چاڤدێرەکی راگەھاند، ب ریفراندومێ کوردان خوە نیشا ھەموویێ جیھانێ دا کو دڤێت سەربەخوە بیت، و ئەوا ل ھەرێما کوردستانێ ھاتیەکرن نیشانا ناخێ ھەرێما کوردستانێ بوویە، ھەروەسا ئاشکرا کر، ب چو شێوەکی نابیت حوکمەتا ھەرێما کوردستانێ تاکڕەویێ بکەت و بتنێ بەرژوەندیا عیراقێ بگریت، چونکی ئەو چەندە دبەرژوەندا ھەرێما کوردستانێ دا نینە.

چاڤدێرێ سیاسی سەرۆ قادر بۆ رۆژناما ئەڤرۆ گۆت: پەیوەندیێن ھەرێم و بەغدا ل پاشە رۆژێ گرێدایە ب بەغدا ڤە کو رێز ل سەروەریا ھەرێما کوردستانێ بگریت وەک ھەرێم دچارچووڤێ عیراقەکا فێدرال دا، ئاڤە ل دووف دەستورێ عیراقێ ل سالا 2003 نەتەوێن ئێکگرتی و ھەڤپەیمان شاھد و پشکدارن ل سەر ئەڤێ چەندنێ، نوکە پشتی ریفراندومێ حوکمەتا عیراقێ بزاڤا دکەت ھەرێما کوردستانێ داگیر بکەت و ئەڤ کارێ حوکمەتا عیراقێ یێ دوژمن کارانەیە و دڤێت بەرھەڤی یا خوە پاراستنێ مە بۆ ھەبیت، پابەندبوونە ب دەستورێ عیراقێ و دیسا مافێن ھەرێما کوردستانێ ل سالا 2003 ئەو ژی مادێ 140 ئەگەر ئەو ژی نەبیت دڤێت حوکمەتا ھەرێما کوردستانێ گەلەک ب ھووری جڤاکێ نێفدەولەتی کێشێ بگەھینت کو عیراقێ نەڤێت دەستوری بجھبینت و ب چو شێوا نابیت حوکمەتا ھەرێما کوردستانێ تاکڕەویێ بکەت، و بتنێ بەرژوەندیا عیراقێ بگریت و ئەڤە دبەرژوەندا ھەرێما کوردستانێ دا نینە و نایبت عیراق شەڕێ ھەرێم کوردستانێ بکەت و ل پاشەرۆژێ ئیران و تورکیا و پاشەرۆژێ سوریا ژی بھێتە ناڤ شەڕی و دڤێت ھەموو جڤاکێَ کوردی پشتەڤانیا حوکمەتا کوردستانێ بکەت، حوکمەتا ھەرێمێ ب شێوازەکێ نوو یێ برێڤەبرنێ بۆ پاراستنا سنوورێن ھەرێم کار بکەت و بەرژوەندێن پاشەرۆژێ و نوکە پاراستنا ھەرێما کوردستانێ ژ کارێن دەسپێکی یە، دووڤ دا ئەڤ کار بکەت بۆ شکاندنا ئەڤێ دۆرپێچا ل سەر ھەرێما کوردستانێ وبجھئینانا مادا 140 و مە کوردستانەکا بھێز دڤێت و عیراق کو دێ بیتە دو حوکمەت دبیت و ئەڤە دێ بەردەوام بیت وەک ھەڤڕکی و مە دڤێت حوکمەتا کوردستانێ ژ عیراقێ بھێز ترلێ بھێت و ئەڤە بەردەوام بیت ھەتا ئارمانجێن ریفراندۆمێ دھێنە بجھئینان.

شرۆڤەکارێ سیاسی ھەروەسا گۆت: فیدرالی پێکھاتیە ژ وێ میزانیا د دەستوورێ عیراقێ دا ھاتی ھەتا نوکە حوکمەتا بەغدا پێگری فیدرالیەت نەبوویە، ھەکە حوکمەت ل کوردستانێ مایە و دڤێت عیراق بھێتە نەچارکرن کو مافێن مللەتێ کورد بھێنە بجھئینان و وپێگیری فیدرالیەتێ بیت و ھەتا کوردستان مابیت دێ فیدرالیەت ھەر مینت.

ناڤبری گۆت: ب ریفراندومێ کوردان خوە نیشا جیھانێ ھەموویێ دا کو دڤێت سەربەخۆ بیت و ئەڤا ل ھەرێما کوردستانێ ھاتیەکرن نیشادانا ناخێ ھەرێما کوردستانێ بوویە، ریفراندومێ نوکە دیتنا خەلکێ جیھانێ ژی بۆ عیراقێ گوھوری یە، راستە جیھان ل گەل سەربەخوەیا کوردستانێ نوکە نینە، لێ دژی ئارمانجێن ریفراندۆمێ ل داھاتی ژی دا نە راوستایە و دێ ھەردەم بابەتەک بیت یێ گەرم ھەتا وی دەمی کورد ببنە خودانێن وەلاتەکێ سەربەخوە.

ھەمبەر کێمکرنا بۆدجا ھەرێما کوردستانێ، سەرۆ قادری گۆت: ئەڤە کارەکێ نە دەستوری یە حوکمەتا عیراقێ ئەنجامدای و حوکمەتا ھەرێما کوردستانێ قەبوول نەکریە و ھەکە چارەسەر نەکەن، دڤێت د ناڤبەرا ھەر دو حوکمەتا دا وەلاتێن (فرنسا، ئەمریکا، ھەڤپەیمان یان نەتەوێن ئێکگرتی) بەرھەڤیا خوە دیار کربوو کو دڤێت ببنە لایەنێ سیێ و بەرھەڤیا خوە ژی دیار کربوون، ھەکە عیراق نە خواست ئەڤ کارە بھێتەکرن کو پێدڤی ب ئالیێ سیێ ناکەت وی دەمی عیراق دێ سەروەریا خوە ژ دەست دەت و عیراق وەک ھەفڕکی یا دو حوکمەتا دێ تەماشەپێ ھێتەکرن و ئەڤە دبەرژوەندا کوردستانێ دایە.

ھەمبەر ھەلویستێ ئەمریکا ژی بەرامبەر رەفتارێن ئیرانێ تایبەت ل کەرکووک، دوزخورماتور و دەڤەرێن مادێ (140)، ناڤبری گۆت: بەری ریفراندۆمێ ئەمریکا دیارکر کو دژی ریفراندۆمێ یە و ھەڤکاریا خوپاراستنا ئەنجامێن ریفراندۆمێ ناکەت پشتی ڤێ پرۆسێسێ و ئەڤە سیاسەتا دەولەتان و دڤێت بزانین و ئەو ژی ھات کو ئەمریکا بەرژوەدێن خوە ب شێوەکێ دی دابین بکەت و سیاسەتا وێ ھوسا خواست بێ دەنگیێ بەرامبەر عیراق و ئیرانێ ھەلبژرێت، ئەڤە ژی بۆ ئەگەر کو ئیران و حەشەدا شەعبی بھێنە کەرکووک و دوزخورماتور دەڤەرێ بدەن و ئەمریکا پشتەڤانیا عیراقێ کر کو بزڤریتە بۆ بەری 2003 لێ ھەی، بەلێ خوراگریا پێشمەرگەی و گوھورینێن باش دناڤ حوکمەتا ھەرێما کوردستانێ دا، راستگۆی و رەوانگاریا سەرۆک بارزانی بۆ ریفراندۆمێ و دیسا د دەمێ خوە دا ژ روویێ قانوونی ڤە ماویێ سەرۆکاتیا ھەرێما کوردستانێ کو تەمام بوو و سەرۆکاتیا کوردستانێ رادەستی پەرلەمان و حوکمەتا کوردستانێ کرن و ئەڤە پێنگاڤێن دیموکراسی و ئاشتی خواز بوون بۆ چارەسەرکرنا کێشێن مە ل گەل رۆژئاڤا و عیراقێ، ئەڤ پێنگاڤێن حوکمەتا ھەرێما کوردستانێ ھاڤێتین بۆ پاراستنا ھەرێما کوردستانێ کو ریفراندوم بھێتە سردکرن لێ بەرەڤانیێ ژی دکەت و پابەندبوونا خوە دیارکر ب دەستورێ عیراقێ و بلا ژبیرنەکەین بەری ریفراندومێ ژی سەرکرداتیا کوردستانێ و تایبەت سەرۆک بارزانی دیار نەکربوو کو ھەکە ریفراندومێ پتر دەنگ بدەست ڤەئینان دێ ئێکسەر دەولەتێ راگەھینین، دیارکر بوو کو دێ ل گەل عیراقێ کەڤینە گەنگەشێ و ھەتا نە گەھینە بریارەکا ھەڤپشک دێ دپرۆسێسا سیاسی یا عیراقێ دا بەردەوام بین، دیسا حوکمەتا عیراقێ پابەند بوونا خوە ب دەستوری رادگەھینت و دیسا دخوازیت ھەرێم ژی پابەند بیت و ئەڤە پێنگاڤێن سەرکەفتیانە دھاڤێژیت و ئەڤە وێ چەندێ دگەھینت کو ھەرێما کوردستانێ جارەکا دی بیتە جھێ پووتەدانا کومەلگەھا نیف دەولەتی و ھەڤپەیمانێن مە دێ ڤەگەرنە کوردستانێ ب شێوەکێ سیاسی ئومێد ئەوە یا مە ژ دەست دایی ھێدی ھێدی ب دەست ڤە بینە ڤە ویێ گەشبینم.

ھێشتا گۆت: دەستکەفتێن ژ دەست نەچووینە و حوکمەتا کوردستانێ پاراستینە و حوکمەتەکا ب ئیرادە و بھێز بوو و پێشمەرگە ب قارەمانا نە بەرەڤانی ژ کوردستانێ کر و ئەڤا ل کەرکووکێ ھاتیە روودان، خیانەتا سەرکردێن لەشکریێن ئێکەتی نشتیمانی کوردستان و وبدەستێن بنەمالا تەلەبانی بوویە و ئەڤە کارەکێ ئالۆزە و پتر نەھێنە سەر باشتر، چونکە جورە ئارامیەک ل کوردستانێ ھەیە و نەبیتە دوژمناتی د ناڤبەرا پارتێن کوردی دروست بیت، حکومەتا ھەرێما کوردستانێ د ھەڤڕکیەکا بھێز دایە ب ئاگەھداریا جیھانێ و ھەڤپەیمانێن مە کو ب وێ چەندێ عیراقێ دەستوری ب جھبینت و ناوچێن مادێ 140 دەستورێ عیراقێ راستە کەفتینە دەستێ عیراقێ وەک لەشکری و ھندەک جھان ژی خوە ڤەکێشان دروست بوویە و دیسا ھەڤپەیمانان پتر پشتا عیراقێ گرت ب وێ مەرەمێ کو کوردستان ژ شەڕەکێ خوینا وی بھێتە پاراستن، نوکە ھەڤپەیمان و نەتەوێن ئێکگرتی ل دەڤەرێن مادێ 140 و ھەر ھێزەک وی جھی بیت دڤێت یا بەروەخت بیت ھەتا ئەف مادێ دەستوری بھێتە جێبەجێکرن و ھەکە ئەڤ ماددە ھاتە بجھئینان دێ بنە دەڤەرێن کوردستانی و تایبەت ریفراندوم ھاتەکرن و دەنگدان بە سەربەخوەیی.