ئه‌ڤرۆ نيوز:
سيهاد بارزانى، فه‌رماندێ هێزێن پشته‌ڤانيا 1 يا پێشمه‌رگێ كوردستانێ راگه‌هاند كو هێزێن پێشمه‌رگێ كوردستانێ ب فه‌رمانا حه‌يده‌ر عه‌بادى سه‌رۆك وه‌زيرێن عيراقێ نه‌هاتينه ده‌ڤه‌رێن سنورێ كه‌ركووك هه‌تا ب فه‌رمانا وى ژى خوه ژ وان ده‌ڤه‌ران ڤه‌كێشن.
ته‌كست ل سه‌ر وێ چه‌ندێ ژى كر كو هێزێن پێشمه‌رگه‌ى ب تنێ گوهداريا فه‌رمانا ژ سه‌ركرداتيا سياسى يا كوردستانى دكه‌ت، “پێشمه‌رگه بۆ پاراستنا ئاخا كوردستانێ د ئاماده‌باشيێ دايه”.
ئه‌ڤرۆ نيوز:
كۆمبوونا هه‌ردو مه‌كته‌بێن سياسى يێن پارتى ديموكراتى كوردستان و ئێكه‌تى نشتيمانى كوردستان ل دوكان ده‌سپێكر.
د كۆمبوونێ دا به‌رپرسێن بلندێن هه‌ردولا د پشكدارن، به‌رپرسێن پارتى پێكهاتى نه ژ مه‌سعود بارزانى سه‌رۆكێ هه‌رێما كوردستانێ و پارتى ديموكراتى كوردستان، نێچيرڤان بارزانى، سه‌رۆكێ حوكمه‌تا هه‌رێما كوردستانێ و جێگرێ سه‌رۆكێ پارتى ديموكراتى كوردستان و دكتور رۆژ نورى شاويس و ئازاد به‌روارى و فازل ميرانى و مه‌سرۆر بارزانى ئه‌ندامێن سه‌ركرداتيا پارتى.
شاندێ ئێكه‌تى نشتيمانى كوردستان پێكهاتينه ژ كوسره‌ت ره‌سۆل و هێرۆ ئيبراهيم ئه‌حمه‌د و مه‌لا به‌ختيار و حاكم قادر و عومه‌ر فه‌تاح و ره‌فعه‌ت عه‌بدولا.
ژبلى ڤان هه‌ردو شاندان، فوئاد مه‌عصوم سه‌رۆك كۆمارێ عيراقێ و ئه‌ندامێ سه‌ركرداتيا ئێكه‌تى نشتيمانى كوردستان يێ پشكداره د ڤێ كۆمبوونێ دا.
پێشتر كوسره‌ت ره‌سۆل جێگرێ سه‌رۆكێ هه‌رێما كوردستانێ و جێگرێ سكرتێرێ گشتى يێ ئێكه‌تى نشتيمانى كوردستان كو نوكه ب كه‌سێ ئێكێ د ناڤ وێ پارتێ دا دهێته نياسين راگه‌هاند بوو كو ئه‌ڤ كۆمبوونه دێ يا ئێكلاكه‌ر بيت.
بڕياره د ڤێ كۆمبوونێ دا دووماهى بڕيار ل سه‌ر وان فشارێن حوكمه‌تا عيراقێ و حه‌شه‌د شه‌عبى و ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ بده‌ت.
هه‌ر چه‌نده بڕيارا داخوازيێن حه‌شه‌د شه‌عبى يا شه‌ش خالى و بڕيارا ژناڤبرنا ئه‌نجامێن ريفراندۆمێ به‌رى نوكه هاتيه دان و سه‌ركرداتيێن هه‌ردو پارتيان ته‌كستێ ل سه‌ر وێ چه‌ندێ دكه‌ن كو ناهێنه قه‌بوولكرن و ژ لايێ وان ڤه د ره‌تكرينه.
ئه‌ڤرۆ نیوز ، هلورى:
ده‌مه‌ك به‌ریا نها ل قه‌زا دوكان یا سه‌ر ب پارێزگه‌ها سلێمانیێ ب سه‌رپه‌رشتیا بارزانى و ب به‌رهه‌ڤبوونا سه‌رۆك كومارێ عیراقێ كومبوونا دناڤبه‌را پارتى و ئێكه‌تى ل سه‌ر ره‌وشا كه‌ركوكێ ده‌ستپێكر.
دناڤا شاندنێ پارتى هه‌ر ئێك ژ مه‌سعود بارزانى سه‌رۆكێ پارتى دیموكراتى كوردستان و نێچیرڤان بارزانى جێگرێ سه‌رۆكێ پارتى و مه‌سرور بارزانى ئه‌ندامێ مه‌كته‌با سیاسیا پارتى و فازل میرانى و دكتور رۆژ نورى شاویس و چه‌ند كه‌ساتیه‌كێن دن پێكدهێت ، و شاندنێ ئێكه‌تى ژى هه‌ر ئێك ژ كوسره‌ت ره‌سول جێگرێ سكرتێرێ ئێكه‌تیا نیشتمانى و فوئاد مه‌عسوم سه‌رۆك كومارێ عیراقێ و هیرو ئیبراهیم ئه‌حمه‌د ئه‌نداما سه‌ركراتیا ئێكه‌تى و چه‌ندان كه‌سانێن دن پێكدهێن.
ل گوره‌ى زانیاریێن ئه‌ڤرۆ نیوز كومبوونا وان دێ یا تایبه‌ت بیت لسه‌ر ره‌وشا پارێزگه‌ها كه‌ركوك و هاتنا هێزێن میلشیاتێن حه‌شد شه‌عبى و سوپایێ عیراقێ ، و ئاریشه‌یێن دناڤبه‌را هه‌ولێر و به‌غدا هێنه گوتوبێژكرن.
ئه‌ڤرۆ نيوز:
ده‌زگه‌هێن راگه‌هاندنا ئيرانێ به‌لاڤكرن كو ئه‌و دێ سنورێن خوه يێن هشكاتى ل گه‌ل هه‌رێما كوردستانێ دايخيت.
به‌رى نوكه پشتى ئه‌نجامدانا ريفراندۆمێ بۆ ماوێ چه‌ندێ رۆژان مامه‌له‌يا بازرگانى ل گه‌ل هه‌رێمێ هاتبوو راگرتن، به‌لێ پاشان ده‌سپێكربووڤه.
وه‌زاره‌تا ده‌رڤه يا عيراقێ راگه‌هاندبوو كو ياداشته‌ك پێشكێشى ئيران و توركيا كريه و تێدا داخواز كريه كو ده‌رگه‌هێن سنورى ل گه‌ل هه‌رێمێ ب دايخيت و هه‌موو مامه‌له‌يا بازرگانى ل گه‌ل هه‌رێمێ ب راوه‌ستينيت و ب تنێ مامه‌لێ ل گه‌ل به‌غدا بكه‌ن.
هه‌ر ديسا عه‌ميد مه‌سعود جه‌زائيرى ئاخفتنكه‌ر ب ناڤێ هێزێن چه‌كدارێن ئيرانێ ته‌كست ل سه‌ر وێ چه‌ندێ كر كو وه‌لاتێ وان رێيێن دژوار گرتينه به‌ر بۆ چاڤدێريا سنورێن هه‌ڤپشك ل گه‌ل عيراقێ ل سه‌ر داخوازا حوكمه‌تا وێ.
ئه‌ڤرۆ نیوز ، نه‌وزاد هلۆرى:
قه‌زا به‌رده‌ره‌ش وه‌كو تاكه قه‌زا پارێزگه‌ها دهۆكێ یه كو مێشێن هنگڤینى تێدا ناهێنه ب خودانكرن و ئه‌ڤ یه‌ك ژى دزڤریت بو وێ یه‌كێ كو ل به‌رده‌ره‌ش بوهار گه‌له‌ك كورته و چ دار و بار و ده‌ڤه‌رێن چیایى نینن كو ببیته خوارن بو مێشان.
ناسر دولێجانى وه‌لاتیه‌كێ قه‌زا به‌رده‌ره‌شه بۆ ئه‌ڤرۆ نیوز گۆت: ( قه‌زا به‌رده‌ره‌ش تاكه قه‌زا كوردستان و پارێزگه‌ها دهوكێ یه كو چ دار و بار و ژینگه‌ها سرۆشتى یا وه‌سا نینه كو ببیته ئه‌گه‌ر مێشێن هنگڤینى تێدا بهێنه خودانكرن ، دیسان سنوورێ قه‌زا به‌رده‌ره‌ش بوهار زویكا دهێت و گه‌له‌ك ژى یا كورته كو ئه‌ڤ یه‌ك ژى دبیته سه‌ده‌م مێش نه‌كاریت خوارنا پێدڤى ژ سرۆشت و كولیلكێن بوهارێ وه‌ربگریت ، و دیسان ژى خه‌لكێ سنوورێ قه‌زا به‌رده‌ره‌ش ره‌وشه‌نبیریا ب خودانكرنا مێشێن هنگڤینى نینه و دویردكه‌ڤن ژ خودانكرنا وان و ب خودانكرنا وان ل به‌رده‌ره‌ش یا سه‌ركه‌فتى نینه و زێده‌بارى كو ب زه‌حمته‌ته دبیت ئه‌و كه‌سانێ، كو ب خودان دكه‌ن شونا مفایى زیاندار ببن )
زێده‌تر گۆت: ( وه‌لاتیێن ده‌ڤه‌رێ بو په‌یداكرنا هنگڤینى پشت به‌ستنێ ب ده‌ڤه‌رێن چیایى دكه‌ن و هنگڤینى ل وان ده‌ڤه‌را دكرن ، و ژینگه‌ها به‌رده‌ره‌ش چوو جاران نابیته هاریكار كو مێشێن هنگڤینى تێدا بهێنه ب خودانكرن)
ئه‌ڤرۆ نیوز ، هلورى:
وه‌زاره‌تا دارایى و ئابوورى یا حكومه‌تا هه‌رێما كوردستانێ دێ ده‌ست موچه‌یێن مه‌ها هه‌شت یا سالا 2017 كه‌ت و ژ وه‌زاره‌تا پێشمه‌رگه‌ى ده‌ستپێكر.
رۆژا سێشه‌مبى رێكه‌فتى 2017/10/17 دێ موچه‌یێن هه‌یڤا هه‌شت یا سالا 2017 یا دیوانا وه‌زاره‌تا پێشمه‌رگه‌ى و لیوایێن سه‌ر ب وێ ڤه هێنه دابه‌شكرن.
ڕۆژانێن چوار شه‌مبى و پێنج شه‌مبى رێكه‌فتى 18 و 10/19/ 2017 دێ موچه‌یێن هه‌یڤا هه‌شت یا سالا 2017 یێن ئێكه‌یێن 80 و 70 یێن وه‌زاره‌تا پێشمه‌رگه‌ى هێنه دابه‌شكرن.
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشته‌كێ نوو يێ مووچه‌ى راگه‌هاند.
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشته‌كێ نوو يێ مووچه‌ى راگه‌هاند كو تێدا بڕياره ژ رۆژا سێشه‌مبى ده‌ست ب به‌لاڤكرنا مووچێ هه‌يڤا ته‌باخێ بهێته كرن.
ب گۆره‌ى ڤى خشته‌ى ل رۆژا سێشه‌مبى 17ى چريا ئێكێ 2017 دێ مووچێ هه‌يڤا ته‌باخێ يێ ديوانا وه‌زاره‌تا پێشمه‌رگه‌ى و ليوايێن سه‌ر ب وێ ڤه هێته به‌لاڤكرن.
رۆژا چارشه‌مبى و پێنجشه‌مى رێكه‌فتى 18 و 19ى چريا ئێكێ 2017 دێ مووچێ هه‌يڤا ته‌باخێ يێ يه‌كه‌يێن 70 و 80 يێن وه‌زاره‌تا پێشمه‌رگه‌ى هێته به‌لاڤكرن.
ئه‌ڤرۆ نيوز:
كۆمپانيا په‌ترۆلا نشتيمانى يا ماليزيا يا به‌رنياس ب پێترۆناس بڕيار دا خوه ژ زه‌ڤيا مه‌جنون يا په‌ترۆلێ ل عيراقێ ڤه‌كێشيت.
كۆمپانيا پترۆناس بڕيار دايه ده‌ست ژ پشكێن خوه ل زه‌ڤيا مه‌جنون به‌رده‌ت ژ ئه‌گه‌رێ وێ چه‌ندێ كو مفا ل وێ زه‌ڤيێ يێ كێمه و به‌ر كاركرنێ ناكه‌ڤيت.
ب گۆره‌ى ژێده‌رێن ده‌نگوباسێن ماليزى، ب زووترين ده‌م كۆمپانى دێ شيره‌تكارێن خوه راسپێريت بۆ هاريكاريكرنا وان و فرۆتنا وان پشكان.
به‌رى نوكه كۆمپانيا شێل ژى راگه‌هاندبوو كو دێ ده‌ست ژ زه‌ڤيا مه‌جنون به‌رده‌ت كو ئێكه ژ مه‌زنترين زه‌ڤيێن په‌ترۆلێ ل عيراقێ و رۆژانه 200 هزار به‌رميلێن په‌ترۆلێ به‌رهه‌م دئينيت.
ئه‌ڤرۆ نيوز:
ب گۆره‌ى ئه‌و پێزانينێن ل به‌ر ده‌ست هێزێن پێشمه‌رگێ كوردستانێ پتريا چه‌كدارێن حه‌شه‌د شه‌عبى ل سنورێ به‌شير و باژێركێ تازه خوه ڤه‌كێشايه و ره‌ڤينه.
نه‌قيب ئيحسان ره‌شيد، فه‌رماندێ سريا سێ يا فه‌وجا دو يا ليوا 1 په‌ياده يا كه‌ركووك سه‌ر ب پێشمه‌رگێ كوردستانێ ڤه راگه‌هاند: پێزانين 100% د پشت راستن كو چه‌كدارێن حه‌شه‌د شه‌عبى ل سنورێ به‌شير و باژێركێ تازه ره‌ڤينه، گه‌له‌ك ژ وان ژى دبينن كو ئه‌ڤ شه‌ره يێ دروست نينه و ناكه‌ن”.
ئاشكه‌را ژى كر كو ئه‌و دزانن خه‌لك ل گه‌ل وان نينه و گۆت: “هه‌ر هێزه‌كا بچيته جهه‌كى ژى هه‌كه خه‌لك ل گه‌ل نه‌بيت يا سه‌ركه‌فتى نابيت، ده‌مێ دبينن مه‌عنه‌وياتێن پێشمه‌رگه‌ى يێ ل ئه‌سمانان، نه‌وێرن به‌رامبه‌ر ب راوه‌ستن و شه‌رى بكه‌ن، هه‌وه پشت راست دكه‌م شه‌ڕ روو بده‌ت، دێ كاره‌كێ وه‌سان ل گه‌ل كه‌ين، خوه نه‌شێن جلكێن خوه ژى ببه‌نه ڤه”.
ئه‌ڤى نه‌قيبى خويا ژى كر كو چو چه‌كدارێن داعش بێى پرسيارا يێ ژ خوه مه‌زنتر بكه‌ن د چن و د ره‌ڤن و سه‌رژمێرى د ناڤ چه‌كدارێن وان دا هاتيه كرن و ژمارا وان گه‌له‌ك كێم بوويه”.
نيشاندان