ئەڤرۆ نیوز،باسم قاسم شنگالی
پشتی گرتنا رێێا سەرەکی يا دهۆکێ بەرب باژێرێ مووسلێ بۆ ده‌مێ پتر ژ چار هەیڤان، ئه‌ڤرۆ جاره‌كادى هاته ڤه‌كرن.
سالم حسێن چالاکڤانێ مەدەنی بۆ ئەڤرۆ نیوز گۆت، ئه‌ڤرۆ رێيا دهۆك – مووسل هاته ڤه‌كرن و هاتنوچوونا وه‌لاتیان دەستپێکر.
حسێنی زێده‌تر گۆت، بریار ئه‌وه رۆژانه رێ ل ده‌مژمێر شه‌شێ سپێدێ بهێته ڤه‌كرن ول ده‌مژمێر پێنجێ ئێڤارى بهێته گرتن.
ئه‌ڤرۆ نیۆز ، ره‌مه‌زان هه‌رنى :
قائیمقامێ قه‌زا ئاكرێ خویاكر، شانده‌كێ جڤاتا پارێزگه‌ها دهوكێ ب سه‌ر په‌رشتیا فه‌هیم عه‌بدولا حه‌مو سه‌رۆكێ جڤاتا پارێزگه‌هێ و هژماره‌كا ئه‌ندامێن جڤاتا سه‌ره‌دانا قه‌زا ئاكرێ كرو ژ نزیك ڤه هایدارێ ره‌وشا پروژه‌یێن خزمه‌تكارى بۆ ل قه‌زایێ و ته‌كه‌ز لسه‌ر زێده‌تر خزمه‌تكرنا ئاكرێ كر كو دێ پتر هاریكاربن بۆ به‌رفره‌هكرنا پروژه‌یێن خزمه‌تگوزارى .
مازن محه‌مه‌د سه‌عید قایمقامێ قه‌زا ئاكرێ بۆ ئه‌ڤرۆ نیۆز دیاركر, ل كومبۆنه‌كێ دا ل گه‌ل سه‌روكێ جڤاتا پارێزگه‌ها دهوكێ باس ل هه‌مو وان پروژه‌یان هاته كرن كو هاتیه ئه‌نجام دان و نوكه د قوناغا بجهئینانێ دا ل گه‌ل گازنده‌و نه‌رازیبۆنا خه‌لكى مه گه‌هاندن سه‌روكێ جڤاتێ بۆ پتر خزمه‌تكرنا قه‌زا ئاكرێ تایبه‌ت بوارێن ئاڤێ و كاره‌بێ و ساخله‌میێ و په‌روه‌ردێ كو راسته‌و خو ڤان بواران په‌یوه‌ندى ب ژیانا روژانه‌یا خه‌لكى ڤه هه‌یه .
قایمقامێ قه‌زا ئاكرێ ئاشكرا كر ژى , سه‌روكێ جڤاتا پارێزگه‌ها دهوك سوزدا كارگێریا قایمقامیا قه‌زا ئاكرێ كو ده‌نگێ وان پێخه‌مه‌ت پتر خزمه‌تكرنا قه‌زا ئاكرێ ژلایێ پروژه‌یێن خزمه‌تكارى ڤه بگه‌هینیت جڤاتا وه‌زیرێن هه‌رێمێ ب مه‌به‌ستا بجهئینانى خواست كو راپورته‌ك لسه‌ر كێماسیان بهێت پێشكه‌شكرن ب مه‌به‌ستا چاره سه‌ركرنێ ل جڤاتا پارێزگه‌ها دهوكێ ئه‌وا دشیان دابیت پشته‌ڤان بن بۆ باشتر كرنا ژیان و ژیارا خه‌لكى.ب هه‌مو ره‌نگا پشته‌ڤانیا خوه بۆ قه‌زا ئاكرێ دیاركر كو سه‌ره‌راى بجهئینانا هژماره‌كا پروژه‌یان به‌لێ پێدڤى ب پروژه‌یێن زێده‌تر هه‌یه.
ئه‌ڤرۆنيوز:
حوكمه‌تا عيراقێ مووچێن هه‌ردو هه‌يڤێن 11 و12 يێن فه‌رمانبه‌رێن به‌نداڤێن هه‌رێما كوردستانێ مه‌زاختن.
ئه‌كره‌م محه‌مه‌د، رێڤه‌به‌رێ گشتيێ به‌نداڤێن هه‌رێما كوردستانێ، ئه‌ڤرۆ چارشه‌مبى 3/1/2018 دداخۆيانيه‌كا رۆژنامه‌ڤانى دا راگه‌هاند” بريارا مه‌زاختنا مووچێن فه‌رمانبه‌رێن به‌نداڤێن هه‌رێما كوردستانێ ژلايێ به‌غدا ڤه هاته بجهئينان وفه‌رمانبه‌رێن به‌نداڤێن هه‌رێمێ مووچێن هه‌ردو هه‌يڤێن 11 و12 وه‌رگرتن”.
ئه‌ڤرۆنیۆز ،ره‌مه‌زان هه‌رنى :
پشتى رێفراندوما سه‌ربه‌خویا كوردستانێ كومارا ئیسلامیا ئیرانى ده‌رگه‌هێن سنورى یێن حاجى ئومه‌ران باشماخ و په‌روێزخان گرتن پشتى چه‌نده‌كێ ده‌رگه‌هێ سنوریێ باشماخ ڤه‌كرو پشتى بورینا دوهه‌یڤا ده‌رگه‌هێن حاجى ئومه‌ران و په‌روێز خان ژى ڤه‌كرن.
نه‌بى سورچى شوفێرێ بار هه‌لگره‌كا هێلا سنوریه و بۆ ئه‌ڤرۆنیۆز گوت , ژیانا من و چه‌ندین كه‌سا لسه‌ر هێلێن سنوریه تایبه‌ت حاجى ئومه‌ران و ده‌مێ دو هه‌یڤا بۆ ئه‌م بێ كارمابۆین و زیانه‌كا مه‌زن به‌ر ب ژیانا مه كه‌فت پشتى رێ هاتیه ڤه‌كرن مه ده‌ست ب كارێ خوه‌یێ ڤه‌گوهاستنێ كریه چه‌ند بۆ ئه‌م بێ كار مابۆین ترومبێلێن مه‌یێن بارهه‌لگر مابۆنه راوه‌ستایێ به‌لێ پشتى ده‌رگه‌هێن سنورى ب فه‌رمى هاتیه ڤه‌كرن دێ ده‌ست ب كارێ خوه‌یێ ڤه‌گوهاستنێ كه‌ینه‌ڤه لسه‌ر سنورا بۆ ناڤ باژێرو باژێركێن كوردستانێ.
ئه‌حمه‌د قادر قایمقامێ قه‌زا چومان بۆ ئه‌ڤرۆ نیۆز دیاركر , ئه‌و ده‌مێ ده‌رگه‌هێن سنورى ناڤبه‌را هه‌رێما كوردستانێ و كومارا ئیسلامیا ئیرانێ هاتیه گرتن هه‌مو جورێن بازرگانیێ هاتبۆنه راوه‌ستاندن زیانه‌كا مه‌زن ب به‌ر خه‌لكى كه‌فت تایبه‌ت ئه‌وێن كارێ ڤه‌گوهاستنێ دكه‌ن ناڤبه‌را هه‌ردو وه‌لاتان ئه‌وێن لسه‌ر سنورا كه‌ره‌سته‌یا ڤه‌دگوهێزین به‌لێ پشتى بۆرینا 77 روژا ب فه‌رمى هه‌مو ده‌رگه‌هێن گرتى ناڤبه‌را كوردستانێ وئیرانێ هاتیه ڤه‌كرن كارێ ڤه‌گوهاستنێ و بارزگانی كرنێ ب فه‌رمى ده‌ستپێكریه ل سه‌ر سنوران خه‌لكى ده‌ست ب كارێ خوه كریه‌ڤه روژ بۆ روژێ كارێ بازرگانى و هاتن و چونا گه‌شتیارا به‌فره‌ه تر دبیت.
بۆزانین : كومارا ئیسلامیا ئیرانێ سێ ده‌رگه‌هێن سنورى یێن فه‌رمى و شه‌ش ده‌رگه‌هێن نه‌فه‌رمى هه‌نه ل گه‌ل هه‌رێما كوردستانێ , حاجى ئومه‌ران ل رویێ كارگێرى ڤه سه‌ر ب قه‌زا چومانه و ب دوریا 192 كلم ل روژهه‌لاتا هه‌ولێرێ قه‌زا چومان چار ناحیه هه‌نه و روبه‌رێ وێ 140 كم چارگوشه‌یه , 10% ده‌شته , 60% شاخه , 30% گركه , ژمارا گوندێن وێ 19 گونده و سالا 1976 بۆیه قه‌زا.
ئه‌ڤرۆنيوز:
سه‌رۆكێ ئه‌مريكى دونالد ترامپ، ئه‌ڤرۆ چارشه‌مبى 3/1/2018 راگه‌هاند، دده‌مێ گونجاى دا دێ گه‌لێ ئيرانێ مه‌زنترين پشته‌ڤانيێ ژئه‌مريكا بينن.
ترامپى د به‌رپه‌رێ خوه ل سه‌ر تويته‌رى به‌لاڤكر” من رێز بۆ خه‌لكێ ئيرانێ يێ هه‌ى كو ئه‌و بزاڤێ دكه‌ن حوكمه‌تا گه‌نده‌ل نه‌هێلن”.
ترامپى گۆت ژى” دده‌مێ گونجاى دا، دێ خه‌لكێ ئيرانێ پشته‌ڤانيا مه‌زن ژ ئه‌مريكا بينن”.
ئه‌ڤرۆنيوز:
سه‌رۆكێ جڤاتا نوونه‌رێن عيراقێ، نڤيساره‌كا فه‌رمى ئاراسته‌ى دادگه‌ها فيدرالى يا عيراقێ كريه بۆ هه‌لوه‌شاندنا وان بريارێن دژى هه‌رێما كوردستانێ ده‌ركرين.
پشتى 25ئه‌يلولا بۆرى كو دوێ رۆژێ دا هه‌رێما كوردستانێ ريفراندۆم بۆ سه‌ربخوه‌يا كوردستانێ ئه‌نجامداى، دادگه‌ها فيدرالى يا عيراقى چه‌ندين بريار دژى هه‌ريما كوردستانێ ده‌ركربوون.
سه‌ليم جبوورى، سه‌رۆكێ جڤاتا نوونه‌رين عيراقى، ئه‌ڤرۆ چارشه‌مبى 3/1/2018 دكۆنگره‌كێ رۆژنامه‌ڤانيدا راگه‌هاند” ب ديتنا دوى حاله‌تى دا كو ئه‌نجامێ ريفراندۆمێ هاته هه‌لاويستن، له‌وما ئه‌و بريارێن دادگه‌ها فيدرالى دژى هه‌رێما كوردستانێ ده‌ركرين، دێ هێنه هه‌لوه‌شاندن ودێ زگرين بۆ به‌رى 25 ئه‌يلولا 2017 ێ”.
جبوورى گۆت ژى”كێشێن هه‌لاويستى دناڤبه‌را به‌غدا وهه‌ريمێ ب رێيا لژنێن بسپۆر وته‌كنيكى دێ چاره‌سه‌ربن، هه‌ڤده‌م كێشه ب رێيا دانوستاندنێ دێ ب دووماهى هێن”.
سه‌رۆكێ جڤاتا نوونه‌رين عيراقێ ئاشكراكر ژى” بۆ ڤه‌كرنا ده‌رگه‌هێ دانوستاندنێ، شانده‌كێ په‌رله‌مانێ كوردستانێ دێ سه‌ره‌دانا به‌غدا كه‌ت”.
ئه‌ڤرۆنيوز:
برياره ئه‌ڤ شه‌ڤه شاندێ حوكمه‌تا هه‌رێمێ كو نوونه‌رێن هه‌ردو وه‌زاره‌تێن ساخله‌ميێ وپه‌روه‌ردێ بخوه‌ڤه دگريت، بگه‌هيته به‌غدا وسوباهى ل وه‌زاره‌تا پلاندانانا عيراقێ كومبوونا لژنا پێداچوونێ دمووچێن په‌روه‌ردێ وساخله‌ميێ دا ده‌ست پێ بكه‌ن.
ڤيان محه‌مه‌د رێڤه‌به‌را گشتى يا پلاندانانێ ل وه‌زاره‌تا ساخله‌ميا هه‌رێمێ گۆت”لستا ناڤێن فه‌رمانبه‌رێن هه‌ردو وه‌زاره‌تێن ساخله‌ميێ وپه‌روه‌ردێ دبه‌رهه‌ڤن وئه‌ڤ شه‌ڤه دێ به‌ر ب به‌غدا چين وسوباهى ل ده‌مژمێر 10 سپێدێ ئێكه‌م كۆمبوونا لژنا هووربينيێ دليستێن مووچه‌خۆرێن هه‌رێمێ ل وه‌زاره‌تا پلاندانانێ دێ هێته ئه‌نجامدان”.
ڤيانێ زێده‌تر بۆ نه‌وا گۆت”شاندێ هه‌رێما كوردستانێ تنێ هه‌ردو رێڤه‌به‌رێن گشتى يێن پلاندانانێ ل وه‌زاره‌تێن ساخله‌ميێ وپه‌روه‌ردێ بخوه‌ڤه دگريت”.
ئاشكرا كر ژى” ده‌ستهه‌لاتا تمام يا ب مه‌هاتيه دان كو رێ ب هه‌ر لژنه‌كا وه‌زارى يا حوكمه‌تا عيراقێ بده‌ين بۆ هووربينيێ وهه‌لسه‌نگاندنا هه‌موو رێڤه‌به‌رى ونه‌خوه‌شخانه وقوتابخانه وفه‌رمانگه‌هێن هه‌ردو وه‌زاره‌تێن ساخله‌ميێ وپه‌روه‌ردێ”.
ئه‌ڤرۆنيوز:
كۆمسيۆنا بلند يا هه‌لبژارتن وراپرسيان ل هه‌رێما كوردستانێ ژڤانه‌كێ ده‌ستپێكى بۆ ئه‌نجامدانا هه‌لبژرتنان دياردكه‌ت وئه‌ندامه‌كێ په‌رله‌مانێ كوردستانێ ژى دبێژيت ل 14 نيسانا 2018 دێ هه‌لبژارتن هێنه ئه‌نجامدان.
ئومێد خوشناو سه‌رۆكێ فراكسيۆنا پارتى ديموكراتى كوردستان ل په‌رله‌مانێ كوردستانێ، ئه‌ڤرۆ چارشه‌مبى 3/1/2018 ل به‌رپه‌رێ خوه ل سه‌ر تۆرا جڤاكى يا فه‌يسبووكى، به‌لاڤكر” كۆمسيۆنێ 14 نيسانا ئه‌ڤ ساله پێشنيازكريه بۆ ئه‌نجامدانا هه‌لبژارتنێن هه‌رێما كوردستانێ”.
ئومێدى زێده‌تر گۆت” ل دووڤ پێشنيازا جڤاتا كۆميساران، رۆژا 14/4/2018 دێ هه‌لبژارتنێن په‌رله‌مانێ كوردستانێ وسه‌رۆكاتيا هه‌رێما كوردستانێ هێنه ئه‌نجامدان”.
دياركرژى” ل نێزيكترين ده‌م دێ كۆمبوونه‌كا هه‌ڤپشك دناڤبه‌را په‌رله‌مانى وحوكمه‌تێ وكۆمسيۆنێ هێته ئه‌نجامدان وتێدا دێ بابه‌تێ ئه‌نجامدانا هه‌لبژارتنان وپێدڤيێن وێ هێته به‌حسكرن”.
ئه‌ڤرۆنيوز:
ئه‌ميندارێ گشتيێ به‌رێ يێ حزبوللا يا لوبنانى به‌حسێ خوه‌نيشانده‌رێن ئيرانى دكه‌ت وهه‌ڤده‌م ره‌خنه‌كا توند ل ده‌ستهه‌لات وكاربه‌ده‌ستێن ئيرانى دگريت.
سبحى توفه‌يلى، ئه‌ميندارێ گشتيێ به‌رێ يێ حزبوللا يا لوبنانى دبه‌رپه‌رێ خوه دا ل سه‌ر تۆرا جڤاكى يا تويته‌رى دبێژيت” برسيێن ئيرانى درژدترن ل سه‌ر خوه‌نيشادانێن ئاشتيانه، به‌لێ ده‌ستهه‌لات يا ئاژاوه‌گيريێ وكوشتاران دروست دكه‌ت وڤێ چه‌ندێ ب شێوه‌كێ سته‌مكارانه دئێخيته پال خوه‌نيشانده‌ران، بۆ وێ چه‌ندێ دا هێجه‌تا كوشتن وده‌سته‌سه‌ركرنا وان هه‌بيت، هه‌روه‌كو ل سووريێ ئه‌نجامداى”.
سوبحى توفه‌يلى زێده‌تر دبێژيت” بۆ خزمه‌ت وبه‌رژه‌وه‌نديا ئێك پارچه‌ييا ئيرانێ، پێدڤيه ئه‌و ده‌ستهه‌لاتا پير وپه‌ككه‌فتى نه‌مينيت وبچيت”.
ئه‌ڤرۆنیۆز ،ره‌مه‌زان هه‌رنى :
نازم كه‌بیر هه‌ركى جێگرێ سه‌رۆكێ لژنه‌یا نافخوه ل په‌رله‌مانێ كوردستانێ بۆ ئه‌ڤرۆ نیۆز دیاركر ،ل چارچوڤێ چاكسازیێن حكومه‌تێ پێداچونه‌ڤه دێ ب لیستێن موچه‌یێن زێره‌ڤانێن به‌رپرسا ژى هێنه كرن ئه‌وێن بندیوار بن و ده‌وامێ نه‌كه‌ن دێ ژ كارى هێنه لادان و موچه‌یێ وان هێته برین.
نازم هه‌ركى گوتژى : بریار ه پێدا چۆن ب لیستا چومێ زێره‌ڤانا بهێت كرن ل گورى قانونێ سه‌ره‌ده‌ریێ ل گه‌ل بهێت كرن و هه‌ربه‌رپرسه‌كێ چه‌ند زێره‌ڤا هه‌بن و نوكه بێ سه‌رو به‌ریه‌كا مه‌زن ب زێره‌ڤانێن به‌رپرسا ڤه‌دیاره پێدڤى ب چاكسازیێ هه‌یه گه‌له‌ك به‌رپرسا زێره‌ڤانێن بندیوار هه‌نه پێدڤیه چاكسازى ل وان بهێته كرن نوكه هه‌ر په‌رله‌مانتاره‌كێ بۆهاتیه دیاركرن كو ژبلى شوفێرى دوپاسه‌وان هه‌بن و نابیت ب چۆ ره‌نگا په‌له‌مانتارى ل دو زێره‌ڤانا زێده‌تر هه‌بن .
ناڤبرى دیاركر ،بۆ چاكسازى كرن ل لیستا موچه‌یێ زێره‌ڤانێ به‌رپرسا دێ دوڤچون هێته كرن و نابیت ب چۆ ره‌نگا زێره‌ڤانێن به‌رپرسا وه‌ك بیندوار موچه‌یى وه‌رگرن و یان دێ دێ هێنه كێم كرن یان ئه‌گه‌ر ده‌وانى نه‌ممه‌ت موچه‌یێ وان هێته برین و ژ كار لادان ,نابیت به‌رپرسه‌كێ هژماره‌كا زێره‌ڤانا هه‌بیت و ده‌وامێ نه‌كه‌ن دێ قانونا زێره‌ڤانێن به‌رپرسا هێته رێكخستن.
نيشاندان