ئەڤرۆ نیۆز،زنار تۆڤی:

جارەکادی کۆچکا سەرۆکاتیا رووسیایێ دوپاتی ل هەلویستێ خوە ل دۆر رێفراندوما سەرخوەبوونا کوردستانێ کر و دیارکر ژی:کو رووسیا رێزێ ل داخوازیێن خەلکێ کوردستانێ دگریت.

دیمیتری پێسکۆڤ، پەیڤدارێ کرێملنێ و شیرەتکارێ ڤلادیمیر پوتینی سەرۆکێ رووسیا راگەهاندیە: کۆمبوونا سەرۆکێ رووسیایێ ل گەل رەجەب تەیب ئەردۆگان، سەرۆک کۆمارێ تورکیا چو گوهۆرین د هەلویستێ رووسیایێ ل دۆر رێفراندوما سەرخوەبوونا کوردستانێ نەکریە و رووسیا رێزێ ل ئەنجامێن رێفراندومێ دگریت.

هەروەسا دایە زانین ژی:کو پەیوەندیێن مۆسکۆ و هەولێرێ د ئاستەکێ باش دا نە و کرێملن دخوازیت ئەو پەیوەندی لاواز نەبن و بەردەوام ببن.

وەزارەتا دەرڤە یا رووسیا بەری پرانیا وەلاتێن جیهانێ پەیاما خوە یا رێزگرتنێ ل ئەنجامێن رێفراندۆما سەرخوەبوونا کوردستانێ راگەهاند بوو،دیسا داخوازا دانوستاندنێن ئاشتیانە د ناڤبەرا هەولێرێ و بەغدایێ ژی دا کر یە.

ئەڤرۆ نیۆز،زنار تۆڤی:

پشتی کو ماكرۆنێ تەمەن 39 سالی ب سەرۆكێ فرنسا هاتیە هەلبژارتن،ئەو دهاتە نیاسین ب بچووکترین سەرۆک ل جیهانێ،لێ ئەڤ چەندە وەسا دەرنەکەفت و دیاربوو کو سەرۆكا سان مارینۆ،گەنجترین سەرۆكە ل جیهانێ.

بەری هەیامەکێ سەرۆكێ نوو یێ فرنسا هاتە هەلبژارتن و ئەو پۆستە ژلایێ ئیمانیۆل ماكرۆنێ تەمەن 39 سالی ڤە هاتیە پرکرن و ئەو دبیتە بچووكترین سەرۆكێ فرنسا د مێژوویا وی وەلاتی دا.

پێشتر ناپلیۆن پۆناپارت سەرۆكێ فرنسا د تەمەنێ 40 سالیێ دا ببوو سەرۆكێ وی وەلاتی،ئەو دهاتە نیاسین ب بچووکترین سەرۆکێ وی وەلاتی،لی ماکرۆنی ئەو هژمارە ژی شکاند.

لێ نوکە ماكرۆن بچووكترین سەرۆك نینە ل جیهانێ، بەلکو سەرۆكا سان مارینۆ خاتوون ڤانێسا دی ئەمبرۆسیۆ،ل خانا ئێکێ یا گەنجترین و جوانترین سەرۆك ل جیهانێ دهێت و پشتی وێ كیم جۆنگ – ئۆن سەرۆكێ كۆریا باكۆر دهێت.

ڤانێسا ل 22 ئەپریلا 1988 ژ دایك بوویە و دەرچوویا زانكۆیا پۆلۆنیایە و ل سالا 2017 بوویە سەرۆكا سان مارینۆ.

ئەڤرۆ نیۆز،زنار تۆڤی:

هه‌ردو هێلێن فرۆكه‌ڤانی یێن ئه‌لمانیا و نه‌مسا (لوفتهانز و ئاوستریان وینگس) گه‌شتێن وان یێن نێڤده‌ولە‌تی دێ بۆ هه‌ولێرێ د به‌رده‌وام بن و توركیش ئێرلاینز یا توركی ژی ل حه‌فتیا بهێت دێ ده‌ست ب گه‌شتێن خۆ کەتەڤە.

ل دووڤ راگه‌هاندنا كۆمپانیا لوفتهانز‌، گه‌شتا داهاتی یا هێلا‌ فرۆكه‌ڤانیێ‌ بۆ هه‌ولێرێ سوبەهی شه‌مبیێ یە‌ و ئەو گه‌شتا خۆ پاش نائێخیت و دێ هێتە ئه‌نجامدان.

ژلایەکێ دیڤە‌ كۆمپانیا ئاوستریان وینگس راگه‌هاندیە کو هەتاکو نوکە هیچ ئاگەهداریەک ژلایێ ده‌سته‌یا فرۆكه‌ڤانیا مه‌ده‌نی یا عێراقی‌ بۆ راگرتنا گه‌شتێن نێڤده‌وله‌تی نەگەهشتینە وان،لەورا ئەو پلانا گه‌شتکرنێ هه‌لناوه‌شینن و دێ د‌ به‌رده‌وام ‌بن.

هه‌روه‌سا هێلا فرۆكه‌ڤانی یا جێرمانیا یا ئه‌لمانی،ره‌تکریە کو هیچ گه‌شتەکا خۆ رابگریت،هەروەسا پەیڤدارێ وێ كۆمپانیانیێ گۆتیە‌، ئه‌و دێ د به‌رده‌وام ‌بن ل سەر‌ گه‌شتێن خۆ و دێ چاڤدێریا دۆخی ‌كه‌ن و هەروەسا ژ‌ ئه‌گه‌رێ هه‌بوونا پێشهاتێن نوو،ئەو دێ وەلاتیێن خۆ ژ وان گوهۆرینان ئاگەهدار كه‌ن.

هەروەسا ميديایێن توركيا ژی دیارکرینە،کو هێلا فرۆكه‌ڤانی یا توركیش ئێرلاینز،ل حەفتیا داهاتی دێ ده‌ست ب گه‌شتێن نێڤده‌وله‌تی بۆ هه‌رێما كوردستانێ كەتەڤە.