ئه‌ڤرۆنيوز:

پۆليسێن نه‌هێلانا گونه‌هباريان شيان دزيكه‌رێ 12 ترومبێلان ده‌سته‌سه‌ر بكه‌ن.

هێمن سلێمان په‌يڤدارێ رێڤه‌به‌ريا پۆليسێن پارێزگه‌ها دهۆكێ دراگه‌هاندنه‌كێ دا گۆت” پشكا دزينا ترومبێلان يا پۆليسێن نه‌هێلانا گونه‌هباريان ل پارێزگه‌ها دهۆكێ، تاوانباره‌ك ده‌سته‌سه‌ركر كو 12 ترومبێل ل دهۆكێ وهه‌ولێرێ دزينه‌”.

هێمنى گۆت ژى” تاوانبارێ ناڤبری وەلاتیێ دھوکێ یە و پشتی دان ب تاوانێن خو کرین بەرانبەر دادوەری وئەفسەرێ ڤەکولینێ کو ٧ ترومبێل ژ دھوکێ دزی نە و ٥ ترومبێل ژ ھەولێرێ دزی نە د نوکەدا ھاتیە راگرتن و دناڤا زیندانێ دایە و دێ ھێتە رەوانەکرن بۆ دادگەھێ”.

ئه‌ڤرۆنيوز:

 ئه‌ڤرۆ سپێدێ‌ 25-1-2018 ب ئاماده‌بونا  ئيسماعیل محه‌مه‌د هاریكارێ‌ پارێزگه‌رێ‌ دهۆكێ‌ بۆ كاروبارێن مروڤایه‌تی وبوتان محسن قایمقامێ‌ قه‌زا زاخۆ وچه‌ند رێڤه‌به‌رێن ناحیا وبسپورێن چاندنێ وڤیته‌رنه‌ری ورێكخراوێن تایبه‌تمه‌ند وخودانێن پرۆژێن په‌له‌وه‌ران ، رێكخراوا (گۆڵ) یا ئیرله‌ندی وركشوپه‌كا تایبه‌ت بۆ گه‌نگه‌شه‌كرنا كارێ‌ ب خودانكرنا په‌له‌وه‌ران ژلایێ‌ ئاواره‌ وخه‌لكێ‌ خوجهێ ده‌ڤه‌رێن زاخۆوبه‌رده‌ره‌ش وسێمێلێ‌ وشێخان وجهێن دی ڤه‌كر.

ل به‌راهیێ‌ نوونه‌رێ‌ رێكخراوا ناڤبری رۆهنكرن دانه‌ سه‌ر ئارمانجا سازكرنا وركشوپێ‌ وگوت”ئارمانج ئه‌وه‌ گه‌نگه‌شه‌ دناڤبه‌را به‌رهه‌ڤبوویان دا بهێنه‌ كرن ل دور رێكێن ب خودانكرنا په‌له‌وه‌ران وئاسته‌نگێن دهێنه‌ پێش وچاوانیا پێشئێخستنا وی كه‌رتى كو گه‌شه‌كرنێ‌ بێخیته‌ ئابوورێ‌ ده‌ڤه‌رێ‌ وده‌لیڤێن كاری ژی بۆ وه‌لاتیان بهێنه‌ په‌یداكرن وخه‌لك مفایی ژێ‌ وه‌رگریت وبه‌رهه‌ڤیا رێكخراوا (گۆڵ) یا ئیرله‌ندی دیاركر بۆ پشته‌ڤانیكرنا هه‌ر پێشنیار وبیروكه‌كێ‌ كو بۆ ب خودانكرنا په‌له‌وه‌ران بهێته‌ پێش ئێخستن.

پاش هاریكارێ‌ پارێزگه‌رێ‌ دهۆكێ‌ بۆ كاروبارێن مروڤایه‌تی په‌یڤه‌ك خواند تێدا سوپاسیا رێكخراوا ناڤبری كر كو ڤان جۆره‌ وركشوپان بۆ ته‌خێن جودا ڤه‌دكه‌ت ودیاركر كو پێدڤیه‌ ژئه‌ڤرۆ وێڤه‌ رێكخراوێن په‌یوه‌ندیدار ب ره‌نگه‌كێ‌ پراكتیك ول جهێ‌ كاری ڤێ‌ پشته‌ڤانیێ‌ ل خودانێن پرۆژێن په‌له‌وه‌ران یان پروژێن دی یێن چاندنێ بكه‌ن ورێكێن زانستی یێن سه‌رده‌میانه‌ بهێنه‌ بكارئینان بۆ وێ‌ یه‌كێ‌ كارتێكرنا قه‌یرانا دارایی وئابووری ل سه‌ر وان پرۆژان بهێته‌ كێمكرن وپرۆژێن په‌له‌وه‌ران ویێن چاندنێ‌ بهێنه‌ پێش ئێخستن وده‌لیڤێن كاری ژی بۆ ده‌رچویێن كوليژا وخه‌لكێ‌ شاره‌زا بهێنه‌ دیتن وپشته‌ڤانیا پارێزگه‌ها دهۆكێ‌ نیشان دا بۆ ڤه‌كرنا ڤان وركشوپان وسه‌ركه‌فتن بۆ پشكداران خواست.

پاش ئارمانج وبه‌رنامێن وركشوپێ‌ ژلایێ‌ بسپوره‌كێ‌ رێكخراوا (گۆڵ) یا ئیرله‌ندی هاتنه‌ به‌رچاڤكرن ود ودوڤدا گه‌نگه‌شه‌ ژلایێ‌ پشكدارێن وركشوپێ‌ هاتنه‌ كرن.

ئه‌ڤرۆ نيوز:

سه‌رۆك وه‌زيرێن عيراقێ حه‌يده‌ر عه‌بادى ل كۆنگرێ ئابوورى يێ جيهانى ل داڤوس به‌حسێ وێ يه‌كێ كر كو ئه‌و يێ نێزيك دبن ل گه‌ل هه‌رێمێ بۆ رێكه‌فتنێ و گۆت: هه‌رێما كوردستانێ يا رازى بووى هه‌موو نه‌فتا خوه‌ ته‌سليمێ به‌غدا بكه‌ت.

نێچيرڤان بارزانى سه‌رۆك وه‌زيرێن هه‌رێمێ دوهى ل گه‌ل عه‌بادى و وه‌زيرێ نه‌فتا عيراقێ كۆم بوو و به‌حسێ پرسا نه‌فتێ و چاوانيا رێككه‌فتنێ كرينه‌ و ئێك ژ خالێن به‌غدا كێشه‌ ل سه‌ر هه‌ى ل گه‌ل هه‌رێمێ، راده‌ستكرنا نه‌فتێ هه‌رێمێ بوويه‌  ب كومپانيا سومو.

ئه‌ڤرۆ نيوز:

هه‌ردو پارێزگه‌رێن هه‌ولێر و دهۆك ئه‌ڤرۆ سه‌را وه‌زاره‌تا دارايى و ئابوورى و ل گه‌ل رێباز حه‌ملان وه‌زيرێ دارايى و ئابوورى يێ حوكمه‌تا هه‌رێمێ كوم بوون.

د كومبوونێ دا به‌حسێ به‌ر ب پێشڤه‌برنا كارێ فه‌رمانگه‌هێن خزمه‌تگوزارى كرن، هه‌روه‌سا به‌حسێ كارێن لژنێن هه‌ڤپشك يێن هويربينيا

ليستا مووچه‌خورێن هه‌رێمێ كرن و به‌ره‌ڤ پێشبرنا كارێن وان.

ئەڤرۆ نيوز:
ل گۆرەی دووماھیک ئامارا چاکسازیێن مەزن و سنێل و ئافرەتان ل پارێزگەھا دھۆکێ، ھەتا نھا نێزیکی 300 زیندانیان ب بەر لێبوورینا گشتی کەفتینە و ھاتینە ئازادکرن و ژ وان ژی چوار ئافرەت بوون.
دلێر عەبدوللا حەسەن، ئەندامێ لیژنا لێبوورینا گشتی ل پارێزگەھا دھۆکێ، بۆ ئەڤرۆ راگەھاند، ھەتا نوکە ژ سەرجەمێ 300 زیندانیێن ھاتینە ئازادکرن، 270 زیندانی ژ چاکسازیا مەزنان ل پارێزگەھا دھۆکێ ھاتینە ئازادکرن و 30 زیندانی ژی ژ چاکسازیا سنێل و ئافرەتان ھاتینە ئازادکرن.
ئاشکرا ژی کر کو بەری لێبوورینا گشتی بھێتە دەرکرن، 478 زیندانی د چاکسازیێ دا بوون و ژ ڤی سەرجەمی نێزیکی 270 زیندانیان ھاتینە ئازادکرن و گۆت: ھێشتا کار یێ د دۆسەیێن وان دا دھێتە کرن و رەنگە ھندەک زیندانیێن دی ژی د ماوێ چەند رۆژێن بۆری دا بھێنە ئازادکرن.