ئه‌ڤرۆنيۆز:
پشتى جيامبيرو فينتورا راهينه‌رێ بۆرى يێ هه‌لبژارتيێ ئيتاليا نه‌شياى تيما خوه بگه‌هينيته مونديالا رۆسيا وهاتيه لادان، رۆژنامێن ئيتالى دده‌نه دياركرن كو سێ كه‌س به‌ربژارن بۆ وه‌رگرتنا ئه‌ركێ راهێنه‌راتيا هه‌لبژارتيێ ئيتاليا يێ ته‌پا پيێ.
ل دووڤ رۆژناما( لاجازيتا ديلوو سپۆرت) يا ئيتالى، كارلۆ ئه‌نشيلۆتى راهێنه‌رێ به‌رێ يێ يانێن ريال مه‌دريد وشيلسى وبايرن ميونخ به‌ربژارێ ئێكێ يه بۆ وه‌رگرتنا وى ئه‌ركى ودانوستاندن نوكه دگه‌لدا دهێنه كر.
دياركر ژى، ئه‌شيلۆتى مه‌رج بۆ وه‌رگرتنا پۆستێ راهێنه‌رێ هه‌لبژارتيێ ئيتاليا يێن هه‌ىن ئه‌وژى هه‌بوونا به‌رنامه‌كێ باش وئه‌نجامدانا چاكسازيان بۆ گره‌تيا سه‌ركه‌فتنێ دوى ئه‌ركى دا.
هه‌كه ئه‌نشيلۆتى وه‌رگرتنا وى ئه‌ركى ره‌ت بكه‌ت، دو به‌ربژارێن دى يێن هه‌ين ئه‌وژى ماسميليانۆ ئه‌ليگرى راهێنه‌رێ يانا يوڤه‌نتۆس وئه‌نتونيۆ كونتى راهێنه‌رێ يانا شيلسى يا ئينگليزى.
هه‌لبژارتيێ ئيتاليا بۆ جارا ئێكێ د 69 سالێن بۆرى نه‌شيا بگه‌هيته مونديالا ته‌پا پێ ل رۆسيا پشتى ل سه‌ر ئاخا خوه ل ياريا هاتنێ دا وه‌كهه‌ڤ بووى بێ گۆل ل گه‌ل هه‌لبژارتيێ سويد كود ياريا چوونێ دا ئه‌وا ل ستوكهولم ل سويد هاتيه كرن، هه‌لبژارتيێ سويد شيابوو ب سه‌ركه‌ڤيت ب ئه‌نجامێ 1-0 وبگه‌هيته مونديالا رۆسيا 2018.
ئيتاليا چار جاران بوويه قاره‌مانا جيهانێ ئه‌وژى ل سالێن 1934، 1938، 1982، 2006
نيشاندان