ئه‌ڤرۆ نیوز، نه‌وزاد هلۆرى:
جڤاتا وه‌زیرێن عیراقێ پرۆژێ بودجا عیراقێ بۆ سالا 2018 په‌سه‌ندكر و پشكا هه‌رێما كوردستانێ ژى ژ 17% بو 12.67% كێمكریه.
ل گوره‌ى ئه‌وان پێزانينێن كو ئه‌ڤرۆ نیوز ب ده‌ستخوڤه ئیناین ، جڤاتا وه‌زیرێن عیراقێ پرۆژه قانونا بودجا گشتى یا سالا 2018 په‌سه‌ندكر ب هه‌موو ئه‌وان برگه‌یێن نه ده‌ستوورى ڤه كو دژى به‌رژه‌وه‌ندیێن هه‌رێما كوردستانێ بوون ، ژ وان راكرنا ناڤێ هه‌رێما كوردستان- عیراق و د به‌رامبه‌ر دا پارێزگه‌هێن باكوورێ كوردستانێ هاتیه بكارئینان، كو ئه‌ڤ یه‌ك ژى سه‌رپێچیه ل سه‌ر مادێن 117 و 121 ژده‌ستوورێ عیراقێ.
پشكا هه‌رێما كوردستانێ ژ بۆدجا گشتي يا عيراقێ ژ 17% بۆ 12.67% هاتیه كێمكرن،هه‌ڤده‌م سه‌روك وه‌زیرێن عیراقێ (حه‌یده‌ر عه‌بادى) ژى هاتیه سه‌رپشككرن بۆ بلندكر و كێمكرنا پشكا بودجا هه‌رێما كوردستانێ.
ئەڤرۆنیۆز:
پەیڤدارێ سەرۆكاتیا كومارا توركیا، ئیبراهیم كالن، ئەڤرۆ ئێكشەمبی، راگەهاند توركیا ناخوازیت زیان بگەهنە وەلاتیێن هەرێما كوردستانێ، لەوما مە هنارتنا پەترۆلێ رانەوەستاند وئەم چاڤەڕێ دكەین داهات بچیتە بەغدا وپێدڤیە حوكمەتا عیراقێ 17% ژ بۆدجا گشتی بۆ هەولێرێ بهنێریت.
كالن ددیدارەكێ دا ل گەل كەنالێ NTV یێ توركی ل دووڤ سایتێ بەغدا پۆست گۆت” ل گەل ئەنجامدانا ریفراندۆمێ، مە هندەك پێرابوون ئەنجامدان وەكو راوەستاندنا گەشتێن ئەسمانی وهەلاویستنا پەیوەندیێن دو قولی ومە پرنسیبێ نەگەهاندنا زیانێ ب ئاكنجیێن هەرێمێ پەیرەوكر وهەتا ئەڤرۆ ژی دەرگەهێ ئیبراهیم خەلیل یێ ڤەكریە وبزاڤا بازرگانی یا بەردوامە ب رێیا وی دەرگەهی ژبۆ پێدڤیێن وەلاتیێن هەرێمێ”.
گۆت ژی” مە داخواز كریە دەرگەهێ سنۆری بهێتە رادەستكرن بۆ بەغدا، یان ژی ب شێوەكێ هەڤپشك بهێتە ب رێڤەبرن، هەرچەندە گەلەك بەحس ل سەر وێ چەندێ یا هەی، بەلێ هەكە هەردو لایەن گەهشتنە رێككەفتنێ، دێ ئەڤ دەرگەهە ڤەكری مینیت”.
خویاكر ژی” هەتا نوكە مە هنارتنا پەترۆلێ ب رێیا بۆریێن پەترۆلێ رانەوەستاندیە ول دووڤ دووماهی پێزانینان داهاتی دچیتە بەغدا ژی وپێدڤیە ل سەر بەغدا پشكا 17% ژ بۆدجا عیراقێ بۆ هەولێرێ ب هنێریت ومە ل بەغدا ژی گۆتە وان كو وێ میكانیزمێ بكاربینن”.
ئەڤرۆنیۆز:
ئەمریكا یا بەرهەڤیان بۆ شەڕەكێ مەزن دكەت كو دبیت ل پاشەرۆژێ بهێتە روودان وبۆدجەكا زەبەلاح دمەزێخیت بۆ پێشڤەبرنا چەكێن خوە یێن ئەتۆمێ وهێزێن ستراتیژی.
سایتێ (سپوتنیك) یێ رۆسی ب زمانێ عەرەبی بەلاڤكریە، ددەمێ 30 سالێن داهاتی دا، ئەمریكا دێ زێدەتر ژ ترلیۆن دۆلاران مەزێخیت بۆ پێشڤەبرنا چەكێن ئەتۆمی ونووكرنا چەكێن خوە یێن ستراتیژی وەكو فرۆكان و گەمیێن بن ئاڤ ومۆشەكێن بالیستی یێن كێشوەربر.
سایتێ ناڤبری دیاركریە ژی، ئەمریكا دسالێن داهاتی دا دێ 313 ملیار دۆلاران بۆ گەمیێن بن ئاڤ و 149 ملیار دۆلاران بۆ مۆشەكێن ستراتیژی و 266 ملیار دۆلاران بۆ فرۆكێن توبپارانكرنا گران و 44 ملیار دۆلاران بۆ سیستەمێن سیستەمێن چەكی یێن جورا وجور، دێ مەزێخیت ل دووڤ ئۆفیسا بۆدجێ ل كونگرسێ ئەمریكی كو ئەمریكا دێ وێ بۆدجا زەبەلاح مەزێخیت تاكو هێزێن وێ یێن ستراتیژی دبەرهەڤیەكا بەردەوام دابن بۆ هەر شەڕەكێ مەزن كو دبیت ددەمێ 20 سالێن داهاتی دا بهێتە روودان.
پشتی کومبوونا سەرۆکێ حکومەتا ھەرێما کوردستانێ نێچیرڤان بارزانی ل گەل پارێزگەە و سەرۆکێن جڤاتێن پارێزگەھێن ھەرێمێ کومبووی، چەندین خالێن گرنگ یێن پەیوەنداری ب بودجا ھەرێما کوردستانێ و موچێن فەرمانبەران ھاتنە بەحسکرن.
سەرۆکاتیا حوکمەتا ھەرێما کوردستانێ ل گەل پارێزگار و سەرۆکێن جڤاتێن پارێزگەھا و ئێدارە و دەڤەرێن ھەرێما کوردستانی کومبوون و رۆلێ پارێزگەە و جڤاتێن پارێزگەھان و ئیدارە دبیاڤێ ب رێڤەبرنا کاروبارێن وەلاتیان و رووب رووبوونا کێشە و قەیرانان دا بلندی ھاتە نرخاندن.
دوھی رێککەفتی 5/11/ 2017 ل ھەولێرا پایتەخت، سەرۆکاتیا جڤاتا وەزیرێن ھەرێما کوردستانێ ب ئامادەبوونا وەزیرێن ئالیێن پەیوەندیدار، ل گەل پارێزگەە و سەرۆکێن جڤاتێن پارێزگەھان و ئیدارا دەڤەرێن ھەرێمی یا کوردستانی کومبوون.
دڤێ کومبوونێ دا رۆلێ پارێزگەھا و جڤاتا پارێزگەھان و ئیدارە د بیاڤێ برێڤەبرنا کاروبارێن وەلاتیان و رووب رووبوونا قەیرانان ب بلندێ ھاتنە ھەلسەنگاندن، و داکووکی ل سەر وێ چەندێ ھاتە کرن، کو ئێکرێزی و ھەڤکاریا پارێزگەھان و جڤاتێن پارێزگەھان ل گەل دامۆدەزگەھێن پەیوەندیدارێن حوکمەتێ و وەزارەتان، تاکە رێیە بۆ دەربازکرنا رەوشا ئالۆزا نوکە ھەرێما کوردستانێ تێدا دەرباز دبیت.
د ھەمان کومبوون دا ھاتە دووپاتکرن، سیاسەتا حوکمەتا عێراقی ب روونی یا دیارە کو مەرەم ژێ ھەلوەشاندنا قەوارێ دستوورییێ ھەرێما کوردستانێ یە و نابیت بڕیارێن نەدستووری یێن حوکمەتا عیراقێ کارتێکرنا ل سەر پارێزگەە و جڤاتێن پارێزگەھان بکەت، ھەروەسا دیارکرن، ئەو بڕیار و رەنگە سەرەدەری یا ئەڤرۆیا حوکمەتا عیراقێ ل گەل ھەرێما کوردستانێ دکەت، نابیت ببیتە ئەگەرێ جودابوون و دروستکرنا کێشێن دناڤبەرا پارێزگەھێن ھەرێما کوردستانێ و حوکمەتا ھەرێما کوردستانێ دا.
ھەر دڤێ کومبوونێ رەوشا ئەڤرۆیا مووچەخورێن ھەرێمێ و بزاڤێن حوکمەتا ھەرێما کوردستانێ بۆ دابینکرنا مووچەی و بەھرا دارایی ھاتنە گەنگەشەکرن، داکووکی ل سەر وێ چەندێ ھاتیە کرن، کو حوکمەتا عیراقێ سەبارەت دابینکرنا مووچەێ پارێزگەھان دبێژیت، ب تنێ پڕوپاگندەکا سیاسیە و باشترین بەلگە ژی رەشنڤیسا بۆدجا سالا 2018 یا عیراقێ یە کو پشکا بودجا ھەرێما کوردستانێ تێدا ھاتیە دیارکرن، بتنێ ئەو پشک بەھرا پارێزگەھەکا ھەرێما کوردستانێ ژی ناکەت، بەغدا ب ڤێ سیاسەتێ دڤێت دووبەرەکیێ دناڤبەرا پارێزگەە و حوکمەتا ھەرێما کوردستانێ دا دروست بکەت.
ئەڤرۆنیۆز:
سایتێ CNN عەرەبی ئەڤرۆ، ئێك شەمبی، بەلاڤكر كو حەسەن نەسروللا سەرۆكێ حزبوللا یا لوبنانی راگەهاندیە دەست ژكاركێشانا سەعد حەریری سەرۆك وەزیرێن لوبنانێ ژ پۆستێ خوە. بریارەكا سعودی بوو و ل دەمێ سەرەدانا وی بۆ سعودیێ هاتە نەچاركرن دەست ژ كارێ خوە بكێشیت.
دوهی سەعد حەریری سەرۆك وەزیرێن لوبنانێ دچارچۆڤێ سەرەدانا خوە دا بۆ سعودیێ، دەست ژ كاركێشانا خوە ژ وى پۆستێ راگەهاندبوو و داخۆیانیێن توند دژی ئیرانێ وحزبوللا یا لوبنانی دابوون.
ئه‌ڤرۆ نيوز:
بڕيار بوو ئه‌ڤرۆ د ياريه‌كا گه‌را 11ێ ژ خولا نايابا ئيتاليا (سێريا ئه‌ى) د ناڤبه‌را هه‌ردو يانێن لازيو و ئودنێزى ب رێڤه بچيت، به‌لێ ژ ئه‌گه‌رێ خرابيا ره‌وشا سه‌قايى هاته پاشخستن. ئێكه‌تيا ته‌پا پێ يا ئيتاليا ژى هێشتا بڕيار نه‌دايه دێ ل چ ژڤان ئه‌ڤ ياريه هێته ئه‌نجام دان.
ژ ياريێن دى يێن ئه‌ڤرۆ ژ خولا ئيتاليا هاتينه كرن:
ڤيۆرنتينا 2-4 رۆما
كيڤۆ 0-0 ناپۆلى
يۆڤانتۆس 2-1 بينڤينتۆ
ئەڤرۆنیۆز:
سەرەرای وێ چەندێ كو هەموو كەس خەونان ب سەرەدانا هەموو جهێن چووینە دناڤ لیستا پاراستنا كەلتوورێ جیهانی یا یۆنیسكوی، بەلێ قەدەغەیە ئافرەت سەرەدانا ئێك ژوان جهان بكەن ئەوژی گزیرتا ئوكینوشیما یا پیرۆز ل چاپوونێ.
ل دووڤ رێنمایێن ئایینێ شنتۆ یێ چاپوونی، هەبوونا ئافرەتان ل سەر وێ گزیرتێ هەتاكو ب سەرەدان ژی قەدەغەیە و تنێ رێ ب 100 زەلامان دهێتە دان بۆ سەرەدانا وێ گزیرتێ درۆژەكێ ب تنێ دسالێ دا ئەوژی رۆژا 27 گۆلانێ یە ب مەرجەكی هندەك رێ ورەسمان ئەداكەن ل دووڤ ئایینێ شنتۆ. دیسا نابیت چو كەسەك بەحس بكەت كا چ دیتیە وگوه لێبوویە ل وێ گزیرتێ و نابیت چو تشتەك ژی بچیتە دەرڤەی وێ گزيرتێ، خو داڤەكا گیای ژی بیت !
نيشاندان