ئه‌ڤرۆنيۆز:

رێڤه‌به‌ريا گشتى يا گه‌شناسيێ وبيڤه‌له‌رزان ل هه‌رێما كوردستانێ راگه‌هاند، ئه‌و بيڤه‌له‌رزا ئه‌ڤرۆ رووداى پاشگۆيا بيڤه‌له‌رزا 12 ڤێ مه‌هێ بوو وپلا وێ 4.4 ل دووڤ بيڤه‌رێ رێخته‌ر.

فازل ئيبراهيم، رێڤه‌به‌رێ گشتيێ گه‌شناسيێ وبيڤه‌له‌رزان ل هه‌ريمێ دياركر، ئه‌ڤرۆ ل ده‌مژمێر 7:12 سپێدێ بيڤه‌له‌رزه‌ك كو بنگه‌هێ وێ ل رۆژهه‌لاتا كوردستانێ بوو، ب پلا 4.4 ل دووڤ بيڤه‌رێ ريخته‌رى روودا وپشكه‌ك ژ هه‌رێما كوردستانێ ژى ڤه‌گرت.

فازلى زێده‌تر بۆ دوارۆژ گۆت، ئه‌و بيڤه‌له‌رزێن بچووك، پاشگۆيێن وێ بيڤه‌له‌رزێ نه‌ ئه‌وا ل 12 ڤێ مه‌هێ رووداى وبۆ ده‌مێ مه‌هه‌كێ دێ دبه‌رده‌وام بن.

خوياكر ژى، پشتى بيڤه‌له‌رزا 12 ڤێ مه‌هێ، هه‌تا نوكه‌ 250 بيڤه‌له‌رزێن دى يێن رووداين وژبه‌ركو پلێن وان دناڤبه‌را 2 هه‌تا 3 پله‌ بوون ل دووڤ بيڤه‌رێ ريخته‌رى، هه‌ست پێ نه‌هاتيه‌ كرن، تنێ ئه‌و چه‌ند بيڤه‌له‌رزه‌ نه‌بن كو پلێن وان ژ 4.4 وزێده‌تر كو هه‌ست ب وان دهێته‌ كرن.

گۆت ژى، دبيت هنده‌ك بيڤه‌له‌رزێن دى ژى روو بده‌ن، به‌لێ كاريگه‌رى نابيت، چونكى پاشگۆيێن بيڤه‌له‌رزێ نه‌

ئه‌ڤرۆنيۆز:

سه‌رۆكێ به‌رێ يێ لژنا بجهئينانا مادا 140 ل عيراقێ راگه‌هاند، باشترين چاره‌ بۆ قۆناغا نوكه‌ ب تايبه‌تى ل كه‌ركووكێ وده‌ڤه‌رێن ناكۆكى ل سه‌ر، بجهئينانا مادا 140 ژدستوورێ عيراقێ يه‌.

رائد فه‌همى، سه‌رۆكێ به‌رێ يێ لژنا بجهئينانا مادا 140 ل عيراقێ بۆ تۆرا رووداو گۆت، مادا 140 هاتبوو دانان ژبۆ ب دووماهى ئينانا وێ ده‌رده‌سه‌ريا ب گه‌لێ كوردى هاتى ب درێژيا چه‌ندين سه‌دان ب رێيا بجهئينانا سياسه‌تێن سته‌مكارى ژلايێ حوكمه‌تێن عيراقى يێن ناڤه‌ندى.

رائد فه‌همى كو نوكه‌ سكرتێرێ گشتيێ حزبا شيوعى يا عيراقى يه‌ زێده‌تر گۆت، مادا 140 ب ته‌وافوق هاتبوو دانان وئه‌ز بجهئينانا وێ هاتبووم راسپاردن دسێ قۆناغێن وێ دا ل 2006، به‌لێ مه‌ ل سالا 2007 ده‌ست ب كارێ پراكتيكى كر ومخابن ب درێژيا چار سالان مه‌ نه‌شيا چو ژوێ مادێ بجهبينن، ژبلى پشكه‌كێ ژ قوناغا ئێكێ.

دياركر، هه‌كه‌ قۆناغێن دى هاتبانه‌ بجهئينان، دبيت ئه‌م نه‌گه‌هشتباينه‌ ئه‌و چه‌ندا ئه‌ڤرۆ ئه‌م گه‌هشتينێ، به‌لێ بۆ بجهئينانا وێ مادێ پێدڤيه‌ قۆناغا ئێكێ بهێته‌ بجهئينان ئه‌وژى راكرنا كارتێكرنا سياسه‌تێن گوهۆرينا ديموگرافى.

خوياكر ژى، حوكمه‌تا عيراقى يا نه‌چاره‌ ژروويێ قانوونى ڤه‌ وێ مادا دستوورى بجهبينيت، به‌لێ گه‌له‌ك تێبينى ل سه‌ر وێ مادێ ژلايێ گه‌له‌ك هێزان دناڤ جڤاتا نوونه‌ران دا هه‌بوو، به‌لێ هندى ئه‌و ماده‌ هه‌بيت، حهوكمه‌ت يا نه‌چاره‌ بجهبينيت.

ب ديتنا رائد فه‌همى، ل دووڤ ره‌وشا نوكه‌، باشترين چاره‌ بجهئينانا مادا 140 يا دستوورى يه‌ بۆ چاره‌كرنا ره‌وشا كه‌ركووكێ وده‌ڤه‌رێن ناكۆكى ل سه‌ر وئه‌وێ نه‌رازيبوون ژى ل سه‌ر هه‌بيت، بلا چاره‌كا باشتر ژوێ ببينيت.

گۆت ژى، هه‌لويستێ فه‌رمى يێ حوكمه‌تێ وعه‌بادى، پێگيرى پێكرنه‌ ب دستوورى ومادێن وى ودابه‌شكرنا ده‌ستهه‌لاتان دناڤبه‌را حوكمه‌تا فيدرالى وحوكمه‌تا هه‌رێمێ، ئانكو ئه‌و نابێژن كو مادا 140 كار پێ ناهێته‌ كرن.

گوت ژى، ئه‌ركێ سه‌ره‌كى يێ نوكه‌ په‌يداكرنا سه‌قايه‌كێ گونجايه‌ بۆ ده‌ستپێكرنا دانوستاندنان دناڤبه‌را به‌غدا وهه‌ولێرێ بۆ به‌حسكرن و چاره‌كرنا هه‌موو كێشان.

ئه‌ڤرۆنيۆز:

به‌رپرسه‌كێ پارتى ئاشكراكر، گرۆپه‌كا ئێكه‌تيا نيشتمانى كوردستان( ب ناڤێ هاريكاريان) ميليشيێن حه‌شدا شه‌عبى دبه‌ته‌ دناڤ باژێرێ ده‌ربه‌نديخان وقايمقامێ كه‌لار ژى بێ ئاگه‌هيا خوه‌ ژده‌ربازبوونا وێ هێزێ رادگه‌هينيت.

شێخ جه‌عفه‌ر شێخ مسته‌فا به‌رپرسێ لقێ خانه‌قين يێ پارتى ديموكراتى كوردستان بۆ باسنيۆز گۆت( ل رۆژا 16 ڤێ مه‌هێ وب ناڤێ هاريكاريان، ئێكه‌تێ 20 ترومبێلێن حه‌شدا شه‌عبى ژخانه‌قينێ بۆ كه‌لار وژوێرێ بۆ ده‌ربه‌نديخان برن).

گۆت ژى( ئه‌و هێزا حه‌شدا شه‌عبى چو ده‌ڤه‌را به‌مۆ وپاشى زڤرين). دياركر كو هه‌ر جهه‌كێ ئێكه‌تى لێ هه‌بيت، حه‌شدا شه‌عبى بێ شه‌رم هاتنوچوونێ تێدا دكه‌ت.

شه‌هاب حاجى قايمقامێ كه‌لار ژلايێ خوه‌ڤه‌ دياركر كو ئاگه‌ه ژهاتنا هێزه‌كا حه‌شدا شه‌عبى نه‌بوو هه‌تاكو هاتينه‌ سنۆرێ باژێرێ كه‌لار ول ده‌مێ هاتنا وێ، ژلايێ ئاسايشێ هاتمه‌ ئاگه‌هداركرن، دووپات ژى كر كو وى پشكدارى دچو كۆمبوونان دا نه‌كريه‌ بۆ ده‌ربازبوونا هێزا حه‌شدا شه‌عبى د كه‌لارێ را.

ئاشكراكر ژى ئه‌وهێزا حه‌شدا شه‌عبى، ژبلى هنده‌ك هاريكاريان، هژماره‌كا چه‌كداران دگه‌لدا بوو، ديسا به‌رپرسێ مه‌لبه‌ندێ خانه‌قين يێ ئێكه‌تيێ دگه‌ل بوو.