ئه‌ڤرۆ نیوز، هه‌رهین محه‌مه‌د:
ده‌رهێنه‌رێ گه‌نج به‌یار باشورى بۆ ئه‌ڤرۆ نیۆز دیاركركو ئه‌ڤه بۆ ده‌مه‌ك بۆ مژولى چێكرنا كلیپه‌كێ بوو، بۆ هونه‌رمه‌ند دلشاد نێروه‌ى ب ناڤێ (ئه‌ڤرازى چوون) كو ژپه‌یڤ و ئاوازێن هه‌لبه‌ستڤان شه‌مزین خه‌لیل و مونتاژ عومه‌ر رێكانى روناهى سه‌نگه‌ر رێكانى وێنه‌گر عومه‌ر بناڤى.
ئه‌ڤرۆ نیوز ، نه‌وزاد هلۆرى:
ئه‌ڤرۆ ئێڤارى ب به‌رهه‌ڤبوونا بارزانى كه‌رنه‌ڤاله‌كا مه‌زن بو سه‌ربخوه‌ى یا كوردستانێ ل قه‌زا ئامێدیێ ب رێڤه‌چوو و تێدا بارزانى گوتاره‌ك پێشكێشكر و دیارك ركو هه‌تا نها چوو به‌دیل بو ریفراندۆمێ نه‌هاتینه دیتن.
مه‌سعود بارزانى سه‌رۆكێ هه‌رێما كوردستانێ دناڤا كه‌رنه‌ڤالا سه‌ربخوه‌ى یا كوردستانێ ل ئامێدیێ دیاركر كو گه‌لێ كوردستانێ بریارا خوه‌دایه و لێڤه‌بوون نینه و گۆت : (عیراق لسه‌ر بنه‌مایێ هه‌ڤپشكى هاتبویه دادان به‌لێ عیراقێ كورد وه‌كو هه‌ڤپشكێ راسته‌قینه نه‌دیتن و ته‌وافق نه‌هێلا و ده‌ستوور پێشیلكر و زورینه‌یا سیاسى ره‌شكر و پێشمه‌رگه وه‌كو هێزه‌كانى قانونى ژ سوپایێ عیراقێ هاته دویركرن و چه‌ك و ته‌قه‌مه‌نى پى نه‌دا و بودجه و موچه‌یێن پێشمه‌رگه‌ى برین ، ودبه‌رامبه‌ر دا هێزێن حه‌شد شه‌عبى وه‌كو هێزه‌كانى نه‌قانونى و میلشیات قبولكر و چه‌ك ب وان دا و میزانیه‌كا تایبه‌ت ژى ب وان هاته برین ، ژبه‌رڤى َگه‌لێ كوردستانێ بریارا ریفراندۆمێ دا كو ئه‌ڤ بریار ژى بریارا گه‌لێ كوردستان و سه‌ركرداتیا سیاسیا كوردستانێ بوویه ئه‌ڤه سه‌ره‌راى كو سه‌ركرداتیا سیاسیا كوردستانێ گیروبین ژى ژ دانا بریارا ریفراندۆمێ بو سه‌ربخوه‌ى كوردستانێ ، و دیسان من دڤێت بێژم ژى كو یا ژ عیراقێ بهێت یا به‌رامبه‌ر گه‌لێ كوردستانێ دكه‌ت و به‌رى چه‌ند رۆژان ب رێیا په‌رله‌مانى بریارا گه‌لێ كوردستانێ ل بارا ریفراندۆمێ ره‌تكر و پارێزگارێ كه‌ركوكێ ژى ل كار لادا به‌لى من دڤێت بێژم وان كو بریارێن وان ناگه‌هنه كوردستانێ و چوو كارتێكرن نینه ، و ئه‌م چوو حسابه‌كێ بو وان كه‌سان ژى ناكه‌ین یێن كو دژاتیا ریفراندۆمێ دكه‌ن)
زێده‌تر گۆت: ( دوهى ل گه‌ل شانده‌كێ نه‌ته‌وه‌یێن ئێكگرتى و نونه‌رێ سه‌رۆكێ ئه‌مریكا و به‌ریتانیا كومبین ل بارا ریفراندۆمێ و دانا به‌دیله‌كێ بو ریفراندۆمێ به‌لى َهه‌تا نها چوو به‌دیل به‌رامبه‌ر نه‌كرنا ریفراندومێ نه‌هاتیه‌دان ، و ئه‌گه‌ر ئه‌وان به‌دیله‌ك هه‌بایه گه‌لێ كوردستانێ بخوه ریفراندۆم نه‌دكر و بڤێ یه‌كێ دێ ریفراندۆم هێته‌كرن و و سه‌رێ خوه ب نوچه‌یێن ده‌زگه‌هێن راگه‌هاندنێ ب ئێش نه‌كه‌ن و ریفراندۆم ناهێته باشئێخستن ، و جیهانا ده‌رڤه بتنێ لسه‌ر پاشئێخستنا ریفراندۆمێ تێبینى هه‌یه ، ئه‌گه‌ر هه‌موو لسه‌ر وێ یه‌كێ نه كو مافێ گه‌لێ كوردستانێ یه سه‌ربخوه بیت)
سه‌رۆكێ هه‌رێما كوردستانێ د درێژاهیا گوتارا خوه دا دیاركر بریارا ریفراندۆمێ بریارا گه‌لێ كوردستان و سه‌ركرداتیا سیاسیا كوردستانێ یه و گۆت ژى: (گه‌لێ كوردستانێ دڤێت خودانێ ئیراده‌یه‌كا ب هێز بیت و چه‌ند مه ئیراده‌یه‌كا ب هێز هه‌بیت دێ ب هێزتر مافێت مه ب ده‌ستڤه هێن ، داخوازێ ل گه‌لێ كوردستانێ دكه مكو گرنگیێ ب هه‌والێن نیڤده‌ولى و هه‌ڤدژ نه‌ده‌ن و لسه‌ر بانگه‌شه و به‌ر ب ریفراندۆمێ د به‌رده‌وام بن و گوتنێن وان بلا هه‌وه سار نه‌كه‌ن ، و داخوازێ ل هه‌وه هه‌مووان ژى دكه م كو چوو هه‌لویستێن نه‌رێنى به‌رامبه‌ر وه‌لات و كه‌سان نه‌كه‌ن و ئالایێن وان نه‌سووژن)
بارزانى دیاركر ژى كو پێدڤى یه هه‌موو گه‌لێ كوردستانێ و لایه‌نێن سیاسى خوه بكه نئێك و پشته‌ڤانیا ریفراندۆمێ بو سه‌ربخوه‌ى یا كوردستانێ بكه‌ن و گۆت ژى: ( هه‌ر كه‌س و لایه‌نه‌كێ دژى ریفراندۆمێ بیت و نه‌هێته ل گه‌ل ده‌نگێ گه‌لى ئه‌و ب كه‌یفا خوه‌نه و به‌پرسیاره‌تى ژى بو ئه‌وانه )
ئه‌ڤرۆ نیوز ، نه‌وزاد هلۆرى:
فلمه ڤیسته‌ڤالا دهۆك یا نیڤده‌وله‌تى به‌رده‌وامه و ئه‌ڤرۆ ژى دێ كومه‌كا فلمان هێنه نیشاندان و سوبه‌هى دێ خه‌لاتێن ڤیسته‌ڤالێ هێنه دابه‌شكرن و دوماهى هێت.
دڤى واریدا ئاواز نهێلى به‌رپرسا راگه‌هاندنا رێڤه‌به‌ریا گشتى یا ره‌وژه‌نبیرى و هونه‌رى بۆ ئه‌ڤرۆ نیوز گۆت: ( فلمه ڤیسته‌ڤالا دهۆك لسه‌ر كارێن خوه‌یێن نیشاندانا فلم و په‌نه‌لان به‌رده‌وامه و ئه‌ڤرۆ ژى دێ كومه‌كا فلمان هێنه نیشاندان )
زێده‌تر گۆت: ( رۆژانه فلم ل سینه‌مایێن ماكس ل هولێن 1 و 2 و 3 ل ده‌مژمێر 11:00 و 3:00 و5:00 و 9:00 دهێنه نیشاندان ، و سوبه‌هى رۆژا دوماهیێ یا ڤسته‌ڤالێ یه و ل ده‌مژمێر 11:00 و 3:00 هه‌موو فلم دێ ب دوماهیى هێن و دوڤدا ل ده‌مژمێر 6:00ێ ئێڤارى ل هولا كونفرانسان ل زانكویا دهۆك خه‌لات لسه‌ر سه‌ركه‌فتیێن ڤیسته‌ڤالێ هێنه دابه‌شكرن كو كه‌سانێن بسپور و تایبه‌تمه‌ند وه‌كو دادوه‌ر هه‌لسه‌نگاندن بو كریه)
ئه‌ڤرۆ نیوز، هه‌رهین محه‌مه‌د:
سترانبێژێ گه‌نج كوڤان ئامێدى بۆ ئه‌ڤرۆ نیۆز دیاركركو نوكه ئه‌و مژیلى چێكرنا كلیپه‌كێ یه ب ناڤێ(ده‌وله‌ت بوون) كو ژ په‌یڤ و ئاوازێن مۆزیكژه‌ن عه‌گید عادل ئامێدى نه و ل ستودیویا سازان ل هه‌ولێرێ هاتیه توماركرن و ل ژڤانه ل ده‌مه‌كێ نێزیك كلیب بكه‌ت.
كوڤانى هێشتاژى گۆت: ناڤه‌رۆكا ڤێ سترانێ ل سه‌رده‌وله‌ت بوونا كوردستانێ یه كو ئه‌م هه‌موو ببینه ئێك ده‌ست و ئێك دل و دفنا دوژمنى بشكێنین، لێ ئه‌ڤ سترانه چو جوداهیا وه‌سا نینه دناڤبه‌را سترانا من و یا سترانبێژین دى
ئه‌ڤرۆ نیوز:
كومه‌لا ئیسلامى یا كوردستانێ دیاركر كو ئه‌و پشكداریێ د كومبوونا ئه‌ڤرۆ یا كاراكرنا په‌رله‌مانێ كوردستانێ ناكه‌ن.
ئه‌ڤ هه‌لویستێ كومه‌لێ پشتى هه‌لویستێ گۆرانێ دهێت كو ئه‌وان ژى دیاركر كو پشكداریێ د كومبوونا په‌رله‌مانێ كوردستانێ نابن.
دهێته چاڤه‌رێكرن كو ئه‌ڤرۆ ده‌مژمێر 7:00 په‌رله‌مانێ كوردستانێ كوم ببیت پشتى كو بو ده‌ما نێزیكێ دوو سالان هاتیه ژ كارئێخستن و دكومبوونا ئه‌ڤرۆ ژى دا ئێكه‌م دانوستاندنا وان ژى دێ لسه‌ر پرسا ریفراندۆما هه‌رێما كوردستانێ بن.
ئومێد خوشناو سه‌رۆكێ فراكسوونا زه‌ر ل په‌رله‌مانێ كوردستانێ دیاركر كو 62 ئیمزا هاتینه كومكرن بو كاراكرنا په‌رله‌مانێ كوردستانێ و دێ د ده‌ما بو هاتیه ده‌ستنیشان كرن ژى هێته كرن
ئه‌ڤرۆ نيوز:
پۆليسێن بريتانيا راگه‌هاند، په‌قينه‌ك ل ويستگه‌هه‌كێ شه‌مه‌نده‌فرێ ل باشوورێ رۆژئاڤايێ له‌نده‌ن روودا و ژ ئه‌گه‌رێ وێ چه‌ندێ چه‌ند كه‌س بريندار بوون.
پۆليسێن بريتانيا راگه‌هاند كو ئه‌وان ده‌ست ب ڤه‌كۆلينێ كريه و راگه‌هاند كو ئه‌ڤ روودانه ل رۆژئاڤايێ له‌نده‌ن ل ويستگه‌هێ ميترۆيا پارسۆنس گرين روودايه.
ب گۆره‌ى راپۆرتێن رۆژنامه‌ڤانى يێن بريتانى پۆليسێن وى وه‌لاتى راگه‌هانديه كو د ڤێ روودانێ دا چه‌ند برينداره‌ك هه‌نه.
ئەڤرۆ نیۆز،زنار تۆڤی:
ل ھەر ئێک ژ پارێزگەها سلێمانیێ و ئیدارا راپەرین، ب مەبەستا کۆنترۆلکرنا رەوشا ئارامی و ئاسایشێ ل رۆژانێن بانگەشەکرنێ بۆ ریفراندۆمێ، ژوورا پڕۆسا ھەڤبەش بۆ چاڤدێریا بانگەشا ریفراندۆمێ هاتە پێکئینان.
شۆرەش ئیسماعیل،پەیڤدارێ پۆلیسێن ڕاپەرین دیارکریە:ب مەبەستا کۆنترۆلکرنا رەوشا ئارامی و ئاسایشا دەڤەرێن جۆدا یێن سنۆرێ مە و ل دەمێ برێڤەچوونا رۆژانێن بانگەشەکرنا ریفراندۆمێ، ل گەل هەموو ئەفسەرێن بەشێن رێڤەبەریا پۆلیسێن سنوورێ راپەرین پلانەکا ب رێکوپێک هاتیە دانان.
هەروەسا پارێزگارێ سلێمانیێ بەلاڤکریە:کو وان ژی پلانەک بۆ پاراستنا وەلاتیان و باش برێڤەچوونا بانگەشا ریفراندۆمێ دانایە،بەرنامێ بەرهەڤکری بۆ ھێزێن ئاسایشا نافخۆ،پۆلیسان، پۆلیسێن ھاتوچۆ،تیمێن بەرگریا شارستانی و لایەنێن پەیوەندیدارێن دیتر دارشتیە،هەروەسا بریارە ژوورا پرۆسەیا ھەڤبەش بۆ ریفراندۆمێ بهێتە پێکئینان.
ئەڤرۆ نیۆز،زنار تۆڤی:
ب شێوه‌یه‌كێ فه‌رمى یانا ریال مه‌درید یا ئیسپانى رۆدریگۆ مۆرینۆ یێ به‌رازیلى و یاریکەرێ یانا گریمۆ ڤەگۆهاستە ناڤ رێزێن خوە.
رۆژناما ماركا یا ئیسپانی ئاشكراكریە،کو ریال مه‌درید ب شێوه‌یه‌كێ فه‌رمى رۆدریگۆ یێ 17 سالی ڤەگۆهاستیە ناڤ ریزێن خوە،بەلێ ئه‌و یاریکەرە ل وه‌رزێ بهێت دێ هێتە ریال مه‌درید و ل دەستپێکی دێ په‌یوه‌ندیێ ب تیپا دویێ یا ریالێ کەت.
رۆدریگۆ یاریکەرێ هه‌لبژارتیێ به‌رازیله و ل مۆندیالا تازه پێگه‌هشتیان ئاستەکێ بلند پێشکێشكریه.
ئەڤرۆ نیۆز،زنار تۆڤی:
پەرلەمانتارەکا پارتی دیموکراتی کوردستان دیاردکەت، ئەڤرۆ 15.9.2017 پەرلەمانێ کوردستانێ بۆ پشتگیریا لیژنا بلند یا ریفراندۆما سەرخوەبوونێ دێ کۆمبیت و رۆژا 25 ئیلۆنێ دێ وەک رۆژا ریفراندۆما هەرێما کوردستانێ پەسەند کەت.
ئامینا زکری پەرلەمانتارا پارتی دیموکراتی کوردستان ل پەرلەمانێ کوردستانێ بۆ ئەڤرۆ نیۆز گۆتیە:ب هیچ شێوەیەکێ پاشخستن بۆ ریفراندۆمێ نینە،هەروەسا سەرۆکێ هەرێما کوردستانێ دوپاتکریە کو 25 ئیلۆنێ دێ ل سەر سندوقێن دەنگدانێ بین و گوتیە ژی ئاخفتن و پروپاگندەیێن زۆر دهێنەکرن دەربارەی پاشخستنا ریفراندۆمێ،لێ ئەو ئاخفتن دوورن ژ راستیێ و دڤێت خەلکێ کوردستانێ خوە بۆ ئاهەنگ و پالپشتیا ریفراندۆمێ ئامادە بکەن.
هەروەسا دبێژیت:رۆژا ئەینی 15-9-2017، پەرلەمانێ کوردستانێ دێ بۆ پشتگیریا لیژنا بلندا ریفراندۆما سەرخوەبوونێ کۆمبیت و دێ رۆژا 25 ئیلۆنێ وەک رۆژا ریفراندۆما هەرێما کوردستانێ پەسەند کەت.
ئەو ژی دیارکر:باوەریێ و هێزێ ژ سەرۆکێ هەرێما کوردستانێ وەربگرن و ئەو ژێدەرێ هێز و ورەیا مە هەموویانە،هەروەسا دلنیابن کو ریفراندۆم ناهێتە پاشخستن،مە هیڤی و حەزەکا مەزن هەیە و ئاستەنگ دێ هێنە پێش،لێ دڤێت بهێز بین و ل بەر سنگێ پروپاگندە و نەحەزێن گەلێ خوە راوەستین.
نيشاندان