ئەڤرۆ نیۆز ، زنار تۆڤی:
ئەڤرۆ ئێکشەمبی 31 کانینا ئێکێ 2017 بهایێ نەفتێ د بازارێن جیهانیدا بلند بوو،هەروەسا بهایێ بەرمیلەکێ نەفتێ گەهشتیە سەر 66 دۆلاران دا.
ئەڤرۆ دەمژمێر 9:30 خولەک بهایێ بەرمیلەکێ نەفتا برێنت بلندبوویە و گەهشتیه 66 دۆلاران و 87 سەنتان،ئەڤە د دەمەکێدایە کو د چەند رۆژێن بەری نوکە دا و پێش داخستنا بازاری،بهایێ بەرمیلەکێ نەفتا برێنت ب 66 دۆلار و 16 سەنتان بوو،هەڤدەم بهایێ بەرمیلەکێ نەفتا رۆژئاڤایێ تەکساس بلندبوویە بۆ 60 دۆلار و 42 سەنتان.
ئەڤرۆ نیۆز،زنار تۆڤی:
ب هزاران وەلاتیێن عەرەب یێن ناڤەراست و باشۆرێ عێراقێ بۆ ب سەربرنا رۆژانێن بهێنڤەدانا سەرێ سالێ،هاتینە هەرێما کوردستانێ.
نادر روستی،ئاخفتنکەرێ دەستەیا گشتی یێ گەشتوگوزارێ ل هەرێما کوردستانێ راگەهاندیە، پشکەک ژ گەشتیارێن عەرەب ب رێیا فرۆکخانێن نێڤدەولەتی یێن هەولێر و سلێمانیێ ژ بەغدا و نەجەف هاتینە کوردستانێ.
نادر روستی هەروەسا گوتیە،ژ بلی ئەوێن ب فڕۆکان سەرەدانا کوردستانێ دکەن،ب تنێ د ماوێ دو رۆژان دا 150 پاسێن گەشتیاران ژ ناڤەراست و باشۆرێ عێراقێ سەرەدانا شارێن هەرێما کوردستانێ کرینە.
ب مەرەما بۆراندنا رۆژێن بهێنڤەدانا سەرێ سالێ ل هەرێما کوردستانێ و ب ئەگەرێ ئارامیێ،کو هێزێن پێشمەرگەی و ئاسایشێ و هێزێن ئەمنی یێن دیتر بۆ کوردستانێ دابین کریە، ئەو گەشتیارێن ل شارێن خۆ نەشێن ب ئازادی و ب ئەگەرێ هەبوونا ترسێ ژ گرووپێن تیرۆریستی و چەکداران، نەشێن ئاهەنگێن سەرێ سالێ بکەن.
ئەڤرۆ نیۆز، تۆڤی:
هەلبەستڤان ئەدیب چەلکی دایە دیارکرن،کو ل رۆژا 20.11.2017 موزیکڤانێ ناسیارێ کورد و جیهانی مامۆستا دلشاد سەعید ل زانکۆیا موزارت ل باژێڕێ سالزبورگ ل وەلاتێ نەمسا گۆڤاناما دکتورایێ د موزیکا کوردی دا، ل سەر ناما خۆ یا ب ناڤنیشانێ (ڤەکۆلینەك لسەر موزیکا کرمانجی – زێدەتر بەرچاڤکرنا سترانێن رتمی) ب پلەیا گەلەك باش وەرگرت،هەروەسا بریارە ل دوماهیا سالا خواندنێ دا ل مەها خزیرانا 2018 ێ ئەڤ گۆڤانامە د ئاهەنگا تایبەتا دەرچوونێ دا بهێتەدان.
هەروەسا گوتیە،بێگومان ئەڤە ئێکەمین جارە ڤەکۆلینەکا هۆسا ئەکادیمی و گەلەك گرنگ و بەرفرەهـ لسەر موزیکا کوردی / کرمانجی د زانکۆیەکا ئورۆپی دا دهێتە ئەنجامدان،ل گەل هەڤبەرکرنا موزیکا کوردی دگەل یا جیرانێن کوردا و دەڤەرێ، گەلەك ڤاڤارتنێن جوان ل ناڤبەرا رەنگێن گۆڤەند و دیلانێن کوردی دا لسەر بنگەهێ رتما (رتما ئاوازێ) دڤێ ڤەکۆلینێ دا هاتینەکرن و تایبەتمەندی یێن موزیکا کرمانجی هاتینە دەسنشانکرن،مامۆستا دلشادی هندەك راستی یێن ڤەشارتی، دڤێ ڤەکۆلینێ دا ئاشکراکرینە و سەلماندی نە، کو دو ژێ ئەڤە نە: –
1- پرانیا موزیکا کرمانجی ب رەنگ و تایێن خۆ ڤە یا جودایە ژ موزیکا گەلێن رۆژهەلاتا ناڤین و دەڤەرا قەوقازێ، بەلکی کێمترین خالێن هەڤپشك هەنە دگەل موزیکا زاراڤێن دی یێن کوردی ژی.
2 . رتمەکا ئالۆزو غەریبا هەی ب ناڤێ (جورجینا) ل ناڤ کرمانجا و هندەك دەڤەرێن ل عیراقێ بکار دهێت، لێ پشتی دووڤچوونەکا باش، دیاربوو کو ئەڤە رتمەکا کرمانجی یە، ژبەر ڤان ئەگەران و گوت ژی:
ئێك : ل ناڤ کرمانجان ئەڤ رتمە گەلەکا بەلاڤە و گەلەک ژ مێژە دهێتە بکارئیینان، لێ ل هندەك دەڤەرێن عیراقێ ژ دەسپێکا سەدێ بیستێ هەتا ناڤەراستا وی بکارهاتیە و پشتی هنگی گەلەك کێم بکارهاتی یە.
دو : ل دەڤەرێن دی یێن عیراقێ، د سترانێن فولکلوری دا نەهاتیە بکارئینان، بەلکی تنێ د سترانێن نوی دا هاتیە بکارئینان. لێ ل ناڤ کرمانجان گەلەك بەربەلاڤە و ژمێژە د سترانێن فولکۆری دا هاتیە بکارئینان.
ئەڤرۆ نیۆز،زنار تۆڤی:
ئەمریکا پلانا سێ هەیڤێن داهاتی یێن شەرێ هەڤپەیمانیا نێڤدەولەتی ل دژی رێکخراوا تیرۆریستیا داعشێ ئاشکرا دکەت.
برێت مەکگۆرک هنارتیێ تایبەت یێ دۆنالد ترەمپێ سەرۆکێ ئەمریکا د هەڤپەیمانیا نێڤدەولەتی ل بەیاننامەکێدا راگەهاندیە،کو وەلاتێ وی هژمارەکا رێکارێن نوو ل رۆژئاڤا عێراقێ و رۆژهەلاتا سووریێ ل دژی داعشێ دێ گرتە بەر.
برێت مەکگۆرکی هەروەسا راگەهاندیە،ئەو رێکارێن نوو بۆ گەرەنتیکرنا دووبارە سەرهەلنەدانا داعشێ و رێکخراوێن تیرۆریستی یێن وەکی داعشێ نە.
هنارتیێ تایبەتی یێ سەرۆکێ ئەمریکا ل هەڤپەیمانیا نێڤدەولەتی ل دژی داعشێ ئاماژە ب وێ پلانێ دایە و گوتیە، ل سێ هەیڤێن ئێکێ یێن سالا 2018 ئۆپەراسیۆن دێ سەرنجێ ئێخنە سەر ژناڤبرنا داعشێ و پاشی سەقامگیرکرنا ڤێ دەڤەرێ،هەروەسا مەکگۆرکی راگەهاندیە،هێزێن ئەمریکا تا وی دەمێ ”دلنیا دبن ژ نافچوونا داعشێ“،دێ ل سووریێ مینن.
ئەڤرۆ نیۆز ، زنار تۆڤی:
جێگرێ سه‌رۆكێ فراكسیۆنا ئه‌حرار ئاشكرا دکەت،کو موقته‌دا سه‌در دێ بزاڤەکا سیاسى یا نوو راگەهینیت ب ناڤێ ئیستیقامه، هه‌ر دێ ب ڤێ بزاڤا ژی چیتە ناڤ هه‌لبژارتنان.
محه‌مه‌د هۆرى جێگرێ سه‌رۆكێ فراكسیۆنا ئه‌حرار د لێدوانەکا تایبه‌ت بۆ سایتێ شه‌فه‌ق راگه‌هاندیه،کو موقته‌دا سه‌در دێ بزاڤەکا سیاسى یا نوو ب ناڤێ ئیستیقامه را‌گه‌هینیت،دووپاتکریە ژی کو ئه‌ڤ بزاڤە دێ یا دوور بیت ژ تایفه‌گه‌ریێ و حزبایه‌تیا بەرته‌سك.
محه‌مه‌د هۆرى دووپاتکریە ژی،کو موقتەدا سه‌در ب ڤێ بزاڤێ دێ چیته ناڤ هه‌لبژارتنان،کو بریاره ل هەیڤا ئەیارا 2018 بهێنە کرن،هەروەسا گوتیە،بزاڤا نوو یا سه‌دری هیچ سیما و كه‌سایه‌تیەکێ ئه‌حرار تێدا نینه چونكی وه‌ك سه‌دری پێشتر ئاماژه بۆ كری، هیچ ئه‌ندامەکێ ئه‌حرار د هه‌لبژارتنێن داهاتیدا به‌شدار نابیت.
موقته‌دا سه‌در سه‌رۆكێ ره‌وتێ سه‌دره، ئەڤ ره‌وته ره‌وتەکێ ئاینى و سیاسی یێ عێراقێیه، موقته‌دا سه‌در پشتی كه‌فتنا رژێما به‌عس ل عێراقێ وه‌ك سه‌ركردێ ملیشیاتەکێ ل دژى هێزێن ئه‌مریكا راوه‌ستا،بەلێ پشتی هنگێ هاته ناڤ پرۆسا سیاسى و دوماهی جار قه‌وارێ ئه‌حرارى هه‌بوو،ئێکه ژ وان سه‌ركردێن سیاسی کو بانگه‌شه بۆ به‌رهنگاربوونا گه‌ندەلیێ دکەت و خۆنیشاندانێن ملیۆنى ل دژى گه‌نده‌لیێ ل به‌غدا سازكربوون.
ئه‌ڤرۆنيوز: ئه‌ياد
حوكمه‌تا هه‌رێما كوردستانێ پرۆژێ قانوونا تايبه‌ت ب پێداچوونا رێكخستنا خانه‌نشينێن مه‌ده‌نى وله‌شكرى په‌سه‌ندكر، هه‌ڤده‌م پشتى په‌سه‌ندكرنا وى پرۆژه‌ى، هاته هنارتن بۆ په‌رله‌مانێ كوردستانێ بۆ په‌سه‌ندكرنێ و پاشى بجهئينانا وى.
پرۆژێ قانوونا ناڤبرى ژ 9 مادێن پێكدهێت ويێ تايبه‌ته ب رێكخستن وپێداچوونا وان كه‌سێن ب نه‌قانوونى هاتينه خانه‌نشينكرن وپلێن تايبه‌ت پێ هاتينه دان.
ده‌قێ پرۆژێ قانوونا پێداچوون ورێكخستنا خانه‌نشينيا مه‌ده‌نى وله‌شكرى
مادا ئێك:
خانه‌نشينكريا مه‌ده‌نى دێ هێته هه‌لوه‌شاندن دڤان حاله‌تان دا:
مادا دو:
مادا سێ:
هه‌ر خانه‌نشينكريه‌كێ دژيانێ دا نه‌مابيت وموچێ وى ژلايێ ميراتگرێ وى بهێته وه‌رگرتن، ئه‌ڤ قانوونه ژوان دگريت.
مادا چار:
رێڤه‌به‌ريا خانه‌نشينى يا سه‌ر ب وه‌زاره‌تا پێشمه‌رگه‌ى ڤه دێ هێته هه‌لوه‌شاندن وهه‌موو باده‌كێن ده‌ستپێكى يێن خانه‌نشينكريێن (له‌شكرى ومه‌ده‌نى) ژوێ رێڤه‌به‌ريێ هێنه ڤه‌گۆهاستن بۆ سه‌ر ميلاكێ رێڤه‌به‌ريا گشتى يا خانه‌نشينيێ يا ب سه‌ر وه‌زاره‌تا دارايى وئابوورى ڤه.
مادێ پێنج:
وه‌زيرێ دارايى وئابوورى ده‌ستهه‌لات دێ هه‌بيت بۆ پێداچوونێ ب باده‌كا خانه‌نشينكريێن (له‌شكرى ومه‌ده‌نى) وراستڤه‌كرنا فه‌رمانا خانه‌نشينيا وان ب گۆره‌ى (استحقاق) قانوونى ودارايى ژرۆژا ده‌ركرنا فه‌رمانا نوو.
مادا شه‌ش:
حوكمێن ڤێ قانوونێ وه‌لاتيێن ناڤخوه وده‌رڤه‌ى هه‌رێما كوردستانێ ڤه‌دگريت
مادا حه‌فت:
كار ب چو ده‌قه‌كێ قانوونى يان برياره‌كێ ناهێته كرن كو به‌رۆڤاژى حوكمێن ڤێ قانوونێ بيت
مادا هه‌شت:
پێدڤيه ل سه‌ر جڤاتا وه‌زيران ولايه‌نێن په‌يوه‌نديدار حوكمێن ڤێ قانوونێ بجهبينن
مادا نه‌ه :
دێ كار ب ڤێ قانوونێ هێته كرن ژرۆژا ده‌ركرنا وێ ول رۆژناما وه‌قائيع كوردستان دێ هێته به‌لاڤكرن.
ئه‌گه‌رێن ده‌ركرنێ
ل پێناڤى رێكخستنا خانه‌نشينيا مه‌ده‌نى وله‌شكرى وهه‌لوه‌شاندنا خانه‌نشينيا وان كه‌سێن ژده‌رڤه‌ى قانوونێن كارپێكرى ل هه‌رێما كوردستانێ هاتينه خانه‌نشينكرن.
ئەڤرۆ نیوز،باسم قاسم شنگالی
ل باکۆرێ چیایێ شنگالێ گۆرەکێ دی یێ ب کۆم كو ب دەهان پاشمايێن ته‌رمێن کوردێن ئێزدی تێدانه هاتە دیتن.
چالاکڤانێ مەدەنی جەلال حەسەن ژ گوندێ بۆرک بۆ ئەڤرۆ نیوزگۆت” د ناڤبەرا گوندێن دوهلا و دوگرێ دا ل باکۆرێ چیایێ شنگالێ، گۆرەکێ ب کۆم یێ کوردێن ئێزدی یێن کۆمکوژییا سالا 2014 هاتە دیتن”.
جه‌لالى دا زانين ژى” نێزيکی 80 پاشمايێن ته‌رمان د ناڤ وی گۆری دا هاتنە دیتن و پتريا وان ژی ته‌رمێن ژنان بوون”.
ئەڤرۆ نیۆز،زنار تۆڤى:
بەری سێ رۆژان ئاگر به‌رببوو مالا وه‌لاتیه‌كێ ل گوندێ دێریشكێ ل ده‌ڤه‌را به‌روارى بالا و د ئه‌نجامدا مالا وى وەلاتی ب ته‌مامى هاتبوو سوتن و هه‌روه‌سا كچه‌ك ل گەل دایكا خوه ژى د وێ روودانێدا هاتبوونە سوتن.
ئەو روودان وەسا پەیدا ببوو دەمێ وێ ژنێ ب مه‌ره‌ما هه‌لكرنا سۆپێ گوتیه كوره‌كێ خوه یێ بچووك گازێ بینه دا سۆپا داران پێ هه‌ل بكه‌ین و وى كورێ بچووك ژى ل جهێ گازێ بانزین ئینایه و نه زانیه،لێ وێ ژنێ ئه‌و بانزین ب داران وه‌ركریه و ئاگر به‌ردایێ و ده‌ملده‌ست ئاگر به‌ربوویه مالێ و هه‌روه‌سا ئه‌و ژنك گه‌له‌ك نێزیكى سۆپێ بوویه،له‌ورا ئاگر به‌ربوویه وێ ژنێ و و دیسا كچه‌كا وێ یا د ژیێ 5 سالیێ ژى دا ئاگر به‌ربوویى،لێ هه‌ر زوو ئه‌و ژن و كچا وێ هاتینه ڤه‌گوهاستن بۆ نه‌خوشخانا سوتنێ ل پارێزگه‌ها دهۆكێ،دیسا نۆشدارێن نه‌خۆشخانا سوتنێ دیارکربوو کو رێژا سوتنا وێ ژنێ 65% بوویه،لەورا پشتی سێ رۆژان ئەو ژن مایە ل نەخۆشخانا سوتنێ ل دهۆکێ ئەڤرۆ گیانێ خۆ ژ دەستدا.
ئەڤرۆنیۆز، سالار دۆسكی:
ژڤانە سوباهى ئێك شەمبی 31/12/2017 ژ بەر قەیرانا دارایی ل هەرێما كوردستانێ هه‌ى ، كەنالەكێ ئەسمانی بهێتە داخستن.
هندرین محەمەد بەرپرسێ راگەهاندنا حزبا شيوعی یا كوردستانێ ئاشكراكر كو ژڤانە سوباهى ئێڤاری كەنالێ رێگا یێ ئەسمانی زمان حالێ حزبا شيوعی یا كوردستانێ ژ بەر قەیرانا دارایی بهێتە داخستن.
ئه‌ڤرۆنيوز:
رۆژنامه‌كا سعودى ئاشكراكر كو حوكمه‌تا عيراقێ پێشنيارێن ئێكه‌تيێ ل دۆر باده‌كێن هه‌لاويستى دناڤبه‌را به‌غدا وهه‌ولێرێ دا ره‌تكرن.
رۆژناما”عوكاز” يا سعودى دهژمارا خوه يا (7753) يا ئه‌ڤرۆ شه‌مبيێ 30/12/2017 به‌لاڤكر”ژێده‌رێن عيراقى يێن باوه‌رپێكرى دياركر كو هه‌موو پێشنيارێن شاندێ ئێكه‌تيێ ل دۆر بارودۆخێ پارێزگه‌ها كه‌ركووكێ ژلايێ حوكمه‌تا عيراقى ڤه هاتنه ره‌تكرن “.
وان ژێده‌ران بۆ رۆژناما سعودى دياركر ژى” حوكمه‌تا به‌غدا شاندێ ناڤبرى ئاگه‌هداركر كو ژچو بريارێن خوه ئه‌وێن ل دۆر هه‌رێما كوردستانێ وه‌رگرتن نازڤريت، وهه‌ر ئاخڤتنه‌ك ل دۆر ره‌وشا نوكه پێدڤى ب پێگيريێ پێكرنێ يه ب بريارێن په‌رله‌مان وحوكمه‌تا عيراقێ ودادگه‌ها فيدرالى”.
گۆت ژى” ئه‌و شاندێ پێكهاتى ژ هنده‌ك په‌رله‌مانتارێن كه‌ركووكێ ورزگار عه‌لى ئه‌ندامێ مه‌كته‌با سياسى يا ئێكه‌تێ وخالد شوانى ئه‌ندامێ جڤاتا سه‌ركردايه‌تيا ئێكه‌تيێ، داخواز ژ به‌غدا كر ده‌مێ بده‌ت ل دۆر بابه‌تێ گرێداى ب پرسا كه‌ركووكێ وده‌ڤه‌رێن دى يێن ناكۆكى ل سه‌ر هه‌ى وئه‌نجامدانا گه‌ره‌كا نوو يا دانوستاندنان”.
نيشاندان