ئەڤرۆ نیوز ، ئێقبال عومەر.
پشتی کو دەرگەھێن بنگەھێن دەنگدانێ ھاتینەگرتن و ڤاڤارتن بو دەنگان ھاتینەکرن ل سنوورێ ناحیا شێلادزێ رێژا پشکداریا دەنگەران گەھشتە 88.5%.
ب ڤی رەنگێ ل خوارێ
بنگەھێ قوتابخانا کورەژار 79%.
بنگەھێ قوتابخانا شێلادزێ 95%.
بنگەھێ قوتابخانا دەشتا زێ 95%.
بنگەھێ قوتابخانا شەھیدان 85%.
ئەڤرۆ نیوز ، نەوزاد ھلۆری:
پارێزگارێ دھۆکێ د کونگرەیەکێ رۆژنامەڤانی دا سوپاسیا ھەموو دەنگدەر و ھێزێن ئەمنی و کومسیوونێ و دەزگەھێن راگەھاندنێ کر کو ھەڤکاربوون بو سەرئێخستنا ریفراندۆم بو سەربخوەی یا کوردستانێ و خواست کو چو تەقەیێن خوشیێ نەھێنە بلندکرن و بەروڤاژی ھەر سەرپێچیەکا نەقانونی لسەر ماف و ئازادیێن خەلکی بھێنەکرن دێ پێرابوونێن قانونی ھێنە وەرگرتن.
فەرھاد ئەترۆشی پارێزگارێ دھۆک دیارکر ژی کو ئەڤە سەد سالە کوردستان چاڤەرێ رۆژەکا وەکو ئەڤرۆ دکەین کو بو سەربخوەی یا کوردستانێ دەنگێ خوە بدەن و گۆت: ( چوو بریار نینن بو گرتنا دەرگەھێن سنووریێن دناڤبەرا پارێزگەھا دھۆک و وەلاتێ تورکیا و دەرگەهـ نھا دڤەکرینە و ھاتن و چوونا بارزگانی و گەشتیاری یا بەردەوامە)
ئه‌ڤرۆ نيوز:
جڤاتا پارێزگه‌ها به‌سرا ئه‌ڤرۆ جاره‌كا دى داخواز كر كو وه‌كو هه‌رێما كوردستانێ بكه‌نه هه‌رێمه‌كا فيدرال، د ده‌مه‌كى دا كو ئه‌ڤرۆ ده‌نگدان ژ بوو ريفراندۆما سه‌ربه‌خوه‌يێ ل هه‌رێما كوردستانێ ب رێڤه چوون.
ئه‌ندامه‌كێ جڤاتا پارێزگه‌هێ راگه‌هاند كو ژماره‌كا ئه‌ندامێن جڤاتا پارێزگه‌ها به‌سرا داخواز كريه كو به‌سرا بكه‌نه هه‌رێمه‌كا فيدرال و ده‌سته‌لاتا زێده‌تر پێ بهێته دان.
ئاماژه ب وێ چه‌ندێ ژى كر كو 90% يا بودجێ عيراقێ ژ لايێ پارێزگه‌ها به‌سرا دهێته دابينكرن و گۆت: “نابيت پارێزگه‌هـ ب وى ره‌نگى بهێته پشتگوهـ هاڤێتن”.
خۆيا ژى كر كو پرسا هه‌رێمكرنا به‌سرا دێ ل سه‌ر چاره‌نڤيسێ هه‌رێما كوردستانێ راوه‌ستيت و دووماهى هه‌لويستێ ده‌وله‌تا عيراقێ د ده‌باره‌ى راپرسيا ئه‌ڤرۆ يا هه‌رێما كوردستانێ دا.
بزاڤێن هه‌رێمكرنا به‌سرا ئه‌ڤه دو ساله ده‌ستپێكرى و ژماره‌كا كه‌ساتى و به‌رپرسێن باژێرى داخواز دكه‌ن باژێرێ وان وه‌كو هه‌رێما كوردستانێ ببيته هه‌رێمه‌كا فيدرال.
ئەڤرۆ نیوز ، ھلوری:
کومسیوونا بلند یا سەربخوەی یا ھەلبژاردن و راپرسیێ دیارکر کو پرۆسەیا دەنگدان بو ریفراندۆما سەربخوەی یا کوردستانێ ل ھەموو پارێزگەھێن ھەرێما کوردستان و دەڤەرێن كوردستانى يێن ده‌رڤه‌ى ئيدارا هه‌رێمێ ب دووماهى ھات و ھەموو بنگەهـ ھاتنەگرتن.
ئه‌ڤه د ده‌مه‌كى دايه كو ل هه‌له‌بچه رێژا ده‌نگدانێ گه‌له‌ك يا كێمه و دبيت ب زوورى بگه‌هيته رێژا 50 بۆ 51%ێ، د ده‌مه‌كى دا دهێته پێشبينيكرن كو رێژا ده‌نگدانێ بگه‌هيته 80%ێ، ل كه‌ركووك ژى بۆ 83% دهێته خه‌ملاندن.
ژماره‌كا زۆر يا كه‌سان كێشه ل گه‌ل ناڤان هه‌بوو ب تايبه‌ت ل پارێزگه‌ها دهۆكێ و ل بنگه‌هێن دانگدانێ يێن تايبه‌ت ب ئاواران ڤه و بوو ئه‌گه‌رێ وێ چه‌ندێ كو ب هزارا كه‌س بهێنه بێ به‌هر كرن ژ ئه‌گه‌رێ كێشه‌يێن تۆمارێن ده‌نگدانێ و نه‌بوونا كارمه‌ندێن پێدڤى كو ڤێ پرۆسێ ب له‌ز ب رێڤه ببه‌ن.
ئه‌ڤرۆ نيوز:
به‌رپرسه‌كێ بلندێ نه‌ته‌وێن ئێكگرتى راگه‌هاند، مافێ چاره‌يێ خوه‌نڤيسين ده‌ربڕينێ ژ شكۆمه‌نديا مرۆڤان دكه‌ت و دبێژيت: “كى دشێت ئه‌وى مافى ژ كوردان وه‌ربگريت”.
ئه‌لفرێد دى زياس، به‌رپرسێ په‌رده لادان ل سه‌ر پرۆسا ديموكراسى ل نه‌ته‌وێن ئێكگرتى ل تويته‌رێ خوه چه‌ندين تويت ده‌رباره‌ى ريفراندۆما كوردستانێ به‌لاڤكرينه و دبێژيت: “مافێ چاره‌نڤيس ئانكو ديموكراسى، ديموكراسى ژى ئانكو مافێ چاره‌يێ خوه نڤيسين”.
Self-determination is an expression of human dignity. Who can deny this right to the Kurds, the Tamils, the #Catalans?
— Alfred de Zayas (@Alfreddezayas) September 25, 2017
ئەڤرۆ نیوز ، ھلوری:
کومسیوونا بلند یا سەربخوەی یا ھەلبژاردن و راپرسیێ دیارکر کو پرۆسەیا دەنگدان بو ریفراندۆما سەربخوەی یا کوردستانێ ل کەرکوک داوی ھات و بنگەھێن دەنگدانێ ھاتنەگرتن.
دڤی واریدا شێروان زراری ئاخفتنکەرێ کومسیوونا بلند یا ھەلبژاردان و راپرسیێ بو ئەڤرۆ نیوز گۆت: ( بریارا دریّژکرنا ماوەیێ دەنگدانێ پارێزگەھا کەرکوک ناگریت ژ بەرڤێ یەکی ھەموو بنگەھێن دەنگدانێ ل کەرکوک ھاتنە دائێخستن)
زێدەتر گۆت: ( دەمژمێر ٧:٠٠ دێ ھەموو بنگەھێن دەنگدانێ ل کوردستانێ ھێنەگرتن و چوو ماوەیێن دن ناھێنە درێژکرن)
ئەڤرۆ نیوز:
سەروکاتیا ھەرێما کوردستانێ راگەھاندنەک بەلاڤکر و تێدا داخوازێ ل گەلێ کوردستانێ دکەت ھەردەما کو پرۆسەیا دەنگدانێ دوماھی ھات ، بو دەربرینا خوشیێن خوە پێگریێ ب بنەمایێن فەرھەنگ و رەوشتی یا گەلێ کوردستانێ بکەن.
سەروکاتیا ھەرێما کوردستانێ داخوازێ ل ھەموو گەلێ کوردستانێ ژی دکەت کو خوە دویر بگرن ژ ھەموو تەقەکرن و کارێن نەشارستانی و سفکاتیکرن و کارێن نەقانونی و پێگیریێ ب ئارامیا باژێر و ئاسودەیا خەلکی بکەن.
ئەڤرۆ نیوز ، نەوزاد هلوری.:
وەسا بریارە کو ئێڤاریا ئەڤرۆ لسەر چیایێ زاوا ب پشکداریا جەماوەرەکێ زور د رێورسمەکێ دا مەزنترین ئالایێ کوردستانێ یێ روناهیدار بهێتەدانان و ئاهەنگەکا جەماوەری ژی هێتە ئەنجامدان.
دڤی واریدا مەجید شوکری رێکخەرێ ئەوێ چالاکیێ بو ئەڤرو نیوز گۆت: (وەسا بریارە د رێورسمەکێ جەماوەری دا ئێڤاریا ئەڤرۆ لسەرێ چیایێ زاوا مەزنترین ئالایێ کوردستانێ یێ روناهیدار بهێتەدانان کو قەبارێ وێ 10*30 مەترە ، پاشان ل دەمژێر نەهێ ب شەڤ ل ناڤا بازارێ دهوکێ دێ شەمالک هێنە هەلکرن بو گیانێ پاکێ شەهیدان)
زێدەتر گۆت: ( ل گەل دانان ئاڵای وەکو دیاری بو خەلکێ دهوکێ ، دێ ئاهەنگەکا جەماوەری ژی هێتە ئەنجامدان و چەند هونەرمەند دێ پشکداربن)
نيشاندان