ئه‌ڤرۆ نيوز:
ل دووڤ راپورتا رێڤه‌به‌ريا كه‌شناسيا هه‌رێمێ سوبه رۆژا 2 شه‌مبى، ره‌وشا سه‌قايێ دهۆكێ دێ ب تمامى ئه‌ور بيت ل گه‌ل هاتنا بارانێ و ل ده‌ڤه‌رێن چيايى دێ پتر باران هێت.
سه‌قايێ سوبه
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
ب ڤیدیۆ.. نیوزیله‌ندا چوو د سالا نوو دا
ئه‌ڤرۆ نیوز:
نیوزیله‌ندا وه‌ك ئێكه‌م وه‌لات پێشوازی ل 2018ێ كر و چوونه د سالا نوو دا.
ل باژارێ ئۆكلاند یێ نیوزیله‌ندا ل بلندترین تاوه‌رێ وی باژاری ب یاریێن ئاگری ده‌ستپێكا سالا نوو هاته راگه‌هاندن.
هه‌رچه‌نده گراڤێن ساموا و كریتیماتی و تۆنگا ل ئۆفیانوسێ ئارام ئێكه‌م جهن ل جیهانێ د چنه سالا نوو دا لێ وه‌ك وه‌لاتێ كو هه‌می چاڤان رادكێشیته خوه بۆ ده‌ستپێكا سالا نوو نیوزیله‌ندایه كو هه‌ر سال وێ یه‌كێ ب ئاهه‌نگێن مه‌زن دكه‌ت و ئه‌مریكا ژی وه‌ك داوی وه‌لات دچیته سالا نوودا.
چه‌ند تێکەلەیێن ب مفا بۆ دابه‌زاندنا پلێن گه‌رماتیا لەشی
ئەڤرۆ نیۆز ، زنار تۆڤی:
پلێن گه‌رمێ یێن لەشی ب چه‌ندان هۆكارێن جۆدا بلند دبن و ئه‌ڤەژی زیانێ دگەهینیتە لەشی،، هه‌روه‌سا هندەک ژ خەلکێ ده‌رمانان بكار دئینن بۆ دابه‌زاندنا پلێن گه‌رماتیا لەشی، به‌لێ تۆ دشێی ب بکارئینانا پێكهاته‌کێ سروشتی پلا گه‌رمیێ نزم بكەی.
ل دووڤ نووچەکێ کو ل مالپەرێ boldsky دا بەلاڤبوویە و بەحسێ چه‌ند شه‌ربه‌تان و چه‌ند تێکەلێن ب مفا دکەت،كو پێكهاته‌کێ بهێز هه‌یه و كۆنترۆلا بلندبوونا پلا گه‌رماتیا لەشی دكه‌ن،هندەک ژ وان ئەڤەنە.
1. شه‌ربه‌تا شوتی:ئێک ژ مفاترین ڤەخوارنان بۆ كێمكرنا پلێن گه‌رماتیا لەشی شه‌ربه‌تا شوتیه، چونكی پێكهاته‌کێ بهێز تێدا هەیه و گه‌رماتیا لەشی كۆنترۆل دکەت.
2.تێکەلکرنا ئاڤا لیمۆنێ و هنگڤینی: ئه‌ڤ هەردو پێكهاته ب مفانە و دێ هاریکاریا تەکەن بۆ كێمكرنا رێژا گه‌رماتیێ د لەشیدا، هه‌روه‌سا ل وه‌رزێ گه‌رماتیێ ژی دا دێ هاریکاریا تە کەت بۆ زێدەكرنا به‌رگریێ ل دژی گه‌رمێ.
3. شه‌ربه‌تا خیارا: ڤەخوارنا ڤێ تێکەلێ دێ هاریکاریا تە کەت،بۆ كێمكرنا رێژا پلا گه‌رماتیا لەشی، چونكی خیار 95% ئاڤه،لەورا دێ هاریكاریه‌كا باش بیت بۆ كێمكرنا گه‌رماتیا لەشی.
خونیشاندانێن ئیرانێ دێ گوھۆڕینێ پەیدا کەن
ئەڤرۆ نیۆز، سالار دۆسکی:
ھوشەنگ تاجر شارەزا دکارۆبارێن ئیرانێ دا بۆ ئەڤرۆ نیۆز گۆت: ل سالا 2009 ی خوەنیشادان ھاتنەکرن لێ ئەوا ئارمانجێن بەرتەنگ ھەبووینە، خونیشاندانێن نوکە جوداترن و ھەموو تەخ و چینێن جڤاکی ب خوەڤە گرتینە، بگشتی خەلک دژی سیاسەتا سەرۆک کوماری نە و داخازا ھەلوەشاندنا رژێمێ دکەن، ئەڤە جارا ئێکێ یە بڤی رەنگی پشتی 38 سالان ژ دەست ھەلاتێ خەلک دژی وی دراوستن و ئیران دێ ب ھەموو رەنگان بزاڤا سەرکوتکرنا خوەنییشاندانان کەت.
ھوشەنگ ئەو ژی گۆت: قوناغا گوھورینێ ژ ئیرانێ ژ ئەڤان خوەنیشادانا دێ دەست پێ کەت چونکە ھەموو ئیران گرتیە، بانور ل سەر ھەموو کوردان ھەیە و دێ پێگەھێ ھەرێما کوردستانێ بھێز کەڤیتە ڤە، دیسا بانور ل سەر رۆژئاڤا کوردستانێ دێ ھەبیت چونکە ئیران پالپشتێن سەرەکیێن رژێما سوریێ نە و ب نەمانا ڤێ رژێمێ دێ پێگەھێ وێ ئیرانێ ھێتە لاوازکرن.
ھوشەنگی ئەو دیارکر کو پێدڤی یە پارتێن کوردی ل رۆژھەلاتا کوردستانێ بەرەکی دروست بکەن، تایبەت ھەر دو پارتێن سەرەکی پارتی دیموکراتی کوردستان یا ئیرانێ، کومەلا زحمەتکێشان ل گەل پارتێن دی و بەرژوەدێن خوە یێن بچووک دانە ئالیەکی و ل سەر بەرژوەندێن نەتەوەیی کار بکەن.
ھەمان چاڤدێرێ سیاسی ئەو ژی گۆت: ل سالا 1979 باشترین دەلیڤە بۆ کوردێن رۆژھەلات ئیرانێ دروست بوو ، ژ نەبوونا بەرەکێ ئێکگرتی ئەو دەلیڤە ھاتە ژ دەستدان، دا ئەف شاشیە دوبارە نەبیت دڤێـ ئێکگرتی بن و دیسا ژبیرنەکەین وپزسیوونا ئیرانێ بھێتە سەردەست ھەلاتێ یا باشتر نابیت ژ دەست ھەلاتا نوکە و بتنێ دڤێت کورد مفایی ژ ئەڤێ گوھورینێ وەربگرن.
ئەو ژی گۆت: خونیشادلنێن نوکە نە رێکخستی نە و چ پارتی سەرکێشیا خوە نیشادانا ناکەن، دیسا ھەلویست و پشتەڤانیا ئەمریکا وێ چەندێ دگەھینت کو بەردەوام خەلک خوە نیشاندانا بکەت، ھەکە ئەمریکا پشتەڤانیێ بکەت دێ خەلک بەردەوام بیت.
ھوشەنگ تاجر زێدەتر ژی گۆت: ھەکە خوەنیشاندان بھێنە سەرکوتکرن ژی بتنێ ماوەکێ کێمە و جارەکا دی دێ سەرھلدەنە ڤە چونکە خەلک نەشێت بڤی سیستەمی بژیت و دڤێت ئەف سیستەمە بھێتە گوھورین.
ھێشتا گۆت: نوکە ھەر چار ئالیێن ئیرانێ خوە نیشاندان و پتریا باژێرێن مەزن دەست پێکرینە، بەردەوام تورێن جڤاکی دەمژمێر و جھێن خوە نیشاندانا دھێتەدیارکرن و خوە نیشاندانێن دھێنە دەستپێکرن.
بەرێ بازرگانێن ھەولێر کەفتیە دەرگەھێ ئیبراھیم خەلیل
ئەڤرۆ نیوز، سالار دۆسکی:
ئەیاد حەسەن سەرۆکێ ژوورا بازرگانی ل پارێزگەھا دھۆکێ بۆ ئەڤرۆ نیۆز گۆت: ب گرتنا دەرگەھێن سنوری ژ ئالیێ ئیرانێ ڤە، گرتنا فرۆکخانێن ھەرێما کوردستانێ ژئالیێ حوکمەتا بەغدا ڤە، بەرێ بازرگانێن ھەولێرێ ژی کەفتیە دەرگەھێ ئیبراھیم خەلیل و دھێنە پارێزگەھا دھۆک و تشتی دبەنە ھەولێرێ.
زدەتر ئەیادی گۆت: ھەر پارەک ژ بەغدا بھێتە ھەرێما کورستانێ، وەک دابینکرنا مووچێن فەرمانبەران دێ لیڤین کەڤیتە بازاری و دێ کارتێکرن ل سەر رەوشا ئابووری بگشتی و یا بازرگانی ھەبیت.
ئەیاد حەسەن ئەو ژی گۆت: ھەتا نوکە رێکا دھۆک مووسل نەھاتیەڤەکرن، ھەر تشتەکێ بازرگانی بھێـەکرن ژی ب رێکا ھەولێرێ دھێتەکرن.
ئەیاد حەسەن ئەو ژی دیارکر کو پارێزگەھا نەیەوا وەک دووەم مەزنترین باژێرێ عیراقێ دھێتە ھەژمارتن و پێدڤی ب ھەموو تشتەکی یە و ئەگەر رێکا دھۆک مووسل ھاتیا ڤەکرن دا رەوشا ئابووری بەر ب باشتر ڤە چیت و نوکە بازرگانێن ھەولێرێ پتر مفایی ژ ئەڤێ چەندێ دبینن.
سه‌رۆك بارزانی سالا نوو ل كوردستانییان پیرۆز كر
ده‌میرتاش ژ زیندانێ په‌یاما سه‌رسالێ به‌لاڤ كر
ئه‌ڤرۆ نیوز:
سه‌لاحه‌دین ده‌میرتاش هه‌ڤسه‌رۆكێ پارتییا دیمۆكراتیكا گه‌لان هه‌ده‌پێ، کو ژ چرییا دوێ یا ٢٠١٦ هه‌تا نها د زیندانێ دایه، په‌یاما سه‌رسالا 2018ێ ژ زیندانا ئه‌دیرنه به‌لاڤ كر.
ده‌میرتاش گۆتییه:
پێدڤییا مه‌ی یا هه‌ری سه‌ره‌كی ئاشتی، دیمۆكراسی، ئازادی و وه‌كهه‌ڤییه، ئه‌ز باوه‌رم د سالا 2018ێ دا ئه‌م دێ زێده‌تر نێزیكی ڤان ئارمانجان بین، بۆ وه هه‌موویان ساله‌كا خوه‌ش و گه‌ش دخوازم.”
ڤيديو: هونه‌رمه‌ندێن عه‌ره‌ب دێ ل ڤان جهان ئاهه‌نگا سه‌رێ سالێ گێرن
ب هه‌لكه‌فتا سه‌رێ سالا نوو ئه‌ڤ شه‌ڤه چه‌ندين جهان ئاهه‌نگ دێ هێنه گێران
ئه‌ڤرۆ نيوز، نيوار محه‌مه‌د سه‌ليم:
بڕياره ئه‌ڤ شه‌ڤه چه‌ندين ئاهه‌نگێن جه‌ماوه‌رى ل سه‌رانسه‌رى پارێزگه‌ها دهۆكێ بهێنه گێران و هه‌موو ژى گرێدايى كه‌رتێ تايبه‌تن و چو ئاهه‌نگێن فه‌رمى ژى ناهێنه گێران.
ل چايخانا كه‌وا ل دهۆك و ل ده‌مژمێر 10:00 شه‌ڤ دێ شه‌ڤبێريه‌كا فلكلۆى يا كوردى ب پشكداريا چه‌ندين هۆنه‌رمه‌ندێن ده‌نگبێژ بيت و د هه‌مان شه‌ڤبێرى دا دێ چيرۆك و سه‌رهاتى هێنه گۆتن و د گه‌ل چه‌ندين ياريێن كورده‌وارى. ئه‌ڤ ئاهه‌نگه دێ بۆ كه‌سێن دانعه‌مر و پێشمه‌رگێن شورشێن ئيلۆن و گۆلانێ بيت.
هه‌ر ئه‌ڤ شه‌ڤه ب هه‌لكه‌فتا جه‌ژنا سه‌رێ سالێ بڕياره ئاهه‌نگه‌كا هۆنه‌رى ل هۆلا سيڤه‌ر ل دهۆك ب پشكداريا هۆنه‌رمه‌ند عه‌بدولقه‌هار زاخۆى و چه‌ند هۆنه‌رمه‌ندێن دى.
ل سه‌رجاددێن ناڤ باژێرى ب تايبه‌ت جاددا گشتى يا نێزيك پانۆڕاما و جاددا 40 مه‌ترى دهێته پێشبينيكرن خرڤه‌بوونێن مه‌زن يێن جه‌ماوه‌رى بهێنه ديتن، د ده‌مه‌كى دا كو رێڤه‌به‌ريا گشتى يا ره‌وشه‌نبيرى و باژێرڤانيا دهۆك چو چالاكيێن فه‌رمى نينن.
ل هۆلا كرستيانان ژى ل دهۆكێ بڕياره ب هه‌لكه‌فتا سه‌رێ سالا نوو و ئاهه‌نگێن كريستمسێ ئاهه‌نگه‌ك بۆ مه‌سيحيێن پارێزگه‌ها دهۆكێ بهێته ئه‌نجام دان.
هه‌ردو هۆنه‌رمه‌ندێن به‌رنياسێن دهۆكێ ژى كاروان كامل و دلينار يه‌لدز دێ ئاهه‌نگه‌كێ ل باژێرێ هه‌ولێر ل ئۆتێلا هه‌ولێر يا نێڤده‌وله‌تى گێرن.
پولیسێن ھەولێر ئامارا روودانێن سالا 2017 راگەھاندن
ئەڤرۆ نیوز =، نەوزاد ھلۆری:
رێڤەبەریا پویسێن ھەوێرێ د کونگرەیەکێ رۆژنامەڤانی دا ئامارا روودانێن سالا 2017 راگەھاندن و ب گورەی ئامارا وان ئەڤ سالە چار ھزار و 739 کەس ھاتینە گرتن و رەوانەکرن بو دادگەھێ و ژ وانا کەسێن چوار ھزار و 323 کەسان ھاتیە ئێکلاکرن.
ھوگر عەزیز ئاخفتنکەرێ پولیسێن ھەولێر د کونگرەیەکێ رۆژنامەڤانی دا ل ھەولێر دیارکر کو رێڤەبەریا پویسێن ھەوێر ئەڤ سالە کار سەر سێ ھزار و 502 دوزێن قانونی کریە و ژ وانان 450 دوز نەھاتینە ئێکلاکرن ، و 299 کەس لگور مادێن 409 و 406 لسەر ماددێن کوشتنێ ھاتینە گرتن ، و دیسان 677 کەس ژی سەرا دزیێ ھاتینە گرتن).
زێدەتر گۆت: ( 182 کەس سەرا ھەرەشەیان ھاتینە گرتن ، و 503 کەس ژی سەرا قوتان و ئەشکەنجەدانێ ھاتینە گرتن ، و لسەر کوشتا دەین و قەران و کوشتنا سەر قەران ژی 94 کەس ھاتینە گرتن ، و لسەر تاوانێن ساختەکاریێ ژی 122 کەس ھاتینە گرتن ، و لسەر بنپێکرنا لسەر مولکێن دەولەتێ ژی 307 کەس ھاتینە گرتن و و لسەر روودانێن تەقەکرن و ئاژاوەگێریێ ژی ھزار و 196 کە سھاتینە گرتن).
د درێژاھیا ئاخفتنێن خودا دیارکر ژی کو ئەو کەسێن ھاتینە رەوانەکرن بو زیندانان ، ھژمارا وان چوار ھزار و 739 کەس بوون، ژ وانان چوار ھزار و 323 کەسان دوزێن وان ھاتینە ئێکلاکرن).
نيشاندان
WP Facebook Auto Publish Powered By : XYZScripts.com