ئه‌ڤرۆ نیوز:
هێرۆ ئیبراهیم ئەحمەد، د به‌هییا هه‌ڤژینێ خوه مام جه‌لال ته‌له‌بانی دا كو ل رۆژا سێشه‌مبی 3 چرییا ئێكێ وه‌غه‌را داویێ كربوو.
ب وێنه: هێرۆخان د به‌هییا هه‌ڤژینێ خوه دا
نووترين نووچه
- مەسرور بارزانی: ئەڤە دوجارە مە دو كۆمبوونێن زۆر ئەرێنی و باش ئەنجامدان
- قەرەبووكرنا كەسوكارێن قوربانیێن هەلەبجە، ئەركێ دەولەتا ئیراقێ یە
- هەلەبجە بوویە هێمایەكا جیهانی بۆ ستەما ل گەلێ مە هاتیە کرن
- مەسرور بارزانی: داخواز دكەین پارێزگەهبوونا هەلەبجە د زووترین دەم دا بهێتە پەسەندكرن
- سەرۆك بارزانی و مەسرور بارزانی پشكداری رێوڕەسمێ رێزگرتنێ ل قوربانیێن كێمیابارانكرنا هەلەبجە بوون
- سەرۆكێ حوكمەتا هەرێمێ و سەرۆكێ دەزگەهێ هەوالگیرییا فیدرال رەوشا ئەمنی ل ئیراقێ و دەڤەرێ گەنگەشەكر
- پێشەوا هەورامانی: سەرۆكێ حوكمەتا هەرێمێ بەرنامەیێن جودا بۆ پێشڤەبرنا هەلەبجە یێن هەین
- پەرلەمانتارەك: شیعەیان و سوننەیان سۆز یا دای دەنگ ب پڕۆژە قانوونا ب پارێزگەهبوونا هەلەبجە بدەن
- فازل میرانی: دەستهەلاتدارێن بەغدا كورد وەكو هەڤپشك قەبوول نەكرینە
- جێگرێ خەلیفەیێ داعشێ ب پێزانینێن مە هاتە كوشتن و سۆدانی ئاماژە ب وی رۆلی نەكر
سهرهكى Twitter
وەزارەتا پەروەردێ رۆژێن شەمبی کرنە بهێنڤەدانا فەرمی
ئەڤرۆ نیۆز،زنار تۆڤی:
رێڤەبەریا راگەهاندنێ ل وەزارەتا پەروەردێ ئەڤرۆ پێنجشەمبی 5.10.2017 راگەهاندنەک بەلاڤکریە و تێدا هاتیە،بۆ رێکخستنا شێوازێ دەوامێ ل هەموو قوتابخانان و نەبوونا جیاوازیێ،وەزارەتا پەروەردێ بریار دا کو رۆژێن شەمبیێ ببنە بهێنڤەدانێن فەرمی بۆ سەرتاسەری قوتابخانێن هەرێما کوردستانێ، بەلێ ئەو وانێن کو دکەڤنە د رۆژێن شەمبیێ دا پێدڤیە د خشتێ رۆژێن دیتر دا بهێنە دانان و نابیت ب هیچ شێوەیەکێ وانێن رۆژا شەمبیێ تێ بچن و سەرپەرشتیار و رێڤەبەرێن قوتابخانان بەرپرسن ژ رێکخستنا خشتەی، داکو هیچ کاریگەریەکا نەرێنی نە کەتە سەر ئاستێ زانستی.
پشتی 15 روژان تەرمێ دوماهی شەهیدێ کارەساتا دەڤەرا رێکان هاتە دیتن
ئەڤرۆ نیوز ، ئێقبال عومەر:
لروژا 20-9-2017 حەفت گەنجێن رێکانی کو ئاکنجیێن سیریێ و شێلادزێ و دێرەلوک بوون ل دەڤەرا رێکان بونە ئارمانجا فرۆکێن تورکیا و هاتنە شەهیدکرن ، ئەڤرۆ تەرمێ دوماهیک شەهیدێ ئەوێ روودانێ هاتە دیتن کو ب کارەساتا رێکان دهێتە نیاسین.
دڤی واریدا سادق محەمەد سیدانی مامێ ئەوی شەهیدی بو ئەڤرۆ نیوز گۆت : ( پشتی لێگەریان بو دەما 15 روژان دوماهیێ تەرمێ سیداد سدقی سیدانی ل دەڤەرا رێکان هاتە دیتن کو رووباری ل گەل خوە ئینابویە بن پرا باڤێ)
زێدەتر گۆت: ( نها تیمەکا نقومڤانێن شێلادزێ ب هەڤکاریا خەلکێ شێلادزێ و کەس و کارێن وی چوینە جهێ روودانێ بو ئینانەڤا تەرمێ شەهیدی)
دهۆک – زەلامەکێ کورێ خوە ب گۆلەی کوشت
ئەڤرۆ نیوز ، نەوزاد هلوری:
هێمن سلێمان بەرپرسێ راگەهاندنا پولیسێن دهوکێ بو ئەڤرۆ نیوز گۆت: ( ل تاخێ ماسیکێ و سەنتەرێ باژێرێ دهوکێ زەلامەکێ دانعەمر کورێ خوەیێ 40 سالی ب چەند گولەیەکان کوشت ، پەرێن ڤەکولینێ ژی ژلایێ نڤیسینگەها نەهێلانا گونەهباریان هاتیە ڤەکرن بو دوڤچون لسەر روودانێ)
زێدەتر گۆت: (پشتی کو ئەوی زەلامی کورێ خوە کوشتی ، دوڤدا ئێکسەر خوە رادەستی پولیسان کریە ، پولیس ژی دێ ل گۆرەی قانونێ سەرەدەریێ ل گەل روودانێ کەن داکو ئەڤ تاوانبارە بگەهیتە سزایێ خوە ، ئەگەرا روودانێ ژی ل گورەی ڤەکولینێن دەستپێکی دزڤریت بو ئاریشەکا جڤاکی)
پلانەکا ڤەشارتی بۆ رۆنالدۆی هەیە
ئەڤرۆ نیۆز،زنار تۆڤی:
راپۆرتێن رۆژنامه‌ڤانی یێن بریتانی ئاماژێ ب هندێ دكهن کو یانا مانچسته‌ر یونایتد هه‌ولددەت كێشه‌یا دناڤبەرا رۆنالدۆ ل گه‌ل یانا ریال مه‌درید ب دەلیڤە وەربگریت و دۆنێ پۆرتوگالی ڤەگەرینتە ناڤ ریزێن خۆ،هەروەسا ئەو یانە یا ئامادەیە سالانە گۆژمێ 23 ملیۆن یورۆیان بدەتە رۆنالدۆی.
هەروەسا راپۆرتێن رۆژنامه‌ڤانی یێن ڤێ دوماهیێ ئاماژێ ب هندێ دكهن ژی،کو رۆنالدۆی داخواز ژ كارگێریا یانا ریالێ کریە،کو مووچێ وی زێدە بكه‌ن و بگه‌هیننە ئاستێ مووچێ میسی ل بارسەلۆنا و نه‌یماری ل پاریس سانجێرمان، به‌لێ كارگێریا وێ یانێ داخوازیا وی ره‌تكریە.
رۆنالدۆی پێشتر ل یانا مانچسته‌ر یونایتد یاری د‌كر و ل سالا 2009 هاتیە ناڤ رێزێن یانا مه‌دریدی.
بزانە ل کوردستانێ چەوایە – هەڤژینی ل جیهانێ بو ئەڤان 11 جوران هاتیە گوهرین
ئه‌ڤرۆ نیوز ، نه‌وزاد هلورى:
د ره‌سه‌ن دا هه‌ڤژینى ئێك جوره كو ئه‌و ژى دوو كچ و كور پێكڤه بژین هه‌تاكو د ژیانێ دا د ساخن ، به‌لێ نها ب هیجه‌تا پێشكه‌فتن و ته‌كنه‌لوژیا و زانستێ سه‌رده‌م هه‌ڤژینى هاتیه دابه‌شكرن بو چه‌ند جور و ره‌نگ و شێوازان ، بڤێ یه‌كێ ژى سالانه هزاران روودانێن دلته‌زین دناڤبه‌را هه‌ڤژینان درۆست و ژ وانان به‌ردان.
یاسین محه‌مه‌د وه‌كو شاره‌زایه‌كێ جڤاكى دیاركر كو ته‌كنولژیا بویه سه‌ده‌م هه‌ڤژینى بو چه‌ند جور و شێوه‌یان بهێته دابه‌شكرن و گۆت: ( ئه‌گه‌ر جور و شێوه‌یێن هه‌ڤژینیێ یا درۆست و نورمال ژى بیت دێ ب درێژاهیا ده‌مى گورانكارى ب سه‌ردا هێن ژبه‌ركو ئه‌و هه‌ڤژینیا ب مه‌رج و لسه‌ر هنده‌ك بنه‌مایێن ماددى و بره‌ژه‌وه‌ندى بهێته چێكرن و سووز و ڤیان و حه‌ژێكرن نه‌بیت و بناغه و گه‌رنگیه‌ك بو پاشه‌رۆژا وان نه‌بیت بێگومان دێ یا ده‌مكى بیت و ل ئاینده بیه سه‌ده‌م كو ب هه‌لوه‌شیێت)
یاسین بڤى ره‌نگێ ل خوارێ جور و شێوازێن هه‌ڤژینیێ ل جیهانێ و ده‌ڤه‌رێ دابه‌ش دكه‌ت
1- هه‌ڤژینیا نافخویى : ئه‌و هه‌ڤژینى یه كو دناڤبه‌را كه‌س و كارێن ئێك بنه‌ماله‌دا درۆست دبیت وه‌كو كچ شوو ب كورمامى خوه بكه‌ت یان كور خالى بكه‌ت ، یان به‌رۆڤاژى كور كچا خالى یان مامى بینیت ، ئانكو هه‌ڤژینیا وان هه‌ر دناڤ وان بخودا درۆست دبیت ، سه‌ره‌رایى كو درۆست و حه‌لاله لێ یا به‌رته‌نگه و خزمایه‌تى به‌رفره‌ه نابیت.
2- هه‌ڤژینیا ده‌رڤه : ئه‌ڤ هه‌ڤژینى یه به‌رۆڤاژى خالا ئێكێ یه ، واته ئه‌و هه‌ڤژینى یه یا كو دناڤبه‌را دوو بنه‌مالان یان پتر درۆست دبیت كو دهێنه نیاسین بیانى ، و پێغه‌مبه‌رێ مه ( سلاڤێت خودێ ل سه‌ر بن ) پتر خه‌لك پالدایه ڤێ خالێ ژ خالا ئێكێ ژ به‌ركو ئه‌ڤه پتر مرۆڤانیێ درۆست دكه‌ت ، بو نموونه ئه‌و كچا شوو ب كورمه‌ت یان كورخاله‌تا خو بكه‌ت چ مرۆڤانى دناڤبه‌را وان دا درۆست نابن ژ به‌ركو به‌رى ئه‌ڤ كچ و كوره ببنه هه‌ڤژین هه‌ر خزم بوون ، به‌لێ ئه‌گه‌ر كچ شوو ب كه‌سه‌كێ بیانى بكه‌ت دێ بنه‌ماله‌كا دن نیاسیت كو د بیت هه‌زاران كه‌سان بخوڤه دبگریت.
3- هه‌ڤژینیا تاكه‌كه‌سى : ئه‌ڤ جوره‌یێ هه‌ڤژینیێ بتنێ دناڤبه‌را دوو كچ و كوران دا درۆست دبیت هه‌تا كو ئێكێ ژ وان دمریت ، واته دڤێ جوره هه‌ڤژینیێ دا كور بتنێ ئێك ژنێ دئینیت و دێ مینیت دگه‌ل دا هه‌تا كو ئێك ژ وان دمریت ، و ئه‌گه‌ر زه‌لام به‌راهیێ مرد دێ ژن جاره‌كا دن شوو كه‌ت و ئه‌گه‌ر ژن به‌راهیێ مرد دێ زه‌لام ژنه‌كا دن ئینیت.
4- هه‌ڤژینیا فره‌لایه‌نى : ئه‌ڤ هه‌ڤژینیه ل وى ده‌مى درۆست دبیت كو زه‌لام د سه‌ر هه‌ڤژینا خورا ژنه‌كا دن بینیت و یان بێژین زلام دوو ژنان هه‌تا چوار ژنان بینیت ، و ب هزرا من لڤى سه‌رده‌مى ئه‌ڤ یه‌ك نه دجهێ خودایه كو زه‌لام پتر ژ ژنه‌كێ بییت ژ به‌ركو ب راستى زه‌لام نه‌شێت دادپه‌روه‌ریێ دناڤبه‌را هه‌موو هه‌ڤژینێن خودا بكه‌ت ، به‌لێ د ره‌سه‌ن دا درۆسته. و نها ل هه‌رێما كوردستانێ ئه‌ڤ جورێ هه‌ڤژینیێ هاتیه مه‌رجداركرن.
5- هه‌ڤژینیا داب و نه‌رێتى : ئه‌ڤ هه‌ڤژینیه ل وى ده‌مى درۆست دبیت كو بتنێ ئه‌رك رولێ خوه دبینیت نه‌ك ئه‌رك و ماف پێكڤه ، بوو نموونه زه‌لام بێژیته هه‌ڤژینا خو ته چ ماف لسه‌ر من نینه ، به‌لكو من مافێن لسه‌ر ته هه‌یى و توو بتنێ دێ ئه‌ركێن من بجه كه‌یى و ته چ ئه‌رك لسه‌ر من نینه یان به‌روڤاژى ژن مه‌رجێن خوه د سه‌پینیت و زه‌لام دبیته كاربرێكه‌ر.
6- هه‌ڤژینیا ده‌مى : ئه‌ڤ هه‌ڤژینیه دهێته درۆستكرن دناڤبه‌را كچ و كوران بو ده‌مه‌كێ دیاركرى وه‌كو كور بێژیته كچێ ئه‌ز رازى مه ته وه‌كو هه‌ڤژین بینم بو ده‌مێ ساله‌كێ یان دوو سالان یان بو ده‌مێ چه‌ند هه‌یڤان یان ژى چه‌ند حه‌فتیان كو ئه‌ڤ یه‌ك ژى حه‌رامه بهێته‌كرن و نها ئه‌ڤ جورێ هه‌ڤژینیێ ل ئیرانێ هه‌یه.
7- هه‌ڤژینیا هه‌رده‌مى : ئه‌و هه‌ڤژینى یه یا كو دناڤبه‌را كچ و كوره‌كێ دهێته گرێدان بو هه‌تا هه‌تا.
8- هه‌ڤژینیا ڤه‌كرى : ئه‌ڤ جورێ هه‌ڤژینان دناڤبه‌را دوو كچ و كوران دهێته گرێدان وه‌كو هه‌ڤال ، واته كچ و كور دێ پێكهێن بێى كو چ گرێبه‌ستێن هه‌ڤژینیێ ل دادگه‌هیێ هه‌بن كو پێكڤه بژین و خوشیێ دگه‌ل ئێك ببه‌ن و هه‌رده‌ما وان ڤیا ئێك و دوو بهێلن بێى كو دیڤدا هه‌ر ئێكێ ژ وان چ ئه‌رك و ماف لسه‌ر ئێك و دوو هه‌بیت.
9- هه‌ڤژینیا نه شه‌رعى : هه‌ڤ هه‌ڤژینیه پتر ل وه‌لاتێن ئه‌وروپى و ئاسیایى و ئه‌مریكا و ئه‌فریقا هه‌یه كو دهێته نیاسین ب ناپاكى ئانكو زنا ، كو پیسترین و حه‌رامترین شێوازێ هه‌ڤژینیێ یه و هه‌ر جار ژن دگه‌ل زه‌لامه‌كێ یه یان هه‌ر جار زه‌لام دگه‌ل ژنه‌كێ یه.
10- هه‌ڤژینیا به‌رۆڤاژى : ئه‌ڤ جوره هه‌ڤژینیه هه‌ر وه‌كو خالا نه‌هێ یه ، به‌لێ جوداهیا ڤێ د هندێ دایه كو چه‌ند كه‌سه‌كێن دیاكرى پێكڤه دێ ژنه‌كێ ئینن ئه‌و ژى ژ به‌ركو هه‌ژارن و پێچێنابیت كو هه‌ر ئێكێ ژ وان كوران ژنه‌كێ بینیت ، ئانكو بوو نموونه سێ كه‌س پێكڤه دێ ژنه‌كێ ئینن كو مافێ وان كورایه مفایى لڤێ ژنێ وه‌ربگرن و نابیت ببیته چوار كور كو ئه‌ڤ یه‌ك ژى ل وه‌لاتێ هندستانێ هه‌یه.
11- هه‌ڤژینیا سپى : ئه‌ڤ جورێ هه‌ڤژینیێ زور نێزیكێ هه‌ڤژینیا ده‌مى یه ، به‌لێ بتنێ جوداهیى ئه‌وه كو یا گرێدایه ب مه‌رجه‌كێ ڤه ، بوو نموونه كور یێ چوویه ژ ده‌رڤه و نه‌شێت موله‌تا ئاكنجیبوونێ ( لجویێ ) وه‌ربگریت ، ب مه‌ره‌ما وه‌رگرتنا موله‌تا ئاكنجیبوونێ دێ كچه‌كا وى وه‌لاتى وه‌كو هه‌ڤژین ئینیت ، به‌لێ هه‌رده‌ما موله‌تا ئاكنجیبوونێ وه‌رگرت دێ هه‌ڤژینا خوه هێلیت و زڤریته‌ڤ وه‌لاتێ خوه ، و مه‌ره‌م ژ سپى ئه‌وه كو ده‌سپێكا هه‌ڤژینیێ درۆسته ، لێ ئه‌گه‌ر مه‌رج بجهكر ل وى ده‌مى نه‌درۆسته.
شاره‌زایێ جڤاكى دده‌تن دیاركرن كو ل ڤان سالێن داویێ ئه‌ڤ جور و شێوه‌یێن هه‌ڤژینیێ ب نهێنى ل كوردستانێ ژى دهێنه دیتن و گۆت ژى: ( پێدڤى یه جڤاكێ مه بزانیت كو هه‌رده‌ما هه‌ڤژینیێ لسه‌ر بنه‌مایێن سوز و ئه‌ڤین و هزرا پاشه‌روژێ و بنه‌مایه‌كێ رێك و پێك و كورده‌وارى نه‌هێته درۆستكرن دى َهه‌ڤژینیه‌كا ده‌مى بیت و چوو ژ وان هه‌ڤژینان نكارن به‌رده‌وام بن ، ژبه‌رڤى َگرنگه دڤى واریدا ده‌زگه‌هێن راگه‌هاندن و مینبه‌ر و رێكخراوێن جڤاكى و دایك و باب روله‌كێ كارتێكه‌ر بینن بو هوشیاركرنا كچ و كور و تاكێن جڤاكى)
پتر ژ دو دەمژمێران فرۆکێن تورکی ئەڤ دەڤەرە بوردۆمانکر
ئەڤرۆ نیۆز،زنار تۆڤی:
ئەڤرۆ پێنجشەمبی 5.10.2017 فرۆکێن سۆپایێ تورکی ب بەهانەیا هەبوونا چەکدارێن پەکەکێ بۆ ماوێ پتر ژ دو دەمژمێران دەڤەرا بەرواری بالا یا سەر ب قەزا ئامێدیێ ڤە ب دژواری بوردۆمانکر.
ئەڤرۆ ل دەمژمێر 1:30 خولەکی پشتی نیڤرۆ فرۆکێن ئێف 16 یێن سۆپایێ تورکی ب بەهانەیا هەبوونا چەکدارێن پەکەکێ ل ڤێ دەڤەرێ پشتا گوندێ کێستە یا دناڤبەرا ملا رەدێ و کانی رەشێ دا بۆ ماوێ پتر ژ دو دەمژمێران بوردۆمانکر و نوکە ژی بوردۆمان یا بەردەوامە،هەروەسا دەنگێن فرۆکان خۆش دهێتە گوهلێبوون ل ئەسمانێ ڤێ دەڤەرێ.
ریفراندۆم ژى دێ بابه‌تێ وان بیت : عه‌بادى ل گه‌ل ماكرون كومبوو
ئه‌ڤرۆ نیوز ، هلورى:
سپێده‌هیا ئه‌ڤرۆ شانده‌كێ عیراقێ ب سه‌روكاتیا عه‌بادى گه‌هشته فه‌ره‌نسا و نها ل گه‌ل سه‌روكێ فه‌ره‌نسا و چه‌ند به‌رپرسه‌كێن دن د كومبوونێ دایه.
ئه‌ڤرۆ حه‌یده‌ر عه‌بادى سه‌روك وه‌زیرێن عیراقێ ل گه‌ل شانده‌كێ پێكهاتى ژ وه‌زیر و كاربده‌ستێن عیراقێ گه‌شت فه‌ره‌نسا و نها ل گه‌ل ئیمانوێل ماكرون سه‌روكێ فه‌ره‌نسا د كومبوونێ دایه.
ل گوره‌ى زانیاریێ، كو د میدیایێن جیهانى دا به‌لاڤبووى ریفراندۆما سه‌ربخوه‌ى یا كوردستانێ و دانوستاندنێن دناڤبه‌را هه‌ولێر و به‌غدا و شه‌رێ تیرورستێن داعش و هه‌ڤكارییێن فه‌ره‌نسا و په‌یوه‌ندیێن دناڤبه‌را فه‌ره‌نسا و عیراقێ بابه‌تێن سه‌ره‌كیێن كومبوونا وان نن.
سه‌نته‌رێ قه‌زا حه‌ویجه هاته كونترۆلكرن
ئه‌ڤرۆ نیوز ، هلورى:
فه‌رمانده‌یا ئوپه‌راسیوونا كونترۆلكرنا قه‌زا حه‌ویجه ئه‌ڤرۆ سپێدێ كونترۆلكرنا سه‌نته‌رێ قه‌زا حه‌ویجه و چه‌ند گونده‌كێن ده‌ردورا وێ راگه‌هاندن.
رائيد جةودةل شاكر فەرماندەیێ پولیسێن فیدرالىدیاركر كو ئه‌وان شیا ئه‌ڤرۆ سپێدێ سه‌نته‌رێ قه‌زا حه‌ویجه ژ تیرورستێن داعش پاقژ بكه‌ن و بو ئه‌ڤرۆ نیوز گۆت: ( هێزێن فرقه‌یا زریپوش و پولیسێن فیدرالى و به‌رسڤدانا بله‌ز و لیوایێن دوو و سێ و چوار و 11 و 26 و 42 یێن هێزێن حه‌شد شه‌عبى تێدا پشكداربوون )
زێده‌تر گۆت: ( دنهادا هێزێن مه د پێشره‌ویان دانه و دخوازین كو هه‌موو ده‌ڤه‌رێ كونترۆل بكه‌ین)
نڤیسەرەکێ ئیسرائیلی: ئەمریکا ل سالا 1948 وەک نوکە ل کوردستانێ دژایەتیا مە دکر
ئەڤرۆ نیۆز،زنار تۆڤی:
نڤیسەرەکێ ئیسرائیلی بەحسێ هەلومەرجێن دروستکرنا دەولەتا ئیسرائیلێ دکەت و بەراورد دکەت ب هەولێن سەربەخۆیا کوردستانێ.
زەلمان شۆڤال،نڤیسەرێ ئیسرائیلی د گۆتارەکێدا کو ل رۆژناما (ئیسرائیل تودەی) بەلاڤکریە،کو ل سالا 1948 ل وی دەمی سەرکردایەتیا جووهیان بریارا دروستکرنا دەولەتا ئیسرائیلێ دا، وەزارەتا دەرڤە یا ئەمریکا دژایەتی لێ کر و هێرش ل وان سەرکردێن ئیسرائیلێ کر.
هەروەسا گوتیە، جۆرج مارشالێ وەزیرێ دەرڤە یێ ئەمریکا ل وی دەمی و بەرپرسێن ئەمنی یێن ئەمریکا دژایەتیا خۆ بۆ دروستکرنا دەولەتا ئیسرائیلێ نیشان دا، راگەهاندیە،هێجەتێن وێ دژایەتیێ هەمان ئەو هێجەتن یێن کو نوکە ئەمریکا ب ئەگەرێن وان دژایەتیا هەولێن سەربەخۆیا کوردستانێ دکەت.
هەروەسا دبێژیت:ئێک ژ هۆکارێن ل وی دەمی یێن ئەمریکا بۆ دژایەتیکرنا دەولەتا ئیسرائیلێ، پرسا نەفتێ بوو، ”ئەمریکا ترسا ژ دەستدانا نەفتا وەلاتێن عەرەبی هەبوو و نوکە ژی دەربارەی کوردستانێ هەمان ترس هەیە“.
زەلمان شۆڤال هێشتا دبێژیت،پێش ریفراندۆما سەربەخۆیا کوردستانێ، ئەمریکا داخوازا پاشخستنا ڤێ پرۆسێ دکر و نەتەوێن ئێکگرتی ژی هەمان داخوازی کر بەرامبەر ”گەرەنتیکرنا مافێن گەلێ کوردستانێ ل بەغدا“، ب هەمان شێوە دژایەتیا دامەزراندنا دەولەتا ئیسرائیلێ دکر و داخوازا ”چاڤدێریا نێڤدەولەتی یا نەتەوێن ئێکگرتی دکر بۆ سەر فلستینێ“.
ئەو نڤیسەرە دبێژیت ژی،پێشمەرگە کو ب ”سوپایێ کوردستانێ“ دهێتە نیاسین،یێ بەردەوامە ل شەرێ رێکخراوا تیرۆریستیا داعش و د داهاتی دا و ل دەمێ سەربەخۆیێ دا دێ ل شەرێ وی گرووپێ تیرۆریستی دێ بەردەوام بیت،ب ڤێ چەندێ هێجەتا بێهێزبوونا هەڤپەیمانیا ل دژی داعشێ ژ ئەنجامێ سەربەخۆیا کوردستانێ،کو ئەمریکا بانگەشێ بۆ دکەت، رەت دکەت.
زەلمان شۆڤال سەرسورمانیا خۆ ژ هندێ نیشان ددەت، کو ئەمریکا هێجەتا بۆ ئێکپارچەیا ئاخا عێراقێ دئینیت بۆ گەرەنتیکرنا هەژموونا خۆ ل عێراقێ”د دەمەکێدا کو کۆمارا ئیسلامیا ئێرانێ خودان هەژموونەکا مەزن و کاریگەرە ل عێراقێ“.
ئەوژی گوت،جکو 70 سالان بەری نوکە، دێیڤید بن گۆریۆن،ئێکەم سەرۆک وەزیرێ ئیسرائیلێ و سەرکردێ وی دەمی یێ جووهیان و هاری ترومان، سەرۆکێ وی دەمی یێ ئەمریکا شیان وێ قۆناغێ دەرباز بکەن و دەولەتا ئیسرائیلێ دروست بکەن و دپرسیت، ”ئەرێ مەسعود بارزانی، سەرۆکێ هەرێما کوردستانێ و دۆنالد ترەمپێ سەرۆکێ ئەمریکا دشێن جهێ ترومان و بن گۆریۆن هەلبگرن؟“.
دەولەتا ئیسرائیلێ پشتی چوونا جهیێن پتریا وەلاتێن جیهانێ بۆ فلستینێ و ئاخا پیرۆزا ئایینێ جووهیان،ل 14 ئەیارا 1948 دروست بوو.
نيشاندان
WP Facebook Auto Publish Powered By : XYZScripts.com