ئەڤرۆ نیۆز :
بەرپرسێ راگەھاندنا رێڤەبەریا پۆلیسێن پارێزگەھا دھۆکی ئەڤرۆ 17.1.2018 گرتنا دوو باندێن دزیێ یێن مەترسیدار ل دھۆکێ راگەھاندن،کو وان دزیکەران ل ھەولێرێ و سلێمانیێ دزی ئەنجامدابوون و ل دھۆکێ ھاتنە دەستەسەرکرن.
رائید ھێمن سلێمان بەرپرسێ راگەھاندنا رێڤەبەریا پۆلیسێن پارێزگەھا دھۆکێ راگەھاند ژی:باندەک کو ژچار کەسان پێک دھات ئێک ژوان ئافرەت بوو پشتی دزی ل ھەولێرێ و سلێمانیێ ئەنجامداین و ھاتینە دھۆکێ، دیسا ل ڤێرێ ژی دزی ئەنجامداینە،لێ ھاتینە گرتن.
نافهاتی گۆت ژی: پشتی چەندین وەلاتیان سکالا تۆمارکرین ل بنگەھێن پۆلیسێن نەھێلانا گونەھباریا ل دھۆکێ کو دزی ل تاخێن شندۆخا و دیاری و کەی ئار ئۆ،هەروەسا ل چەند مزگەفت و قوتابخانا دزی کرینە پۆلیسێن نەھێلانا گونەھباریا رابوون ب کومکرنا پێزانیان و دیفچوونا تاوانبارا ب ھەفکاریا پۆلیسێن ھەوارھاتنێ شیان پێنج تاوانبارن دەست نیشان بکەن و دەستەسەر بکەن.
بەرپرسێ راگەھاندنا رێڤەبەریا پۆلیسێن پارێزگەھا دھۆکێ ئەو ژی گۆتیە،ئەو تاوانبار راببوون ب شکاندان قاسا گوندێ فرنسی ل تاخێ شندۆخا دزینا چەند کەل و پەلێن گرانبھا و دزینا قاسا قوتابخانا ھەوکاری ل تاخێ دیاری کو سێ ملیون دینارێن مۆچەیێن ماموستایا تێدابوون و دزینا قاسا مزگەفتەکێ و دزینا چەند لاپتۆپ و ئامیرێن ئەنترنێتێ و کەلوپەلێن گرانبھا و دزینا ٧٣ کارتونێن جگارا ل بازارێ جگار فرۆشان ل دھۆکێ.
دیسا دیارکر ژی: باندەکێ دی یێ تاوانباران ھاتنە گرتن کو ژ چار کەسان پێک دھات، ئەوان تاوانباران ژی ل پارێزگەھا سلێمانیێ و ھەولێرێ و ل دووڤدا ل دھۆکێ دزی ئەنجامدان و ب شێوەیەکێ رێکخستی تاوانا خوە ئەنجامدا.
ھێمنی دازانین ژی پشتی ل ھەولێرێ و سلێمانیێ دزی کری ئەو هەر چار تاوانبار ھاتینە دھۆکێ و دزیکرینە و رەڤینە چووینە ھەولێرێ،لێ پۆلیسێن دھۆکێ ب رێکێن تایبەت شیان وان تاوانباران بینە دھۆکێ و دەستەسەر بکەن.
ل دووڤ گۆتنا ناڤبری،چەکێ کلاشینکۆف و ترۆمبێلەکا بی ئێم دەبلیو و تەکسیەکا نیسان ل گەلدا بوون و پشتی ھاتینە دەستەسەرکرن ل بەرامبەر ئەفسەرێ ڤەکولینێ دانپێدان ب تاوانێن خوە کرن و ھاتینە رەوانەکرن بۆ دادگەھێ.
ئه‌ڤرۆنيوز:
ل دووڤ خشتێ سه‌قايێ سوباهى پێنج شه‌مبى ل هه‌رێما كوردستانێ كو ژلايێ رێڤه‌به‌ريا گشتى يا كه‌شناسيێ وبيڤه‌له‌رزان هاتيه ده‌ركرن، پێشبينى دهێته كرن سوباهى به‌فر ل سه‌نته‌رێ باژێرێ دهۆكێ بباريت.
رێڤه‌به‌ريا گشتى يا كه‌شناسيێ دبه‌رپه‌رێ خوه ل سه‌ر تۆرا فه‌يسبووكى به‌لاڤكريه كو سوباهى دێ ل پارێزگه‌ها دهۆكێ تمام عه‌ور بيت ل گه‌ل بارانه‌كا ناوه‌ندى وبه‌فر دێ ل ده‌ڤه‌رێن چيايى باريت وئه‌گه‌رێ به‌فر بارينێ ل سه‌نته‌رێ پارێزگه‌هێ ژى يێ هه‌ى ب تايبه‌تى ب شه‌ڤێ.
ئەڤرۆ نیوز ،باسم قاسم شنگالی
ئەڤرۆ چارشه‌مبى 17 /1/2018 ێ کورتە فلمێ کەزەب كو بەرهەمێ تیپا گرعزێر یا شانۆیی و هۆنەری يه ل هەولێرێ هاتە نيشاندان.
سالم حسێن، بەرپرسێ تیپا گرعزێر بۆ ئەڤرۆ نیۆز گۆت” ئەڤرۆ فلمێ كه‌زه‌ب ل هۆلا كوليژاهۆنەرێن جوان ل هەولێرێ ب ئامادەبوونا مامۆستا و قۆتابیێن کولێژێ هۆنەرێ جوان هاتە نيشاندان”.
حسێن بتر گۆت، فلمێ کەزەب فلمەکی تراجیدیايێ يه ل سه‌ر وێ هێرشا درندانه‌يا تيرۆرستێن داعشێ يه، ژ نڤیسینا بەرپرسێ تیپێ و ژ دەرهینانا دەخیل جانۆ یە”.
ئه‌ڤرۆنیۆز ، ره‌مه‌زان هه‌رنى :
رێڤه‌به‌رێ راگه‌هاندنێ ل رێڤه‌به‌ریا گشتیا ڤه‌گوهاستنا هه‌رێمێ دیاركر،ئه‌ڤ ساله دێ پروژه‌یێ ب لوگوكرنا ته‌كسیێن پارێزگه‌هێن هه‌رێمێ كه‌ڤیته كار ژ پێخه‌مه‌ت ئاسنكارى كرنا ڤه‌گوهاستنا هاولاتیان ناڤبه‌را پارێزگه‌هێن هه‌رێمێ ده‌مه‌ك نزیك دێ لگویێ ته‌كسیا بۆ هه‌رپارێزگه‌هه‌كێ هێته‌دیاركرن كار پێ هێته كرن.
كاكه زیاد حه‌مه‌د رێڤه‌به‌رێ راگه‌هاندنێ ل رێڤه‌به‌ریا گشتیا ڤه‌گوهاستنا هه‌رێمێ بۆ ئه‌ڤرۆ نیۆز خویاكر ، پشتى چه‌ندین ئاریشه بۆ هاولاتیان دروست بووى ل ده‌مێ سه‌فه‌ركرنێ ل ناڤ پارێزگه‌هێن هه‌رێمێ بریار هاته دان كو لوگویه‌كێ تایبه‌ت بۆ ته‌كسیا بهێت دروستكرن ته‌كسێ بهێن جوداكرن هه‌ر پارێزگه‌هه‌كێ لوگویێ خوه‌یێ تایبه‌ت هه‌بیت.
ناڤبرى ته‌كه‌ز كر , هنده‌ك ته‌كسى ل ناڤخوه كاردكه‌ن و به‌لێ هه‌رده‌ما نه‌فه‌ر بۆ دروست بوون بۆ ده‌رڤه ژى كاردكه‌ت و ل ناڤبه‌را باژێر و باژێركان و پارێزگه‌هان پشتى لوگو بۆ ته‌كسیا دهێنە دیاركرن ئه‌و چه‌نده نامینیت، ته‌كسیێن هێلا ده‌رڤه ژى هه‌مان لوگو هه‌یه ب فه‌رمى و ژمارا هێلێ دێ شێن ب تنێ ل ده‌رڤه كاركه‌ن.
كاكه زیاد ئاشكرا كر ، بۆ نه‌هێلانا ئاریشێن سالێن بۆرى پروژه‌یێ ب لوگوكرنا ته‌كسیێن هه‌رێمێ كار لسه‌ر دهێتە كرن و ده‌مه‌ك نێزیك دێ كه‌ڤیت وارێ بجهئینانێ ته‌كسیێن نافخوه و ب ره‌نگ و لوگویێ جودا ل گه‌ل ته‌كسیێن ده‌رڤه دێ هێنه نیشانكرن ب مه‌به‌ستا رێكخستنا ڤه‌گوهاستنا هاولاتیان ل ناڤبه‌را پارێزگه‌هێن هه‌ریمێ و نوكه پروژه ل قوناغا ته‌مامبوونێ دایە و ب تنێ مایه بریار لسه‌ر قه‌باره و شێوازێ نڤێسینێ و لوگویێ سه‌ر ته‌كسیا بهێتە دان و بكه‌ڤیت وارێ بجهئینانێ ل هه‌موو كوردستانێ.
ئه‌ڤرۆنيوز:
دكۆمبوونا ئه‌ڤرۆ يا جڤاتا وه‌زيرێن هه‌رێما كوردستانێ دا، به‌حسێ پرۆژه‌كى بۆ گه‌هاندنا خزمه‌تێن خۆ بۆ هاولاتيان ب باشترين شێوه هاته كرن كو تێدا دێ ب شێوه‌كێ به‌رچاڤ رۆتين ل داموده‌زگه‌هێن حكومى هيته كێمكرن.
ل دووڤ مالپه‌رێ فه‌رميێ يێ حوكمه‌تا هه‌رێمێ، جێگرێ سه‌رۆك وه‌زيرێن هه‌رێمێ قوباد تاله‌بانى سه‌رپه‌رشتيا وى پرۆژه‌ى دكه‌ت كو دچارچۆڤێ پلانا چاكسازيا حوكمه‌تێ دا راپۆرته‌ك سه‌باره‌ت پرۆژێ (خزمه‌ت) به‌رچاڤكر ودياركر كو پێدڤيه حوكمه‌ت ب باشترين شێوه خزمه‌تين خوه بگه‌هينيته هاولاتيان، له‌وما ئه‌ڤ پرۆژه دێ حوكمه‌تێ رێكئێخيت وباشترين خزمه‌ت ژى دێ بۆ هاولاتيان هێته پێشكێشكرن”.
قوباد تاله‌بانى رۆهنكر ژى” ئارمانج ژ وى پرۆژه‌ى باشتركرنا ئاستێ خزمه‌تايه بۆ هاولاتيان وكێمكرنا رۆتينێ ل داموده‌زگه‌هێن حكومى”.
هه‌روه‌سا ئاماژه كر” حوكمه‌تێ پێداچوون دهه‌موو خزمه‌تێن خوه‌دا كريه كو هژمارا وان زێده‌تر ژ 442 خزمه‌تێن تايبه‌ت ب هاولاتيان ڤه و 279 جۆرێن خزمه‌تين گشتى ومه‌ره‌ما حوكمه‌تێ ژ ڤى پرۆژه‌ى سيسته‌مێ ئێكپه‌نجه‌ريێ په‌يره‌و بكه‌ت بۆ ب رێڤه‌چوونا مامه‌لێن هاولاتيان، هنده‌ك ژوان خزمه‌تان ژى دێ ب رێيا ئه‌نترنێتێ هێنه پێشكێشكرن”.
مالپه‌رێ حوكمه‌تا هه‌رێمێ به‌لاڤكر كو” پرۆژه يێ هاتيه ئاراسته‌كرن بۆ وه‌زاره‌تان تاكو دده‌مێ هه‌يڤه‌كێ دا ل پێناڤى زه‌نگينكرن وباشتركرنا وى، هزر وبۆچوون وتێبينيێن خوه ل سه‌ر بده‌ن وپاشى دێ ل جڤاتا وه‌زيران هێته په‌سه‌ندكرن وچيته دبوارێ بجهئينانێ دا”.
ئه‌ڤرۆنيوز:
دچارچۆڤێ گه‌را نه‌هێ ژخۆلا عيراقێ يا پلا ناياب ، ئه‌ڤرۆ چارشه‌مبى 17/1/2018 يانا زاخۆ ل به‌غدا تووشێ دوراندنێ بوو ل سه‌ر ده‌ستێ يانا ته‌له‌به ب ئه‌نجامێ 1-3.
گۆلێن يانا ته‌له‌به ل خۆله‌كێن (12، 44، 48) هاتن تۆماركرن وگۆلا ئێكانه يا زاخۆ ل خۆله‌كا 39 هاته تۆماركرن.
ب ڤى ئه‌نجامى ته‌له‌به گه‌هشته خالا 13 ول رێزا 8 دهێت وزاخۆ ب 4 خالان ل رێزا 19 وبه‌رى دووماهيێ دهێت.
يانا زاخۆ هه‌تا نوكه 9 يارى ئه‌نجامداينه كو د 4 ياريان دا وه‌كهه‌ڤ بوويه ود پێنج ياريێن دى دا هاتيه دوراندن.
ئه‌ڤرۆ نیوز، نه‌وزاد هۆرى:
ئێڤاریا ئه‌ڤرۆ ئاگر به‌ربوو ئێك ژ بازارێن مه‌زن ل سلێمانیێ .
ب گۆره‌ى زانیاریان ئاگر به‌ربوویه بازارێ بازرگانیێ بناڤێ عه‌لوا سلێمانیێ و تێدا زێده‌ترى 10 بازار ب ت‌مامى هاتینه سوتن و زیانێن مه‌زن گه‌هشتينێ و كه‌سه‌ك ژى برینداربوویه.
تیمێن به‌ره‌ڤانیا باژێرى شيان ئاگرى كونترۆل بكه‌ن و نێزیكێ دو مليۆن دولاران زیان ب وان بازاران گه‌هاندیه.
ب گوره‌ى زانیاریێن شاهد حالێن روودانێ ، ئاگر ژ ئه‌گه‌رێ شورته‌كێ كاره‌بێ درۆست بوویه.
ئه‌ڤرۆنيوز:
سه‌رۆكێ لژنا هێزێن چه‌كدار ل جڤاتا نوونه‌رێن ئه‌مريكى، ماك سونبيرى، راگه‌هاند، له‌شكرێ ئه‌مريكى ب شێوه‌كێ جدى نوكه مژوولى مه‌شقكرنێ يه بۆ شه‌رێ چاڤه‌رێكرى دژى كوريا باكوور.
سونبيرى ئه‌ڤرۆ چارشه‌مبى 17/1/2018، هيڤى خواست كو له‌شكرێ وه‌لاتى وى نه‌هێته نه‌چاركرن وێ به‌رهه‌ڤيێ بێخيته دره‌وشا بجهئينانێ دا.
ئه‌ڤرۆنيوز:
سه‌يه‌كێ هار دوهى ئێڤارى هێرشێ دكه‌ته سه‌ر زارۆيه‌كى و ب دژوارى بريندار دكه‌ت وب شێوه‌كێ بله‌ز دهێته هنارتن بۆ نه‌خوه‌شخانێ.
ل تاخێ ره‌وشه‌نبيرى ل باژێرێ هه‌ولێرێ، سه‌يه‌كێ هار هێرشێ دكه‌ته سه‌ر زارۆيه‌كێ هه‌شت سالى كو قوتابيه ل رێزا دويێ بنه‌ره‌تى وبريندار دكه‌ت.
وه‌لاتيه‌كێ وى تاخى دياردكه‌ت” دوهى ئێڤارى ئه‌و زارۆيه ل ده‌رڤه‌ى مالا خوه بو ل تاخى وسه‌يه‌ك نێزيكى وى دبيت وزارۆك ترسا وبزاڤكر ب ره‌ڤيت، به‌لێ وى سه‌يێ هار هێرش كر سه‌ر وب دژوارى برينداركر”.
گۆت ژى” جيرانه‌كێ وى زارۆكى دهێته ده‌رڤه وب تڤه‌نگێ وى سه‌يێ هار دكوژيت ووى زارۆكى قورتال دكه‌ت”.
نيشاندان