ئه‌ڤرۆ نیوز:
پارتا یه‌كه‌تییا دیمۆكرات په‌یه‌دێ ل رۆژئاڤایێ كوردستانێ، د كۆنگره‌یێ خوه یێ حه‌فتێ دا كو ل رمێلان هاته سازكرن، دو هه‌ڤسه‌رۆكێن نوو هه‌لبژارتن.
شاهۆز حه‌سه‌ن وه‌ك هه‌ڤسه‌رۆكێ نوو یێ په‌یه‌دێ هاته هه‌لبژارتن و جهێ سالح موسلم گرت، هێڤی مسته‌فا وه‌ك هه‌ڤسه‌رۆكا نوو یا وێ پارتێ ل جهێ هه‌ڤسه‌رۆكا به‌رێ ئاسیا كه‌مال هاته هه‌لبژارتن.
ئه‌ڤرۆ نیوز:
مه‌سرور بارزانی، راوێژكارێ جڤاتا ئاساییشا هه‌رێما كوردستانێ د په‌یامه‌كێ دا ل دۆر ئه‌نجامێن رێفراندۆما سه‌رخوه‌بوونا كوردستانێ پیرۆزباهی ل خه‌لكێ كوردستانێ كرن و ره‌خنه ل هه‌لوه‌ستێ په‌رله‌مانێ ئیراقێ گرت.
مه‌سرور بارزانی: ئه‌ز پیرۆزباهییا گه‌لێ كوردستانێ ل سه‌ر وێ سه‌ركه‌فتنا مه‌زن یا د رێفراندۆما سه‌رخوه‌بوونێ دا بده‌سڤه‌ئینای دكه‌م، نها لاپه‌ره‌یه‌كی نوو بۆ مه ڤه‌بوو.”
“كوردستان بزاڤا دانوستانان ب باوه‌رییه‌كا باش ڤه دكه‌ت ل سه‌ر بنه‌مایێ رێزگرتنا هه‌ڤپشك، بریارێن ئه‌ڤرۆ یێن په‌رله‌مانی ئیراقێ د ئازرینه‌ر، نه‌هاریكار و نه‌به‌رپرسیارانه‌نه.”
“ئه‌ڤ ئه‌قلییه‌تا حكومه‌تا ئیراقێ نیشانا دژایه‌تیكرنا خه‌لكێ كوردستانێ یه، هه‌ر ئه‌ڤ ئه‌قلیه‌ته و ته‌همیشكرنه بوو كو به‌رێ مه دایه رێفراندۆمێ.”
“پێدڤییه به‌غدا بزانیت كو ب ره‌تكرنا دانوستان و رێككه‌فتنێ ئه‌و كوردستانێ پتر ژ خوه دوور دكه‌ت.”
ئه‌ڤرۆ نیوز:
پشتی دو كونگرێسمانێن ئه‌مریكا پشته‌ڤانییا خوه بۆ سه‌رخوه‌بوونا كوردستانێ نیشان دای و بریاره‌ك ل دۆر وێ مژارێ پێكێشی كۆنگرێسی كری، سه‌ركرده‌یێ سیناتۆرێن دیمكۆراتان ژی ل ئه‌مریكا داخوازا پشته‌ڤانییا سه‌رخوه‌بوونا كوردستانێ ژ كۆچكا سپی كر.
سیناتۆر چه‌ك شومه‌ری د به‌یانه‌كێ دا راگه‌هاند: رێفراندۆما سه‌رخوه‌بوونا كوردستانێ گاڤه‌كا دیرۆكی یه و پێدڤییه رێز ل ئه‌نجامێ وێ كو ده‌نگێ به‌لێ پتری نۆت و دو سه‌دێ یه، بهێته گرتن و بهێته ناساندن.
شومه‌ری گۆت ژی: پێدڤییه د زووترین ده‌م دا كوردستان ببیته ده‌وله‌ت و ئه‌مریكا ژی پشته‌ڤانییا پرۆسه‌یه‌كا سیاسی بكه‌ت كو ئیراده‌یا كوردان بۆ سه‌رخوه‌بوونی بجهـ بینیت.
” د ده‌هـ سالێن بۆری دا ئێك ژ بهێزترین هه‌ڤپه‌یمانێن مه‌بوویه ل سه‌ر ئه‌ردی د شه‌رێ دژی تیرۆرێ دا و مه پتر ژ جاره‌كێ پشتبه‌ستن ب پێشمه‌رگه‌ی كرییه، هه‌روه‌سا وان كه‌مینه‌یێن ئایینی و نه‌ته‌وه‌یی ژی پاراستینه… كوردان گه‌له‌ك خه‌باته‌كا بزه‌حمه‌ت و درێژ بۆ ده‌وله‌تبوونێ كرییه، لێ ب به‌رده‌وامی رێككه‌فتنێن بێ رامان د گه‌ل وان دهێنه كرن و ب وان دهێته گۆتن كو خوه ل سوبه‌هی بگرن، له‌ورا ده‌مێ وێ بۆری یه و پێدڤییه ئێدی ئه‌مریكا و جیهانا ئه‌مریكا سه‌ركێشییێ لێ دكه‌ت پرۆسه‌كا سیاسی پێكبینن كو كار بۆ بجهئینانا وێ داخوازا كوردان بگریت.”
“د مه‌هێن بهێت دا پێدڤییه هه‌می ئالیێن ئیراقێ بكه‌ڤنه د دانوستانان دا ب ئاشتییانه خوه د گه‌ل داخوازێن كوردان بگونجینن، هه‌ڤكارییا هێزێن كوردی و ئیراقی به‌رده‌وام بیت، ب تایبه‌ت ل دژی تیرۆرێ كو بۆ هه‌ر گوهرینه‌كێ یا گرنگه.”
“جیرانێن ئیراقێ ژی ئیراقێ ژی كو هه‌می دژی ده‌وله‌تا كوردی نه ژبه‌ركو وه‌ك گه‌ف بۆ ره‌وشا خوه یا سه‌لماندی و به‌رژه‌وه‌ندیێن خوه یێن تایبه‌ت دبینن، پێدڤییه رێزێ ل پێویستییا كوردان و ئیراقییان ب بریاردانا چاره‌نڤیسێ خوه بگرن.”
ئەڤرۆ نیوز ، نەوزاد ھلۆری:
وەکو دەربرینا خوشیان ژ بوو سەرکەفتنا پروسەیا ریفراندۆما سەربخوەی یا کوردستانێ ، نھا ل سەنتەرێ باژێرێ دھوکێ ئاھەنگەکا ھونەری و جەماوەری دھێتە ئەنجامدان.
دڤی واریدا مللەت عسمەت بناڤێ چالاکڤانێن دھۆکێ بو ئەڤرۆ نیوز گۆت: ( چالاکڤانێن دھوک ب ھەڤکاریا سەندیکا ھونەرمەندێن کوردستانێ لقێ دھوک وەکو دەربرینا خوشیێ ژ بو سەرکەفتنا پروسەیا ریفراندۆما سەربخوەی یا کوردستانێ ئاھەنگەکا جەماوەری و ھونەری ئەنجام ددەن )
زێدەتر گۆت: ( ئاھەنگ ل دەمژمێر ٨:٠٠ ل نیڤا بازارێ دھوک و ل تەنشت ئاڤاھیێ رێڤەبەریا پولیسان یێ کەڤن دەستپێکریە و دێ ھەتا درەنگی ب شەڤ بەردەوام بیت)
ئەڤرۆ نیوز ،نەوزاد ھلوری:
وەسا بریارە کو سوبەھی ل بارا کومبوونا ئەڤرۆ یا پەرلەمانێ عیراقێ و بریارێن عەبادی بو ھەرێما کوردستانێ کوم ببیت.
دڤی واریدا ڤیان عەباس ئەنداما پەرلەمانێ کوردستانێ بۆ ئەڤرۆ نیوز گۆت: ( سوبەھی پەرلەمانێ کوردستانێ دێ کوم بیت ، بەلێ تنێ دێ جێگرێ سەرۆکێ پەرلەمانێ کوردستانێ و سەروکێن فراکسوونان کومبن )
ل بارا ناڤەروکا کومبوونان ژی ئومێد خوشناو بو ئەڤرۆ نیوز گۆت: ( کومبوون دێ یا تایبەت بیت لسەر کومبوونا ئەڤرۆ یا پەرلەمانێ عیراقێ و ئەوان بریارێن کو ل وی پەرلەمانی دەرچووی دژی ھەرێما کوردستانێ وەکو بەرسڤەک دی َدانوستاندن لسەر بریارێن وان ھێتەکرن ، و رەنگە بەحس لسەر ئەنجامێن دەستپێکی یێن ریفراندۆمێ ژی بھێنەکرن)
ئەڤرۆ نیوز:
بەری دەمەکی کێم فروکەیێن تورکیا ب دوو ساروخان چیایێ گریێ یێن ھنداڤا سەنتەرێ ناحیا دێرەلۆک یێ سەر ب قەزا ئامێدیێ ڤە توپ باران کر و زیانێن جانی و مالی نەھاتینە زانین.
گەلوان سێری وەک ئێک ژ شاھد حالان بۆ ئەڤرۆ نیوز دیار کر کو وی ب جاڤێن خوە یت دەمێ کو ئەڤ چیایە ھاتیە توپ بارانکرن و د ئەنجامێ دا پەنجەرێن مالان ھەژیان و ترس ئێخستە دلێ زارویان.
چیایێ گریێ ب دوراتیا ٤ کیلومەتران د کەڤیتە باشورێ سەنتەرێ ناحیا دێڕەلۆک ھنداڤا گوندێ ھاریکا کو نوکە دورێن ٦٠ مالان لێ ئاکنجی نە
ئەڤرۆ نیوز ، نەوزاد ھلۆری:
ب بەرھەڤبوونا سەروک و ئەندام و کومسیاران ، دەمەکێ کێم بەری نھا کومسیوونا بلند یا ھەلبژاردن و راپرسیێ یا ھەرێما کوردستانێ ئەنجامێن دەستپێکی یێن ریفراندۆما سەربخوەی یا کوردستانێ راگەھاندن.
ھندرین سەرۆکێ کومسیوونا بلند یا ھەلبژاردن و راپرسیێ یا ھەرێما کوردستانێ مزگینیا سەرکەفتنا ریفراندۆمێ راگەھاند و گۆت: ( پشتی کو کومسیوون ھاتیە راسپاردن بو ریفراندۆمێ ل ھەرێم و دەڤەرێن دەرڤەیێن ھەرێمی ، سەرەای ھەموو ئاستەنگان شیا زال بیت و ئەنام بدەت ، و بو رێکخستنا ریفراندۆمێ ژی پەنا بو بنەمایێن نیڤدەولەتی برن)
زێدەتر گۆت: ( پروسەیێن بڤی رەنگی مەزن بێی کێم و کاسی نابن بەلێ راپورتێن نیڤدەولەتی و نافخوەی یێن چاڤدێریێ ب ئەرێنی ھەلسەنگاندن بو کر ، و ئەڤ یەک ژی بو کومسیوون و کومپانیان دزڤریت و ریفراندۆم ب سەرکەفتی ب دوماھی ھات)
ئەنجامێن دەستپێکی یێن ریفراندۆمێ بڤی رەنگی یە.
- ھژمارا دەنگدەران ل ھەرێما کوردستان و دەڤەرێن سەر ب وێڤە و رەڤەندا کورد 4 مليون 581 ھزار 255 دەنگدەر بوون
- ھژمارا وان کەسێن کو پشکداری د ریفراندۆمێ دا کری و دەنگێ خوە دایی 3ملیون 305 ھزار 925 دەنگ بوون کە ئەو ژی دکەتن 72.16 .%.
- ھژمارا دەنگێن پوچەلکری 40 ھزار 11 دەنگ
- دەنگێن سپی 9 ھزار 368 دەنگ
دەنگێن کو ھاتینە دویرئێخستن 170 ھزار 611 دەنگ
- ھژمارا دەنگێن درۆست و راست 3 ملیون 85 ھزار 935 دەنگ
- ھژمارا دەنگێن بەلێ 2 ملیون 861 ھزار 471 دەنگ کو دبیتە رێژا 92.73 %.
- ھژمارا دەنگێن نەخێر 224 ھزار 468 دەنگ کو دبیتە رێژا 7.27%.
ئەنجامێن دوماھیێ پشتی کو دادگەھا پێداچوونێ ، پێداچوونێ تێدا دکەت و پەسەند دکەت دێ ھێنە راگەھاندن
ئەڤرۆ نیوز ، ھلوری:
وەزارەتا دەرڤەیا ئەمریکا دژی بریارێن عەبادی بەرامبەر گەلێ کوردستانێ ھاتە دەنگ و خواست کو پێنگاڤێن ئاڤاکەر بو چارەسەرکرنا ئاریشەیێن خوە بھاڤێژن.
ھیزەر نویرت ئاخفتنکەرا وەزارەتا دەرڤەیا ئەمریکا دیارکر کو بریارا دائێخستنا ھێلا ئاسمانیا ھەرێما کوردستانێ و گەشتێن ئەسمانی ژلایێ بەغداڤە کارەکێ نەرێنی یە و ھەر ئێک ژ عیراق و ھەرێم ھەڤالێن ئەمریکانە و دوپاتکر کو پەیوەندیێن باش و نێزیک ل گەل ھەردوان ھەنە.
زێدەتر گۆت: ( دخوازین کو ھەردولا پەیوەندیێن خوە ب رێیا دانوستاندنان چارەسەر بکەن و پێنگاڤێن عەبادی چوو مفا بو عیراقێ نینە ، و پێشتر ئەمریکا ھەلویستێ خوە ل بارا ریفراندۆما کوردستانێ راگەھاند بوو)
نيشاندان