ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 9ى كانوونا دويێ 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1258 |
| 1 يۆرۆيێ ئه‌ورۆپى | 1510 |
| 1 ليرێ توركى | 330 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نيوز:
دکتور سالح مەلا عومەر شروڤەکارێ سیاسی بۆ رۆژناما ئەڤرۆ دیارکر خوەنیشادانێن ئیرانێ دەستپێکێ ژ وان بەرەیان دەست پێکر ئەوێن ل ھەلبژارتنێن بۆری ل ئیرانێ شکەست خواربوون و گوت: (ل باژێرێ مەشھەد دخواستن ھند ئاریشان بۆ روحانی دروست بکەن، ژ بەر کو ھەر ل دەستپێکێ خوەنیشادانا ل وێرێ دەستپێکر و دخواستن فشارەکێ ل سەر روحانی دروست بکەن، لێ گەندەلی و زۆلمەکا زور د ناڤ ئیرانێ دا ھەیە ژ بەر ڤێ یەکێ ھەر د زوو خوەنیشادان دناڤ ھەموو ئیرانێ دا بەلاڤ بوون).
ناڤبری ھەروەسا دیارکر سالا 2009 بزاڤا کەسک یا موسەوی و کەروبی دناڤا ھەلبژارتنان دا وەسا ھزر دکر کو سەختەکاری ھاتینەکرن کو موسەوی یێ دەرچووی یا بزاڤا کەسک سەرپەرشتیا وێ دکر ل 2009آ، وی دەمی موسەوی و کەروبی گرتن و زیندانکرن، خوەنیشادان ھاتنە کونترولکرن، لێ خوەنیشادانێن نوکە وەکو یێن 2009 نینن کو دابەشی بەرەیان بھێتەکرن، دیسان ئەم دشێین بێژین کو ئەڤ خوەنیشادانە یا سروشتیە کو دناڤ ھەموو خەلکێ ئیرانێ دا یا بەر بەلاڤە، ھند خەلک ھەنە یێن وەکو موجاھدێن خەلق و کورێ شاھی و ئەگەر ھەنە کو لایەنێن کوردی و ئۆپۆزسیۆنێن دێ یێن ژ دەرڤەی وەلاتی بزاڤێ بکەن د ناڤ ڤان خوەنیشادانا دا پشکدار بن کو دیار بکەن ئەو نوونەرێن راستەقینە یێن ڤان خوەنیشادانا نە دا کو پێگەھەکێ مەزن بۆخوە دناڤ ئیرانێ دا پەیدا بکەن.
دکتور سالحی زێدەتر گوت: (چو لایەنا ل ئیرانێ ھند ھێز و شیان نینن کو ھندە خەلکی بیننە سەر جادێ، ژ بەر کو ھەژاری و بێزاریا خەلکی یێ وە کری کو خەلک بخوە بھێتە سەر جادەیان، ب نێرینا من چو دەستێن دەرەکی ل پشت ڤان خوەنیشادانا نینن بەلکو ھند لێدوان ژ لایێ ھند سەرکردێن جیھانێ ھاتبنە دان بۆ نمونە سەرۆکێ ئەمریکا دبێژیت ئەم پالپشتیێ لێ دکەین بەلێ دەمێ ڤان خوەنیشادانا دەستپێکری ل سەر لێدوانێن چو سەرکردا دەستپێنەکریە، ئەڤ خوەنیشادانە دێ د دەمدرێژ بن ژ بەر کو حکومەتا ئیرانێ نەشێت داخوازیێن وان بجە بینیت.
دیار ژی کر کو کوردان چو رۆل نەبوویە د ڤان خوەنیشادانا دا و کوردان چو سیاسەتا سەرکەفتی ژی نەبوویە د ئیرانێ دا کو بەرنامەک ھەبیت دگەل لایەنێن سیاسی یێن ئیرانێ یێن ژ دەرڤە، لایەنێن کوردی ب خوە دگەل ئێک د ناکوکن و پێدڤی بوو وان ئەزموون ژ رابوریێ وەرگرتنبان، پێدڤیە کوردێن روژھەلاتێ کوردستانێ مفای ژ وان گورانکارێن دھێنە کرن وەربگرن، ھەروەسا پێدڤیە کورد ھشیارانە تەڤبگەرن ژ بەر کو ھەر دەستھەلاتەکا ل ئیرانێ بھێتە سەر کاری ھەر دێ ھەمان دژایەتیکرن ھەبیت دگەل کوردان دا، چونکو ئەقلیەت و زێھنیەتا ئیرانێ ل ھەمبەر کوردان یا وەسایە.
دکتوری ل دووماھیێ ژی گوت: (ئەڤ خوەنیشادانێن ل ئیرانێ دھێنەکرن دێ کارتێکرنەکا زورا مەزن ل سەر سیاسەتا بەغدا ھەبیت، ژ بەر کو ئەو پرۆژێ ئیرانێ ھیڤی دکر کو وەلاتەکێ ب ھێزە دێ بەرگیریێ ژ شیعێن عیراقێ و گەلەک وەلاتێن دێ کەتن بۆ وان ژی دیار بوو کو ئیران ژی وەلاتەکێ ھند یێ سەقامگیر نینە کو مەشروعیەت تیدا بیت نھا دیار بوو کو دێ گورانکاری د وەلاتێ ئیرانێ دا پەیدا بیتن، ب رەنگەکێ زور دێ کاریگەریێ ل سەر ھەموو شیعەیێن عیراقێ کەتن و دێ ل بەغدا دەستھەلاتێ ژ دەست دەن لەوما ژی پێدڤیە سیاسەتەکا نەرمتر بەرامبەری کوردان بکار بینن.
ئەڤرۆ نيوز:
بەرپرسەکێ ئەمریکی دیار کریە کو ئەو نھا بزاڤێ دکەن ئەو ئاخا ل ژێر دەستھەلاتا ھێزێن کوردی ل سووریێ وەکو دەڤەرەکا فەرمی و دەستھەلاتەکا سیاسی ل جیھانێ بدەنە نیاسین و نھا کارێن گرنگ ژی دھێنە کرن و ئەو یەک دێ کارتێکرنێ ل مافێ کوردان ل سووریا نوو دا کەت.
بەرپرسەکێ ئەمریکی کو نەخواستیە ناڤێ خوە ئاشکرا بکەت بۆ رۆژناما واشنتۆن پۆست یا ئەمریکی دیار کریە کو نھا بەرھەڤیێن تەمام بۆ ھندێ دھێنە کرن کو ئەو دەڤەرا ل ژێر دەستھەلاتا ھێزێن سووریا دیموکراتیک و ھێزێن یەپەگێ ل باکورێ سووریێ وەکو دەڤەرەکا فەرمی بھێتە نیاسین و چەندین وەلاتێن ھەڤپەیمانێ مە ژی دێ پشتەڤانیێ ل ڤێ بزاڤا مە بکەن، چونکو ئەو دەڤەرێن ل ژێر دەستێ ھێزێن کوردی و ھێزێن سووریا دیموکراتیک ل سووریێ ھەتا نھا ژی ب فەرمی ژ ئالیێ جڤاکێ نێڤدەولەتی وە نەھاتیە نیاسین و مە دڤێت ئەڤ پێنگاڤە بھێتە ھاڤێتن.
ھەمان بەرپرسێ ئەمریکی ئەو یەک ژی دیار کریە کو ئەمریکا ب ڤی رەنگی دخوازیت پێگەھەکێ فەرمی د ئاستێ جیھانێ بدەتە وێ دەڤەرێ و ھەروەسا رێگریێ ل ھێرشێن تورکیا و ھێزێن سووریێ بۆ سەر کوردان ژی بگریت، چونکو ھەکە کوردان ل سووریێ پێگەھەکێ خوە یێ فەرمی ھەبیت ھەر ئالیەک نەشێت ل گۆر کەیفا خوە ھێرشی کوردان بکەت و خالا دی یا گرنگ ژی مە دڤێت ئەو دەڤەرێن کوردان ب زەحمەتی ژ دەستێ داعشێ دەرخستی بھێنە پاراستن، ئەم دێ د بیاڤێ سیاسی و سەربازی دا بەردەوام ھاریکاریا کوردێن سووریێ بکەین.
ھەمان بەرپرسێ ئەمریکی ئەو یەک ژی دیار کریە کو د بۆدجا سالا نوو دا کۆژمەکێ باش یێ ھاریکاریان بۆ ھێزێن سووریا دیموکراتیک ھاتینە تەرخان کرن و ئەو ھاریکاری دێ وەسا کەت پێگەھێ وێ ھێزێ باشتر بیت و مە بەری نھا ژی ھۆشداری دایە رژێما سووریێ و تورکیا کو نابیت ھێرشی رۆژئاڤایێ کوردستانێ بکەن، چونکو شەرەکێ نوو ل سووریێ د بەرژەوەندیا چو ئالیان دا نینە.
چاڤدێرێن سیاسی ژی دیار دکەن کو پشتی روسیا، تورکیا و ئیران پێکڤە بریار دایی ل سووریێ بەرنامێن خوە بجە بکەن ئەمریکا ژی ل ھەمبەر بەرنامێ وان ھەر سێ وەلاتان دخوازیت پشتەڤانیێ ل ھێزێن سووریا دیموکراتیک بکەت کو پرانیا وان کوردن، چونکو ئەمریکا باش دزانیت تنێ ب رێیا کوردان و ھێزێن سووریا دیموکراتیک دێ شێت ل سووریێ خوە بجە کەت، ژ بەر کو پرانیا ھێزێن ئەمریکی یێن ل سووریێ نھا ل وان دەڤەران دا بجە بووینە کو ل ژێر کۆنترولا ھێزێن سووریا دیموکراتیک دانە و ھەکە پێگەھێ کوردان ل سووریێ ب ھێز بیت دێ ئەمریکا ژی بشێت ل سووریا نوو دا بەرژەوەندیێن خوە ب پارێزیت، ئانکو نھا پێگەە و بەرژەوەندیێن ئەمریکا ل سووریێ گرێدایی ب ھێزبوونا کوردانە و ژ بەر ھندێ ژی ئەمریکا بزاڤێ دکەت د ئاستێ نێڤدەولەتی دا کوردێن سووریێ پێگەھەکێ خوە یێ فەرمی وەکو ھەرێما کوردستانێ ھەبیت.
ئه‌ڤرۆ نيوز:
شرۆڤەکارەکێ سیاسی ئاماژە بوێ چەندێ دکەت، پێدڤیە کورد بۆ ڤێ قۆناغێ ب ھویری چاڤدێریا ھەلبژارتنێن داھاتیێن عێراقێ بکەن، و بۆ ھەلبژارتنێن داھاتی ناڤمالیا خوە رێکبێخن باشترە ژ وێ چەندێ چاڤێ مە ل گرێدانا ھەڤپەیمانییان ل گەل ھێزێن عێراقی بیت.
ئاسۆ کەریم، شرۆڤەکارێ سیاسی بۆ رۆژناما ئەڤرۆ گۆت” ھەر ژنوکە پێڤە شیعە یێ بزاڤان دکەن بۆ بدەستڤەئینانا پشتەڤانیێ بۆ ھەلبژارتنێن داھاتیێن عێراقێ یێ کو بڕیارە بھارا ئەڤسالە بھێنە ئەنجامدان، شیعە دخوازن زۆرترین کۆرسیێن پەرلەمانی بدەست خۆڤە بینن ھەروەکی نوکەژی زۆرترین کۆرسیێن پەرلەمانی یێن شیعەیێن عێراقێ نە، لەوڕژا پۆستێ سەرۆک وەزیرێن عێراقێ بەر عەرەبێن شیعە کەفتیە، لەوڕا پێدڤیە کورد ب ھشیاریڤە سەرەدەریێ دگەل ھێزێن عێراقی بکەن ، ژبەرکو بەری ھەلبژارتنان بەرنامە و کۆتلەیێن جودا پەیدا دبن و بۆ بدەستڤە ئینانا پشتەڤانیێ نابیت ھەرێما کوردستانێ ددەمەکێ زوودا بچیتە رێکەفتنێ دگەل چو لایەنێن عێراقێ بۆ پشکداریێ د ھەلبژارتنێن داھاتی، چونکە ئەم دزانین عەرەبێن شیعە لبن ھەر ناڤەکێ بچنە ھەلبژارتنان دوماھیێ د چوارچوڤێ ئێک ھەڤپەیمانی دا کار دکەن و بەرنامە و پلانێن وان ھەموویان ھەر ئێکن.
بڕیارە بھارا ئەڤسالە ھەلبژارتنێن پەرلەمانێ عێراقێ بھێنە ئەنجامدان و ھەر نوکە پشکەک ژ ھێز و سەرکردەیێن عێراقی ب مەرەما بدەستڤەئینانا پشتەڤانیا ھەرێما کوردستانێ ھەلویستێ خوە نەرمکریە ھەمبەر کوردا و چاڤدێرژی دبێژن، دڤێت کورد بۆ ھەلبژارتنێن داھاتی پشتەڤانیا ئەڤی لایەنێ عێراقی بکەن یێ مافێ وەلاتیێن ھەرێما کوردستانێ بدەت و بەرژەوەندیا مللەتێ خوە بەرچاڤ بگرن.
ئاسۆ کەریم دیارکر، ھەلویستێ ھەموو شیعە و عێراقێ بگشتی لدۆر پرسێن بنەڕەتی ھەر ئێکەبەرامبەر ھەرێما کوردستانێ، بەلێ ھەر کۆتلە و لایەنەکێ زێدەتر پشتەڤانیا کوردان بکەت پێدڤیە کورد ل ئەڤی لایەنی نێزیکبیت بۆ ھەلبژارتنان،ھەروەسا یا ژ ھەموویێ گرنگتر ئەڤە دڤێت کورد زێدەتر ئاگەھداری نافمالیا خوە بیت و خۆ رێکپێخیت نەک چاڤێ مە ل گرێدانا ھەڤپەیمانیێ بیت دگەل لایەنێن بیانی و دەرڤەی ھەرێما کوردستانێ،چونکە ئێکگرتنا نافخۆیا زێدەتر د بەرژەوەندیا مللەتێ مەدایە و ب ئێکگرتنا نافخۆیی دێ پتر مافێن خوە ل بەغداژی مسۆگەر کەین.
ئەڤرۆ نيوز:
شروڤەکارەکێ سیاسی و ماموستایێ زانکویێ دیارکر،کوردا گەلەک نەخوشی و کارەسات ب دەستێ حکومەتێن عیراقێ خوارینەو ھەرجار کوردا ڤیایە ب رێیا ئاشتی و گفتوگویێ بگەھن چارەسەرەیەکێ دوربن ل شەرو نەخوشیا بەلێ مخابن ھەرجار حکومەتا عیراقێ پشتی رێفراندوما سەربەخویا کوردستانێ حکومەتا عیراقێ جورە جینوسایدەکا ڤەشارتی بسەر کوردستانێ ئینا ب رێیا گرتنا فروکخانەو ئەو سزایێن بسەر کوردستانێ دا سەپاندی ھەرجار ب رێیا زمانێ گفتوگویێ حکومەتا عیراقێ دەمێ سزادانا کوردستانێ درێژ کریەڤە ھەتا گەھشتە وی رادەی حکومەتا کوردستانێ برێیا نەتەوێن ئێکگرتی و وەلاتێن زلھێزێن جیھانی داخواز ل حکومەتا عیراقێ بھێن کرن بەلێ ژبەر نزیک بۆنا ھەلبژاردنێن جڤاتا نونەرێن عیراقێ بەرپپرسێن عیراقێ ژبەر ترسا ھەلبژاردنا ھەمو جورێن گفتو گویێ قول نەکرن ھەتا گەھشتیە وی رادی نەتەوێن ئێکگرتی فشارێ ل حکومتا عیراقێ بکەن گفتوگویێ ل گەل کوردستانێ ئەنجام بدەن.
نەوروز مەعروف شروڤەکارێ سیاسی و ماموستایێ زانکویێ بۆ روژناما ئەڤرۆ خویاکر، باشترین دەلیڤە و کارتا گڤاشتنا نوکە بۆ حکومەتا عیراقێ دەستێ کوردان دایە داکو ھەمو مەرج و ئاریشێن ناڤبەرا کوردستانێ و عیراقێ بھێن چارە سەرکرن و گفتوگویێن بەردەوام بھێن ئەنجام دان ھەتا کوردستان دبیتە دەولەت چۆ جارێن دی ئەڤ جورە ئالوزی و ئاریشەیە دروست نەبنەڤە ژبەرکو ل ڤان رودانێن دووماھیێ کوردا زیانێن مەزنێن ئابوری وس یاسی و ئاستێ دبلوماسێ گەھشتنێ ژ پێخەمەت گرتنا دەرگەھێن سنورێ و فروکخانا گەلەک یا پێدڤیە کورد پشکداری ھەلبژارتنێن عیراقی ببن یێن داھاتی و وەک کارتەکا گڤاشتنا بکاربینن زو رازی نەبن ب پێکئینانا حکومەتەکا نو ھەتا ھەمو داخوازی و مافێن کوردا نەھێنە بجھئینان ل چارچوڤێ دەستورو قانونێ دا ژبەرکو ھەردەما کوردا پشتەڤانی ل دروستکرنا حکومەتەکێ کربیت ل عیراقێ ب زەرەرا کوردا ددەست ب پروژەیان کریە و ژیانا خەلکی نەخوش کریە زەرەرمەندێن ئێکێ ل ھەموو پێکھات و نەتەوێن ل عیراقێ کوردن .
ناڤبری دیارکرژی، رودانێن ڤێ دووماھیێ تایبەت 16 ێ ئوکتوبەرێ زیانەکا مەزن دێ ب کورسیێن کوردا گەھینیت ل خولا داھاتو یا عیراقێ ژبەرکو ھێشتا کوردێن ناوچەیێن کوردستانی یێن دەرڤەی ئیدارەیا کوردستانێ ل سنورێ مادەیا 140 ئاوارەنەو ئەگەر نەزڤرنەڤە ھەتا ھەلبژاردن دھێن کرن دێ ھژمارا کورسیێن کوردا ل جڤاتا نونەرێن عیراقێ گەلەک کێم بن و ب زیەرەرا کوردا ئەڤ ھەلبژاردنێن عیراقێ دوماھیک ھێن ئەگەر کورد پشکدار نەبن دێ کاریگەریەکا خراب و مەزڤن کەڤیتە سەر ئەنجامێن رێفراندومی ژبەرکو نوکە بۆ دەمەکێ وەختی ھاتینە راگرتن سرکرن ھەتا دەلیڤەیەا گفتوگویێ بۆ ئەنجامێ رێفراندومێ دەست پێدکەتەڤە پێدڤە کورد ب ئێکگرتی و پشکدارەیەکا ب ھێز بەرەڤ ھەلبژاردنێن داھاتو بچن و ھێزەکا مەزن نیشانا عیراقێ بدەن.
ئەڤرۆ نيوز:
پەرلەمانێ کوردستانێ ئەڤرۆ دێ کۆم بیت و تێدا دێ خواندنا ئێکێ بۆ پرۆژێ قانوونا چاکسازیێ د کارێ گشتی و مووچەی و خانەنشینیێ دا ھێتە کرن.
ئەو پرۆژە قانوونە ژ لایێ جڤاتا وەزیرێن ھەرێمێ پشتی پەسەندکرنێ بۆ پەرلەمانی ھاتبوو ھنارتن و پشتی خواندنا ئێکێ ل پەرلەمانی ل سەر دھێتە کرن، بۆ لژنێن پەیوەندیدار ل پەرلەمانی دێ ھیتە ئاراستەکرن.
ئەڤرۆ نيوز:
ئەحمەد دەمیر چاڤدێرێ سیاسی ل ئامەدێ راگەھاند کو ھندەک کۆمبوون د ناڤبەرا بەرپرسێن ھەدەپێ و پارتێن دی یێن کوردی وەک پارتا دیمۆکراتا کوردستانا باکور، رێکخستنا ئازادی و پارتا سۆسیالیستا کوردستانێ ھاتنە کرن و گۆت: (ل دووڤ زانیاریێن کو گەھشتینە بەر دەستێ من ئالیێن کوردی ل سەر لیستەکا کوردستانی ئانکۆ ھەڤپەیمانیا کوردستانی یەک دەنگن لێ ل سەر ھژمارا بەربژێرێن کو پارتێن دی یێن کوردی ژ بلی ھەدەپێ دەستنیشان بکەن ناکۆکن و ھەدەپە ناخوازیت ژ بلی یەک بەربژێر ژ ھەر پارتەکی کوردی چ کەسەکی ژ وان بکەتە د ناڤا لیستا ھەلبژارتنێ دا و بۆ ڤێ یەکێ ژی د قۆناغا نھا دا ھەڤپەیمانیا کوردان گەلەکا ب زەحمەتە).
ناڤبری دیار ژی کر ھەکە حوکمەتا ئاکپارتی ھەلبژارتنا باژێرڤانیان بکەتە پێشیا ھەلبژارتنێن پەرلەمانی و سەرۆک کۆماریێ دێ ھەدەپە بێی ھەڤپەیمانیێ پشکداریێ د ھەلبژارتنان دا کەت و گۆت: (ل دووڤ گەنگەشێن ل ھۆلا پەرلەمانی ئاکپارتی دخوازیت ھەلبژارتنێن باژێرڤانیان زوو بھێنە کرن و ل دووڤ ئەنجامێن ھەلبژارتنێ سیاسەتا خوە بۆ ھەلبژارتنێن پەرلەمانی و سەرۆک کۆماریێ دەستنیشان بکەت، ژ ئالیێ ھەدەپێ ژی سیاسەتەکا وەسا دھێتە مەشاندن و ھەدەپە دخوازیت ل دووڤ ئەنجامێن باژێرڤانیان بەرسڤا پارتێن کوردی بۆ ھەلبژارتنێن پەرلەمانی و سەرۆک کۆماریێ بدەت، ھەکە دەنگێن وێ د ھەلبژارتێن باژێرڤانیان دا بلند دەرکەڤیت و رازیبوونا خەلکی بدەستڤە بینیت ب چو رەنگی نێزیکی ھەڤپەیمانیەکێ ل گەل پارتێن دی یێن کوردی نابیت).
ئه‌ڤرۆ نیوز ، ره‌مه‌زان هه‌رنى :
په‌رله‌مانتاره‌كا كورد ل لیژنه‌یا مافێ مروڤی ل جڤاتا نوونه‌رێن عیراقێ خویاكر،حوکمه‌تا عیراقێ ب ره‌نگه‌كێ راسته‌وخو یا خوه ل ده‌ستورى ڤه‌دشێریت و دژى كوردا ب كارئینیت ئه‌وا ل راگه‌هاندنێ دا دبێژیت به‌لێ مخابن چۆ كارا پێ ناكه‌ت.
ئه‌شواف جاف په‌رله‌مانتاره‌كا كورد ل لژنه‌یا مافێ مروڤ ل جڤاتا نوونه‌رێن عیراقێ بۆ ئه‌ڤرۆ نیوز دیاركر،جوداهیا دناڤبه‌را كوردستانێ و عیراقێ بجهنه‌ئینانا ده‌ستوریه ژلایێ حوکمەتا عیراقێ ڤه كوردا باوه‌رى هه‌یه كو پێدڤیه هه‌مو ئاریشه ناڤبه‌را كوردستانێ و عیراقێ ب ده‌ستورى ب هێن بجهكرن به‌لێ مخابن حكومه‌تا عیراقێ دژى كوردستانێ ده‌ستورى ب كاردئینن.
ئه‌شواقێ خویاكر ژى، حوکمه‌تا عیراقى رێکێن دستوورى ب سیاسى ب كاردئینین ل گه‌ل كوردستانیان و هه‌ر ئه‌و ره‌فتارێن نه‌ده‌ستورى كوردستان و عیراق گه‌هانده ڤێ ره‌وشا نوكه كوردستان و عیراق تێدا ده‌رباز دبیت,حكومه‌تا كوردستانێ به‌رده‌وام ته‌كه‌زێ لسه‌ر گفتوگویێ دكه‌ت ب رێیا ده‌ستورى به‌لێ مخابن هه‌ر جدار ب بهانه‌یا نه‌قانونى و نه‌ده‌ستورى حكومه‌تا عیراقێ خوه ل گفتوگویێ ڤه‌شارتیه .
جاف ته‌كه‌ز كر ژی، ئه‌وا حوکمه‌تا عیراقێ ل راگه‌هاندنێ دا به‌حس دكه‌ت دووره ژ راستیێ و پێدڤیه بجهبینیت ل گه‌ل كوردستانێ و ده‌رگه‌هێ گفتوگویێ ڤه‌كه‌ت و هه‌موو ئاریشا چاره سه‌ربكه‌ت.
ئه‌ڤرۆنيوز:
ئه‌ڤرۆ دوشه‌مبى 8/1/2018 ئوسمان یونس جێگرێ پارێزگه‌رێ دهۆكێ سه‌ره‌دانا قه‌زا ئاكرێ كر ول گه‌ل مازن محه‌مه‌د سه‌عید قایمقامێ ئاكرێ سه‌ره‌دانا پرۆژێ سایلۆیا ئاكرێ ل ناحیا گرده‌سین دا و سه‌حكره قۆناغێن كاری كو ل سه‌ر رووبه‌رێ 15600م2 دهێته چێكرن و ژ 4 په‌نكه‌را ئانكو كارێن گه‌نمی پێك دهێت و شیان هه‌نه زێده‌تر ژ 12 هزار ته‌نێن گه‌نمی و جه‌هی هه‌لگریت و كاركێریا پارێزگه‌ها دهۆكێ كۆژمێ زێده‌تر ژ 810 ملیۆن دیناران بۆ ته‌رخانكریه و ژ دو قۆناغان پێك دهێت، قۆناغا گه‌هاندنا رێ و كاره‌بێ و قۆناغا دویێ چێكرنا سایلۆیێ و تا نوكه رێژا زێده‌تر ژ 90% هاتیه بجهئینان.
ددوڤدا جێگرێ پارێزگه‌رێ دهۆكێ و شاندێ دگه‌لدا سه‌ره‌دانا پرۆژێ رێيێن ناڤخوه‌یی ل تاخێن ئومه‌ر خوشا و شیڤه كرێ كر و سه‌حكره كاری دپرۆژه‌ی دا كو ژلایێ باژێرڤانیا ئاكرێ ب شێوه‌كێ راسته‌وخوه دهێته بجهئینان و كارگێریا پارێزگه‌هێ كۆژمێ 840 ملیۆن دیناران بۆ ته‌رخانكریه و درێژاهیا جادا 2150 م و ب فره‌هیا 20 م و تانوكه رێژا لا75% هاتیه بجهئینان. پاشی سه‌ره‌دانا پرۆژێ رێيا هژماره‌كا گوندێن كوركا و هه‌شتكا ل سنورێ ئاكرێ كرن كو دقۆناغا قێركرنێ دانه و ئه‌ڤ رێ دێ مفای گه‌هیننه زێده‌تر ژ 30 گوندان و پێك دهێت ژ ڤه‌كرنا رێ و تێكه‌له‌كرنێ و قێركرنێ و رێژا 75% هاتیه بجهئینان و كۆژمێ 322 ملیۆن دیناران ژلایێ پارێزگه‌ها دهۆكێ ڤه بۆهاتینه ته‌رخانكرن.
دداخۆیانیه‌كێ دا ، مازن محه‌مه‌د سه‌عید قایمقامێ ئاكرێ دیار كر كو ئه‌ڤ پرۆژه گه‌له‌ك دگرنگن بۆ قه‌زا ئاكرێ تایبه‌ت سایلۆ بۆ عمباركرنا ده‌خلودانێ ده‌ڤه‌رێ كو سالانه دبۆ ئاریشه بۆ جوتیارێن سنورێ ئاكرێ، هه‌روه‌سا هه‌ردو رێ بۆ تاخێن ئاكرێ و گوندێن ده‌ڤه‌رێ گه‌له‌ك دگرنگن و هاتنوچونا وان دێ گه‌له‌ك ب ساناهی تر لێهێت، چونكی رێ ده‌مارێت ژیانێ نه وچێكرنا رێيا ئانكو خوه‌شكرنا ژیانا وه‌لاتیان و ب ساناهی هاتنوچونا وانه و هاندانه بۆ ئاڤاكرنا گوندان و كه‌دا جوتیاریێ .
ئه‌ڤرۆنيوز:
سپێده‌يا ئه‌ڤرۆ دوشه‌مبى 8/1/2018 ئوسمان یونس جێگرێ پارێزگه‌رێ دهوكێ سه‌ره‌دانا لقا 9 یا پارتی ل سنورێ قه‌زا ئاكرێ دا و دهه‌ڤدیتنه‌كێ دا دگه‌ل صباح بیت الله به‌رپرسێ لقا 9 به‌حسێ پێدڤی و كێم و كاسی و گازندێن وه‌لاتیان هاته كرن، به‌رپرسێ لقێ داكوكی ل سه‌ر به‌لاڤكرنا گازا سپی ل سه‌ر وه‌لاتیان و هنده‌ك ئاریشێن دی یێن رێيێن گوندان كر.
ژلایێ خوڤه جێگرێ پارێزگه‌رێ دهوكێ به‌رهه‌ڤیا كارگێریا پارێزگه‌هێ بۆ چاره‌كرنا هه‌ر ئاریشه كا دشیاندا بیت دوپاتكر و دیار كر كو ل هه‌فتیا بهێت دێ ده‌ست ب به‌لاڤكرنا گازا سپی ل سه‌نته‌رێ باژێرێ ئاكرێ هێته كرن وب چه‌ندین قۆناغان هه‌تا ب دووماهی دهێت.
دداخویانیه‌كێ دا، ئوسمان یونس جێگرێ پارێزگه‌رێ دهوكێ دیار كر كو بریار هاتیه دان ل هه‌فتیا بهێت ده‌ست ب به‌لاڤكرنا گازا سپی بهێته كرن ل سه‌ر وه‌‌لاتیێن سه‌نته‌رێ باژێرێ ئاكرێ و ب چه‌ند قۆناغا هه‌تا ب دووماهى دهێت، هه‌روه‌سا گوت مه كۆمبوونه‌ك كر ل سه‌ر بابه‌تێ بهایێ پانزینێ و بریار هاته دان كو بهایێ وێ وه‌كی خوه بمینیت و چو زێده‌هی ل سه‌ر نه‌هێته كرن.
نيشاندان
