ئەڤرۆ نیۆز , رەمەزان ھەرنی :
سیروان بارزانی ئەندامی جڤاتا سەرکردایەتیا پارتی دیموکراتی کوردستان و بەرپرسێ میحوەرێ گوێر مخمور د چارچوڤێ دیدارا مێرگەسورێ دا د پانێلەکێ دا باس ل رەوشا عیراقێ ب گشتی و سنورێن کوردستانێ ب تایبەتی کر و دیارکر کو مە ل گەل عیراقێ گەلەک ئاریشە ھەنە لەورا مە بریاردایە بەرەڤ سەرەبخویا کوردستانێ بچین و گۆت: ( ئەگەر مە ل گەل عیراقێ چۆر ئاریشە نەبان مە بریار نەدا جودا بین ل عیراقێ تایبەت پشتی سالا ٢٠٠٣ ێ یێ مە گەلەک ئاریشە ھەبون ل گەل عیراقێ و چۆ نەھاتنە چارە سەرکرن و برینا بودجە و موچەیێ فەرمانبەرێن کوردستانێ ژلایێ )
زێدەتر گۆت: ( نھا باشترین دەمە بو ریفراندومێ و کوردستان ب ھەموو رویان ڤە باشترە و د واقع دا چوو وەلاتەک نەمایە ب ناڤێ عیراقێ لەورا مە دڤێت ببن خودان دەولەت و مە سنور ھەنە مە ھەر تشت ھەیە ب تنێ عیراق لسەر نەخشەی مایە و زێدەتر نە و ئەوێن دبێژن نەخیر ب تنێ بلا باشیەکا عیراقێ بێژن و مفایەکێ مانەڤا ل گەل عیاقێ بێژن)

ئەڤرۆ نیوز ، نەوزاد هلوری:
ب مەرەما پاشئێخستنا ریفراندۆم بو سەربخوەی یا کوردستانێ ، بریارە ئەڤرۆ ئەحمەد ئەبوغێت ئەمیندارێ گشتیێ کومارا عەرەبی سەرەدانا هەولێرێ بکەت و ل گەل سەرکرداتیا هەرێما کوردستانێ کوم ببیت ، ئەندامەکێ پەرلەمانێ کوردستانێ لسەر لیستا ئێکەتی ددەتن دیارکرن ئەگەر کومکارا عەرەبی چوو گەرنتیێن پاشئێخستنێ ل گەل نەبن رەنگە داخوازیا وی بێهێتە رەتکرن.
روژنامەیا سەباح یا عیراقی د هژمارا ئەڤرۆ دا بەلاڤکریە کو ئەڤرو ئەمیندارێ گشتیێ کومکارا عەرەبی ئەحمەد ئەبوغێت دێ سەرەدانا هەولێرێ کەت و گوت: (ئەمیندارێ کومکارا عەرەبی دەستپێکێ دێ سەرەدانا بەغدا کەت و ل گەل حەیدەر عەبادی سەرکوەزیرێن عیراقێ کوم بیت و دپشترا دێ سەرەدانا هەولێرێ ژی کەت و ل گەل مەسعود بارزانی سەرۆکێ هەرێما کوردستانێ کومبێت ، بابەتێ وان ژی دێ دانوستاندن بیت لسەر پاشئێخستنا ریفراندۆم بو سەربخوەی یا کوردستانێ)
ژلایەکێ دنڤە دکتور دانا سوفی ئەندامێ پەرلەمانێ کوردستانێ یێ بەرێ لسەر لیستا ئێکەتیانیشتمانیا کوردستانێ بو ئەڤرۆ نیوز گۆت: ( مەرەما سەرەکی یا کومکارا عەرەبی ئەوە کو ئێکپارچەیا عیراقێ ب پارێزن ، ب هەموو شیانێن خوە ئەو دێ براڤێ کەن ریفراندۆمێ پاشبێخن بەلێ ئەگەر ئەو قەناعەتێ بو سەرکرداتیا کوردستانێ ل هەبوونا گەرنتیەکێ ئەگەر بهێتە پاشئێخستن نەکەن ، ب هزرا من دێ داخوازیا وان هێتە رەتکرن و دەست ڤالا زڤرن ڤە)
زێدەتر گوت: (پێدڤی یە سەرکرداتیا سیاسیا کوردستانێ ریفراندۆمێ بو ئێکگرتن و ئێکرێزی یا کوردستانێ ئەنجامبدەن ونابێت ریفراندۆم لایەنێن سیاسی ژێکڤە بکەت)

ئه‌ڤرۆ نیوز ، هلورى:
ئه‌ڤرۆ كومبوونه‌ك دناڤبه‌را ئێكه‌تیا نیشتمانیا كوردستانێ و ته‌ڤگه‌را گۆڕانێ هاته‌ ئه‌نجامدان ب تایبه‌تى لسه‌ر هه‌ردوو پرسێن كاراكرنا په‌رله‌مانێ كوردستانێ و ئه‌نجامدانا ریفراندۆمێ بو سه‌ربخوه‌ى یا هه‌رێما كوردستانێ ، و ل گوره‌ى ئه‌وان زانیاریێن كو ده‌ست ئه‌ڤرۆ نیوز كه‌فتى ئێكه‌تى دكومبوونێ دا پاكێچه‌كا حه‌فت خالى ئاراسته‌یێ گۆڕانێ كریه‌.
ناڤه‌روكا ئه‌وان خالێن كو ئێكه‌تى ئاراسته‌یى َگۆڕانى كرى پێكدهێت ژ :
1- كارا كرنا په‌رله‌مانێ كوردستانێ
2- قانونا هه‌لبژاردنان و ده‌سته‌به‌ركرنا مافێن ده‌نگه‌ده‌رێن كو ل ده‌ڤه‌رێن ده‌رڤه‌یێ هه‌رێمێ بهێته‌ راستڤه‌كرن ، داكو نوونه‌رێن راسته‌قینه‌یێن خوه‌ ل په‌رله‌مانى هه‌بن.
3- دانا باوه‌ریێ ب سه‌روك و ئه‌ندامێن ئه‌نومه‌نا سندوقا داهاتیێ په‌ترۆل و غازێ.
4- په‌سه‌ندكرنا قانونا ریفراندۆمێ بو سه‌ربخوه‌ى یا كوردستانێ.
5- بو درۆستبوونا هه‌ڤسه‌نگیێ دناڤبه‌را موچه‌یێن پله‌ بلند و موچه‌یێن كێم ، پێدڤى یه‌ پاشه‌كه‌فتا موچه‌یان د رێیا په‌سه‌ندكرنا پروژه‌ قانونه‌كا تایبه‌ت بهێته‌ راكرن و گه‌رنتیا دانه‌ڤه‌یه‌ا موچه‌یێ پاشه‌كه‌فتكریێ فه‌رمانبه‌ران ژى بهێته‌دان.
6- لژنا به‌رهه‌ڤیا ده‌ستوورى بو راپرسیێ ، باوه‌ریێ پێ بهێته‌دان بو به‌رهه‌ڤیێن ده‌ستوورێ ده‌وله‌تا كوردستانێ
7- ل دوماهیێ قانونا سه‌روكاتیا هه‌رێما كوردستانێ هژمار 1 یا سالا 2005 بهێته‌ راستڤه‌كرن.