ئەڤرۆ نیۆز،زنار تۆڤی:
موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:ئەڤرۆ د رووانەکا ترافیکێ دا ل قەزا سێمێلێ سێ ترۆمبێلا لێکدا و کەسەک برینداربوو.
ناڤهاتی گوت ژی:ئەڤرۆ پێنجشەمبی 2017/12/21 ل دەمژمێر 4:30 ئێڤاری ل سـەر رێیا سـەرەكی یا سێمێل زاخۆ و ل نێزيك بانزینخانا فارس روودانەك پـەيدا بوویە دناڤبەرا سێ ترۆمبێلا دا و د ئەنجامدا و کـەسەک بريندار بوویە و زیان گەهشتینە وان ترۆمبێلان ژی.
ئەڤرۆ نیۆز ، زنار تۆڤی:
گێلاس ئێكه ژ وان فێقیان کو یا ب مفایە و ب ڤیتامین و ماددێن كانزایی یا ده‌ولەمه‌نده و ماددێن خوارنێ یێن ب مفا تێدا هەنه،هەروەسا هاریکاریا مرۆڤی دکەن کو مرۆڤ ب ئاسووده‌ی بنڤیت د شه‌ڤاندا.
ل دووڤ نووچەکێ کو د مالپەرێ mamanatural دا هاتیە و ئاماژە ب هندێ دایە،کو ڤەخوارنا شه‌ربه‌تا گێلاسێ ژ بلی کو مفا بۆ پاراستنا جه‌ستەی هه‌یه، هه‌روه‌سا ڤەخوارنا شه‌ربه‌تا ڤی فێقی د شه‌ڤێدا هاریکاریا مرۆڤی دکەت،کو مرۆڤ ب باشی بنڤیت، چونكی ماددێ میلاتۆنین تێدا هەیه كو ئارامیێ و ئاسووده‌یێ دگەهینیتە مێشكی و وە دکەت کو مرۆڤ تۆشی بێ خەویێ نه‌بیت.
هەروەسا ل دووڤ وێ ڤەکۆلینا زانستی كو ل سه‌ر ڤەخوارنا شه‌ربه‌تا گێلاسێ هاتیە ئه‌نجامدان و تێدا ده‌ركه‌فتیه، كو ڤەخوارنا ڤێ شه‌ربه‌تێ هاریکاریا لەشی ددەت و مێشكی ژی ئارام دکه‌ت،ل گه‌ل هندێ ژی هەکە بەری نڤستنێ ڤێ ڤەخوارنێ ڤەخۆی،تۆشی بێ خەویێ نابی.
ڤەکۆلەر ئامۆژگاریان ل مە دكه‌ن بۆ ڤەخوارنا شه‌ربه‌تا گێلاسان، چونكی سیسته‌مێ خه‌وێ رێك دئێخیت و مە ژ تێكچوونا خه‌وێ رزگار دکەت، هه‌روه‌سا ئه‌و ژی روونکریە،کو ڤێ شه‌ربه‌تێ هیچ زیانەک نینه،د هه‌موو ته‌مه‌نان دا دشێن ڤێ شه‌ربه‌تێ ڤەخۆن بۆ زێدەبوونا رێژا خه‌وا وان.
ئه‌ڤرۆنیوز , ره‌مه‌زان هه‌رنى :
جێگرا سه‌روكێ فراكسیونا پارتى دیموكراتى كوردستان و ئه‌نداما لژنه‌یا باژێرڤانیێ ل جڤاتا پارێزگه‌ها دهوك دیاركر , ل سنورێ قه‌زا ئاكرێ نوكه هه‌ژده گوند كه‌قتینه ناڤ نه‌خشێ باژێرڤانیێ و نه‌هاتینه تاپوكرن ل گه‌ل هژماره‌كا گه‌ره‌كێن وه‌ك شوره‌ش و سارمیێ و هنده‌ك مالێن گه‌ره‌كا خرگا و هنده‌ك مالێن قه‌شورێ هاتینه ئاڤاكرن و هێشتا نه‌هاتینه تاپوكرن هه‌رچه‌نده چۆ جارا نه‌هاتینه خراكرن خانیێن ب زێده‌گاڤیێ هاتیه ئاڤاكرن به‌لێ كاركرن لسه‌ر هاتیه راگرتن.
جه‌میلا محه‌مه‌د جێگرا سه‌روكێ فراكسیونا پارتى دیموكراتى كوردستان و ئه‌نداما لژنه‌یا باژێرڤانیێ ل جڤاتا پارێزگه‌ها دهوك بۆ ئه‌ڤرۆ نیوز راگه‌هاند , ئه‌ڤ ساله حاله‌تێن زێده گاڤیێ گه‌له‌ك كێم بۆینه ب تنێ هنده‌ك حاله‌ت ل ئومه‌ر خوشان هاتینه پێش به‌لێ باژێرڤانیێ رێگرى لێ كریه نه‌هێلایه ئاڤا بكه‌ن.
جه‌میلایێ گوتژى , بۆ پتر جوانكرنا سیمایێ باژێرێ ئاكرێ چه‌ندین پارك هاتینه دروستكرن دیاره‌یێن زیده‌گاڤیێ ژى گه‌له‌ك كێم بۆینه بزاڤ و كومبونێن به‌رده‌وام دهێنه كرینه بۆ نه‌هێلانا دیارده‌یا زێده‌گاڤیان وتاپۆكرنائه‌ردێن ب زێده‌گاڤى هاتیه ئاڤاكرن به‌لێ پشتى ره‌وشا دارایێ و ئابۆری ل كوردستانێ باش دبیت ژبه‌ركو نوگه ئه‌ركێ حكومه‌تا كوردستانێ گران بۆیه ژبه‌ر شه‌رێ داعش و وه‌رگرتنا هژماره‌كا مه‌زنا ئاواره‌و په‌نابه‌ران له‌ورا بزاڤ به‌رده‌وامن بۆ چاره كرنا ئاریشێن خه‌لكى.
ئەڤرۆ،ھەژار مەعروف:
چاڤەرێ دھێتەکرن ل رۆژا شەمبا بھێت و ل دەمژمێر سێ پشتی نیڤرۆ ل دووڤ دەمێ کوردستانێ یاریا کلاسیکو یا ژمارە ٢٣٥ دناڤبەرا ریال مەدرید و بەرشەلۆنە بھێتەکرن کو کلاسیکویا بھێت ئەوا بریارە ل یاریگەھا سانتیاگو برنابیو بھێتە ئەنجامدان دێ یا ژمارە ١٧٥ بیت ژ خولا لالیگا و دڤێ یاریێ دا ریال مەدرید ھەر ھێزەکا ھەبیت دآ ب کارئینت ژبو نە ژ دەستدانا سێ خالێن ڤێ یاریێ و بەروڤاژی دێ ھیڤێن ھەڤرکیا برنا خولێ ھەتا رادەکێ مەزن ژ دەست دەت ژبەرکو دێ جوداھی دناڤبەرا وێ بەرشەلۆنە دا بیتە چاردە خال .
ریال مەدرید ئەوا ل دەستپێکا ڤێ وەرزی ب ئەنجامێن لاواز ھاتیە دیتن و ل ڤێ دووماھیێ شیای رەوشا خوە یا جاران ڤەگەرینت و تایبەت پشتی ل دەستپێکا ڤێ حەفتیێ ناسناڤێ موندیالا جیھانی ل سەر کیستێ گریمو یا بەرازیلی ب دەستخوڤە ئینای و ل بەرامبەر یانا بەرشەلۆنە ب سەرپەرشتیا راھێنەرێ خوە فالڤیردی ل وەرزێ ئەڤ سالە ھەر ژ دەستپێکا خولێ ھەتا نوکە شیای یە ئاستەکآَ باش پێشکێش بکەت و ھەتا نوکە دخولا لالیگا دا توشی خوسارەتیێ نەبوویە پشی بورینا ١٦ حەفتیان دووڤ ئێک.
میسی سەرکەفتنا ڤێ یاریێ یا گرنگە
ستێرا ئەرژەنتینی و یانا بەرشەلۆنە لیونێل میسی ئەوێ ب خالاتی باشترین یاریزان و گولکەرێ خولا لالیگا ھاتیە خەلاتکرن ل وەرزێ بوری دداخویانیەکێ دا پشتی خەلاتێ باشترین یاریزانێ خولا لالیگا دیارکر سەرکەفتنا ئەوان د یاریا کلاسیکو دا گەلەک یا گرنگە، ژبەرکو ب ڤێ سەرکەفتنێ دێ جوداھیا خالان دناڤبەرا خوە و ھەڤرکا خوە یانا ریال مەدرید زێدەتر لێ کەن و دخوازن ٢٠١٧ ب سەرکەفتنا کلاسیکو ب دووماھی بینن و ھەردیسان ستێرا بەرشەلونە دیارکریە ژی ل دەستپێکێ ھزر ل ئەنجامێن یانا خوە دکەت پاش ھزر ل دەستکەفتین کەساتی.
زێدان پشتبەستنێ ل سەر ستێرەکا خوە ناکەت
رۆژناما مارکا یا ئیسپانی ئاشکراکریە راھێنەرێ فەرەنسی و یانا ریال مەدرید زێدان بریارا دووماھیێ ل سەر پشکداریکرنا چەند یاریزانان دایە بوو پێکھاتێ سەرەکی بۆ یاریا رۆژا شەمبیا بھێت و پشتبەستن ل سەر ستێرا وێلزی گارس بێل ناکەت وەکو یاریزانەکێ سەرەکی ژبەرکو وەسا ھاتیە دیارکرن کو زێدان ناخوازیت وەکو یاریزانەکێ سەرەکی پشتبەستنێ ل سەر بێلی بکەت ژبەرکو ھەتا نوکە نە گەھشتی یە گوپیتکا چارەسەریا خوە و ناخوازیت ھەر ژ دەستپێکێ یاری ب وی یاریزانی پشتبەستنێ بکەت و ب کەڤیتە د مەترسیێ دا بو یاریێن دووڤدا، ھەر چەندە زێدان د قارەمانیا موندیالا یانێن جیھانێ دا دو یاریان پشکداری ب بێل کر و شیا ئاستەکآ بلند پێشکێش بکەت و گولا سەرکەفتنێ ژی د یاریا بەرامبەر جەزیرە دا تومار بکەت، لێ بوو یاریا کلاسیکو ئەو دێ وەکو یاریزانەکی یەدەگ بیت.
چار یاریزانێن بەرشەلۆنە ژبەر ھنگافتنێ نەشێن پشکداربن
د کلاسیکویا بھێت دا نوونەرا کەتەلونیا یانا بەرشەلۆنە دێ یا بێ باربیت ژ چار یاریزانێن خوە دو ژ وان دێ کارتێکرنا خوە ل سەر پێکھاتی ھەبیت، تایبەت یێ ھێلا بەرەڤانیێ سامویل ئومتێتی ھەردیسان ھەڤالێ وی یێ فەرەنسی عوسمان دیمبێلی، ھەر چەندە راپورتا نوشداری بوو یانێ ئاشکراکریە ژی ئەڤ یاریزانە نوکە د رەوشەکا باش دایە، لێ یانا بەرشەلۆنە ناخوازن یاریەکا وەکو کلاسیکو بیتە یاریا ئێکێ پشتی بورینا سێ ھەیڤێن ھنگافتنێ و مەترسیەکا دی ل سەر پەیدابیت ئەو دخوازن یێ بەرھەڤبیت بوو یاریێن بھێت ھەردیسان ھەردو یاریزانان باکۆ ئەلکاسیر و جیراد دیلوفیو ژی ژبەر ھنگافتنێ نەشێن پشکداری د ڤێ یاریێ دا بکەن بەرامبەر ھەتا نوکە یانا ریال مەدرید چو ھنگافتن نین و زوربەیا ستێرێن وێ بوو ڤێ یاریێ دێ دبەرھەڤبن.
پێکھاتیێ چاڤەرێکری ھاتە راگەھاندن
رۆژناما مارکا یا ئیسپانی پێکھاتیێ چاڤەرێکری یێ ڤێ یاریا گرنگ دناڤبەرا ریال و بەرشەلۆنە دا ئاشکراکر کو راھێنەرێن ھەردو یانا دێ پشتبەستنێ ل سەر شێوێ ٤-٤-٢ کەن کو شێوازێ کرنا ھەردو راھێنەران نێزیکی ئێکە و زێدان دێ دڤێ یاریێ دا پشتبەستنێ ل سەر ھەر ئێک ژ گولپارێزێ ناڤاس و ھێلا بەرەڤانیێ راموس، ڤاران، کارڤاخال و مارسێلو ل ھێلا ناڤین، لوکا مودرێچ، کاسمیرو، کروس و ئیسکو ل ھێلا ھێرشبەری بن زیما و رونالدو، فالڤێردی ژی بوو ڤێ یاریێ ژی ھەتا رادەکێ مەزن پشتبەستن ل سەر زوربەیا یاریزانێن یاریێن بوری کریە ئەوژی گولپارێز تیرشتیگێن و ھێلا بەرەڤانیێ پیکێ، سیمدیو، ڤێرمالین و ئەلبا ل ھێلا ناڤین ئنیستا، پاولینھو، بوسکێس و راکیتیچ و ل ھێلا ھێرشبەری میسی و سوارێز.
میسی یێ پێشکەڤتی یە ل سەر رونالدو د کلاسیکویا دا
وەکو زوربەیا کلاسیکویێن بوری چاڤەکێ مەزن دێ ل سەر ھەردو ستێرێن جیھانی لیونێل میسی و کریستیانو رونالدوی بن، ژبەرکو ئەڤ ھەردو یاریزانە ل دەە سالێن بوری شیاینە کونترولا زوربەیا خەلاتێن جیھانی بکەن. میسی د یاریێن کلاسیکو دا یێ پێشکەفتی یە ل سەر یاریزانێ پرتوگالی رونالدوی د ٣٣ پشکداریێن خوە دا میسی شیایە ٢١ گولان توماربکەت و ب گولکەرێ کلاسیکو نوکە دھێتە ھژمارتن و پازدە سەرکەفتن د کلاسیکو دا ھەنە و دەە خوسارەتی ل گەل ھەشت وەکھەڤیا سەرجەمێ گشتی یێ پشکداریێن میسی د گەھنە ٢٩٢٤ دقیقە د ھەمی یاریێن کلاسیکو دا، بەرامبەر ستێرا پرتوگالی و ریال مەدرید رونالدوی پشکداری د ٢٧ یاریێن کلاسیکو دا کریە ھەر ژ ھاتنا وی ھەتا نوکە ل گەل ریال مەدرید و شیای یە ١٦ گولان توماربکەت د سەرجەمێ ٢٢٨٩ دقیقێن خوە د ھەمی یاریێن کلاسیکو دا، کو حەفت یاریان ریال سەرکەفتن تومارکریە ل گەل ١٢ خوسارەتیا و ھەشت وەکھەڤیان.
دادڤانێ یاریێ
ئێکەتیا تەپا پێ یا ئیسپانی بوو ڤێ یاریێ دو دادڤان بەربژارکربوون بۆ برێڤەبرنا کلاسیکویا برنابیوو ئەوژی ھەردو دادڤانێن بەرنیاس ل سەر ئاستآ ئسپانیا خوسیە مارتینێز و ئەلبێرتو کو ئەڤ دادڤانە دھێنە ھژمارتن ژ دادڤانێن ھەرە باش ل سەر ئاستێ ئیسپانیا و ل دووماھیێ ئێکەتیا تەپا پێ یا ئیسپانی مارتینیز بوو کلاسیکو ھەلبژارت.
راکێتیچ ھیڤیەکا سەیر
--52367.jpg)
یاریزانێ کرواتی و یانا بەرشەلۆنە بوو ڤێ یاریێ ھیڤیەکا سەیر خواست کو کلاسیکویا بھێت یا ئیسپانی ئەوژی دیارکر حەز دکەت سەرکەفتنێ ل سەر ریال مەدرید توماربکەن ب چار گولان بێ بەرامبەر یان ژی گولەکێ بێ بەرامبەر و گول ژی ل خولەکا ٩٥ بھێتە تومارکرن ژلایێ میسی ڤە و دیارکر ژی دھەمی کلاسیکویا دا وان بتنێ ھزر ل سەرکەفتنێ کریە .
ریڤالدو دخوازیت کلاسیکو ب ڤی ئەنجامی ب دووماھی بھێت
ستێرا بەرێ یا بەرازیلی و یانا بەرشەلۆنە ریڤالدو ددیدارەکا رۆژنامەڤانی دا بەحس ل کلاسیکویا بھێت کر و دیارکر دڤێ یاریێ دا دێ رێژەیا گولان یا زێدەبیت، ھەردیسان ئەو دبینت دێ ب وەکھەڤی یاری ب دووماھی ھێت و دخوازیت ب دو گولان یاری ب دووماھیی بھێت و پاش یاریزانێ بەرازیلی بەحس ل ستێرا نوکە یا بەرشەلۆنە میسی کر و دیارکر میسی ئێک ژ باشترین یاریزانانە ل جیھانێ و حەز دکر ئەو یاری ل گەل یاریزانەکێ وەکو وی بکەت.
فالڤێردی دخوازیت بەری ٢٠١٧ ب دووماھی بھێت ریال بێ ئومێد بکەت
راھێنەرێ یانا بەرشەلۆنە ژی فالڤێردی دکونگری رۆژنامەڤانی دا دیارکر ئەو دێ بەرب یاریگەھا سانتیاگو برنابیو چون بۆ سەرکەفتنێ و زێدەکرنا جوداھیا خالان ل گەل ھەڤرکا خوە، ھەر چەندە ریال مەدرید نوکە نە ل رێزا دویێ یە، لێ ئەو دبینن ھەڤرکا وان یا سەرەکی دێ ھەر مینت ریال، ژبەرکو ریال شیانێن رێزا دویێ و ھەڤرکیێ ھەنە ل گەل وان.
دیسان راھێنەرێ بەرشەلۆنە دیارکر ئەو دخوازن سێ خالێن یاریێ ب دەستخوڤە بینن و ھیڤێن ریال مەدرید گەلەک کێم بکەن بوو ھەڤرکیا ناسناڤی و جوداھیێ بکەنە چاردە خال بەری دووماھی ھاتنا سالا ٢٠١٧ ئەڤە دێ بیتە باشترین دیاری بوو جەماوەرێ بەرشەلۆنە.
ئه‌ڤرۆنيوز:
نێچيرڤان بارزانى سه‌رۆك وه‌زيرێن هه‌رێما كوردستانێ، ئه‌ڤرۆ پێنج شه‌مبى دكونفرانسه‌كێ رۆژنامه‌ڤانى دا ئاشكراكر كو دێ بزاڤێ كه‌ت ب زمانێ عه‌ره‌بى باخڤيت.
نێچيرڤان بارزانى دبه‌رسڤا پرسياره‌كێ دا كو ژلايێ په‌يامنێرێ كه‌ناله‌كێ عه‌ره‌بى بۆ هاتيه ئاراسته‌كرن دياركر كو ئه‌و خواندنێ ونڤيسينێ ب زمانێ عه‌ره‌بى دزانيت گۆت ژى” به‌لێ مخابن هنده‌ك زه‌حمه‌تيێ دبينم دئاخڤتنێ دا ب وى زمانى”.
سه‌رۆك وه‌زيرێن هه‌رێما كوردستانێ ب زمانێ عه‌ره‌بى گۆت” دێ بزاڤێ كه‌م پێ باخڤم ژبۆ به‌رژه‌وه‌ندى وئێكگرتنا عيراقێ”.
ئه‌ڤرۆنیوز , ره‌مه‌زان هه‌رنى :
شروڤه‌كاره‌كێ سیاسى ل پارێزگه‌ها سلێمانیێ دیاركر , ده‌مه‌ك درێژه چه‌ند گروپ و لایه‌ن ل سلێمانیێ به‌رهه‌ڤى خوه پیشاندانا دكه‌ن و دورو نزیك ڤان خوه پیشاندانا په‌ویه‌ندى ب خزمه‌تگوزاریان ڤه نیه به‌لكو مه‌به‌ستا وان زێده‌تر ئالوزكرنا ره‌وشێ یه كو كوردستان ژلایێ ئاسایشا نافخوه‌ڤه گه‌له‌ك یا ئارامه وان كه‌س و لایه‌نا دڤێت وێ ئارامیێ تێك بده‌ن ژبه‌ركو خوه‌نیشاندانا ب توندوتیژى ژبۆى كێماسیێن روژانه نیه به‌لكو مه‌رامه‌كا سیاسى ل پشت ڤێ خوه پیشاندانێ هه‌یه تایبه‌ت ده‌سته‌كێ ده‌ره‌كێ ل پشت ڤێ خه‌لكى هه‌یه كو رژیانه سه‌ر جاده‌یان نوكه ژبه‌ر ده‌ست وه‌ردانا ده‌ستێن ده‌ره‌كێ گروپێن نافخوه شیانێن كنترول كرنا ره‌وشێ نه‌ماینه ژبه‌ركو باره‌گه‌هێن حكومى و پارتێن سیاسى كرینه ئارمانج .
شێخ ستار شروڤه‌كاره‌كێ سیاسى ل پارێزگه‌ها سلێمانیێ بۆئه‌ڤرۆ نیوز خویاكر , خوه پیشانده‌ران ب ناڤێ نه‌بۆنا خزمه‌تگوزاریان ئاراسته ل مه‌ده‌نیه‌تێ كریه سیاسى و چه‌ند گرو پ لایه‌نێن نافخوه‌و ده‌ستێن ده‌ره‌كێ خوه‌پیشانده‌ر گه‌هاندن ڤێ ره‌وشێ كو ژبلى باره‌گایێن پارتێن سیاسى و مولكێ گشتى و خه‌لكێ سڤیل سوتیه‌و وێرانكریه.
شێخ ستار شروڤه‌كارێ سیاسى گوتژى : سروشتێ سلێمانیێ ب ڤى ره‌نگیه ئالوزیه‌كا مه‌زن هه‌یه ل نافخوه‌یا سلێمانیێ و هه‌رجار ب بهانه‌یه‌كێ خه‌لكێ سلێمانیێ دهێته ب سه‌ردابرن و دهێنه سه‌ر جاده‌یان و داخوازا مافێن خوه دكه‌ن ب خوه‌پیشاندانێن سیاسى و دور ل خوه‌ه‌پیشاندانێن مه‌ده‌نى هه‌رجار زیان ب هه‌مو لایه‌كى َدكه‌ڤیت ب تنێ ئه‌و لا مفادارن كو خه‌لكى پالدده‌ن خوه‌ى پیشاندانا بكه‌ن.
ناڤبرى ئاشكرا كر , مه‌به‌ستا خوه یشانده‌را ب چۆ ره‌نگا بۆ باشتر كرنا ژیارا وان نیه به‌لكو ب مه‌رامێن سیاسى ئه‌ڤ خوه پیشاندانه دهێنه ئه‌نجام دان ژبه‌ركو چۆ خوه‌پیشاندانه‌كێ موله‌ت نیه له‌ورا هه‌مو لایه‌كێ شك ل ڤان خوه یشاندانا هه‌یه كو ب چۆ ره‌نگا بۆ خوه باشتر كرنا ره‌وشا ژیان و ژیارا خه‌لكى نیه به‌لكو ب تێكدانا ئاسایشا نافخوه‌یه .
ئه‌ڤرۆنيوز:
مالپه‌ره‌كێ توركى يێ نێزيك ژ حزبا داد وگه‌شه‌پێدانا حوكمران، هنده‌ك پێزانينێن نوو ل دۆر چاره‌نڤيسێ سه‌ركردێ رێكخستيا داعش يا تيرۆرستى ” ئه‌بو به‌كر به‌غدادى” ئاشكرادكه‌ت ودبێژيت به‌غدادى نوكه يێ ل بنگه‌هه‌كێ له‌شكريێ ئه‌مريكى ل باژێرێ حه‌سه‌كه ل سووريێ.
مالپه‌رێ” يه‌نى شه‌فه‌ق” يا توركى، ب زمانێ عه‌ره‌بى، به‌لاڤكر”ئه‌بوبه‌كر به‌غدادى يێ كه‌فتيه دده‌ستێ هێزێن ئه‌مريكى دا ل عيراقێ، به‌لێ وان ده‌سته‌سه‌ركرنا به‌غدادى ئاشكرا نه‌كريه ويێ هاتيه ڤه‌گۆهاستن بۆ سووريێ ب رێيا باژێركێ كه‌رامه يێ سنورى ل گه‌ل عيراقێ”.
وێمالپه‌رى ل سه‌ر زارێ ژێده‌رێن سوورى، به‌لاڤكريه ژى” ئه‌بو به‌كر به‌غدادى نوكه يێ ل بنگه‌هه‌كێ له‌شكرى يێ ئه‌مريكى ل ده‌ڤه‌را ( رمێلان) ل پارێزگه‌ها حه‌سه‌كه يا سوورى”.
دياركر ژى” هنارتيێ تايبه‌ت يێ سه‌رۆكێ ئه‌مريكى بۆ هه‌ڤپه‌يمانيا نێڤده‌وله‌تى يا شه‌رێ دژى داعشێ (برێت ماكگۆرك) پشتى ژ “پيساتيێن” خوه ل پارێزگه‌ها ره‌قه يا سوورى تمام بووى، يێ به‌رهه‌ڤيان دكه‌ت ژبۆ ئه‌نجامدانا ئه‌ركه‌كێ “پيستر” بۆ تمامبوونا پرۆژێ رێيا تيرۆرستى ئه‌وا ئه‌مريكا ل به‌ره بجهبينيت، كو ماكگۆركى ده‌ست پێكرى ده‌مێ چوويه پارێزگه‌ها ئه‌دلبێ، ئارمانجا دويێ يا وى ورێكخراوا په‌يه‌دێ كو لقا سووريێ يه يا رێكخراوا په‌كه‌كێ، ب رێيا هنارتنا وان بۆ سه‌دان چه‌كدارێن داعشێ ژ ره‌قه به‌ر ب ئه‌دلبێ”.
ئەڤرۆ نیوز ، نەوزاد هلوری:
سەرکرداتیا پارتی دیموکراتی کوردستان قادر قاچاخ وەکو بەرپرسێ لقێ 17ێ یێ پارتی دیموکراتی کوردستان ل شنگال دەستنیشانکر.
قادر قاچاخ بو ئەڤرۆ نیوز گۆت: ( لسەر بریارا سەرکرداتیا سیاسیا پارتی دیموکراتی کوردستا ئەز وەکو بەرپرسێ نوویێ لقێ 17ێ پارتی دیموکراتی کوردستان ل شنگال هاتمە دەستنیشانکرن ، ئەو ژی پشتی کو د شەرێ ل گەل حەشد شەعبی وه‌حيد باكوزى به‌رپرسێ لقێ هاتیە شەهیدکرن)
زێدەتر گوت: (رێورسمێن دەست بکاربوونا من ژی دێ روژا ئێکشەمبی هێنە ئەنجامدان ، ئومێدەوارم بشێم خزمەتا خەلکێ شنگال و رێبازا پارتی و بارزانی بکەم)
ئه‌ڤرۆنيوز:
سه‌رۆك وه‌زيرێن هه‌رێما كوردستانێ راگه‌هاند، پيلانا ل سه‌ر كوردستانێ هه‌ى گه‌له‌ك يا مه‌زنتره ژئه‌وا هه‌ست پێ دهێته كرن وخه‌لكه‌ك ژى يێ هه‌ى كو پشته‌ڤانيا دروستكرنا ئاژاوێ دكه‌ت. دبێژيت ژى، ئه‌م ل داخوازيا خه‌لكى بۆ بارێ ژيانا وان تێ دگه‌هين ومافه‌كێ سروشتى يه، به‌لێ ده‌سته‌ك يێ هه‌ى دڤێت روشا كوردستانێ تێكبده‌ت، به‌رپرسياره‌تيا حوكمه‌تێ ژى ئه‌وه وئاسايشا خه‌لكێ كوردستانێ بپارێزيت.
نێچيرڤان بارزانى سه‌رۆك وه‌زيرێن هه‌رێما كوردستانێ، ئه‌ڤرۆ پێنج شه‌مبى21/12/2017 دكونفرانسه‌كێ رۆژنامه‌ڤانى دا ل هه‌ولێرێ، به‌حسێ سه‌ره‌دانا خوه بۆ ئه‌لمانيا كر ودۆت” سوپاسيا هاريكاريێن ئه‌لمانيا دكه‌ين ژ روويێ مرۆڤايه‌تى وله‌شكرى كو گه‌له‌ك هاريكاريا كوردستانێ كريه”.گۆت ژى” ئه‌لمانيا ب هه‌ڤپشكى ل گه‌ل فه‌ره‌نسا دخوازن هاريكارێن هه‌رێما كوردستانێ بن بۆ چاره‌شه‌ريا كێشان دچارچۆڤێ دستوورێ عيراقێ دا، مه ژى دووپاتكر كو دپێگيرين ب دستوورێ عيراقێ ورێزێ ل بريارێن دادگه‌ها فيدرالى دگرين”.
ل دۆر خوه‌نيشادان وئالۆزيێن سنورێ سلێمانيێ وهه‌له‌بجه، نێچيرڤان بارزانى راگه‌هاند” سه‌ره‌خوه‌شيێ دكه‌ين ل مالباتێن وان كه‌سێن گيانێ خوه ژده‌ستدى وهيڤيا چاكبوونێ بۆ برينداران دخوازين”. دياركر”خوه‌نيشادانێن ئاشتيانه ومه‌ده‌نى مافێ سروشتيێ خه‌لكى يه، ئه‌م ل داخوازيێن خه‌لكى بۆ بارێ ژيانا وان تێ دگه‌هين، به‌لێ دروستكرنا ئاژاوێ رامانا خوه‌نيشادانێ نينه، ده‌سته‌كێ تێكده‌ر يێ هه‌ى بۆ ژرێ ده‌رخستنا خوه‌نيشادانێن مه‌ده‌نى، ئه‌م دزانين هاندان يا هه‌ى وخه‌لكه‌ك يێ هه‌ى پشته‌ڤانيا دروستكرنا ئاژاوێ دكه‌ت، به‌لێ هێزێن ئه‌منى وگه‌لێ كوردستانێ ژى دژى ئاژاوێ نه ورێ ناده‌ن ئاسايشا كوردستانێ تێكبچيت”.
نێچيرڤان بارزانى دبێژيت”مه پێدڤى ب ئێكرێزيێ يا هه‌ى، چونكى ئه‌م يێ ل به‌رده‌م گه‌فه‌كا جدى، دڤێت دئێك رێز بين، هه‌كه دئێكرێز نه‌بين، كه‌س ناهێته دهاوارا مه هه‌كه ئه‌م ب خوه نه‌بين، پيلانێن ل سه‌ر كوردستانێ گه‌له‌ك ژوێ مه‌زنتره كو هه‌ست پێ دهێته كرن”.
ل دۆر ره‌وشا ئابوورێ كوردستانێ، گۆت” داخوازيا خه‌لكى بۆ بارێ ژيانێ مافه، به‌لێ پشتى روودانێن ڤێ دووماهيێ داهاتێ كوردستانێ بۆ نيڤيێ يێ كێمبووى، ل گه‌ل وێ ژى دا رێ يا هه‌ى كو ل پاشه‌رۆژێ ژڤێ ره‌وشا نه‌خوه‌ش ده‌ركه‌ڤين”.
نێچيرڤان بارزانى ئاماژه ب وێ چه‌ندێ ژى كر” ئه‌م ل گه‌ل په‌رله‌مانێ يێن كۆمبووين ودێ مه لژنه‌كا هه‌ڤپشك هه‌بيت ل دۆر پرۆژێن چاكسازيێ، نوكه مه چه‌ندين پرۆژێن چاكسازيێ يێن به‌رهه‌ڤكرين ودێ ل په‌رله‌مانى دانوستاندن ل سه‌ر هێته كرن”.
سه‌رۆك وه‌زيرێن هه‌رێما كوردستانێ راگه‌هاند ژى” من داخوازكريه رۆژا هه‌لبژارتنان بهێته دياركرن كو ژ سێ هه‌يڤێن بهێت ده‌رباز نه‌بيت”. گۆت ژى” هێجه‌تا هنده‌ك لايه‌نان ل دۆر ليستا ده‌نگده‌ران هێجه‌ته‌كه بۆ پاشخستنا هه‌لبژارتنان، هه‌كه نه، ئه‌گه‌ر ئاخڤتن ل سه‌ر ناڤێن مريان بيت، خوه تنێ خه‌لك ژ پارتى ب تنێ نه‌مريه”.
سه‌باره‌ت خوه‌ڤه‌كێشانا گۆران وكۆمه‌لا ئيسلامى ژحوكمه‌تێ، نێچيرڤان بارزانى گۆت” ده‌مه‌كه گۆران دحوكمه‌تێ دا نينه وژحوكمه‌تا خوه‌جهى ناڤه‌كێشيت، به‌لێ ل دۆر كۆمه‌لا ئيسلامى تێناگه‌هم، ل ده‌زگه‌هێن راگه‌هاندنێ مه گوه لێبوو كو دێ خوه ڤه‌كێشيت، پێدڤى ل كۆمبوونا تايبه‌ت دا به‌حس كربا، ئه‌م رێزێ ل بريارا وان دگرين، به‌لێ دده‌مه‌كى دا ئه‌م داخوازا هه‌لبژارتنان دكه‌ين ل ده‌مێ سێ هه‌يڤێن داهاتى دا، چو به‌لگه‌كى وپاساوه‌كى نابينين بۆ وێ چه‌ندێ، ئه‌ڤه چار ساله ئه‌م پێكڤه، ما نه‌دزانى كێماسى يێن هه‌ين، كو نوكه ئه‌و برياره دايى، دڤێت ملله‌ت ب خوه بزانيت كا بريارا وان بۆ چيه”.
نيشاندان