ئه‌ڤرۆنيوز:
پێله‌كا به‌فر وبارانێ ل هه‌فتيا بهێت دێ هه‌رێما كوردستانێ ڤه‌گريت وبه‌فر دێ ل هه‌ردو پارێزگه‌هێن دهۆكێ وسلێمانيێ باريت.
مالپه‌رێ www.accuweather.com يێ جيهانێ به‌لاڤكر كو ل رۆژا ئه‌ينيا داهاتى 19/1/2018، پێله‌كا به‌فر وبارانێ دێ هه‌رێما كوردستانێ ڤه‌گريت.
مالپه‌رێ ناڤبرى دياركريه ژى كو به‌فر دێ ل هه‌ردو پارێزگه‌هێن دهۆكێ وسلێمانيێ باريت ول رۆژا پاشتر 20/1/2018 دێ باران هێت وبۆ ده‌مێ چه‌ندين رۆژان يا به‌رده‌وامبيت.
ئه‌ڤرۆنيوز:
ل دووڤ پێزانينێن نوونه‌راتيا حوكمه‌تا هه‌رێما كوردستانێ ل به‌لجيكا وئێكه‌تيا ئورۆپى، وه‌زيرێ به‌رگريێ به‌لجيكا( سيڤن ڤانده‌بوت) ل به‌ربوو سه‌ره‌دانا به‌غداوهه‌ولێرێ بكه‌ت ب مه‌ره‌ما سه‌ره‌دانا هێزێن به‌لجيكى ل وان عيراقێ وكوردستانێ، به‌لێ حوكمه‌تا عيراقێ رێ نه‌دايێ سه‌ره‌دانا هه‌رێما كوردستانێ بكه‌ت.
دلاوه‌ر ئاژگه‌يى نوونه‌رێ حوكمه‌تا هه‌رێما كوردستانێ ل ئێكه‌تيا ئورۆپى دبه‌رپه‌رێ خوه ل سه‌ر تۆرا جڤاكى يا فه‌يسبووكى ئه‌ڤرۆ ئه‌ينيێ 12/1/2018 ئاشكراكر كو ژبه‌ر وێ چه‌ندێ، وه‌زيرێ به‌رگريێ به‌لجيكا بريار دا سه‌ره‌دانا خوه بۆ عيراقێ ب هه‌لوه‌شينيت.
ڤێ رفتارا حوكمه‌تا عيراقى به‌لجيكا دلگران كريه وباليۆزێ عيراقێ ل به‌لجيكا گازى وه‌زاره‌تا ده‌رڤه كر ژبۆ وى چه‌ندێ كو ب فه‌رمى رۆهنكرنێ ل دۆر وى بابه‌تى بده‌ت.
به‌رى نوكه ژى، حه‌يده‌ر عه‌بادى سه‌رۆك وه‌زيرێن عيراقێ، رێگرى ل وه‌زيرێ ده‌رڤه‌يێ ئه‌لمانيا كربوو كو سه‌ره‌دانا هه‌رێما كوردستانێ بكه‌ت.
ئەڤرۆ نیۆز ، زنار تۆڤی:
ئاژانسا ئانادۆل یا تورکی بەلاڤکریە کو ب ئەگەرێ وەرگەریانا پاسەکێ ل باژێرێ سلۆپیا ل باکۆرێ کوردستانێ 9 وەلاتیێن عێراقێ گیانێ خوە ژ دەستداینە و ٢٨ کەسێن دی ژى برینداربوون.
وی ئاژانسێ ئاماژە ب هندێ ژی دایە، کو ئەڤرۆ ئەینیێ پاسەک کو هژمارەکا وەلاتیان تێدابوو، ل سلۆپیا وەگەریایە و ب وی ئەگەرێ ژی 9 کەسان گیانێ خوە ژ دەستدایە.
هەروەسا مالپەرێ دەیلی سەباح یێ تورکی بەلاڤکریە،کو ئەو پاسە ل باژێرێ سلوپیا وەرگەریایە و لدووڤ زانیاریێن دەستپێکی، سێ ژ وان کەسێن گیانێ خوە ژ دەستداین زارۆکن و برینا دو ژ برینداران ژى یا گرانە،هەروەسا گوتیە ژى، پشتى گەهشتنا تیمێن هەوارهاتنێ بریندار ڤەگوهاستینە نەخۆشخانا سلۆپیا.
ئەڤرۆ نیۆز ، زنار تۆڤی:
وەکو دیار هەڤپەیمانیا نوری مالکی بۆ هەلبژارتنێن 2018 یێن عێراقێ هاتە ئاشکرا کرن کو ژ ٧ لایێن سیاسی پێکهاتیە و ئەو هەڤپەیمانیە ب سەرۆکاتیا نوری مالکی ب خۆیە.
هەڤپەیمانیا نوری مالکی کو ناڤێ وێ دولەتا یاسایە ژ حزبێن ( دەعوە، دوعات ئیسلام، بزاڤا نور، تەڤگەرا وەسەت،بزاڤا بەشائیر شەبابی، لیستا مەعەل قانون، حزبا مەدەنی، تەڤگەرا سەقافی وەتەنی پێکهاتیە.
ئەڤە ژى ددەمەکێدایە،کو د ماوێ چەند رۆژێن بوری دا، هندەک زانیاری ئاشکرابووینە کو ئاماژە ب وێ هندێ ددەن،کو حەیدەر عەبادی دانوستاندن ل گەل لایەکێ حەشدا شەعبی کریە ژبۆ کو پێکڤە ژ دەرڤەیێ لیستا دەولەتا یاسا لیستەکێ بۆ هەلبژاردنان پێک بینن.
هەروەسا هندی عەبادی ئەندامێ حزبا دەعوە بیت،نەشێت ژ دەرڤەی سیاسیەتا حزبا خوە لیستەکا سەربەخۆ دورست بکەت.
د هەمان دەمدا بریارە ل هەیڤا ئەیارا ئەڤ سالە، هەلبژارتنێن عێراقێ بۆ پەرلەمانی و جڤاتێن پارێزگەها بهێنە ئەنجامدان.
ئەڤرۆ نیۆز، تۆڤی:
ئەڤە چەند پێزانینەکن ل سەر رەنگێن رەسیفا و گرنگە هەموو شۆفێر بزانن،ژ پێخەمەت هندێ کو ترۆمبێلێن خۆ ل جهێن قەدەغە رانەوەستینن و نەهێنە سزادان،ئەو رەنگ ژی ئەڤەنە:
هەکە رەنگێ رەسیفی یێ زەر و رەش بیت،راوەستیان لێ قەدەغەیە.
لێ هەکە رەنگێ رەسیفی یێ سپی و رەش بیت،دروستە تۆ لێ راوەستی.
هەروەسا هەکە رەنگێ رەسیفی یێ شين و سپی بیت،ئەو بۆ جهێ هاتنا خوارا نەفەرانە ژ ترۆمبێلێن پاس و نەفەرهەلگر.
دیسا هەکە رەنگێ رەسیفی یێ سپی و زەر بیت،ب چو رەنگان نابیت تۆ لێ راوەستى.
ئەڤرۆ نیۆز،زنار تۆڤی:
شاندەکێ حوکمەتا هەرێما کوردستانێ ب سەرۆکاتیا نێچیرڤان بارزانی سەرۆکێ حوکمەتا هەرێما کودستانێ ل ڤاتیکانە ب مەبەستا کۆمبوونێ و دیدارێ ل گەل پاپا فرانچیس، پاپایێ ڤاتیکان و بریارە ئەو شاندە ل گەل وەزیرێ دەرڤە یێ ڤاتیکانێ کۆمببن.
شاندێ هەرێما کوردستانێ ل ڤاتیکان پێکهاتیە ژ نێچیرڤان بارزانی سەرۆک وەزیرێن هەرێما کوردستانێ، فوئاد حوسێن سەرۆکێ دیوانا سەرۆکاتیا هەرێما کوردستانێ و رێزان قادر نوونەرێ حوکمەتا هەرێما کوردستانێ ل ئیتالیا.
کۆمبوونا سەرۆک وەزیرێن هەرێما کوردستانێ و پاپایێ ڤاتیکان رۆژا ئەینی 12-1-2017 ل دەمژمێر 9:00 ب دەمێ ڤاتیکان و دەمژمێر 11:00 دێ ب دەمێ هەولێرێ بیت.
پەیوەندیێن دناڤبەرا هەولێر و ڤاتیکانێ دا پەیوەندیێن کەڤنن،ل سالا 2014 دا سەرۆک بارزانی، سەرەدانا ڤاتیکانێ کریە و چاڤ ب پاپای کەفتیە.
ئەڤرۆ نیۆز ، زنار تۆڤی:
موقەدەمێ مافپەروەر ئازاد تاها بەرپرسێ پشکا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:د روودانەکا ترافیکێ دا دو کەسان گیانێن خۆ ژ دەستدا و دو کەسێن دیتر ب گرانی برینداربووینە.
ناڤهاتی زێدەتر دادیارکرن:دوهی دەمژمێر (6:30) شەڤ ل سەر جادا سەرەکی یا پێشخابوور بۆ گرشینی و ل نێزیک گوندێ پێ بزنێ دوو ترۆمبیلا لیگدایە،کو ترۆمبێلەک ژ وان ئۆپل ئومێگا تایبەت یا رەنگێ مارونی بوو،ترۆمبێلا دیتر بارهەلگر تانکەر رەنگێ سوروسپی بوو.
موقەدەمێ مافپەروەر گوت ژی: د ئەنجامێ وێ روودانێدا دو کەسان گیانێ خۆ ژد ەست دایە،کو ئێک ژوانا پێشمەرگە بوو،دیسا د وێ روودانێدا ژنەک و زەلامەک ژی بگرانی بریندار بووینە،هەروەسا زیانیێن به‌رچاڤ یێن ماددی ژی ب وان ترۆمبێلان كه‌فتینە.
ئەڤرۆ نیۆز ،زنار تۆڤی:
قەیسی ئێكە ژ فێقیێن ب مفا بۆ تەندروستیا لەشێ مرۆڤی، چونكی رێژەیەكا زۆر ژ ڤیتامین و كانزایێن ب مفا تێدا هەیە، ھەروەسا پێكهاتەکێ بهێزی هەیە كو لەشی ژ نەخۆشیا دپارێزیت.
لدووڤ نووچەکێ کو ل مالپەرێ FOOD دا هاتیه بەلاڤکرن،تێدا بەحسێ مفایێن خوارنا قەیسیێ کەت و دبێژیت، لدووڤ وان ڤەکۆلینێن هاتینە ئەنجام دان بۆ قەیسیێ دەركەفتیه کو ئەڤ فێقیە یێ ب مفایە بۆ ساخلەمیا جەستەی ب گشتی.
ل ڤێرێ دێ بەحسێ چەند مفایێن قەیسیێ كەین:
قەیسی یا دەولەمەندە ب ڤیتامین A: ئێك ژ مفایێن قەیسیێ ئەوە،کو رێژەکا زۆر یا ڤیتامین A تێدایە،كو ئەڤ ڤیتامینە ژی هاریكاریا جەستەی دکەت،بۆ بهێزبوونا سیستەمێ بەرگریێ ل دژی چەندین جۆرێن نەساخیێن جیاواز،ژ بلی هندێ ڤیتامین A هاریكاریا چاڤان دکەت بۆ دیتنێ ب شێوەکێ باشتر.
قەیسی ب مادێن ریشالی یا دەولەمەندە:خوارنا قەیسیا هشککری یان سروشتی ژێدەرەکێ سەرەكییە بۆ بدەست ڤەئینانا ماددێ ریشالی یێ ب مفا،کو ئەڤ ریشالییە جەستەی چالاك دکەت و بەرگریێ ل دژی نەخۆشییان زێدە دکەت و ناهێلیت جەستە هەست ب بێتاقەتیێ بكەت.
قەیسی یا ب مفایە بۆ دلی: خوارنا قەیسیێ یا ب
مفایە بۆ دووربوون ژ نەخۆشیا دلی، هەروەسا ئەڤ فێقیە كۆلسترۆلێ خراپ ل لوولیێن خوینێدا کێم دکەت و دگوهۆریت بۆ كۆلسترۆلێ باش،كو ئەڤ كریارە دلی دپارێزیت ژ نەخۆشیا ب گشتی و جەلتەیا دلی بتایبەتی.
ئه‌ڤرۆنيوز:
ل سه‌ر وان ده‌نگوباسێن هاتينه به‌لاڤكرن كو ل هه‌رێما كوردستانێ ب هزاران كه‌س كارمه‌ندێن هێلا شه‌مه‌نده‌فه‌رانه وڤێ چه‌ندێ ل تۆرێن جڤاكى ده‌نگ ڤه‌داى، وه‌زاره‌تا ڤه‌گۆهاستنێ وگه‌هاندنێ ل هه‌رێمێ ده‌نگوباسێن هه‌بوونا 32 هزار كارمه‌ندێن هێلا ئاسنى ره‌ت دكه‌ت ودبێژيت” چو راستى دوى ده‌نگوباسى دا نينه”.
درۆهنكرنا وه‌زاره‌تا ڤه‌گۆهاستن وگه‌هاندنێ دا كو ل سه‌ر زارێ په‌يڤدارێ وێ (ئۆمێد محه‌مه‌د سالح) هاتيه به‌لاڤكرن، هاتيه” ده‌مێ چه‌ند رۆژانه دتۆرێن جڤاكى دا ده‌نگوباسه‌كێ بێ بنه‌ما ل دۆر هژمارا فه‌رمانبه‌ر وكارمه‌ندێن (هێلا شه‌مه‌نده‌فه‌رێ) ل هه‌رێما كوردستانێ هاتيه به‌لاڤكرن، بۆ به‌رچاڤكرنا پێزانينێن دروست وهوور بۆ وێ چه‌ندێ بۆ هه‌موو لايه‌كى رۆهن بيت، رادگه‌هينين:
ئه‌ڤرۆنيوز:
جڤاتا وه‌زيرێن هه‌رێما كوردستانێ رۆهنكرنه‌ك ل دۆر خانه‌نشينيا پلێن بلند دده‌ت ورادگه‌هينيت ئه‌وژى هه‌ڤشێوێ فه‌رمانبه‌رێن ئاسايى ل دووڤ ژيێ وان وسالێن خزمه‌تێ دێ هێنه خانه‌نشينكرن وب شێوێ كو نوكه ل به‌غدا كار پێ دهێته كرن.
سكرتاريه‌تا جڤاتا وه‌زيران ب نڤيسارا خوه يا هژمار213 ل 11/1/2018 كو ئاراسته‌ى سه‌رۆكاتيا په‌رله‌مانێ كوردستانى كرى، دبێژيت” هنده‌ك قانوونزانێن به‌رێز ته‌فسيرێن نه‌دروست دكه‌ن بۆ ده‌قێ (برگا ئێكێ ژمادێ سيێ ژ پرۆژێ قانوونا چاكسازيێ) كو يێ تايبه‌ته ب( خانه‌نشينيا وه‌زير وئه‌ندام په‌رله‌مان وخودان پلێن بلند ل هه‌رێما كوردستانێ) كو دبێژن مادا 37 ژ قانوونا خانه‌نشينيا فيدرالى ب بريارا دادگه‌ها فيدرالى يا هاتيه هه‌لوه‌شاندن وكار پێ ناهێته كرن وئه‌ڤ چه‌نده يا ل سه‌ر جڤاتا وه‌زيران وجڤاتا شورا ده‌ربازبووى”.
زێده‌تر هاتيه” بۆ راستڤه‌كرنا وێ شرۆڤا نه‌دروست، ئه‌ڤرۆ پشتى راوێژكرنێ ل گه‌ل جڤاتا شورا ب نڤيسارا هژمار 213 مه مه‌ره‌ما جڤاتا وه‌زيران بۆ په‌رله‌مانێ كوردستانێ رۆهنكر كو تنێ مه‌ره‌م ژئاماژه‌دان ب مادێ 37 بۆ دووباره‌نه‌كرنا ناڤێن خودان وه‌زيفێن بلنده نه‌كو حوكما مادێ يه وئه‌ڤ چه‌نده ژى چو كاريگه‌ريه‌كێ ل سه‌ر مه‌ره‌ما سه‌ره‌كى يا پرۆژێ قانوونێ نايت بۆ راگرتنا خانه‌نشينيا خودان وه‌زيفێن بلند ل هه‌رێمێ ب رێژه‌يا 80% مه‌قتوع ژ مووچه‌ى وده‌رماله‌ى ول شوونا وێ پێدڤيه ئه‌وژى وه‌كو فه‌رمانبه‌رێن ئاسايى ول دووڤ ژى وسالێن خزمه‌تێ بهێنه خانه‌نشينكرن وه‌كو نوكه ل به‌غدا كار پێ دهێته كرن”.
نيشاندان