ئه‌ڤرۆنيوز:
مالپه‌ره‌كێ عيراقى ئاشكراكر، سه‌رۆك وه‌زيرێن عيراقێ پێشنيازێن فه‌ره‌نسا وئه‌لمانيا يێن تايبه‌ت ب كێشا عيراقێ وهه‌رێمێ ره‌تكرن، ئاماژه دا ژى كو دانوستاندنێن به‌غدا وهه‌ولێرێ يێن گه‌هشتينه رێيه‌كا گرتى.
مالپه‌رێ (المعلومه) به‌لاڤكر كو وه‌زيره‌كێ ديار دناڤ حوكمه‌تا عيراقى دا بۆ رۆژناما العربى الجديد ، راگه‌هانديه” ژ رۆژا پێنجشه‌مبيا بۆرى، دانوستاندنێن به‌غدا ل گه‌ل هه‌رێمێ يێن گه‌هشتينه رێيه‌كا گرتى، پشتى نه‌رازيبوونا هه‌ولێرێ ل سه‌ر به‌لاڤكرنا هێزێن عيراقى ل ده‌ڤه‌را پێشابيرێ يا سنورى وراده‌ستكرنا ده‌رگه‌هێن سنورى يێن نێڤده‌وله‌تى يێن عيراقێ ل گه‌ل ئيرانێ وتوركيا، زێده‌بارى باده‌كا فرۆكخانان ل هه‌ولێرێ وسلێمانيێ”.
وى وه‌زيرى عيراقى كو ئاماژه ب ناڤێ وى نه‌هاتيه كرن، دياركر” حه‌يده‌ر عه‌بادى سه‌رۆك وه‌زيرێن عيراقێ، پێشنيازێن فه‌ره‌نسى وئه‌لمانى ل دۆر كێشێن ل گه‌ل هه‌رێمێ ره‌تكرن، ئه‌و پێشنياز ژى مانا ره‌وشێ ل ده‌رگه‌هێن سنورى وفرۆكخانان دده‌ستێ هه‌رێمێ دا ولێزڤرينا ژ مه‌رجێ هه‌لوه‌شاندنا ريفراندۆما سه‌ربخوه‌يێ ب به‌ياننامه‌كا فه‌رمى يا كوردى”.
وه‌زيرێ عيراقى گۆت ژى” راگه‌هاندنا هه‌ولێرێ بۆ رێزگرتنێ ل بريارا دادگه‌ها فيدرالى يا بلند (كو ريفراندۆما جودابوونا هه‌رێما كوردستانێ ب نه دستوورى هژمارتبوو) يا كێمه وبژارده‌يا له‌شكرى دوباره يا سه‌رهلدايه ڤه ب تايبه‌تى پشتى دانوستاندن ل رۆژا پێنج شه‌مبيا بۆرى راوه‌ستاين، له‌وما سه‌ركردێن كوردستانێ بزاڤێن فشاركرنێ ل سه‌ر به‌غدا دكه‌ن ب رێيا په‌يوه‌نديێن خوه ل گه‌ل هنده‌ك وه‌لاتێن ئورۆپى”.
نيشاندان
