تا دامه‌زراندنێ ب هه‌فت حزبێن نوو په‌سه‌ندكر.

رياز به‌دران، ريڤه‌به‌رێ فه‌رمانگه‌ها ن هه‌لبژارتنێن كۆمسيۆنێ دبه‌ياننامه‌كێ دا راگه‌هاند، جڤاتا كۆمسياران داخوازا داخوازا دامه‌زراندنا حه‌فت حزبێن نوو په‌سه‌ندكر ودياركر كو وان حه‌فت حزبان هه‌موو رێنمايێن كۆمسيۆنێ يێن بجهئيناين.

جڤاتا نوونه‌رێن عيراقێ ل سالا 2015 قانوونا حزبێن سياسى په‌سه‌ندكربوو.

ئه‌ڤرۆنيۆز:

كۆمپانيا سامسۆنگ يا كورى دياركر كو ئه‌و به‌رهه‌ڤيا راگه‌هاندنا مۆبايلا گالاگسى 2018 A5 دكه‌ت، ب رێيا دانانا به‌رپه‌ره‌كێ پشته‌ڤانيێ ب ناڤێ A530 ل سه‌ر پێگه‌هێ وێ يێ فه‌رمى يێ كوريا باشوور، ئه‌وژى هژمارا كودێ دێ دانيته‌ سه‌ر وێ مۆبايلا نوو.

ل دووڤ هنده‌ك پێزانينێن ل سه‌ر وى جۆرێ گلاكسى هاتينه‌ به‌لاڤكرن، مۆبايلا نوو دێ شاشه‌كا مه‌زن هه‌بيت كو به‌رى نوكه‌ تنێ د هه‌ردو موبايلێن S8 ونوت 8 هاتبوو ديتن، به‌سما تبلێ ژى دێ ل پشتا موبايلێ بيت .

ئه‌ڤرۆنيۆز:

راهينه‌رێ يانا ريال مه‌دريد يا ئيسپانى، زه‌ينه‌دين زێدان، راگه‌هاند دفنا سێرخيۆ رامۆس كاپتنێ يانێ يا شكه‌ستى.

ريال مه‌دريد وئه‌تله‌تيكۆ مه‌دريد د ياريا دێربى يا مه‌دريد دا ئه‌وا دوهى ب شه‌ڤ هاتيه‌ ئه‌نجامدان بێ گۆل وه‌كهه‌ڤ ببون وسه‌ره‌راى ژده‌ستدانا دو خالان، ريالێ كاپتنێ خوه‌ ژى ژده‌ستدا.

پشتى ياريێ رافايێل ڤاران، ياريكه‌رێ ريال مه‌دريد، گۆتبوو، ره‌وشا رامۆسى يا باش نينه‌ ودفنا وى يا شكه‌ستى وده‌مێ دووركه‌فتنا وى ژياريان يا ديار نينه‌.

ژئه‌گه‌رێ وێ هنگافتنا رامۆسى، زه‌ينه‌دين زێدان نه‌چار بوو دده‌مێ بێهنڤه‌دانا دناڤبه‌را هه‌ردو گێمان دا رامۆسى بگوهۆريت وياريزان ناچۆ فێرناندێز هاته‌ جهێ وى. پشتى ياريێ ژى زێدانى گۆت، دفنا رامۆسى يا شكه‌ستى ونه‌شێم ده‌مێ دووركه‌فتنا وى ژياريان دياربكه‌م.

به‌رى نوكه‌ ژى دفنا رامۆسێ  د ياريه‌كێ دا ل گه‌ل بايرن ميونيخ دخۆلا قاره‌مانێن ئورۆپا دا هاتبوو شكاندن، به‌لێ پشتى سێ رۆژان ژوێ هنگافتنێ پشكدارى دكلاسيكۆيێ دا كر ل به‌رامبه‌ر به‌رشه‌لونا وگۆله‌ك ژى تۆماركربوو.

ئه‌ڤرۆنيۆز:

فه‌رماندێ هێزێن پاراستنا ئێزيدخان ل شنگالێ، حه‌يده‌ر شه‌شۆ، راگه‌هاند، حه‌شدا شه‌عبى ژبنگه‌هێن خوه‌ ل شنگالێ ڤه‌دكێشن ودچنه‌ ده‌رڤه‌ى باژێرى.

حه‌يده‌ر شه‌شۆ بۆ مالپه‌رێ فه‌رميێ پارتى گۆت، حه‌شدا شه‌عبى ژبنگه‌هێن خوه‌ ل شنگالێ ڤه‌دكێشن ودچنه‌ ده‌رڤه‌ى باژێرى وئه‌و باره‌گايێن حه‌شدێ ده‌ست ب سه‌ردا گرتى، نوكه‌ يێ چۆل دكه‌ن.

گۆت ژى، ده‌ما حه‌شدا شه‌عبى هاتيه‌ شنگالێ، ب نه‌ شه‌رعى ده‌ست ب سه‌ر باره‌گايێن پێشمه‌رگه‌ى و فه‌رمانگه‌هێن حكومى دا گرتبوو، به‌لێ نوكه‌ هه‌موو يێن چۆلكرين ويێن چووينه‌ باشوورێ شنگالێ وبرياره‌ هه‌تا سه‌رێ ڤێ مه‌هێ ب تمامى شنگالێ بجه بهێلن.

شه‌شۆى دياركر، ب چو شێوه‌كى كريارێن حه‌شدا شه‌عبى ل شنگالێ جهێ قه‌بوولكرنێ نه‌بوون وناهێنه‌ قه‌بوول كرنێ ژى، چونكى وان ب شێوه‌كێ نه‌شه‌رعى هێرش ل سه‌ر ده‌ڤه‌رێن كوردستانێ كر وپێشيلكارى ئه‌نجامدان.

558

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى19ى چريا دويێ 2017ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 39000
1 گرام زێرێ  (ع) 21 45500
1 گرام زێرێ  (ع) 22 47500
1 گرام زيڤ 3000
website security
WP Facebook Auto Publish Powered By : XYZScripts.com