ئەڤرۆ نیۆز،تۆڤی:
ڤەکۆلینێن زانستی دیاردکەن کو ڤەخوارنا قەهوێ ب شێوەیەكێ رۆژانە مەترسیا مرنا پێشوەخت ب نەخۆشیێن مەترسیدار کێم دکەن.
هەروەسا ڤەکۆلینان دەرخستیە كو قەهوە مەترسیا توشبوونێ ب نەخۆشیێن دلی و چەند جۆرێن پەنجەشێرێ وەك پەنجەشێرا پێستی و پرۆستاتا و هەروەسا شەكرا جۆرێ دو ب شێوەیەكێ بەرچاێ كێم دکەت.
ڤەکۆلەر ئاماژێ ب هندێ ددەن کو هەموو دشێن رۆژانە سێ فنجانێن قەهوێ ڤەخۆن و دێ مفایەکێ زۆر ژێ بینن،لێ دڤێت خانمێن دوگیان ئاگەهدار بن و زێدەروویێ د ڤەخوارنا قەهوێ دا نەکەن.
ئەڤرۆ نیۆز،زنار تۆڤی:
زۆربەیا خەلکێ کێشەیا درەنگ خەولێکەفتنێ هەیە و ب ڤێ چەندێ ل رۆژا پاشتر هیلاک دبن و شیانێن وان یێن تەرکیزێ کێم دبن.
کێم خەوی ب ئەگەرێ چەندین هوکارێن ئەندامی و دەروونی روو ددەت،بەلێ ڤەکۆلینەک ل سەر 8 کەسێن تەمەنێ وان 50 سالی هاتیە ئەنجامدان و چارەسەریەک بۆ ڤێ کێشێ هاتیە دیتن.
زانکۆیا ویلایەتا ئەریزۆنا پشکا زانستێ خوارنێ ڤەکۆلینەک ئەنجامدایە، ماوەیێ وێ دو حەفتی بوو، وێ ڤەکۆلینێ ئاشکراکر،هەکە دو دەمژمێرا بەری نڤستنێ شەربەتا گێلاسا ڤەخۆی،دێ زووتر خەوا مرۆڤی هێت،هەر چەندە ئەڤ ڤەکۆلینە ل سەر کۆمەکا کێم یا خەلکێدا هاتیە ئەنجامدان،بەلێ ئەنجامێن وێ زۆر دباشبوون.
شارەزایێن ڤی واری روون دکەن و دبێژن، شەربەتا گێلاسا یا هاریکارە بۆ زوو خەولێکەفتنێ، چونکی یا دەولەمەندە ب ماددێ برانسیس یانیدینز کو یارمەتیا دەرخستنا تربتۆفان ێ ددەت،کو ماددێ تربتۆفان ترشەکێ ئەمینیە و یارمەتیا دەرخستنا سیرۆتۆنین ێ ددەت،کو دبیتە ئەگەرێ ئارامیا لەشی و خەولێکەفتنێ،لەورا شارەزا شیرەتان دکەن کو بەری دەمێ خەوێ شەربەتا گێلاسێ یا بێ شەکر ڤەخۆن.
ئه‌ڤرۆنيۆز:
بريكارێ به‌رێ يێ وه‌زاره‌تا دارايى ل عيراقێ، رادگه‌هينيت هه‌كه ناڤمالا كوردى بهێته رێخستن، به‌غدا وه‌سا يا ب هێز نينه مه‌رجا ل سه‌ر هه‌رێما كوردستانێ ب سه‌پينيت.
فازل نه‌بى، بريكارێ به‌رێ يێ وه‌زاره‌تا دارايى ل عيراقێ زێده‌تر گۆت، ئه‌و ميكانيزما هه‌رێما كوردستانێ پاره‌ى پێ دمه‌زێخيت، دبنه‌ره‌ت دا شاشى يه، چونكى ل چو وه‌لاته‌كێ جيهانێ نينه كو ئاكنجيێن وى پێنج مليۆن كه‌س بن، به‌لێ مليۆن ونيڤ مووچه خۆر هه‌بن، ژوێ هژمارێ ژى كه‌س تێدا بن سێ مووچان وچار مووچان وه‌ربگرن.
گۆت ژى، نوكه هه‌رێما كوردستانێ هندى وه‌لاته‌كێ وه‌كوئه‌لمانيا مووچه‌خۆر يێن هه‌ين، پرسيار ژى كر (ئه‌ڤه دێ چ بودجه‌ك تێرا كه‌ت؟).
فازل نه‌بى ب پێدڤى دزانيت گوهۆرين ل سيسته‌مێ مووچێن هه‌رێما كوردستانێ دا بهێته كرن وگۆت، پێدڤيه كاره‌ك بهێته كرن كو خه‌لك بشێت پشت به‌ستنێ ب خوه بكه‌ت، چونكى چاره‌سه‌ريێن دى دده‌مكى نه وهه‌كه مووچه ببيته 20% ژى، دێ تنێ بۆ ده‌مێ دو هه‌تا سێ سالان بيت، دێ پاشى چ هێته كرن؟.
ل دۆر سيسته‌مێ بايۆمه‌ترى، گۆت، هه‌كه سيسته‌مێ بايۆمه‌ترى ل هه‌موو جهه‌كى بهێته بجهئينان، ب وى جۆرى نه‌بيت كو هه‌ركه‌سێ بخوازن ناڤێ وى تۆماربكه‌ن وهه‌ركه‌سێ نه‌خوازن ناڤێ وى نه‌هێته تۆماركرن.
بريكارێ به‌رێ يێ وه‌زاره‌تا داراييا عيراقى دووپاتكر ژى هه‌كه ناڤمالا كوردى بهێته رێخستن، ب پشتراستى ڤه به‌غدا ب خوه دێ به‌ر ب كوردان ڤه هێت، چونكى به‌غدا وه‌سا يا ب هێز نينه كو مه‌رجا ل سه‌ر كوردان ب سه‌پينيت.
ئه‌ڤرۆنيۆز:
ياريكه‌رێ هه‌لبژارتيێ به‌رازيل ويانا پاريس سان جيرمان يا فره‌نسى بۆ جارا ئێكێ ل دۆر وان راپۆرتێن رۆژنامه‌ڤانى ئه‌وێن به‌حسێ ڤه‌گوهاستنا وى بۆ ريال مه‌دريد دكه‌ن ئاخڤت.
نيمار يێ 25 سالى ل هاڤينا بۆرى ب گۆژمێ 222 مليۆن يورۆيان ژ به‌رشه‌لونا چوبو پاريس سان جيرمان، به‌لێ ده‌نگوباسێن زڤرينا وى بۆ خۆلا ئيسپانى ب تايبه‌تى بۆ يانا ريال مه‌دريد گه‌له‌ك به‌لاڤببوون پشتى سه‌رهلدانا ناكۆكيان دناڤبه‌را وى وهنده‌ك ياريكه‌رێن يانا فره‌نسى.
رۆژناما (ئه‌لموندۆ ديبورتيڤۆ) يا ئيسپانى ژزارده‌ڤێ نيمارى ل دۆر وان ده‌نگوباسێن هاتنا وى بۆ رێزێن ريال مه‌دريد، گۆت( ئه‌ڤه تشته‌كێ نه‌باشه دهيته گۆتن) وه‌كو به‌رسڤه‌ك ژلايێ نيمارى ڤه بۆ پرسيارێن رۆژنامه‌ڤانان.
هژماره‌كا ياريكه‌رێن ريال مه‌دريد وه‌كو رامۆس، كاسيميرۆ ودانى پێشوازى ل ده‌نگوباسێن هاتنا نيمارى بۆ ناڤ رێزێن ريال كربوو.
ئه‌ڤرۆنيۆز:
ئه‌ندامه‌كا لژنا په‌روه‌ردێ وخواندنا بلند ل په‌رله‌مانێ كوردستانێ راگه‌هاند، ل ده‌ستپێكا هه‌فتيا بهێت پشكا دويێ يا ناڤێن قوتابيێن هاتينه وه‌رگرتن ل ده‌واما ئێڤارى يا زانكۆ و په‌يمانگه‌هێن حكومى وپارالێل، هينه به‌لاڤكرن، گۆت ژى ئه‌و قوتابى ژى دێ هينه وه‌رگرتن كو نزمترين نمره هه‌ين.
شوكريه ئيسماعيل ئه‌نداما لژنا په‌روه‌رده وخواندنا بلند ل په‌رله‌مانێ كوردستانێ بۆ دوارۆژ گۆت، ل ده‌ستپێكا هه‌فتيا بهێت، ناڤێن قوتابيێن وه‌رگرتى يێن پشكا دويێ ل ده‌وما ئێڤارى ل زانكۆ وپه‌يمانگه‌هێن حكومى وپارالێل دێ ده‌ركه‌ڤن.
شوكريايێ گۆت ژى، ل دووڤ بريارا وه‌زاره‌تا خواندنا بلند، دێ ده‌مه‌كێ زێده‌تر ب زانكۆ وپه‌يمانگه‌هێن ئه‌هلى هێته دان بۆ وه‌رگرتنا وان قوتابيێن دخوازن ل زانكۆ وپه‌يمانگه‌هێن ئه‌هلى بخوينن.
ل دۆر پێشكێشكرنا داخوازيێن قوتابيان،گۆت، ئه‌و قوتابيێن ل زانكۆيێن ئه‌هلى ب تێكرايێ 55 كو ل چو زانكۆ وپه‌يمانگه‌هه‌كا حكومى نه‌هاتينه وه‌رگرتن، دێ هێنه وه‌رگرتن، هه‌روه‌سا ب تێكرايێ 50 دشێن پێشكێشى هنده‌ك په‌يمانگه‌هێن ئه‌هلى بكه‌ن بۆ وه‌رگرتنا وان.
سه‌باره‌ت وه‌رگرتنا وان قوتابيێن كو تێكرايێ وان ل سه‌ر 95 دا، دبێژيت، وه‌زاره‌تا خواندنا بلند سۆز يا داى ل وان جهان بهێنه وه‌رگرتن كو وان حه‌زا خواندنێ لێ هه‌ى.
وێ ئه‌نداما لژنا په‌روه‌ردێ وخواندنا بلند ئاماژه ب وێ چه‌ندێ ژى كر، ئه‌ڤ ساله هژماره‌كا مه‌زن يا قوتابيان يێن بووينه قوربانيێن سيسته‌مێ پارالێل، چونكێ رێژا 25% ژقوتابيان ب وى سيسته‌مى يێن هاتينه وه‌رگرتن، ڤێ چه‌ندێ ژى وه‌كريه كو مافێ قوتابيێن دى ب سوژيت.
ئه‌ڤرۆنيۆز:
دهێرشه‌كێ دا ل سه‌ر مزگه‌فته‌كێ ل گونده‌كێ پارێزگه‌ها باكوورێ سينا ل مسرێ، ئه‌ڤرۆ ئه‌ينيێ، هژماره‌كا مه‌زن دناڤ وێ مزگه‌فتێ ڤه هاتن كوشتن وبرينداركرن.
ژێده‌رێن ئه‌منى يێن مسرى دداخۆيانيێن خوه دا بۆ ده‌زگه‌هێن راگه‌هاندنێ يێن مسرى دياركرن كو ئه‌و هێرشا ل گوندى ره‌وزه كو 40 كيلۆمه‌تران دوورى باژێرێ ئه‌لعريش سه‌نته‌رێ پارێزگه‌ها باكوورێ سينا، ب په‌قينه‌كێ ده‌ستپێكريه وپاشى گوله هاتينه هاڤێتن.
خوياكرن ژى، تيرۆرستان مزگه‌فت ب رێيا چار ترومبێلان دۆرپێچكر وده‌ست ب هاڤێتنا گوله‌يان ل سه‌ر نڤێژكه‌ران كر ودئه‌نجامدا 54 كه‌س هاتن كوشتن و75 كه‌س ژى برينداربوون، ئاماژه دان ژى كو ئه‌ڤه ئامارێن ده‌ستپێكى نه ودبيت هژمارا قوربانيان ژ كوشتى وبرينداران زێده‌تر ببن.
په‌يڤدارێ وه‌زاره‌تا ساخله‌ميا مسرێ، خالد محاهد، دداخۆيانيه‌كا ته‌له‌ڤزيۆنى دا پشتى هێرشى گۆت 75 كه‌س يێن برينداربووين .
هێزێن ئه‌منى يێن مسرى بزاڤێن مه‌زن دكه‌ن بۆ ژناڤبرنا گرۆپێن چه‌كدار يێن توندره‌و ل سينا كو (انصار بيت المقدس) يا ب سه‌ر داعشێ ڤه، مه‌ترسيدارترين گرۆپا چه‌كدارى يه ل وێ ده‌ڤه‌رێ.
ئه‌ڤرۆنيۆز:
به‌رپرسه‌كێ پارتى ديموكراتى كوردستان، راگه‌هاند كه‌س ب ئاشكرا نه‌شێت مامه‌لێ وبازرگانيێ ل گه‌ل وێ هيزێ بكه‌ت ئه‌وا ل گۆنده‌كێ سنۆرێ قه‌زا كفرى هاتيه جهگيركرن.
ئه‌رسه‌لان عه‌لى به‌رپرسێ لژنا ناوچا خورماتوو يا پارتى بۆ باسنيۆز گۆت، كه‌س ب ئاشكرايى نه‌شێت بازرگانيێ ل گه‌ل وێ هيزێ دا بكه‌ت، به‌لێ دبيت ب رێيا كه‌سێن ب سه‌ر وان ڤه، خوارن وپێدڤيێن دى بۆ وان بچن.
به‌رى نوكه، باسنيۆز، دراپۆرته‌كا خوه‌ا ئاشكرا كربوو كو ئه‌و هێزا هاتيه هنارتن بۆ سنورێ په‌لكانه يا سه‌ر ب قه‌زا كفرى ڤه، سه‌دان چه‌كدارێن ب سه‌ر له‌شكرێ پاسدار يێ ئيرانى ڤه‌نه كو ب رێيا هه‌ليكوپته‌رێ هاتينه وێ ده‌ڤه‌رێ وگومان ژمه‌ره‌ما جهگيركرنا وێ هێزێ ل وێ ده‌ڤه‌رێ دهێته كرن، ئه‌وژى ژبه‌ر وان بيرێن په‌ترۆلێ بيت كو ل سنورێ وێ ده‌ڤه‌ه‌رێ هه‌ين وسه‌رين وان هاتينه گرتن.
ئه‌رسه‌لان دبێژيت، هه‌موو ئه‌و ده‌نگوباسێن دتۆرێن جڤاكى دا دهێنه به‌لاڤكرن كو ئه‌و هێزه يا كوردى يه وبۆ ئازادكرنا ده‌ڤه‌رێن كوردستانى يا هاتيه دروستكرن، تنێ ئاخڤتنێن تۆرێن جڤاكى نه وچو راستى بۆ نينه.
ئه‌ڤرۆنيۆز:
راپۆرتێن رۆژنامه‌ڤانى ژ ئيسپانيا ئاماژێ دده‌ن كو پاشه‌رۆژا ليونێل ميسى ل گه‌ل به‌رشه‌لونا، ئه‌ڤرۆ رۆژا ئه‌ينيێ، دێ دياربيت دچارچۆڤێ وێ ئاهه‌نگا دێ هێته گێران ژلايێ يانا به‌رشه‌لونا ڤه ب هه‌لكه‌فتا بده‌ستڤه‌ئينانا ميسى بۆ پێلاڤا زێرێ يا چارێ دكاروانێ خوه يێ ته‌پا پێى دا.
رۆژناما(ئاس) دياركر كو سه‌رۆكێ يانا به‌رشه‌لونا (جوسێب ماريا بارتوميۆ) دێ دگه‌ل ميسى دا بيت دوێ ئاهه‌نگێ دا، ديسا دبيت ميسى نه‌چاربيت به‌رسڤێ ل سه‌ر پرسيارێن رۆژنامه‌ڤانان بده‌ت ل دۆر پرسا نووكرنا گرێبه‌ستا خوه، كو سه‌ره‌راى داخۆيانيێن سه‌رۆكێ يانێ ب نووكرنا گرێبه‌ستێ ل گه‌ل ميسى، به‌لێ هه‌تا نوكه نووكرنا گرێبه‌ستى ب شێوه‌كێ فه‌رمى نه‌هاتيه راگه‌هاندن ودبيت ئه‌ڤرۆ رۆژه‌كا ئێكلاكه‌ر بيت دپاشه‌رۆژا ميسى دا ل دۆر وێ پرسێ.
ژلايێ خوه‌ڤه مالپه‌رێ فه‌رمى يێ يانا به‌رشه‌لونا به‌لاڤكر كو هه‌موو كه‌س دشێت وێ ئاهه‌نگێ ب رێيا كه‌نالێ ته‌له‌ڤزيۆنى يێ يانێ ببينيت.
ميسى پێلاڤا زێرى بده‌ستڤه‌ئينا، پشتى شياى 37 گۆلان دوه‌رزێ بۆرى يێ خۆلا ته‌پا پێى ئيسپانى تۆماربكه‌ت، كو شيا به‌رى هه‌ر ئێك ژ ياريكه‌ران (باس دوست، ليفاندوفسكى، ئوباميانگ ولويس سوارێز) بهێت.
ميسى به‌رێ نوكه سێ جاران پێلاڤا زێرين بده‌ستڤه‌ئينايه ئه‌وژى ل وه‌رزێن (2009- 2010) و (2011- 2012) و (2012-2013).
ئه‌ڤرۆنيۆز:
جێگرێ سه‌رۆكێ په‌رله‌مانێ كوردستانێ راگه‌هاند، دانوستاندن دناڤبه‌را كۆمسيۆنا هه‌لبژارتنان وجڤاتا وه‌زيران وپه‌رله‌مانى يێن هه‌ين بۆ دياركرنا ژڤانێ هه‌لبژارتنان ول ڤان نێزيكان دێ ژڤانێن هه‌لبژارتنێن په‌رله‌مانێ كوردستانێ هێنه دياركرن.
جه‌عفه‌ر ئێمينكى، بۆ ئاژانسا ئه‌نادۆل يا ده‌نگوباسان يا توركى گۆت، ژبلى به‌رهه‌ڤيا هنده‌ك لايه‌نان بۆ هه‌لبژارتنێن په‌رله‌مانێ كوردستانێ، چه‌ند لايه‌نه‌كان داخوازا راستڤه‌كرنا قانوونا هه‌لبژارتنان كريه، به‌لێ هه‌تا نوكه چو پرۆژه بۆ په‌رله‌مانى نه‌هنارتينه.
ئاماژه ب وێ چه‌ندێ ژى دا ب مه‌ره‌ما دياركرنا ژڤانێ هه‌لبژارتنێن په‌رله‌مانێ كوردستانێ، كۆمسيۆنا بلند يا هه‌لبژارتن وراصرسيان ل هه‌رێما كوردستانێ نڤيساره‌ك بۆ جڤاتا وه‌زيرێن هه‌رێمێ كوردستانێ هنارتيه وتێدا داخواز كريه كو ل ڤان نێزكان ژڤانێ هه‌لبژارتنێن په‌رله‌مانێ كوردستانێ بهێته دياركرن.
ئێمينكى دووپاتكركو مه‌ره‌ما وان ژدياركرنا ژڤانێ هه‌لبژارتان بۆ وێ چه‌ندێ كۆمسيۆنا هه‌لبژارتن وراپرسيان ل هه‌رێمێ ده‌ست ب پلان وبه‌رهه‌ڤيێن خوه بكه‌ت.
جێگرێ سه‌رۆكێ په‌رله‌مانێ كوردستانێ، بۆچوونێن لايه‌نێن سياسى ل هه‌رێمێ ب گرنگ دزانيت ددياركرنا ژڤانێ هه‌لبژارتنان وگۆت، ژبۆ كو زيان نه‌گه‌هيته چو لايه‌نه‌كى، به‌رى ئاشكراكرنا ژڤانێ هه‌لبژارتنان، دێ بۆچوونا لايه‌نێن سياسى ل هه‌رێما كوردستانێ وه‌رگرين.
ل دۆر نه‌زڤرينا يوسف محه‌مه‌د سه‌رۆكێ په‌رله‌مانێ كوردستانێ، ئێمينكى گۆت، نه به‌رهه‌ڤبوونا وى دروونشتنێن په‌رله‌مانى دا وه‌سا يا گرنگ نينه، دبيت سه‌رۆكێ په‌رله‌مانى چاڤه‌رێى رێككه‌فتنا دناڤبه‌را پارتى ديموكراتى كوردستان وبزاڤا گۆران بيت ئه‌وا هه‌ڤشێوێ وێ رێككه‌فتنا ل ده‌مێ خوه بۆ دروستكرنا ڤێ كابينا هه‌شتێ يا حوكمه‌تێ هاتيه پێكئينان.
ئەڤرۆ نیوز ، نەوزاد ھلۆری:
سپێدەیا ئەڤرۆ ھەتا نھا بەفر بارین ل سەنتەرێ قەزا ئامێدیێ و چیایێ گارە و چەند دەڤەرەکێن دن ل سنوورێ قەزا ئامێدیێ بەفر بارین بەردەوامە.
نێچیرڤان دیاب پولیسەکێ ھاتن و چوونێ یە ل سەنتەرێ قەزا ئامێدیێ و دەوروبەران بو ئەڤرۆ نیوز گۆت: ( سپێدەیا ئەڤرۆ بەفر بارین ل سەنتەرێ قەزا ئامێدیێ و سیلاڤێ و دەروبەران دەستپێکر و دەڤەر سپی کریە ، بەلێ نەبویە سەدەم کو رێک بھێنەگرتن ).
زێدەتر گۆت: ( ئەم وەکو پولیسێن ھاتن و چوونێ ل سیلاڤی َو جھێن دن د بەرھەڤیی َداینە بو ھاریکاریکرنا شوفێر و وەلاتیان داکو توشی چوو ئاریشە و کێشەیان نەبن ).
ژلایەکێ دنڤە جەلال بەرواری فەرمانبەر لسەر چیایێ گارەی بو ئەڤرۆ نیوز گۆت: ( ئەڤرو ل سەر چیایێ گارە و دەروبەران بەفرە باش بارییە و دڤەر سپی کریە ، ھندەک جھان ژی بویە سەدەم کو ترومبێل نەکارن وەکو پێدڤی ھاتن و چونێ بکەن ، بەلێ تیما رامالینا بەفرێ بو راکرنا بەفرێ ل سەر رێیا چیایێ گارە یا لسەر خەت و ئەو جھێن پێدڤی بەفرێ رادکەت ).
ئەڤ سالە ئەڤە دبیتە جارا سێیێ ل سنوورێ قەزا ئامێدیێ بەفر دباریت ، و ل گورەی پێشبینیان ئەڤ شەڤە ژی دێ پێلەکا بەفرێ ب سەر ئامێدیی َدا ھێت.
قەزا ئامێدیێ سنوور دارە ل گەل باکوورێ کوردستانێ و ب دەڤەرەکا سار و بەفرینی دھێتە نیاسین ، و ھزار و 400 مەتران ژ روویێ بەریایێ بلندە.
ڤيديۆ: ژ فه‌يسبۆكى هاتيه وه‌رگرتن
نيشاندان