ئه‌ڤرۆنيوز:
سپێده‌يا ئه‌ڤرۆ دوشه‌مبى 18/12/2017، بيڤه‌له‌رزه‌كێ ل باژێرێ خانه‌قين دا وچو زيان ل دووڤ خوه نه‌هێلان.
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ دبه‌رپه‌رێ خوه دا ل سه‌ر تۆرا فه‌يسبووكى، به‌لاڤكر”ئه‌ڤرۆ دوشه‌مبى بيڤه‌له‌رزه‌كێ ل باژێرێ خانه‌قينێ دا، به‌لێ چو زيان په‌يدا نه‌كرن”.
دياركر ژى” هێزا وێ بيڤه‌له‌رزێ 3.7 بوو ل دووڤ بيڤه‌رێ ريخته‌ر يێ جيهانى”.
ئەڤرۆ نیۆز ، زنار تۆڤی:
دانیێل ئیلسبێرگ شارەزایێ لەشکەری یێ ئەمریكی هۆشداری دایە هندێ،کو جیهان گەلەک نێزیك بوویە،بۆ روودانا شەری و كارەساتەکا ئەتۆمی،کو دێ عەردی ب تەمامی وێران کەت و دێ وەکی رۆژا قیامەتێ بیت.
ئیلسبێرگ كێك بوویە ژ دارێژەرێن ستراتیژیەتا ئەتۆمی یا ئەمریكا ل سالێن شێستی ل سەدێ بوری،کو ل وی دەمی شەرێ ساریێ دناڤبەرا ئەمریكا و رووسیا د لوتكەیێ دابوو.
ئەڤ شارەزایێ ئەمریكی د پەرتووکەکا نوودا ب ناڤێ ماكینا رۆژا قیامەتێ، چەندین دانپێدان دەربارەی پلانێن شەرێ ئەتۆمی نڤێسینە، هەروەسا نڤێسیە هەکە شەرێ ئەتۆمی روودا،دێ گەلەکا مەترسیدارتر بیت،ژ هەر روودانەکا سروشتی،یاکو پێشتر ب سەر ئەردیدا هاتبیت.
ئیلسبێرگ نوکە د ژیێ 86 سالیێ دایە و گوتیە،کو ئێكەم مووشەكا ئەتۆمی دێ پشتی ئاگەهداركرنەکا خەلەت یان هەولەكا تیرۆریستی و كەسەکێ رێک پێنەدایی دێ هێتە تەقاندن و پشتی هنگێ دێ شەرێ ئەتۆمی دەست پێکەت.
هەروەسا گوتیە ژی، هەر شەرەکێ ئەتۆمی یێ دناڤبەرا ئەمریكا و وەلاتەکێ دیتر دا رووبدەت،دێ د ماوێ چەند رۆژێن كێم یێن ل دەستپێکا وی شەری دا،500 ملیۆن مرۆڤ دێ هێنە کوشتن.
ئەڤرۆ نيوز:
وەزیرێ ڤەگوھاستن و گەھاندنێ ل حوکمەتا ھەرێما کوردستانێ ئاشکەرا کر کو د کۆمبوونا نوونەرێن وەلاتێن بیانی دا ل ھەرێمێ بەحس ل وێ چەندێ ھاتیە کرن کو حوکمەتا ناڤەندی سۆز دایە ھەتا دووماھیا ئەڤ سالە فرۆکخانەیێن ھەرێمێ ڤەکەت.
مەولود باوە موراد، وەزیرێ ڤەگوھاستن و گەھاندنێ ل حوکمەتا ھەرێما کوردستانێ دوھی رۆژا ئێکشەمبی 17ی کانوونا ئێکێ د کۆنگرەکێ رۆژنامەڤانی دا راگەھاند کو د کۆمبوونا نوونەرێن وەلاتێن بیانی دا ل ھەرێما کوردستانێ راگەھاندیە کو عیراقێ سۆز دایە بەری سەرێ سالێ فرۆکخانە بھێنە ڤەکرن.
مەولود باوە مۆراد گۆتژی: “ھەتا نوکە بزاڤ بۆ زانینا دەمێ ڤەکرنا فرۆکخانێن ھەرێما کوردستانێ د بەردەوام و بەرسڤا ھەرێمێ ژ لایێ عیراقێ ڤە نەھاتیە دا و چو ژڤان ژی بۆ ڤەکرنا فرۆکخانان نینن”.
ئاماژە ب وێ چەندێ ژی کر کو ل گەل قونسلخانان و نەتەوێن ئێکگرتی و وەزیرێن پەیوەندیدار د پەیوەندیان دانە و ل کۆمبوونا ل گەل نوونەرێن وەلاتێن بیانی ل عیراقێ سۆزا وێ چەندێ ھاتیە دا کو فرۆکخانە بەری سەرێ سالا نوو دێ ھێنە ڤەکرن، بەلێ ھەتا نوکە چ تشتێ فەرمی د ڤێ دەربارێ دا نەگەھشتیە ھەرێما کوردستانێ”.
ئه‌ڤرۆ نيوز:
ناسر عه‌لى به‌رپرسێ ئوفيسا رووداو ل دهۆكێ ل په‌يجێ خوه يێ فێسبوكێ دياركريه به‌رى چوونا شاندێ حوكمه‌تا هه‌رێمێ بۆ ئه‌لمانيا، سه‌فين دزه‌يى په‌يڤدارێ حوكمه‌تا هه‌رێما كوردستانێ ل ئوفيسا رووداو يا دهۆك بوو و من چه‌ند ئه‌ڤ پرسياره ژێ كرن كو ناڤه‌رۆكا وێ ئه‌ڤه بوو:
ژبلى ئه‌وا هین د راگه‌هاندنێ دا دبێژن چ تشتێ گرنگ هه‌یه بو خه‌لكى
ئه‌وى گوت:
گه‌شبینم ره‌وشا كوردستانێ دێ باش بیت
ل عیراقێ دێ داعش ب ناڤه‌كێ دى ده‌ركه‌ڤیت
ل نێزیك و ژبه‌ر هه‌لبژارتنێن عيراقێ، په‌يوه‌نديێن شیعه و شیعه‌يان دێ تێك چن
گشتپرسى نه‌هاتیه هه‌لوه‌شاندن، ل ڤان پێنج سالا دێ هه‌ر كورد گه‌هنه مافێن خوه
ئه‌ردوغان حه‌زدكه‌ت په‌یوه‌ندیا دگه‌ل هه‌رێمى باش بكه‌ت، به‌لێ كێشا وى ئه‌وه شه‌رم دكه‌ت بێژیت ئه‌ز یێ خه‌له‌ت بووم، له‌ورا پێدڤى ده‌مى یه
ئه‌ڤرۆ نيوز:
په‌رله‌مانێ كوردستانێ ب پرانيا ده‌نگان قانوونا لێبورينا گشتى په‌سه‌ند كر و ئه‌و سزاداييێن بريارا سێداره‌دانێ بو ده‌چووى، سزايێ وان بۆ 15 سالان زيندانى هاته كێمكرن ، به‌لێ ژ پشكه‌كێ ز زيندانيان ناگريت.
ل دووڤ قانوونا هاتيه په‌سه‌ندكرن، ئه‌ڤ لێبورينه ژ تاوانێن وه‌كو تيرور و يێن سه‌را كوشتنا ژنان هاتيه سزادان ناگريت.
ئه‌ڤرۆنيوز:
سه‌رۆك وه‌زيرێن عيراقێ، حه‌يده‌ر عه‌بادى، ئه‌ڤرۆ ئێكشه‌مبى 17/12/2017، پێشوازى ل بابا شێخ مه‌رجه‌عێ بلند يێ ئێزديان كر وبۆ دياركر كو به‌غدا يا رژده ل سه‌ر ڤه‌گه‌راندنا ئاوارێن ئێزدى بۆ جهێن وان.
ئوفيسا راگه‌هاندنا سه‌رۆك وه‌زيرێن عيراقێ راگه‌هاند، حه‌يده‌ر عه‌بادى دچارچۆڤێ پێشوازيێ ل باباشێخ (خرتو ئيسماعيل) مه‌رجه‌عێ بلند يێ ئێزديان وشاندێ دگه‌لدا، گۆت” چو پێكهاتێن گه‌لێ عيراقێ ژ تاوانێن تيرۆرستێن داعشێ رزگار نه‌بووينه، ژوان ژى پێكهاتێ ئێزدى”.
عه‌بادى گۆت ژى” به‌غدا يا رژده ل سه‌ر دووڤچوونا تاوانێن دژى ئێزديان هاتينه كرن، ژ ده‌ربه‌ده‌ركرن وكوشتنێ، ودێ حوكمه‌تا عيراقێ كارى بله‌ز ل سه‌ر ڤه‌گه‌راندنا ئاوارێن ئێزدى بۆ ده‌ڤه‌رێن وان كه‌ت، پشتى پشت راستبوونێ ژ پاقژكرنا وان ده‌ڤه‌ران ژ مين وته‌قه‌مه‌نيان وبجهئينانا پلانا پشته‌ڤانيا سه‌قامگيريێ ل وێ ده‌ڤه‌رێ ب هاريكاريا جڤاكێ نێڤده‌وله‌تى، زێده‌بارى لێگه‌ريانا به‌رده‌وام ل قوربانيێن تيرۆرێ”.
ئه‌ڤرۆ نیوز:
نێچیرڤان بارزانى سه‌رۆك وه‌زیرێن هه‌رێما كوردستانێ سه‌باره‌ت هه‌لبژارتنێن په‌رله‌مان و سه‌رۆكاتیا هه‌رێمێ، ئه‌ڤرۆ نامه‌ك ئاراسته‌ى په‌رله‌مانێ كوردستانێ كریه و داخواز ژێ كریه د ژڤانێ ئه‌نجامدانا هه‌ردو هه‌لبژارتنان دیاركر بكه‌ن ب مه‌رجه‌كێ ژ سێ هه‌یڤێن بهێت دا ده‌رباز نه‌بیت.
نێچیرڤان بارزانى ئاماژه ب وێ یه‌كێ كریه كو ئه‌ڤ داخوازیا وى پشتى سه‌ره‌دانا لایه‌نێن سیاسى یێن كوردى دهێت كو گه‌هشتینه رێككه‌فتنه‌كێ بۆ پاراستنا ئێكرێزیا ناڤخویى و ڤه‌گه‌ریان بۆ ده‌ستهه‌لاتا گه‌لى باشترین بژارده هه‌لبژارتنن.
سه‌رۆك وه‌زیرێن هه‌رێما كوردستانێ داخواز ژ كۆمسیونا بلندا سه‌ربخوه‌یا هه‌لبژارتن و راپرسیێن هه‌رێمێ ژى كریه كو ل گۆر پیڤه‌رێن قانوونى و نێڤده‌وله‌تى خوه بۆ هه‌لبژارتنان به‌رهه‌ڤ بكه‌ت.
ئه‌ڤرۆ نیۆز , ره‌مه‌زان هه‌رنى :
نڤیسه‌ره‌كا كج ل بارزان بۆ ئه‌ڤرۆ نیۆز دیاركر , نوكه ل پرانیا وه‌لاتێن دونیایێ خه‌لك كارێ ئاهه‌نگا سه‌رێ سالێ دكه‌ت و دارا كریسمسێ جوان دكه‌ن و دخه‌ملینن به‌لێ من ڤیا جودا ل هه‌میا ل روژا ئالا دارا شه‌هیدان ردوست بكه‌م.
رێزا سالح نڤیسه‌را كچ ل ده‌ڤه‌را بارزان گوتژى : هه‌مروڤه‌ك ده‌ما داره‌كێ دچینیت حه‌زدكه‌ت زوه مه‌زن ببیت و بگه‌هیت به‌رى به‌لێ هیڤیا من یا جودایه به‌لێ دخوازم دارا من مه‌زن نه‌بیت هه‌ر بڤى ره‌نگى بمینیت چۆ خه‌لمێن دى نه‌كه‌ت و چۆ به‌لگ لێ زێده‌نه‌بن ژبه‌ركو هه‌ر به‌لگه داره‌ك وێنه‌یه‌كێ شه‌هیدیه له‌ورا من نه‌ڤێت چۆ جارێن دى قه‌هره‌مانێن وه‌لاتێ خوه ل ده‌ست بده‌م ,ئه‌ڤرۆ ل روژا ئالا ب فه‌رمى ل رێڤه‌به‌ریا شه‌هیدو ئه‌نفالكریان ل بارزان لپشكا موزه‌خانه‌یا شه‌هێدێن رێیا نیشتیمان هاته دانان.
وێ نڤیسه‌رێ گوتژى , ل بیره‌وره‌یا 34 سالیا جینوساید كرنا هه‌شت هزار بارزانیان ل 31/7 لسه‌ر گورستانا جینوساید كریان ل بارزان ل جهێ مه‌راسیمى چه‌ند داره‌كێن سروشتى من خه‌ملاندن ب وێنین جینوساید كریێن بارزانیان و كو به‌لگێن وى بۆنه هه‌شت هزارو گوزارشت ل هه‌شت هزار جینوساید كریێن بارزانیان دكر .
ل دوماهیێ رێزاتێ گوت , ئه‌ڤ دارا شه‌هیدان دێ به‌رده‌وام بیت و هه‌ر خێزانه‌كا شه‌هیدان وێنه‌یان بۆمه بینیت وسه‌ردانا مه‌بكه‌ت دێ وینه‌َیێن وان ب دارا شه‌هیدان ڤه‌كه‌ینو سوپاس بۆ رێڤه‌به‌ریا شه‌هیدو ئه‌نفالكریان ل بارزان كو پروژه‌یێ من په‌سه‌ند كرى ل موزه‌خانه‌یێ ب فه‌رمى داناى.
ئه‌ڤرۆنيوز:
جڤاتا وه‌زارى بۆ ئاسايشا نيشتمانى يا عيراقێ ب سه‌رۆكاتيا سه‌رۆك وه‌زيران وفه‌رماندێ گشتيێ هێزێن چه‌كدار، ئه‌ڤرۆ ئێكشه‌مبى 17/12/2017، دته‌وه‌ره‌كێ كۆمبوونا خوه دا دانوستاندن ل دۆر فرۆكخانا وده‌رگه‌هێن سنورى ورێكخستنا هاتنا رۆژنامه‌ڤانێن عه‌ره‌ب وبيانى بۆ عيراقێ كرن.
ئوفيسا سه‌رۆك وه‌زيرێن عيراقێ، ل دۆر وێ كۆمبوونێ راگه‌هاند” فه‌رماندێ گشتيێ هێزێن چه‌كدار حه‌يده‌ر عه‌بادى سه‌ركێشيا كۆمبوونه‌كا جڤاتا وه‌زارى بۆ ئاسايشا نيشتمانى كر كو تێدا گفتوگو ل دۆر قۆناغا پشتى سه‌ركه‌فتنێ ل سه‌ر داعشێ وڤه‌گه‌راندنا ئاواران، زێده‌بارى هنده‌ك باده‌كێن گريداى ب پلانێن پاشه‌رۆژێ”.
ئوفيسا سه‌رۆك وه‌زيران، دياركر ژى” دكۆمبوونێ دانوستاندن ل دۆر ئاسايشا فرۆكخانا وده‌رگه‌هێن سنورى وپرۆسا رێكخستنا هاتنا رۆژنامه‌ڤانێن عه‌ره‌ب وبيانى بۆ عيراقێ “.
نيشاندان