ئەڤرۆ نیۆز ، زنار تۆڤی:
موقەدەمێ مافپەروەر ئازاد تاها بەرپرسێ پشکا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:ئەڤرۆ د روودانەکا ترافیکێ دا سێ کەس بووینە قوربانی.
ناڤهاتی زێدەتر دادیارکرن:ئەڤرۆ سێشەمبی ۲۰۱۸/۱/۹ و ل دەمژمێر ۱:۰۰ نیڤرۆ د روودانەکا ترافیکێ دا ل سنورێ قەزا ئاکرێ و ل نێزیك گوندێ شەرمن ترۆمبێلەکا ژ جۆرێ (بیکاب دێر ) یا رەنگ سۆر وەرگەریایە و د ئەنجامدا کەسەکێ گیانێ خوە ژ دەستدایە و دو کەسێن دی ژی د وێ روودانێدا برینداربووینە.
ئەڤرۆ نیۆز ، تۆڤی:
بۆ به‌ره‌ف پێشڤەچوونا ئاستێ رەوشەنبیری و په‌روه‌رده‌یی یێ ژنێن كورد،دڤێت خوە ژ هندەک ره‌فتارێن نەشرین بپارێزن و لاپه‌ره‌کێ نوو د ئاستێ تێگه‌هشتنا خوە دا هه‌ل بدەن.
مالپەرێ ده‌خله‌ك بەحسێ وان ره‌فتارێن نە بنەجه و نەشرین كرینه،کو ژنێن رۆژهه‌لاتا ناڤین هه‌نه،هەروەسا ژنێن كورد ژی هیچ بێبه‌ش نینن ژ وان ره‌فتاران و پێدڤیە دەست ژێ بەردەن، بۆ هندێ کو ئاستێ خوە یێ رەوشەنبیری پێ سه‌ر بێخن و خوە ژ قالبێ کەڤن بینه ژ ده‌رڤە.
ئەو رەفتارێن نەشرین یێن کو ل دەف ژنان هەین ئەڤەنە:
.به‌ردەرێ مالا وێ نیشانا پاقژیا وێیە، هه‌موو گاڤا ب پاقژی رابگره و بەرمایکێن مالا خوە ب باشی ل ناڤ سه‌لکا کلێشی دا هه‌لبگره،نەهێلە ئەو بەرمایک و گلێش بەلاڤە بیت.
. دەمێ تۆ گوهێ خوە ددەیە سترانەکێ، یان ژی تە ئاهه‌نگەک هه‌بیت، دلخۆش به، به‌لێ نابیت جیرانێن خوە بێزار بکەی، هه‌ول بده رێزێ ل ده‌وروبه‌رێن خوە بگری و تشتەکێ نه‌كه‌ی،کو مافێ به‌رامبه‌ریتە بهێتە خوارن.
. ل جهێ چاڤەرێبوونێدا تە ئارامی هه‌بیت و مافێ ئەوێن پشتی خوە و پێش خوە نه‌خۆی، هه‌موو گاڤا جهێ خوە د سرایێ دا بگره.
. دەمێ تۆ ل جهەکێ د ئاخڤی،رێزێ یێن ل به‌رامبه‌ری خوە بگره و گوهێ خوە ل بوچوونێن وان ژی بگرە، وەسا هزر نەکە کو ب تنێ تۆ یا راستی و ئه‌وێن دیتر هه‌موو چو نزانن.
. ئەم د‌زانین تۆ كه‌سەکا رەوشەنبیری و پەرتووکان دخوینی،ڤێجا بۆ خوە ده‌رخستنێ بیت یان بۆ هه‌ر تشتەکێ دیتر بیت،پەرتووک خواندن ل جهێن گشتیدا یا شرین نینە و ژ خوە ده‌رخستنێ زێدەتر، هیچ په‌یامەکێ ناگەهینیته ده‌وروبه‌رێن تە.
ئه‌ڤرۆنيوز:
جێگرێ سكرتێرێ گشتيێ ئێكه‌تيا مامۆستايێن كوردستانێ راگه‌هاند به‌رهه‌ڤيێن ليستا مووچه‌خۆرێن وه‌زاره‌تا په‌روه‌ردێ يێن ب دووماهى هاتين وبێ پاشكه‌فت دێ هێته هنارتن وئاشكرا ژى دكه‌ت كو رێژه‌ك دێ ژێ هێته برين.
عه‌تا ئه‌حمه‌د، جێگرێ سكرتێرێ گشتيێ ئێكه‌تيا مامۆستايێن كوردستانێ، ل دووڤ (كورديو) گۆت” پشتى مه پێداچوون دكارێن پێدانا مووچێ وه‌زاره‌تا په‌روه‌ردێ دا ژلايێ حوكمه‌تا به‌غدا ڤه كرى، بۆمه ده‌ركه‌فت كو كار ب ڤى شيوه‌ى ب رێڤه دچيت:
ل دووڤ پێزانينێن ئه‌ڤرۆنيوز رێژا 3،8 ژ مووچێ پتريا فه‌رمانبه‌رێن عيراقێ دهێته برين.
ئه‌ڤرۆنيوز:
ل دووڤ ڤه‌كۆلينه‌كا زانستى يا نوو، بكارئينانا به‌رده‌وام يا بێهخوه‌شێن بن كه‌فشان دبيته ئه‌گه‌رێ نه‌خوه‌شيه‌كا گران.
ل دووڤ وێ ڤه‌كۆلينێ، بێهنخوه‌شێن بن كه‌فشى (ئايۆنا ئه‌له‌منيۆمى) يا تێدا كو دبيته ئه‌گه‌رێ گرتنا مه‌سامێن پيستى، هه‌روه‌سا دبيته ئه‌گه‌رێ سه‌ره‌كيێ به‌لاڤبوونا شێرپه‌نجا سينگى وهنده‌ك ژ نه‌خوه‌شيێن ده‌ماران وه‌كو زه‌هايمه‌رێ.
ئەڤرۆنيوز:
تۆرا “فوكس نیوز” یا ئەمریكی، گۆتارەكێ نڤیسەرەكێ ئەمریكی بەلاڤكر كو تێدا داخوازێ ژ سەرۆكێ ئەمریكی ترامپی دكەت كو عیراقێ وسووریێ ولوبنانێ ویەمەنێ پارچە بكەت ب مەرەما بەهنگاریا پرۆژێ بەرفرەهبوونا ئیرانێ وەكو چاڤلێكرنەك بۆ سیاسەتەكا بەرێ كو ئەمریكا بكارئینای بۆ پارچەكرنا ئێكەتیا سوڤیەتێ.
نڤیسەرێ ئەمریكی “مایكل ماكوفسكی” دگۆتارا خوە دا داخوازا گوهۆرینا نەخشێ رۆژهەلاتا ناڤین دكەت وەكو ئامرازەك بۆ بەرهنگاریا ئیرانێ كو دخوازیت ل دەڤەرێ بەرفرەه ببیت وئیسرائیلێ ژناڤ ببەت.
ماكوفسكی كو رێڤەبەرێ پەیمانگەها جوهی بۆ ئاسایشا نەتەوی یا ئەمریكی یه دبێژیت” دەركەفتنا ئیرانێ یا جیوسیاسی گرنگترین ومەترسیدارترین پێشڤەچوونە ل سەدێ 21 وددەمەكی دا ستراتیژیەتا ئاسایشا نەتەوی یا نوو یا سەرۆكێ ئەمریكی ترامپی ، ئیرانی ب مەترسی ل سەر ئاسایشا نەتەوی یا ئەمریكی دهەژمێریت، بەلێ چو ستراتیژیەتێن بەرچاڤ نەكرینە كو تێدا پێنگاڤێن بەرهنگاریا مەترسیا ئیرانی یا زێدە ل دەڤەرێ دیار بكەت”.
وی نڤیسەری داخواز ژترامپی كر كو چاڤ ل سەرۆكێ ئەمریكی یێ بەرێ “رۆنالد ریگان” بكەت كو سیاسەتەكا هێرشبرنێ بكارئینای بۆ لاوازكرنا ئێكەتیا سوڤیەتی یا بەرێ كو ریگان ب رێیا وێ ستراتیژیەتێ پشتەڤانی ل هێزێن ناڤخوەیی یێن دژی شیوعیەتێ ل سەرانسەری جیهانێ كر.
گۆت ژی” پێدڤیە ئەڤرۆ ئەمریكا پشتەڤانیێ ل هێزێن داخوازا سەربخوەیێ وئازادیێ ژ كارتێكرنا ئیرانی دكەن بكەت وپێدڤیە ئەمریكا هەبوونا خوە یا لەشكری ل عیراقێ وسووریێ بهێلیت وپشتەڤانیا لەشكری بۆ هێزێن ناڤخوەیی ل وان هەردو وەلاتان بكەت وئەمریكا یا پێدڤی ب پشتەڤانیا هەڤپەیمانێن خوە ل دەڤەرێ هەیە ب تایبەتی ئوردن وئیسرائیل”.
دیاكر ژی” ئەڤ هەلویستێ هێرشبرنێ ب تنێ بەس نینە بۆ بەرهنگاریا ئیرانێ، بەلكو پێدڤیە ل سەر ئەمریكا دانپێدانێ ب عیراقێ وسووریێ ویەمەنێ ولوبنانێ بكەت دحالەتێن ئەو وەلات نوكە تێدا ئەوژی كیانێن دروستكری یێن فاشل ودبن دەستهەلاتا ئیرانێ دا وئیران مفایەكێ مەزن ژ ژناڤبرنا (خیلافەتێ) دیت بۆ چەسپاندنا هێز وكوننترۆلا خوە ل سەر وان هەر چار وەلاتان”.
ب دیتنا ماكوفسكی” مانا رەوشا وان وەلاتان وەكو نوكە هەی تنێ دخزمەتا ئیرانێ دایە وچو تشتێ پیرۆز ل دۆر سنورێن وان وەلاتان نینە وبێگومان نە رێزگرتنا داعشێ وئیرانێ بۆ وان سنوران نەگرنگیا وان سنوران دیار دكەت” خویا كر ژی” عیراق وسووریا ویەمەن ولوبنان كیانێن دروستكرینە دقۆناغا پشتی شەرێ جیهانیێ ئێكێ دا وئەو وەلات یێن دبن دابەشكرنێن نەتەوی – تایفگەری دا كو دەستهەلاتەكا حاكمەكێ دیكتاتور ئەو پێكڤە گرێددان”.
گۆت ژی”ژڤێرێ دیاردبیت كو لاوازیا ئیرانێ دزڤریت بۆ پشت بەستنا وێ ل سەر رژێمێن ستەمكار كو حوكمرانیا دەڤەرێن دبن دابەشكرنێن نەتەوی – تایفگەری دایە، لەوما پێدڤیە ل سەر ئەمریكا ڤێ لاوازبوونێ ل بەرچاڤ وەرگریت وپشتەڤانیێ ل وان هێزان بكەت یێن دژی دەستهەلاتا ئیرانێ ودخوازن ژ وەلات وپایتەختین خوە جودا ببن وئەنجامێ ڤێ چەندێ دێ هەبوونا كونفیدرالیێن ڤەكری، یان وەلاتێن نوو بیت”.
ئەو نڤیسەر نموونان دئینیت ل سەر پشتەڤانیێ ل پێكئینانا دەولەتەكا كوردی یا سەربخوە ل عیراقێ وراوەستاندنا پشتەڤانیا لەشكری ل بەغدا ئەوا دێ حوكمرانیێ ل فیدرالیەتەكێ بێ كوردستان كەت ودشیان دایە كونفیدرالیەك ل سووریێ بهێتە پێكئینان، یان هندەك وەلاتێن ژێك وەكو دەولەتەكا عەلەوی دبن دەستهەلاتا ئیرانێ ڤە ل كنارێن سووریێ ل سەر دەریا ناڤەراست ودەولەتەكا كوردی ل باكوورێ رۆژهەلاتێ سووریێ ودەولەتەكا عەرەبی سونی ل ناڤەراستا سوورێێ وتاكو ئەمریكا خوە دیاربكەت كو دژی شیعان نینە، دبیت پەیوەندیێ خوە ل گەل ئازرەبایجانێ باش بكەت، كو پتریا وەلاتیێن وێ شیعێن علمانی نە ونێزیكی ئیرانێ یە.
ئه‌ڤرۆنيوز:
كوربه‌ندێ جيهانى يێ ته‌پا پێ ليستا گرانترين 100 ياريكه‌ر دجيهانێ دا ئاشكراكر دئامارا خوه يا سالانه دا كو ل مه‌ها كانوونا دويێ ده‌ردكه‌ت.
ئه‌وا نه‌چاڤه‌رێكرى د وێ ليستێ دا، رێزبه‌ندا ياريكه‌رێ پورتۆگالى وستێرا ريال مه‌دريد (كريستيان رونالدۆ)ناڤ وێ ليستێ دا بوو كو ل رێزا 49 هات وبهايێ وى 80.4 مليۆن يورۆ بوون.
ياريكه‌رێ به‌رازيلى يێ يانا پاريس سان جيرمان (نيمار دا سيلڤا) ل ريزا ئێكێ هات ويێ ئه‌رجه‌نتينى ميسى ل رێزا دويێ هات ويێ ئينگليزى هارى كين ل رێزا سيێ هات.
ياريكه‌رێ ئيسپانى يێ يانا ريال مه‌دريد (ئيسكۆ) دوێ ليستێ دا وه‌كو بهاترين يارێكه‌رێن ريال مه‌دريد هاته دياركرن كو بهايێ وى 85،4 مليۆن يورۆ بوون ول رێزا 45 هات ئانكو به‌رى رونالدۆى ب چار رێزان هات.
10 ناڤێن ئێكێ دليستا بهاترين ياريكه‌رێن ته‌پا پێ ل جيهانێ ب ڤێ شێوه‌ى بوو:
ئه‌ڤرۆنيوز:
بهايێ په‌ترۆلێ ل بازارێن جيهانێ يێ به‌ر ب زێده‌بوونێ ڤه دچيت وبهايێ به‌رميلا په‌ترۆلا برنت گه‌هشته 68 دۆلاران كو بۆ جارا ئێكێ دسێ سالێن بۆرى دا دگه‌هيته وى بهاى.
چاڤدێرێن سياسى وئابوورى، ئه‌گه‌رێ بلندبوونا بهايێ په‌ترۆلێ دزڤرينن بۆ كێمكرنا رێژا فرۆتنێ كو ئه‌ڤ سياسه‌ته ژلايێ رێكخراوا ئۆپك يا وه‌لاتێن به‌رهه‌مئێنه‌رێن په‌ترۆلێ وهنده‌ك وه‌لاتێن دى وه‌كو رووسيا ڤه دهێته بكارئينان، زێده‌بارى خوه‌پيشاندانێن ئيرانێ وبه‌رده‌وامبوونا پرۆسا ده‌سته‌سه‌ركرنا هژماره‌كا شازادێن سعودى.
ئه‌ڤرۆنيوز:
كۆمپانيا فه‌يسبووك يا ئه‌مريكى، كو خودانا پرۆگرامێ تۆرا په‌يوه‌نديان (ماسنجه‌ر فه‌يسبووك)، دێ خزمه‌تگوزاريه‌كا وى پرۆگرامى ژكارئێخيت.
ل رۆژا دوشه‌مبى 8/1/2018، كۆمپانيا فه‌يسبووك، دراگه‌هاندنه‌كا فه‌رمى دا ئاشكراكر كو ل رۆژا 19/1/2018، خزمه‌تگوزاريا هاريكاريا كه‌سى (M) يا ماسنجه‌رێ فه‌يسبووكى، دێ ب شێوه‌كێ فه‌رمى هێته ژكارخستن.
خزمه‌تگوزاريا (M) بۆ وێ چه‌ندێ بوو، دناڤ ماسنجه‌رێ فه‌يسبووكى دا دشيان دابيت كه‌لوپه‌لان ژ بازارێن ئۆنلاين بهێن كرين، يان جهه‌كى ل خوارنگه‌هه‌كێ بۆ خوه دابين بكه‌ى وخوارنێ ژ خوارنگه‌هان بكرى، هه‌روه‌سا پلێتا فرۆكێ ژى ب رێيا ڤێ خزمه‌تگوزاريێ دهاته كرين.
كۆمپانيا فه‌يسبووكى ئه‌گه‌رێ داخستنا ڤێ خزمه‌تگوزاريێ ب رۆهنى ئاشكرا نه‌كريه، به‌لێ ئاماژه ب وێ چه‌ندێ كر كو بۆ باشتركرنا پرۆگرامێ خوه ئه‌و خزمه‌تگوزاريه دێ هێته داخستن، پێشبينى ژى دهێته كرن كو ل شوونا خزمه‌تگوزاريا (M)، ل داهاتى دا فه‌يسبووك خزمه‌تگوزاريه‌كا دى بۆ بكارئێنه‌رێن ماسنجه‌رێ فه‌يسبووكى به‌رده‌ست بكه‌ت.
پرۆگرامێ ماسنجه‌رێ فه‌يسبووكى ل سالا 2011 هاتبوو كاراكرن، نوكه ژى بكارئێنه‌رێن زۆر ل سه‌رانسه‌رى جيهانێ يێن هه‌ين، كۆمپانيا فه‌يسبووك خودانا وى يه، هه‌روه‌سا دهێته هژمارتن ئێك ژ باشترين پرۆگرامێن تۆرا په‌يوه‌نديان.
ئه‌ڤرۆنيوز:
ل هه‌فتيا داهاتێ كۆمسيۆنا هه‌لبژارتن وراپرسيان ل هه‌رێما كوردستانێ دێ پاقژكرنا تۆمارێن ده‌نگده‌ران راگه‌هينيت، به‌رپرسه‌كێ كۆمسيۆنێ ژى پێشبينيا ژێبرنا 100 هزار ناڤێن مريان ودووباره ژتۆمارا ده‌نگده‌ران دا دكه‌ت.
جوتيار عادل، ئه‌ندامێ كۆمسيۆنا بلند يا هه‌لبژارتن وراپرسيان ل هه‌رێما كوردستانێ دياركر كو كارێ وان بۆ پاقژكرنا ليستا ده‌نگده‌ران يێ به‌رده‌وامه ول هه‌فتيا داهاتى دێ كۆمسيۆن كارێن خوه ب دووماهى ئينيت وليستا ناڤێن زێده ودووباره ومريان دێ راگه‌هينيت كو د تۆمارێن ده‌نگه‌ده‌ران دا دێ هێنه ده‌ركرن.
جوتيار عادل بۆ رووداو دياركر كو ئه‌و پێشبينيێ دكه‌ت گه‌له‌ك ناڤێن زێده ودووباره ويێن مريان ژليستا تۆمارا ده‌نگده‌ران دا هه‌بن وگۆت” پێشبينيێ دكه‌م زێده‌تر ژ 100 هزار ناڤێن مريان ودووباره وزێده دتۆمارێن ده‌نگده‌ران دا هه‌بن، ئه‌و هه‌موو ژى دێ هێنه ژێبرن”.
ئەڤرۆ نیوز ، زنار تۆڤی:
دۆگلاس سلێمان بالیۆزێ ئەمریكا ل عێراقێ راگەهاندیە،کو وەلاتێ وی دێ 75 ملیۆن دۆلارێن دیتر بۆ سەقامگیریا عێراقێ تەرخان کەت،ب ڤێ چەندێ دێ سەرجەمێ هاوكاریێن ئەمریكا د سالا 2018 بۆ سەقامگیریا بارێ تەناهیێ گەهیتە 150 ملیۆن دۆلاران.
د بەیاننامەكێدا ئەڤرۆ سێشەمبی 9.1.201 ،کو بالیۆزخانا ئەمریكا بەلاڤکریە و راگەهاندیە،حوکمەتا ئەمریكا گۆژمێ 75 ملیۆن دۆلارێن دیتر ل سالا 2018 وەك هاریكاری بۆ سەقامگیریکرنا بارێ تەناهیێ دێ پێشكێشی عێراقێ کەت.
هەروەسا بالیۆزخانا ئەمریكا روونکریە،کو سەرجەمێ هاریكاریێن ئەمریكا ل سالا 2018 دگەهنە 150 ملیۆن دۆلاران و زێدەتر گوتیە،ژ سالا 2015 تا نوکە هاریكاریێن ئەمریكا بۆ سەقامگیریا بارێ تەناهیێ ل عێراقێ گۆژمێ 265 ملیۆن و 300 هزار دۆلار وەک هاریكاری پێشكێشێ عێراقێ كرینە.
هەروەسا گوتیە ئەڤ گۆژمێ هاریكاریان،دێ یێ هاریکار بیت بۆ دووبارە گەهاندنا خزمەتگوزاریێن سەرەكی وەك ئاڤێ و كارەبێ،هەتا خێزان بشێن ڤەگەرنە سەر دەڤەرێن خۆ.
سلێمان روونكریە ژی،کو هاریكاریێن ئەمریكا دێ د چارچۆڤێ بەرنامێ گەشەپێدانا نەتەوێن ئێكگرتیدا هێتە خەرجکرن و دێ ب رێیا ئاژانسا نێڤدەولەتی یا گەشەپێدانا ئەمەریكا (USAID) بیت.
نيشاندان