ئه‌ڤرۆ نیوز:
شاسوار عەبدولواحید خودانێ گروپێ كومپانیێن نالیا د راگه‌هاندنه‌كێ دا ئه‌ڤرۆ ئاشكراكر: كومپانیا نالیا و تمامیا پشكێن چاڤى لاند فروتى نه و ده‌ستبه‌رداریى خاوه‌نداریا كه‌نالێ ئێن ئاڕ بوو.
شاسوار عەبدولواحید خوه ڤه‌كێشا
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
ئه‌ڤ زارۆیه به‌رزه بوویه
ل داویێ مۆگابێ ده‌ست ژكار كێشا
ئه‌ڤرۆ نیوز:
پشتی نێزیكی چل سالێن ده‌ستهه‌لاتێ ل داویێ سه‌رۆكێ زیمبابوێ ده‌ست ژكار كێشا.
سه‌رۆكێ په‌رله‌مانێ زیمبابوێ راگه‌هاند كو نامه‌یا ده‌ستژكاركێشانا رۆبه‌رت مۆگابێ، سه‌رۆكێ زیمبابوێ گه‌هشتییه وی، پشتی ڤی نووچه‌ی خه‌لكێ وی وه‌لاتی رژیانه سه‌رجاده‌یان و ئاهه‌نگ بۆ ده‌ستپێكه‌كا نوو گێران.
به‌ری دو حه‌فتییان سوپایێ زیمبابوێ ده‌ست ب سه‌ر ده‌ستهه‌لاتێ گرتبوو بۆ وێ یه‌كێ مۆگابێ نه‌چار بكه‌ن ده‌ستهه‌لاتێ بهێلیت ژبه‌ركو گه‌له‌ك ژمێژه بوو سه‌رۆك و ژیێ وی ژی گه‌هشتبوو سه‌ر نۆت سالیێ دا و وی دخواست هه‌ڤژینا وی جهێ وی بگریت.
نووترين وينێن كۆسره‌ت ره‌سول پشتى نه‌خوه‌ش بووى به‌لاڤ دبن
ئه‌ڤرۆنيۆز:
ئێڤاريا ئه‌ڤرۆ هژماره‌كا وينين نوو يێن كوسرت ره‌سول عه‌لى جێگرێ ئيكێ يێ سكرتێرێ گشتيێ ئێكه‌تى نيشتمانى كوردستان به‌لاڤبوون كو ل نه‌خوه‌شخانه‌كا به‌رلين پايته‌ختێ ئه‌لمانيا هاتينه گرتن .
ئه‌و وينه ژلايێ كۆر و كه‌سێن نێزيكى كوسره‌ت ره‌سول عه‌لى هاتينه به‌لاڤكرن وئاماژێ ب وێ چه‌ندێ دكه‌ن كو ئه‌و وێنه يين ئه‌ڤرۆ نه (21/11/2017) كو تێدا هه‌ر ئێك ژ درباز كوسره‌ت ره‌سول ودكتۆر دارا نوشدارێ تايبه‌تێ كوسره‌تى وچه‌ند كه‌سه‌كێن نێزيكى كوسره‌تى ده‌ردكه‌ڤن.
به‌رى چه‌ند رۆژان ره‌وشا ساخله‌مى يا كوسره‌ت ره‌سول تێكچوبوو وله‌ز گه‌هاندبوو نه‌خوه‌شخانه‌كا باژێرێ سلێمانيێ ونوشداران راگه‌هاندبوو كو كێشه دريڤيكێن وى دا يێن هه‌ين وپاشى ب مه‌ره‌ما چاره‌سه‌ريا زێده‌تر ، هاته هنارتن بۆ ئه‌لمانيا ونوكه يێ ل ئێك ل نه‌خوه‌شخانێن به‌رلينا پايته‌ختا وى وه‌لاتى.
ئه‌ڤ شه‌ڤه هه‌شت يارى ژ خۆلا قاره‌مانێن ئورۆپا دێ هێنه ئه‌نجامدان
ئه‌ڤرۆنيۆز:
ئه‌ڤ شه‌ڤه گه‌را پێنجێ ژ قۆناغا گرۆپان يا خۆلا قاره‌مانێن ئورۆپا دێ ده‌ستپێكه‌ت ودێ هه‌شت يارى هێنه ئه‌نجامدان.
گرنگترين يارى دێ دناڤبه‌را مانشتستر سيتى يا ئينگليزى وفينورد روتردام يا هوله‌ندى وياريا ريال مه‌دريد وابويل نيقوسيا، ديسا ياريا ليڤه‌رپۆل يا ئينگليزى ل گه‌ل يانا سڤيليا يا ئيسپانى هێنه ئه‌نجامدان كو هه‌رسێ دێ ل ده‌مژمێر 10:45 هينه ئه‌نجامدان. هه‌موو ياريێن دى ژى ل هه‌مان ده‌مژمێر دێ ده‌ستپێكه‌ن، تنێ ياريا پشكتاش وپۆرتۆ وسپارتاك موسكۆ وماريبۆر دێ ل ده‌مژمێر 8:00 ده‌ستپيكه‌ن.
ياريێن ب ڤى شێوه‌ى نه:
بشكتاش – بورتۆ
سپارتاك موسكۆ – ماريبۆر
مانشستر سيتى – فينورد روتردام
ناپۆلى – شاختار دونيتسك
أبويل نيقوسيا – ريال مدريد
بوروسيا دورتموند – توتنهام هوتسبير
موناكۆ – لايبزيگ
سيڤيليا – لێڤه‌رپۆل
جڤاتا پاريزگه‌ها دهۆكێ لژنه‌ك بۆ دووڤچوونا گرتنا جادا ل به‌رامبه‌ر ئۆتێلا ركسۆس پێكئينا
ئه‌ڤرۆنيۆز:
دكۆمبوونا خوه يا دوهى دا، جڤاتا پارێزگه‌ها دهۆكێ برياردا لژنه‌كێ بۆ دووڤچوونا بابه‌تێ گرتنا جادا ل به‌رامبه‌ر ئۆتێلا ركسۆس پێكبينيت.
نازك ئامێدى، ئه‌نداما جڤاتا پارێزگه‌ها دهۆكێ دبه‌رپه‌رێ خوه ل سه‌ر فيسبووكى به‌لاڤكريه، دوێ كۆمبوونێ دا پتريا ئه‌ندامێن جڤاتا پارێزگه‌هێ نه‌رازيبوونا خوه ل سه‌ر خرابكرنا قوتابخانا سه‌لاحه‌دين ( په‌يماگه‌ها هونه‌رين جوان يا كه‌ڤن) دياركريه.
نازكى نڤيسيه ژى، كۆمبوونێ چه‌ندين ته‌وه‌رێن دى بخوه‌ڤه گرتن ئه‌وژى بريار هاته دان دوكانێن فرۆتنا مريشكێن ساخ ب چه‌ند مه‌رجان بهێنه ڤه‌كرن، هه‌روه‌سا دووڤچوونا بابه‌تێ ته‌سويا ئه‌ردى بهێته كرن وئه‌گه‌رين گيرۆبوونا كارى بهينه زانين.
داواكارێ گشتى ل دهۆكێ ب نڤيسارا هژمار 29 ل 15/11/2017 كو هاتيه ئاراسته‌كرن بۆ دادگه‌ها ڤه‌كۆلينا دهۆكێ، ديار كربوو كو رۆژانه گه‌له‌ك سكالا ژلايێ وه‌لاتيێن سه‌نته‌رێ پارێزگه‌هێ دهۆكێ بۆ دهێن ل دۆر وێ سه‌رپيچيا خودانێ ئۆتێلا ركسۆس ل سه‌ر رێيا خزمه‌تگوزارى ئه‌وا دكه‌ڤيته به‌رامبه‌ر جادا سه‌دى ل نێزيك رێڤه‌به‌ريا هاتنوچوونا به‌رێ.
داواكارێ گشتى دوێ نڤيسارا خوه‌دا داخوازا پێرابوونێن پێدڤى دكه‌ت كو خودانێ ئۆتێلێ پێگير بكه‌ن سه‌رپێچى بهێته راكرن تاكو وه‌لاتى بشێن وێ رێيا گرتى ژلايێ خودانێ ئۆتێلێ ڤه بكاربينن، كو بۆ به‌رژه‌وه‌نديا خوه يا تايبه‌ت گرتيه، چونكى رێ ژلايێ باژێرڤانيا دهۆكێ يا هاتيه چێكرن بۆ به‌رژه‌وه‌نديا گشتى وگرتنا وێ دهێته هژمارتن سه‌رپێچى ل سه‌ر مافێ گشتى وئه‌ڤ سه‌رپێچيا زيق ول به‌رده‌م چاڤێن هه‌موويان، ته‌حه‌ديه‌كه بۆ وه‌لاتيێن دهۆكێ.
حوكمه‌ت دێ پاره‌كێ مه‌زن بۆ ڤان ده‌رچوويان مه‌زێخيت
ئه‌ڤرۆنيۆز:
وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ راگه‌هاند، وه‌كو قۆناغا ئێكێ بريار يا هاتيه دان بۆ مه‌زاختنا نێزيكى حه‌فت مليۆن دۆلارێن ئه‌مريكى وه‌كو ليستا نه‌هێ يا شايسته‌ى دارايى بۆ ده‌رچوويێن به‌رنامێتواناسازى، كو تێدا 826 ده‌رچووێن تواناسازيێ دێ ژێ مفادار بن.
عه‌باس ئه‌كره‌م، په‌يڤدارێ وه‌زاره‌تا خواندنا بلند دبه‌ياننامه‌كێ دا راگه‌هاند، لژنا به‌لاڤكرنا شايستێن دارايى يێن به‌رنامێ تواناسازى بريار دايه ب مه‌زاختنا ليستا نه‌هێ يا شايستێن دارايى بۆ ده‌رچوويێن به‌رنامێ تواناسازى ئه‌وێن خواندنا خوه ب سه‌ركه‌فتيانه ب دووماهى ئيناى.
عه‌باسى گۆت ژى، كوژمێ پاره‌ى ئه‌وێ دێ بۆ ليستا نه‌هێ يا شايستێن دارايى بۆ ده‌رچوويێن به‌رنامێ تواناسازى هێته مه‌زاختن دگه‌هيته شه‌ش مليۆن و553 هزار و610 دۆلارێن ئه‌مريكىو826 ده‌رچوويێن به‌رنامێ تواناسازى دێ ژێ مفادار بن، كو وه‌كو قۆناغا ئێكێ 50% ژ سه‌رجه‌مێ شايستێن دارايى بۆ به‌ربژارێن ده‌رچوويێن تواناسازى دێ هينه مه‌زاختن.
وه‌زاره‌تا خواندنا بلند وڤه‌كۆلينێن زانستى، هه‌موو ده‌رچوويێن به‌رنامێتواناسازى ئاگه‌هدار دكه‌ت ئه‌وێن ناڤێن وان دليستا هژمار (9) يا سالا 2017 دا هاتى وهژمارا وان 826 كه‌سه, سه‌ره‌دانا وه‌زاره‌تێ بكه‌ن.
ل خورماتوو په‌قينا ترومبيله‌كێ 19 كه‌س كوشتن
ئه‌ڤرۆنيۆز:
ترومبێله‌كا مينرێژكرى ئه‌ڤرۆ سێشه‌مبى ل تاخێ له‌شكرى ل قه‌زا خورماتوو په‌قى ول دووڤ پێزانينێن ده‌ستپێكى هژماره‌كا وه‌لاتيان هاتنه كوشتن وبرينداركرن.
شه‌لال عه‌دبول قايمقامێ خورماتوو بۆ ده‌زگه‌هێن راگه‌هاندنێ گۆت، په‌قين ل تاخه‌كێ عه‌ره‌بێن سونى يا روودايى وهه‌تا نوكه 19 كه‌س يێن هاتينه كوشتن و50 كه‌س ژى يێن برينداربووين.
نێچيرڤان بارزانى: هه‌كه مه نه‌شيا مووچان دابين بكه‌ين دێ ب ئاشكرايى بۆ خه‌لكى بێژين
ئه‌ڤرۆنيۆز:
ئه‌ڤرۆ شاندێ حوكمه‌تا هه‌رێما كوردستانێ سه‌ره‌دانا هه‌ر ئێك ژ بزاڤا گۆران وئێكه‌تيا نيشتمانى كوردستانى وحزبا سوشياليستا ديموكراتى كوردستان ل باژيرێ سلێمانيێ كر، نێچيرڤان بارزانى پشتى وان سه‌ره‌دانان بۆ رۆژنامه‌ڤانان گۆت، ئه‌م ل سه‌ر هنده‌ك بنه‌مايان دهه‌ڤرِاينه.
نێچيرڤان بارزانى سه‌رۆك وه‌زيرێن هه‌رێما كوردستانێ، بۆ رۆژنامه‌ڤانان راگه‌هاند، ل گه‌ل لايه‌نان ل سه‌ر دو بۆ سێ بنه‌مايێن گرنگ دهه‌ڤراينه، وه‌و دژى دو ئيداره‌ييێ، پێدڤيه دانوستاندن ل گه‌ل به‌غدا بهێته كرن، نابيت هه‌ر لايه‌نه‌ك ب تنێ دانوستاندنان بكه‌ت. ئه‌ڤه ژى بۆ هه‌رێما كوردستانێ پرنسيبێن گرنگن.
دياركر ژى، دو پێشنياز بۆ ده‌ربازبوونا ڤى ره‌وشى يێن هه‌ين، يا ئيكێ ب زووترين ده‌م هه‌لبژارتن بهێنه كرن، يا دويێ حوكمه‌ته‌كا ده‌مكى بهێته دامه‌زراندن هه‌تاكو ئه‌نجامدانا هه‌لبژارتنان، گۆت ژى، دێ ل گه‌ل هه‌موو لايه‌نان ئاخڤين بۆ وێ چه‌ندێ بزانين باشترين رێيا چارێ چيه، پاشى ئه‌م ب خوه وه‌كو حوكمه‌ت دێ بريارێ ده‌ين كا ب چ شێوه‌كى ره‌فتارێ بكه‌ين، پشتى سه‌ره‌دانا هه‌موو لايه‌نان ژى دكه‌ين، دێ ئه‌نجامێن كۆمبوونێن خوه بۆ خه‌لكێ كوردستانێ رۆهن كه‌ين.
سه‌باره‌ت داخوازيێن بزاڤا گۆران، نێچيرڤان بارزانى گۆت، مه كاغه‌زه‌ك ژ گۆران وه‌رگرتيه ومه سۆز يا داى كو ڤه‌خواندنێ بۆ بكه‌ين، روونشتنێن مه دێ دبه‌رده‌وام بن ژى.
سه‌رۆك وه‌زيرێن هه‌رێمێ ئاشكراكر ژى كو هه‌تا نوكه ژڤانێ سه‌ره‌دانا شاندێ هه‌رێما كوردستانێ بۆ به‌غدا يێ ديار نينه، وه‌كو حوكمه‌ت دێ چينه به‌غدا وهه‌موو ئه‌و لايه‌نێن سياسى يێن دحوكمه‌تێ دا پشكدار دێ دناڤ شاندێ حوكمه‌تێ بۆ به‌غدا دپشكداربن.
ل دۆر شيانێن حوكمه‌تا هه‌ريمێ بۆ دابينكرنا مووچێن فه‌رمانبه‌ران، گۆت، هندى بشێين دێ مووچێن فه‌رمانبه‌ران دابين كه‌ين، هه‌كه مه نه‌شيا دێ ب ئاشكرايێ ل گه‌ل خه‌لكێ خوه ئاخڤين وبۆ رۆهن كه‌ين.
مه‌ترسيدارترين وێنێن بووك وزاڤا ببينه
ئه‌ڤرۆنيۆز:
بووك وزاڤايه‌كى ل چينێ، وێنێن رۆژا پێكئينانا هه‌ڤژينيێ دگرن وهه‌موو وان ئه‌گه‌ران ژبير دكه‌ن هه‌كه شاشيه‌كا بچووك بكه‌ن دێ مرن.
وان بووك وزاڤا برياردابوو ب شێوه‌كێ جودا ئاهه‌نگا پێكئيننا هه‌ڤژينيێ بگێرن ووى نه‌ريتى بگوهۆرن كو ئاهه‌نگێن ژوى جۆرى ل هۆل وباخچان دگێرن ووێنان دكێشن، له‌وما هه‌ردويان برياردا بچنه سه‌رێ چيايه‌كێ ب زه‌حمه‌ت و بلند ووێنێن وێ رۆژێ بكه‌نه مه‌زنترين بيرهاتن.
وێنهيێن وان ل بلنداهيا چيايێ تشايا ل هه‌رێما هينان ل چينێ هاتنه گرتن كو ب مه‌ترسيدارترين چيا وجه دهيته هژمارتن، بووك وزاڤا جلكێن تايبه‌ت يێن ئاهه‌نگێ ل به‌رخوه كربوون وهه‌موو وان مه‌ترسيان ژبيردكه‌ن ده‌مێ ب سه‌ر وى چياى دكه‌ڤن.
ل دووڤ ده‌نگوباسه‌كێ رۆژناما (دايلى مه‌يلى) يا بريتانى، بلنداهيا وى جهێ وێنه لێ هاتينه گرتن نێزيكى 100 مه‌تران بوو. ئه‌و بووك وزاڤايانه ب تنێ نه‌بوون ده‌مێ ب سه‌ر چياى كه‌فتين، به‌لكو هنده‌ك كه‌سێن دى دگه‌لدا بوون ووه‌كو چياڤانان ژى وێنه دگه‌لدا گرتن.
نيشاندان
WP Facebook Auto Publish Powered By : XYZScripts.com