ئەڤرۆ نیوز:
ئه‌ڤرۆ نيوز:
وه‌زاره‌تا ژ ده‌رڤه يا رۆسيا راگه‌هاند، وه‌لاتێ وان رێزێ ل داخوازا كوردان دگريت بۆ دامه‌زراندنا ده‌وله‌تێ، به‌لێ وه‌سان ژى هزر دكه‌ت كو پێدڤيه كێشه ب دانوستاندنێ بهێنه چاره‌كرن، نه ب ئێكلايانه سه‌ربه‌خوه بهێته راگه‌هاندن.
وه‌زاره‌تا ژ ده‌رڤه يا رۆسيا ئاماژه ب وێ چه‌ندێ ژى دكه‌ت كو ب گۆره‌ى ئه‌نجامێن ده‌سپێكى يێن ريفراندۆما هه‌رێما كوردستانێ، ده‌نگێ “به‌لێ” بۆ جودابوون و راگه‌هاندنا سه‌ربه‌خوه‌يێ نێزيكى 90% بوويه.
رۆسيا ته‌كست ل سه‌ر وێ چه‌ندێ دكه‌ت كو پشته‌ڤانيا سه‌روه‌رى و ئێكگرتنا عيراقێ دكه‌ت و وه‌لاتێن دى يێن رۆژهه‌لاتا ناڤه‌راست و خۆيا ژى دكه‌ت كو هه‌ڤركى ل دۆر پێگه‌هێ كوردستانا عيراقێ دشيان دا و پێدڤيه ب “دانوستاندنێن ئاڤاكه‌ر و رێزگرتن ل هه‌ڤدۆ” چاره بكه‌ن.
وه‌زاره‌تا ژ ده‌رڤه يا رۆسيا راگه‌هاند ژى كو ريفراندۆم د بيت ببيته ئه‌گه‌رێ دروستبوونا ئالۆزيێن زێده‌تر ل ده‌ڤه‌رێ، ژ به‌ر هندێ “مۆسكۆ ب گرنگ د زانيت ژ هه‌موو وان ئه‌گه‌ران دوور كه‌ڤيت يێن دبنه ئه‌گه‌رێ زێده‌تر ئالوزكرنا ره‌وشا رۆژهه‌لاتا ناڤه‌راست، كو نوكه ب خوه تووشى كۆمه‌كا كێشه و ئالۆزيان بوويه”.
نيشاندان
