ئەڤرۆ نيوز:
جێگری سەرۆکێ کۆمسیوونا بلند یا سەربەخوەیا ھەلبژارتنان ل عیراقێ دیارکر کو ژڤانێ دروستکرنا ھەڤپەیمانا دێ ھێتە درێژکرن، دیسا ئاشکراکر ژی کو ژڤانە حەفتیا بھێت قانوونا ھەلبژارتنان و بۆدجە بۆ ھەر دو ھەلبژارتنێن پەرلەمان و جڤاتێن پارێزگەھا پەرلەمانێ عیراقێ گەنگەشە ل سەر بھێتەکرن.

رزگار حاجی حەمە جێگری سەرۆکێ کۆمسیۆنا بلند یا سەربەخوەیا ھەلبژارتنان ل عیراقێ بۆ رۆژناما ئەڤرۆ گۆت: ھەموو پێدڤیێت ھەلبژارتنان ھاتینە دروستکرن و دیسا پلان ژی ھاتیە بەرھەفکرن و دیسا ژڤانێ دروستکرنا ھەڤپەیمانان ھاتیە دیارکرن، دیسان وکە کارێ ل سەر لیستا ناڤان دھێتەکرن ل ھەرسێ پارێزگەھێن ھەرێما کوردستانێ ژی، ناڤبری ئەو ژی ئاشکراکریە کو نڤسیارەک ئاراستەیی جڤاتا وەزیران کرینە ب وێ مەرەمێ کو سەردەری ل ھەلبژارتنان ل گەل ھەلەبچە بھێـتەکرن وەک پارێزگەە و ھێشتا دەم ماوە و دڤێت پلێتن ئازوقەی یێن وێ دەڤەرێ بھێنە جوداکرن.

ناڤبری ئەو ژی ئاشکراکر کو ھەلبژارتنێن داھاتی ل عیراقێ دێ جوداھی ھەبیت ژ ھەلبژارتنێن سالێن بوری چونکە گەلەک تشتێ پێشکەفتی تێدا ھەنە و گەلەک کەرستێن پێشکەفتی ب دەست مە کەفتی نە، ئامیرێ پاراستنێ ھەیە و دێ پلێتا دەنگدەری وێنە کەت و ھەموو پێزانینێن وی تێدا ھەنە و کەسەک نەشێت ل جھێ کەسەکێ دەنگێ خوە بدەت، دیسا سندوق ژ ئەلکترونی یە و ئەو بخوە ماوەکێ گەلەک کێم دا دێ دەنگ ڤاڤارت و کەسەک دەستکاریێ د سندوقێ دا ناکەت بۆ جوداکرنا ناڤێن بەربژێران یان قەوارێن سیاسی و ئەڤە ئامیرەکێ نوویە و پێشکەفتی یە و کەسەک نەشێت دەست کاریێ تێدا بکت، پێشتلا ئەنجام ب چەند رۆژان دەرکەتن ، لێ ئەڤجارە دێ گەلەک زوو ئەنجامێن ھەلبژارتنان یێن دروست دەرکەڤن.

ناڤبری ئەو ژی گۆت: مەژڤان دانابوو 21-12-2017 دەست پێ بکەت ژڤان بیت بۆ دروست بوونا ھەڤپەیمانان، لێ پێشبینی دھێتەکرن چەند رۆژ بھێنە زێدەکرن و بگەھیتە 25-12-2017 ھەتا 15-1-2017 بەردەوام بیت، دیسا 21 ھەیڤێ دڤێت قەوارێن سیاسی لیستێن خوەیێن بەربژاران رادەستی کومسیوونێ بکەن.

ھێشتا گۆت: بۆدجە بۆ ھەلبژارتنان ئەم داخاز دکەین ل دووف پێدڤیێن خوە و پلانا دانین، نە ئەنجوومەنێ وەزیران دێ بوومە تەرخان کەت، نوکە چاڤەرێی پەرلەمانێ عیراقێ دکەین کو دەنگی ل سەر میزانیا ھەلبژارتنان بدەن و دیسا دەنگی ل سەر قانوونا ھەلبژارتنان ژی بدەت، پێشبینی دکەین حەفتیا داھاتی پەرلەمانێ عیراقێ ل سەر ڤی بابەتی کومبیت.

ناڤبری ئەو ژی گۆت: ئەف بەرھەڤی یە بۆ ئەنجامدانا ھەر دو ھەلبژارتنێن پەرلەمانێ عیراقێ و جڤاتێن پارێزگەھا نە، ھەکە ھەرێما کوردستانێ بڤێت ھەلبژارتنێن پەرلەمانێ کوردستانێ ژی ل گەل یێن عیراقێ بھێنە ئەنجام دان وەک کومسیوونا کوردستانێ دشێن داخازەکێ پێشکێشی مە بکەن و ئەم دشێن ھاریکاریێ ل گەل دا بکەین.

ل دووماھی ئەو ژی گۆت: داخاز ژ ھەموو خەلکێ عیراقێ بگشتی و کوردستانێ ب تایبەتی دکەین بچن کارتا خوە یا دەنگدانێ بنگەھێن دەنگدانێ وەربگرن چونکە پشکداربوونا وان ھەلبژارتنان مافێ دیموکراسیی وانایە.

ئه‌ڤرۆنيوز:

  سه‌رۆك كۆمارێ عيراقێ هۆشداريێ ده‌دته‌ عه‌بادى، هه‌كه‌ دانوستاندنان ل گه‌ل هه‌رێما كوردستانێ ره‌ت بكه‌ت‌، ورادگه‌هينيت، باجا ره‌تكرنا دانوستاندنان  دێ يا گران بيت و عه‌بادى نه‌شێت قه‌وارێ هه‌رێما كوردستانێ بچووك بكه‌ت.

 فوئاد مه‌عسووم، سه‌رۆك كۆمارێ عيراقێ،دداخۆيانيه‌كا رۆژنامه‌ڤانيدا، ئه‌ڤرۆ دوشه‌مبى 25/12/2017، راگه‌هاند كو بزاڤێن وى بۆ ده‌ستپێكرنا دانوستاندنان دناڤبه‌را به‌غدا وهه‌ولێرێ دا دبه‌رده‌وامن ودو نامه‌ ئاراسته‌ى هه‌ر ئێك ژ نێچيرڤان بارزانى سه‌رۆك وه‌زيرێن هه‌رێما كوردستانێ وحه‌يده‌ر عه‌بادى سه‌رۆك وه‌زيرێن عيراقێ هنارتينه‌، به‌لێ هه‌تا نوكه‌ به‌رسڤا وان وه‌رنه‌گرتيه‌.

مه‌عسوومى ئاماژه‌ دا كو هه‌موو لايه‌نين سياسى ل ده‌ستپێكێ دژى ريفراندۆمێ بوون، به‌لێ پتى بريارا دادگه‌ها فيدرالى، هه‌موو لايه‌ن داخوازا ده‌ستپێكرنا دانوستاندنان دكه‌ن وچو لايه‌نه‌ك ژى نينه‌ وێ چه‌ندێ ره‌ت بكه‌ت.

دياركر ژى، ره‌تكرنا دانوستاندنێ دێ باجه‌كا گران بۆ هه‌بيت وعه‌بادى نه‌شێت ژێ ب ره‌ڤيت، چونكى فشاره‌كا ناڤخوه‌يى ونێڤده‌وله‌تى يا مه‌زن ل سه‌ر وى دروست بوويه‌ وگۆت” عه‌بادى نه‌شێت قه‌واره‌ وكيانێ هه‌رێما كوردستانێ بچووك بكه‌ت”.

ئه‌ڤرۆنيوز:

كه‌ناله‌كێ ئه‌سمانى ب زمانێ كوردى ل به‌غدا ژلايێ سه‌رۆكا فراكسيۆنا گۆران ل جڤاتا نوونه‌رين عيراقێ دێ هێته‌ ڤه‌كرن وكارمه‌ندێن كه‌نالێ NRT ژى دێ چنه‌ به‌غدا بۆ كاركرنێ ل وى كه‌نالى.

سروه‌ عه‌بدولواحد سه‌رۆكا فراكسيۆنا گۆران ل جڤاتا نوونه‌رين عيراقێ، ل دووڤ باسنيوز، كارى ل سه‌ر دامه‌زراندنا كه‌ناله‌كێ ئه‌سمانى ل به‌غدا دكه‌ت وهژماره‌كا پێشكێشكار وپرۆديوسه‌ر وته‌كنيكارێن كه‌نالێ NRT كو برايێ وێ شاسوار عه‌بدولواحد خودانێ وى كه‌نالى بوو، يێن ژ سلێمانيێ چووينه‌ به‌غدا.

 سروه‌ عه‌بدولواحد به‌رى ببيته‌ په‌رله‌مانتار ل به‌غدا، بۆ ده‌مه‌كێ درێژ په‌يامنێرا كه‌نالێ (الحره‌) يێ ئه‌مريكى بوو ل هه‌رێما كوردستانێ.

شيرين رزا ئه‌نداما جڤاتا نوونه‌رين عيراقێ ل سه‌ر ليستا گۆرانێ بۆ باسنيوز گۆت” ئه‌گه‌ره‌كێ زۆر هه‌يه‌ كو ئه‌و كه‌سێن دژايه‌تيا وردان دكه‌ن ژ سونه‌ وشيعان، هاريكاريا سروايێ بكه‌ن بۆ ڤه‌كرنا وى كه‌نالى دژى كوردان”.