ئەڤرو نیوز ، نەوزاد هلوری
رێڤەبەریا گەشت و گۆزارا زاخو دوماهیک ئامارا گەشتیارا د روژانێن جەژنا قوربانیدا ئەڤێن سەرەدانا باژێرێ زاخو کرین راگەهاندن کو بڤی رەنگێ ل خوارێ یە.
ل رێکەفتی ٣٠/٨ =٧٧٤ گەشتیار
٣١/٨= ١٢١٨ گەشتیار
١/٩= ١٨٥٢ گەشتیار
٢/٩= ٢٥٠٣ گەشتیار
٣/٩= ٢٥٤٠ گەشتیار
٤/٩ = ٢٢٨٩ گەشتیار
٥/٩ = ١٩٢٩ گەشتیار
٦/٩ = ١٠١٦ گەشتیار
٧/٩ = ٧٥٨ گەشتیار
٨/٩ = ٩٧٩ گەشتیار
٩/٩ = ٨٨٢ گەشتیار
سەرجەمێ گەشتیارا ١٥٨٤٠ گەشتیار .
ئه‌ڤرۆ نيوز:
ژێدەرەکێ ھەڤپشک دناڤبەرا ھەموو جورێن ریجێمێ دا ھەیە، ئەو ژی ئەوە مرۆڤ یێ نەچارە خوە سیستەمێ خوارنا خوە ب گوھۆریت، مخابن ئەڤە بۆ گەلەک کەسا یا ب زەحمەتە، ھەموو دەما داخاز دھێتە کرن مرۆڤ خوە ژ خوارنێن نەساخلەم و ھندەک ئەگەرێن دبنە ھویێ زێدە خوارنێ دوور بکەت، یا ب زەحمەتە مرۆڤ بۆ دەمەکێ درێژ ل سەر ڤێ چەندێ یێ بەردەوام بیت و ھندەک نیشان ھەنە کو دەمێ مرۆڤی دیتن دێ دیاربیت مرۆڤ د ریجێمێ دا ب سەرناکەڤیت و ئەنجام ژی ب دلێ مرۆڤی نابن.
1- گوھۆرینا ژیانێ 180 پلەیان: ھەلبەت مرۆڤ نەشێت ب تنێ شێڤێ بخووت یان خوە ژ خێزانێ بدەتە پاش و ئەو بخوون و چاڤێن مرۆڤی ژی ژێڤە نەبن، بەلێ سیستەمێ خوارنێ پێدڤیە ل گەل ژیانا مرۆڤی ب گونجیت، چونکو دەمەکێ درێژ بۆ دڤێت و مرۆڤ دێ تووشی دامابوونێ بیت و نەشێت سەنگێ خوە کێم بکەت.
2- قەدەغەکرنا کۆمێن خوارنێ ب تەمامی: ھەموو دەمان شارەزایێن خوارنێ دبێژن: نابیت تو فلان خوارنێ بخووی، بەلێ یا دیارە کو گەلەک جورێن خوارنێ ھەنە و ئەو دبێژنە مە نەخوون، یا پێدڤیە ل سەر مە دانێن خوە یێن خوارنێ رێکبێخیت کو ل گەل پێدڤیا لەشێ مە ب گونجن، ھەکە تە ھەست کر کو تایبەتمەندێ خوراکیێ دێ تە ب ئێکجاری ژ کۆمەکا خوارنێ وەکو کاربوھیدراتا دوورکەت، ل وی دەمی بزانە تو ب سەرناکەڤی.
3- کێمکرنا سەنگێ ب لەز ل دەستپێکا ریجێمێ: پشتەڤان و ھاندەرێ سەرەکی یێ تەڤاڤیا سیستەمێ خوارنێ ئەوە مرۆڤ ھەست بکەت سەنگێ مرۆڤی یێ کێم دبیت، لەورا پێدڤیە ل سەر تە کو دگەل ھەر سیستەمەکێ خوارنێ تو ھەست بکەی سەنگێ تە یێ کێم دبیت و پەنتەرۆنێ تە یێ فرەە دبیت، ھەموو ڤەکولین دیاردکەن ئەو کەسێن زوو سەنگێ خوە کێم دکەن ھەتا ھەکە ئاڤ و شلەمەنی ژی بن، ل دووماھیێ ئەو دێ سەرکەڤن د ریجێمێ دا و ھەکە ئەڤ چەندە ل دەڤ تە ھەبیت یێ بەردەوام بە ل سەر سیستەمێ خوە یێ خوارنێ بۆ کێمکرنا کێشا لەشێ خوە.
4- تو نەشێی خوارنێ ل گەل کەسێن دی بخووی: پتریا جاران سیستەمێ سەنگ کێمکرنێ مرۆڤی گرێددەت، پتریا جاران ژی مرۆڤ حەزدکەت خوارنێ ل گەل ھەڤالێن خوە ل کاری یان ل گەل خێزانێ بخووت، لەورا مرۆڤ گەلەک پێگیریێ ب سیستەمێ خوارنا خوە ناکەت و ھەلبەت زەعیف ژی نابیت.
5- سیستەمی پشتەڤانیێ ل تە ناکەت وەرزشێ بکەی: ھەکە ئەو سیستەمێ تو ل دووڤ دچی گرێدای وەرزشێ نەبیت تو ھەست ب گوھۆرینا دروست ناکەی، وەرزش دێ ھاریکاریا تە کەت بۆ کێمکرنا کێشا لەشی و دماوێ وەرزشکرنێ دا تو دێ شێە ھەیڤانە 3% سەنگێ حوە کێم کەی و ل کەل ڤێ چەندێ وەرزشێ گەلەک مفایێن دیتر ژی ھەنە.
ئه‌ڤرۆ نيوز:
خوریانا پیستی رەنگە ژ ئەگەرێ نەخۆشیەکا ناڤیا لەشی بیت، خوریانا دژوار دبیتە ئەگەرێ ئالوزیێ و خەموکیێ پەیدادکەت، ھندەک حالەتان ژی چ نیشان ل سەر پیستێ مرۆڤی نینن و خۆریان پەیدادبیت نموونە ژی ھشکبوونا پیستی کو ژ ئەنجامێ ھندەک فاکتەرێن ژینگەھێ پەیدادبیت، ھندەک جاران خوریانا دومدرێژ دبیتە ئەگەرێ ھەودانا پیستی یا دەماران و ئەو جھێ گەلەک د خوریێت ستوور دبیت و رەنگێ وێ تاری دبیت و دھێتە گوھارتن.
د.محسن یاسین دوسکی، تایبەتمەندێ نەخۆشیێن پیستی دیارکرکو رەنگە خۆراندن ل ھندەک جھێن بچووک روو بدەت وەکو دەست و پێیان و یانژی ھەموو لەشی ڤەگریت، د شیاندایە ژی کو چ گوھورین ل سەر لەشی دیارنەبن و دبیت ژی سووربون، پنی، شەخبوونا پیستی، ھشکبوونا پیستی و ڤالاھیان د پیستی دا پەیدابکەت، ھەروەسان دبیت خۆریان بۆ دەمەکێ درێژ یا بەردەوام بیت و مرۆڤ شەرم ژ خۆ بکەت، ھندی مرۆڤ پتر خۆ ب خۆرینیت پتر مرۆڤ ھەست ب خۆریانێ دکەت و مرۆڤی پێدڤی ب ھێزەکا مەزنە ھەتا بشێت لەشێ خۆ نەخۆرینیت و گۆت: گەلەک نەخۆشیێن پیستی ھەڤبەندی ب خۆریانێ ڤە ھەیە ژوانان ژی ھەبوونا لیرێن پیستی وەک خوریکو ئەکزیما و ھندەک حالەتان ژی چ نیشان ل سەر پیستێ مرۆڤی نینن و خۆریان پەیدادبیت نموونە ژی ھشکبوونا پیستی کو ژ ئەنجامێ ھندەک فاکتەرێن ژینگەھێ پەیدادبیت وەک سەقا و ب کارئینانا دوم درێژ یا گەرماتیا ناڤەندی و ھەروەھان ژ ئەگەرێ گەلەک خۆ شووتن و سەرشووتنێ و ھندەک حالەتێن دیتر ژی رەنگە خۆریانێ د لەشیدا پەیدابکەن وەک تەنگەزاریێن پیستی و نەخۆشیێن ناڤخوی و ھەستداری و دیسان ھندەک جاران وەکو ڤەژەنا لەشی بۆ ھندەک دەرمانان.
ھەروەسا د.محسن دیارکر ژی کو ل دەمێ مرۆڤ تووشی ئەکزیما و نەخۆشیا ( ێدفیە) و فتریات و ڕشک و سپیە و گوریبوون و نەخوشیێن ناڤخوی وەک ( جەگەرێ، نەکارکرنا گولچیسکان، ئاریشەیێن پەریزادێ، پەنجەشێر وەک پەنجەشێرا خوینێ و وەرەمێن لیمفاوی و دوان حالەتان دا خوریان ھەموو لەشی ڤەدگریت و پیستێ لەشێ مرۆڤی دبیت یێ سروشتی بیت.
دیارکر ژی کو نە بەرسڤدانا لەشی بۆ ھندەک جورێن ھەستداریێ وەک ل بەرخوکرنا جلکێن ستویر، ب کارئینانا کەرستێن کیمیاوی، سابوون، کەرستێن جوانکاریێ و ھندەک جورێن خوارنێ ژی خوریانێ پەیدادکەن و گۆت: ب کارئینانا ھندەک دەرمانان وەک دەرمانێن ئەنتی بایوتیک و ئەنتی یێن فتریاتان یان دەرمانێن ئێشکێمکرنێ دبیت خوریان و لیران ب رەنکەگێ بەرفرەە ل سەر پیستی پەیدابکەن.
د.رەعەد عەبدولرەحمان ئاکرەی ژی دیارکر کو ل دەمێ خۆریان یا بەردەوام بیت بۆ دو حەفتیان و پتر، یان ئەگەر مرۆڤ نەشیا ژبەر دژواریا وێ بنڤیت، یان ھند یا دژوار بوو کو مرۆڤ نەزانیت کیش جھێ لەشێ مرۆڤی پتر دخوریێت و کارتێکرن ل ھەموو لەشی کر، یانژی ل دەمێ ھندەک نیشانێن دی وەک وەستیان، کێمبوونا سەنگی دگەل دا بوون و دیسان پیستێ مرۆڤی سوور بوو و تا ھاتنێ، پێدڤیە نەخۆش سەرەدانا نوشدارەکی بکەت و شیرەتان ژێ وەربگریت و گۆتژی: ل وی دەمی نوشدار دێ رابیت ب پشکنینا نەخۆشی و دێ پرسیارێ ژ نەخۆشی کەت ل دور مێژوویا نەخوشیا وی و کەنگی خوریانێ دەست پێکریە و چ فاکتەر نەخۆشیێ زێدە دکەن یان کێم دکەن و چەوان چاڤدێریا پیستێ خو دکەت و ھندەک پشکنینێن تاقیگەھێ دێ بۆ ھێنە کرن وەک یێن خوینێ و ئەوژی ل دەمێ نوشداری گومان ھەبوو کو خوریانا وی ژ ئەنجامێ حالەتەکێ پزیشکی یە وەک نەخوشیێن جەگەرێ و ئەنیمیا و تەنگەزاریێن پەریزادێ.
ھەروەسا دیارکر ژی کو ھندەک جاران خوریانا دومدرێژ دبیتە ئەگەرێ ھەودانا پیستی یا دەماران و ئەو جھێ گەلەک د خوریێت ستوور دبیت و رەنگێ وێ تاری دبیت و دھێتە گوھارتن و گۆت: گەلەک رەنگێن چارەسەریێ ھەنە ژوانژی دەرمان: کو پێک دھێن ژ دەرمانێن ئەنتی ھستامین ب رێکا دەڤی ژبۆ چارەسەرکرنا ھەستداریێ و دبیت ژی کریمێن کورتیزون بۆ چارەسەریا ئەکزیمایێ بھێنە ب کارئینان.
د.رەعەد عەبدولرەحمان، ئەوژی گۆت کو دەرمانێن شل ژی ھەنە، یانژی پێدڤیە چارەسەریا نەخۆشیێن بووینە ئەگەرێ خوریانێ بھێتە کرن و ھندەک جاران ژی چارەسەریا رووناھیێ ب بەرئاتافکرنا جھێ خوریانێ بۆ ل بەر تیشکا د سەر بنەفسجی دا دھێتە کرن و سەرەرای کو چارەسەری ھەتا رادەیەکی رولێ خۆ دبینیت، بەلێ چارەسەری یا ئێکسەر نینە و چارەسەریا ئەگەرێ خوریانێ ژ تشتێن ھەرە گرنگە.
بۆ چارەسەریێ ژی، دیارکر، پێدڤیە کریم یان لوشنەکێ دژی خوریانێ ل سەر جھێ خوریانێ بھێتە دانان وەک ھایدروکورتیزون و دبیت ئەڤە ب شێوەیەکێ بەروەخت خوریانێ کێم بکەت و دەمێ خوریان گەلەک یا دژوار بیت باشترە دژە ھیستامین بھێنە بکارئینان و گۆت: ھندی د شیاندابیت لەشێ خۆ نەخورینن ئەوژی ب رێکا تراشینا نینوکان و ب شەڤێ ژی ل بەرخوکرنا دەستگورکان و دیسان دشیاندایە ھندەک پاتێن تەرکری ب ئاڤا سار بدانیە ل سەر پیستێ خو ژ بو کێمکرنا خوریانێ و ھندی د شیاندابیت جلکێن تەنک و سڤک ل بەر خو بکەن و سابوونا بێی بێھن و رەنگ بھێتە ب کارئینان و پشتی شووشتنێ باشترە پیستێ خو ب پارێزی ب دانانا کەرستەکێ تەرکرنا پیستی.
دەربارەی ئەوێن لەشێ وان بەردەوام د خوریێت کا چ ل سەر پێدڤیە؟ د.رەعەد گۆت: باشترە ب ئاڤەکا تەزی لەشێ خۆ بشوون و بیکاربوناتێن سودا ل سەر ئاڤێ زێدە بکەن ل دەمێ سەرشووتنێ. ھەروەھان ب کارئینانا پاقژکەرێن باش ل دەمێ شووشتنا جلکان و دیسان شووشتنا جلکان بەری ل بەرخوکرنێ و خودوورکرن ژ کەرستێن ھەستداریێ پەیدادکەن وەک کانزا و بێھنان و کەرستێن جوانکاریاریێ و نیکەلی.
ئه‌ڤرۆ نیوز ، هلورى:
ئه‌ڤرۆ سه‌رۆكێ هه‌رێما كوردستانێ دپه‌یامه‌كێ دا سوپاسیا خه‌لكێ پارێزگه‌ها سلێمانیێ كر كو بو پشته‌ڤانیا ریفراندۆمێ و ل دوڤ داخوازیا كه‌رنه‌ڤالا نه‌خێر نه‌چوین.
مه‌سعود بارزانى سه‌رۆكى َهه‌رێما كوردستانێ دپه‌یامه‌كێ دا كو دانه‌یه‌ك ده‌ست ئه‌ڤرۆ نیوز كه‌فتیه تێدا هاتیه: ( ژ دل بناڤى َخوه و گه‌لێ كوردستانێ سوپاسیا هه‌وه دكه مكو هه‌وه دوهى حه‌قیقه‌تا هه‌لویستێ خه‌لكێ ب شه‌ره‌فێ سلێمانیێ دیاركرى ، دووباره جاره‌ك دن هه‌وه سه‌لماند كو سلێمانێ باژێرێ هه‌لمه‌قت و قوربانیدانێ یه)
دهێته زانین كو دوهى كه‌رنه‌ڤالا نه‌خێر ل یاریگه‌ها سلێمانیێ یا نیڤده‌ولى ب رێڤه چوو و تێدا خه‌لكێ سلێمانیێ پشته‌ڤانیا ئه‌وێ كه‌رنه‌ڤالێ نه‌كر.
ئه‌ڤرۆ نيوز:
ئه‌ڤرۆ كۆمه‌كا دى يا ياريێن خولێن ئورۆپى دێ ب رێڤه چيت، ئه‌ڤێن ل خوارێ ب هێزترين ئه‌و يارى نه يێن ئه‌ڤرۆ دێ هێنه ئه‌نجام دان.
لاليگا حه‌فتيا سيێ:
دیپۆرتیڤۆ لاکەرۆنیا X ریاڵ سۆسیداد 1:00
ئەتلەتیک بلباو X جیرۆنا 5:15
سێڵتافیگۆ X ئالاڤێس 7:30
ڤیاریاڵ X ریاڵ بیتس 9:45
پريمه‌ر ليگ حه‌فتيا چارێ:
بێرنلی X کریستاڵ پاڵاس 3:30
سوانزی سیتی X نیوکاسڵ یونایتد 6:00
سێريا ئه‌ى حه‌فتيا سيێ:
ئینتەرمیلان سیباڵ 1:00
ئەتلانتا X ساسۆلۆ 4:00
لازیۆ X میلان 4:00
ئۆدێنیزی X جەنەوا 4:00
هیلاس ڤیرۆنا X فیۆرینتینا 4:00
کالیاری X کلۆرۆتۆنی 4:00
ینفینتۆ X تۆرینیۆ 7:00
بۆلۆنیا X ناپۆلی 9:45
ئه‌ڤرۆ نیوز ، نه‌وزاد هلۆرى:
سه‌رۆكێ هه‌رێما كوردستانێ دچه‌ندین دیدار و چاڤپێكه‌فتنێن رۆژنامه‌ڤانى و كونفرانس و كه‌رنه‌ڤال و كومبوونێن خوه‌یێن نافخوه‌یى و بیانى ته‌كه‌ست دكه تكو پێدڤى یه هه‌ر كه‌سێ دخوازه ریفراندۆم بهێته پاشئێخستن دڤێت به‌رسڤا وێ پرسیارێ ژى ب گه‌رنتى بده‌ت بوچى بهێته پاشئێخستن ، شاره‌زایێن سیاسى دده‌ن دیاركرن هه‌تاكو ئه‌ڤ پرسیاره نه‌هێته به‌رسڤدان ریفراندۆم ژى ناهێته پاشئێختن.
دكتور ئه‌مین فه‌ره‌ج ماموستایێ زانكویێ و سیاسه‌تڤان ل هه‌ولێر بو ئه‌ڤرۆ نیوز گۆت: (گه‌لێ كوردستانێ رژده كو ریفراندۆمێ ئه‌نجام بده‌ت و ره‌نگه هه‌تا نها هنده‌ك وه‌لات هه‌بن ئه‌ڤێ یه‌كێ باوه‌ر نه‌كه‌ن و هنده‌ك ژى ژبه‌ركو به‌رژه‌وه‌ندیێن خوه ل گه‌ل هه‌رێمێ و هه‌ڤپه‌یمانێن وان ژ ده‌ست ناده‌ن نكارن بریارا ئێكلاكه‌ر بده‌ن ، پێدڤى یه حزب و لایه‌نێن سیاسیێن كوردستانێ ب تایبه‌تى ئێكه‌تیا نیشتمانیا كوردستانێ ب زوترین ده‌م خوه ئێكلابكه‌ت ل بارا كاراكرنا په‌رله‌مانى و ئه‌نجامدانا ریفراندۆمێ ژبه‌ركو سیاسه‌تا پارتى روونه كو دڤێت هه‌ردوو بهێنه‌كرن و یا گورانێ ژى روونه ل گه‌ل هه‌ردووان نینه ، ئێكه‌تى ژبه‌ركو هه‌ڤپه‌یمانا هه‌ردوایه دخوازه ئه‌ڤ بارودوخ بێده‌نگى ب بوریت به‌لێ ئه‌ڤ یه‌ك ژى ره‌ڤین و ده‌م كوشتنه).
زێده‌تر گۆت: (ریفراندۆم پرسه‌كا نیشتمانیه و مافه‌كێ قانونى و ده‌ستووریێ گه‌لێ كورده و ده‌م ژى گونجایه و پێدڤى یه بهێته ئه‌نجامدان).
ژلایه‌كێ دنڤه دكتور دانا سوفى ئه‌نجامێ په‌رله‌مانێ به‌رێ یێ ئێكه‌تیا نیشتمانیا كوردستانێ بو ئه‌ڤرۆ نیوز دیاركر كو پێدڤى یه لایه‌نێن سیاسیێن كوردستانێ ریفراندۆمێ بو ئێكرێزى و ئێكگرتنا خوه بكاربینن و گۆت: (بارزانى گه‌له‌ك رژده كو پێدڤى یه ریفراندۆم بهێته ئه‌نجامدان ، و هه‌ر كه‌س و لایه‌نه‌كێ نافخوه و جیهانێ دخوازه كو ریفراندۆمێ پاشبێخیت یان هه‌لویستى وه‌ربگریت پێدڤى یه كو به‌رسڤا وێ پرسیارێ ژى بده‌ت یاكو بارزانى بو وان ئاراسته‌كرى ئه‌و ژى ئه‌وه بوچى بهێته پاشئێخستن و چ گره‌نتیه‌ك هه‌یه؟).
زێده‌تر گۆت: (پێدڤى یه لایه‌نێن سیاسى ل ده‌مه‌ك گونجاى بگه‌رن بو ئه‌نجامدانا ریفراندۆمێ ئه‌ڤجا نها بیت یان ده‌مه‌كێ دن بیت).
ئه‌ڤرۆ نيوز:
بڕياره ئه‌ڤرۆ ژ چارچۆڤێ رۆژا دويێ يا فلمه فيستڤالا دهۆك 5 يا نێڤده‌وله‌تى 18 فلم ل هۆلێن جودا يێن سينه‌مايێ ل پارێزگه‌ها دهۆكێ بهێنه نيشاندان، پشتى كو دوهى 9ى ئيلۆنا 2017ێ رۆژا ئێكێ يا فلمه فيستگالێ ب نيشاندانا فلمێ زه‌ر هاتيه ڤه‌كرن.
د فلمه فيستڤالێ دا 131 فلم د پشكدارن و هه‌تا كو رۆژا 16ى ئيلۆنا 2017ێ دێ يێ به‌رده‌وام بيت، چه‌ندين فلمێن كوردى و بيانى دێ هێنه نمايشكرن.
ئه‌ڤرۆ نيوز:
بەرپرسێ نڤیسینگەھا بابە شێخ مەرجەعێ بلند یێ ئایینێ ئێزدیان دیار کر کو ئەو دخوازن ھەموو رزگاربوویێن ئێزدی یێن ژ دەستێن تیرۆرستێن داعش رزگاربووین سکالایان ل دادگەھێ ل سەر تیرۆرستێن داعش تۆمار بکەن دا کو ھەموو تاوانبار بگەھنە سزایێ خوە.
ھادی بابا شێخ، بەرپرسێ نڤیسینگەھا بابە شێخ مەرجەعێ بلند یێ ئایینێ ئێزدیان بۆ رۆژناما ئەڤرۆ دیار کر کو بابە شێخی داخوازەک ئاراستەی ھەموو کچ و ژن و زارۆیێن ئێزدی کریە کو ھەر کەسەکێ ژ دەستێن تیرۆرستێن داعش رزگار ببیت بلا قەستا دادگەھێ بکەت و سکالایەکێ ل سەر تیرۆرستێن داعش تۆمار بکەت داکو ھەموو کەسێن دەست د تاوانا ئێزدیان دا ھەی بگەھنە سزایێ خوە و ھەموو تیرۆرستێن داعش بھێنە سزادان.
ژ ئالیێ خوە ڤە حسێن قائیدی، رێڤەبەرێ نڤیسینگەھا رزگارکرنا رەڤاندیێن ئێزدی بۆ رۆژناما ئەڤرۆ دیار کر کو کوردێن ئێزدی ل قەزا شنگالێ ل رۆژا 3/8/2014ێ ل سەر دەستێن تیرۆرستێن داعش تووشی کارەساتێ ببوون و ب ھزاران کەس ژ ئالیێ تیرۆرستان ڤە ھاتنە گرتن و کوشتن و گۆت: “ھەتا نوکە ب پشتەڤانیا سەرۆکێ حوکمەتا ھەرێما کوردستانێ پتری سێ ھزار و 100 کەس ژ ھەر دو رەگەزان ژ دەستێن تیرۆرستێن داعش ھاتینە رزگارکرن”.
ئه‌ڤرۆ نيوز:
شیرەتکارا ئەلمانیا ئەنجێلا مێرکەل راگەھاند ئەو دخوازیت بابەتێ دانوستاندنێن گرێدای ھاتنا تورکیا بۆ ناڤ ئێکەتیا ئورۆپا ب ئێکجاری بھێتە راوەستاندن و دوپات کر کو وێ باوەری ب وێ چەندێ نینە کو رۆژەکێ تورکیا ببیتە ئەندام د ئێکەتیا ئورۆپا دا.
شیرەتکارا ئەلمانیا د دیدارەکا تەلەفزیۆنی دا وەکو بەرھەڤکرنەک بۆ ھەلبژارتنێن گشتی ل ئەلمانیا کو دێ ل 24 ڤێ مەھێ ھێنە ئەنجامدان، دیار کر” پێدڤیە یا رۆھن بیت کو نابیت تورکیا ببیتە ئەندام د ئێکەتیا ئورۆپا دا و دڤێت دانوستاندنێ ل گەل ھەڤپشکێن مە ل ئێکەتیا ئورۆپا بەحس بکەین بۆ وێ چەندێ کا دێ گەھینە ھەلویستەکێ ھەڤپشک ل دۆر ڤی بابەتی و کا دێ شێین ژی دانوستاندنێن ئەندامبوونا تورکیا د ئێکەتیا ئورۆپا دا ژی ب راوەستینین”.
دیارکر ژی، ئەز نابینم کو تورکیا دێ بیتە ئەندام و چو جاران ژی من باوەری نەبوویە کو ئەو چەندە دێ روو دەت، بەلێ دڤێت بھێتە زانین کا دێ کی ل دەستپێکێ وی دەرگەھی گریت، تورکیا یان ژی ئێکەتیا ئورۆپا.
ئەڤ ھەلویستێ مێرکەلێ ژی پێشڤەچوونەکا بەرچاڤە دژی تورکیا ب تایبەتی ئەلمانیا دەستھەلاتا تورکیا تۆمەتبار دکەت ب دەستەسەرکرنا ھژمارەکا وەلاتیێن ئەلمانی ب ئەگەرێن سیاسی کو ھندەک ژ وان ھەلگرێن رەگەزناما تورکی نە و ژ ئەگەرێ ڤێ چەندێ، ئەلمانیا سزایێن ئابووری ل سەر تورکیا سەپاندبوون، بەلێ ھەتا نوکە بەرلینێ داخوازا راوەستاندنا دانوستاندنێن ئەندامبوونا تورکیا د ئێکەتیا ئورۆپا دا نەکربوون و مێرکەلێ راگەھاندبوو کو ئەو دخوازیت ھەلویستەکێ ڤەبر دژی سەرۆکێ تورکی رەجەب تەیب ئەردۆگانی وەربگریت.
نيشاندان