ئه‌ڤرۆ نیۆز، نه‌وزاد هلۆرى:
هونه‌رمه‌ند حه‌سه‌ن شه‌ریف نووترین كلیپا خوه ب ناڤێ (خه‌زال) به‌لاڤكر كو ب شێوه و ستایله‌كێ جوان و سه‌رده‌میانه هاتیه دروستكرن.
كارێن موزیكا كلیپا نوو یا حه‌سه‌ن شه‌ریفى ژلایێ (رێناس میران)ى ڤه هاتیه به‌رهه‌ڤكرن و دهێته چاڤه‌رێكرن كو ده‌مه‌كێ نێزیك ل هه‌موو كه‌نالێن راگه‌هاندنێ بهێته به‌لاڤكرن.
ب، ئەڤرۆ:
ھێرشبەرێ یانا توتنھام ھوتسپرێز ئاشکەراکر کو پاراستنا سەرکێشیێ و دەربازبونا قوناغا دویێ یا قارەمانیا یانێن ئوروپا دوپاتکر کو گومانلێکری د خەلەت بوو و ئەڤ چەندە ھاتە پێش پشتی سەرکەفتنا وان ل سەر بروسیا دورتموند ب دو گولان بەرامبەر گولەکێ.
ئەف گوتنێن ڤی یاریزانی ھاتنە پێش کو دھاتە پێشبینیکرن یانا توتنھام کەفتیە دکومەکا ب ھێز دا ودێ کەڤیتە ھەمبەر گەلەک ئاستەن
گان تایبەت کو یانا ریال مەدرید ھەلگرا ناسناڤی و بروسیا دورتموند ئەوا ل ٢٠١٣ گەھشتیە دووماھیا قارەمانیێ، لێ یانا لەندەنی دەربازبونا خوە ب چار سەرکەفتنا د پێنج یاریان دا مسوگەر کر.
زێدەتر ھاری کینی پشتی یاریێ دداخویانیەکێ دا بو روژنامەڤانا خویاکر کو ل دەمێ ئەو کەفتینە دڤێ کومێ دا گەلەکا گومان ل سەر یانا وان ھەبو کو نەشێن دەربازبن، لێ گومانا وەان خەلەت دەرکەفت و ھیڤا وێ چەندێ خواست کو ل سەر ڤی نەخشە و رێکێ دبەردەوامبن ھەتا ب گەھنە یاریا دووماھیێ.
ژلایێ خوەڤە ماوریسیو بوکیتینو راھێنەرێ ریال پەسنا رولێ یاریزانێن خوە کر و ئاشکەراکر کو کوما ئەف سالە کەفتینە تێدا ب زەحمەتر بوو ژ یا وەرزێ بوری دەمێ ل رێزا سیێ ھاتین و پلێتێن دەربازبونێ بو یانێن موناکو یا فرەنسی و بایرلێڤەرکوێزن یا ئەلمانی ھێلاین.
ئەڤرۆ نیوز:
ھەردو یانێن ریال مەدرید و بەرشەلونە دێ کەڤنە د ھەڤرکیەکا نوو یا چاڤەرێکری دا ل سەر ئیمزاکرنا ھەڤبەستەکێ ل ھاڤینا بھێت. زێدەتر دڤی بیاڤی دا راگەھاندکارێ ئسپانی ئادواردو ئاندا ئاشکەراکر کو یانا ریال مەدرید حەزا ئیمزاکرنا ھەڤبەستا یاریزانێ فرەنسی کلیمینت لینلجیت بەرەڤانێ یانا ئەشبیلیا ھەیە و زێدەتر ئاماژەکریە کو یانا ریال گەلەک گرنگیێ دەتە ڤی یاریزانی و بزاڤان یا دمەزێخیت پێخەمەت ژ دەست نەدانا وی. دھێتە زانین ناڤێ ڤی یاریزانی بەریا نوکە ب گرێدان و ڤەگوھاستنێ بو یانا بەرشەلونە ژی ھاتبوو گرێدان، تایبەت کو یانا بەرشەلونە دخوازیت ھێلا بەرەڤانیا خوە ب یاریزانەکێ خودان شیانێن وەکو وی ب ھێز بێخیت. ڤی یاریزانی بەریا نوکە دداخویانیەکێ دا بو روژناما ئاس یا ئسپانی خویاکربوو کو یانا بەرشەلونە گرنگیێ پێ دەت و یانەکا ئاست بلندە و د ھەمان دەمدا ئەو ل یانا خوە یا نوکە یێ ئارامە و دێ مینتە چاڤەرێ رودانا ل پاشەروژێ.
ئه‌ڤرۆنيۆز:
ل دۆر پێدانا مۆله‌تێ ب پشكه‌كا فه‌رمانبه‌ران، وه‌زيره‌ك رۆهنكرنه‌كێ دده‌ت وئاشكرا دكه‌ت، هه‌ر مۆله‌ته‌كا بۆ ب خودانكرنا كێم ئه‌ندامان بيت، پێدڤيه ژوه‌زاره‌تا كار وكاروبارێن جڤاكى بهێته وه‌رگرتن.
ل دووڤ رێنمايه‌كا وه‌زاره‌تا دارايى كو يا تايبه‌ته ب مۆله‌تا دايكينيێ ڤه، ئاماژه ب چاوانيا پێدانا مۆله‌تێ دايه ب وان فه‌رمانبه‌رێن زارۆكێن وان تووشى نه‌خوه‌شيێ بووينه.
دوێ رێنمايێ دا هاتيه، مۆله‌تا دايكاتيێ دێ هێته دان ب وان دايكێن كو زارۆكێن وان تووشى نه‌خوه‌شيێن دومدرێژ بووين وه‌كو( ئيفلجا مێشكى وچه‌ند نه‌خوه‌شيێن دى يێن دوم درێژ) بۆ چاڤدێريكرنا زارۆكێن خوه ب وى مه‌رجى شه‌ش هه‌يڤان جاره‌كێ راپۆرتا نوشدارى يا تايبه‌ت ب ره‌وشا ساخله‌ميا زارۆكى پێشكه‌شى رێڤه‌به‌ريا خوه بكه‌ن.
ديسا هاتيه دياركرن كو ئه‌و مۆله‌ته تنێ ده‌ستهه‌لاتا وه‌زيرێ تايبه‌تمه‌نده كو بده‌ت.
محه‌مه‌د قادر هاوديانى وه‌زيرێ كار وكاروبارێن جڤاكى ل هه‌رێمێ بۆ باس راگه‌هاند، هه‌موو ئه‌وێن كێم ئه‌ندام وپێدڤى ب چاڤدێريكرنێ نه، فه‌رمانا مۆله‌تدانێ ژده‌ستهه‌لاتێن وه‌زيرێ كارو وكاروبارێن جڤاكى يه.
گۆت ژى، هه‌كه كه‌سه‌ك مۆله‌تا درێژ وه‌ربگريت، په‌يوه‌ندى ب وان ڤه نينه، خوياكر ژى، هه‌ر فه‌رمانبه‌ره‌كا دايك ل هه‌ر وه‌زاره‌ته‌كێ بيت و پێدڤى ب مۆله‌تا ب خودانكرنا كێم ئه‌ندامێ خوه بيت، دانا وێ مۆله‌تێ ژده‌ستهه‌لاتێن وه‌زاره‌تا كار وكاروبارێن جڤاكى يه.
وه‌زيرێ كار وكاروبارێن جڤاكى دياركر ژى، دڤێت فه‌رمانبه‌ر جوداهيێ بكه‌ن دناڤبه‌را مۆله‌تا بۆ ب خودانكرنا كێم ئه‌ندامان دهێته دان وئه‌و مۆله‌تا بۆ دايكاتيێ دهێته دان وپه‌يوه‌ندى ب چاڤدێريكرنێ وب خودانكرنا كێم ئه‌ندامى ڤه نه، خوياكر ژى، هه‌كه بابه‌تى په‌يوه‌ندى ب خودانكرنا كێم ئه‌ندامى ڤه نه‌‌بيت، نابيت نڤيسار بۆ وه‌زاره‌تا مه بهێته ئاراسته كرن، چونكى ژبلى وێ جۆرێ مۆله‌تێ، مه په‌يوه‌ندى ب مۆله‌تێن دى ڤه نينه.
ل دووڤ قانوونا هژمار 22 يا ماف وئيمتيازاتێن كێم ئه‌ندامانكو وه‌زاره‌تا كار وكاروبارێن جڤاكى رێنمايێن تايبه‌ت بۆ ده‌ركرينه، هه‌ر فه‌رمانبه‌ره‌ك خوه بۆ ب خودانكرنا كێم ئه‌ندامه‌كى زه ته‌رخان بكه‌ت، مۆله‌تا ب مووچه ڤه پێ دهێته دان.
ئه‌ڤرۆ نیۆز ، هلورى:
وه‌سا بریاره كو حه‌فتیا بهێت شاندێ هه‌رێما كوردستانێ بۆ چاره‌سه‌ركرنا ئاریشه‌یێن دناڤبه‌را هه‌رێما كوردستان و عیراقێ سه‌ره‌دانا به‌غدا بكه‌ت ، به‌لێ هه‌تا نها رۆژا سه‌ره‌دانێ نه‌هاتیه دیاركرن.
دڤى واریدا” عه‌بدوللا عه‌یاوه‌یى” راوێژكارێ سه‌روك كومارێ عیراقێ بۆ مالپه‌رێ مه‌وازین گۆت: ( ناڤه‌راستا حه‌فتیا بهێت دێ شاندێ هه‌رێما كوردستانێ ژ بو مه‌ه‌رما گوتوبێژان سه‌ره‌دانا به‌غدا كه‌ت و ل گه‌ل حكومه‌تا عیراقێ كوم بیت بو چاره‌سه‌ركرنا هه‌موو وان ئاریشه‌یێن دناڤبه‌را هه‌ولێر و به‌غدا ،بو ڤێ مه‌ره‌مێ ژى سه‌روككومارێ عیراقێ هه‌موو هه‌ول و بزاڤ كرینه ژ بو لێكنێزیككرنا هه‌ردوو لایان )
زێده‌تر گۆت: ( چوو ئاسته‌نگ دناڤبه‌را هه‌ردوولایانا نه‌ماینه كو گوتوبێژ نه‌هێنه‌كرن ، ئه‌گه‌ر حكومه‌تا هه‌رێمێ مه‌رجێن به‌غدا بهبكه‌ت كو ئه‌و ژى پێگیربوونه ب ده‌ستوورى و سه‌پاندنا ده‌ستهه‌لاتێن عیراقێ یه لسه‌ر ده‌ریێن سنوورى و فروكخانانه و داهاتیێن په‌ترۆلێ)
سه‌ره‌راى كو ناڤبرى دیاركر كو دێ حه‌فتیا بهێت ده‌ست ب گوتوبێژان هێته‌كرن به‌لێ ناهێته زانین كا كیژان روژ دێ شاندێ هه‌رێمێ سه‌ره‌دانا به‌غدا كه‌ت.
ئەڤرۆ، ھەژار مەعروف:
یاریزانێ کورد و کورێ باژێرێ دھۆکێ رێوان ئەمین پشتی ل وەرزێ ئەڤ سالە شیای ئێک ژ باشترین ئاست پێشکێش بکەت ل گەل یانا خوە دالکورد دخولا پلا ئێکا سوید دا و تیما خوە بۆ جارا ئێکێ د مێژویا یانێ دا دەربازی پلا نایابا سوید کری ژلایێ ھژمارەکا یانێن وەلاتیێن ئوروپی یێ داخوازکریە بو ئیمزاکرنا ھەڤبەستێن وان
ژێدەرەکێ نێزیک ژ یاریزانی دداخویانیەکا تایبەت دا بۆ رۆژناما ئەڤرۆ دیارکر ماوەکێ درێژە چەند یانێن پلا نایابا سوید ئەڤ یاریزانە کریە ئارمانجا خوە و ژ گرنگترین وان ھەردو یانێن بەرنیاس ل سەر ئاستێ خولا سوید ھەلگرا ناسناڤێ خولێ یانا مالمو دیڤچوونا ڤی یاریزانی دکەت بوو ئیمزاکرنا ھەڤبەستا وی و ھەردیسان یانا گوتسبورگ یا بەرنیاس ل سەر ئاستێ خولا سوید ھزر ل ڤی یاریزانی کرینە و ب فەرمی داخوازی ژ یاریزانی کریە بۆ ئیمزاکرنا ھەڤبەستا بۆ وەرزێ نوو یێ خولا سوید و وێ یانێ بەرھەڤیا خوە دیارکریە سزایێ ھەلوەشاندنا ھەڤبەستا وی ب دەتە یانا دالکورد ل گەل موچەیەکێ گەلەک زێدەتر ژ یێ یانا دالکورد.
ناڤھاتی ئاماژە ب وێ چەندێ ژی کریە دو یانێن دی ژی داخواز ژ رێوانی کریە کو بریکارەکێ رەگەز ئەلمانی پەیوەندی ب کەسەکێ نێزیکی یاریزان کریە بۆ ئیمزاکرنا ھەڤبەستێ ل گەل ئێک ژ یانێن پلا سێ یا ئەلمانیا کو ھەڤرکیێ ل سەر دەربازبوونێ بۆ بوندس لیگا دکەت و وێ یانێ بەرھەڤیا خوە دیارکریە موچەکێ ھەیڤانە بۆ یاریزانی زێدەتر ژ ١٢ ھەزار یورۆیان دابین بکەت و بھایێ ھەلوەشاندنا ھەڤبەستا یاریزانی ژی بدەنێ و دیسان ھەڤبەستەکا فەرمی ژ ھولەندا ژی بوو ھاتیە لێ ھەتا نوکە چو بەرسڤ ل سەر چو ھەڤبەستان نەداینە و چاڤەرێ بریارا دووماھیێ یە ل گەل یانا دالکورد ژبەرکو یاریزان گرێدای ھەڤبەستا وانە ھەتا سالا ٢٠١٩ ێ.
یاریزانێ ناڤھاتی ژ سەرجەمێ ٣٠ یاریان د خولا سوید دا پشکداری ٢٩ یاریان بویە و د سەرجەمێ سێ یاریێن کاسێ ل گەل یانێ پشکداری د دو یاریان دا کر ئانکو ژ سەرجەمێ ٣٣ یاریێن فەرمی یێن یانا دالکورد رێوان ئەمین ٣١ یاریان کرینە وەکو یاریزانەکێ سەرەکی دخولا سوید دا ب رێژەکا نایاب دھێتە ھژمارتن.
ل دووڤ مالپەرێ ئینستات یێ سەر ژمێریا یاریزانێن پیشەکار ل خولێن جیھانی یاریزانێ یانا دالکورد رێوان ئەمین وەکو باشترین یاریزانێ ھێلا ناڤین یێ ژمارە پێنج ل یاریگەھێ دا دکەت ھاتە ھەلبژارتن ل سەر ئاستێ خولا پلا ئێک یا سوید و ھەر ژبەر ڤی ئاستی ژی نوکە چەندین یانێن سویدی و ھولەندی ئەڤ یاریزانە کریە ئارمانجا خوە.
ئەڤرۆ نیۆز،تۆڤی:
هنارتنا نەفتا کوردستانێ بۆ بەندەرێ جیهان یێ تورکی دێ زێدەبیت و دێ گەهیتە بلندترین ئاست.
ل دووڤ نووچەیەکێ ئاژانسا (رۆیتەرز)، هنارتنا نەفتا کوردستانێ گەهشتیە بلندترین ئاستێ خۆ،پشتی داگیرکرنا کەرکووکێ و ل رۆژا چارشەمبی 22/11/2017 و پێنجشەمبی 270 هزار بەرمیلێن نەفتێ د رۆژەکێدا هاتینە هنارتن.
پێش روودانێا داگیرکرنا کەرکووکێ ژ لایێ حەشدا شەعبی، حوکمەتا هەرێما کوردستانێ رۆژانە 600 هزار بەرمیل دهنارتنە بەندەرێ جیهان و پشتی وێ روودانێ ئەو برە دابەزی بۆ 200 تا 230 هزار بەرمیلان د رۆژەکێدا.
ئه‌ڤرۆ نیوز:
پاریس هیلتۆن ئه‌كته‌ر و ده‌وله‌مه‌ندا ئه‌مریكی دبێژیت وێ د گه‌ل سترانبێژ بریتنی سپیرزێ به‌ری 11 سالان گرتنا وێنه‌یێن سێلفی داهێنایه.
هیلتۆنێ دیار كر كو به‌ری 11 سالان وێ وێنه‌یێن سێلفی د گه‌ل بریتنی سپیرزێ دا گرتینه و ل دووڤ دا گرتنا وێنه‌یێن ب وی ره‌نگی د ناڤ خه‌لكی دا ل هه‌می جیهانێ به‌لاڤ بوویه.
ئەڤرۆ نیوز:
یانا ریال مەدرید یا ئسپانی پێگوھورک بو یاریزانێ خوە کەریم بنزیمای دیت ئەوێ ل ڤێ دووماھیێ ئاستێ وی داکەفتی و بویە جھێ رەخنەگرتنێ.
دڤی بیاڤی دا دانیللی میارو ستێرا بەرێ یا یانا میلان یا ئیتالی ئاماژەکریە کو ستێرا یانا میلان یا ئەرژەنتینی ماورو ئیکاری ل وەرزێ نوو دێ ھێتە ڤەگوھاستن بو ناڤا رێزێن ریال مەدرید و دێ بیتە جە گرێ یاریزان کەریم بنزیمای.
ھێرشبەرێ ئەرژەنتینی کاروانێ خوە یێ تەپا پێ ل ئەکادیمیا بەرشەلونە دەستپێکریە بەری بھێتە ڤەگوھاستن بو ناڤا رێزێن یانا سامبدوریا و ژ وێ یانێ بو یانا ئەنتەر میلان ل ٢٠١٣ و کاروانێ خوە بەرب سەرکەفتنا بر.
یاریزانێ ناڤھاتی یێ ٢٤ سالی ھەتا نوکە دخولا ئیتالیا دا ١٣ گول ژ ١٣ یاریێن ھاتینە کرن تومارکرینە و ب تنێ نەە گولان یێ دوورە ب گەڤیتە ناڤا یاریزانێن ١٠٠ گول بو یانا ئەنتەر تومارکرینە کو ھەتا نوکە ٩١ گول یێن ھەین و ٢٣ یێن بەرھەڤکرین د ١٥٩ یاریێن بو یانێ کرین.
نيشاندان