ئه‌ڤرۆنيۆز:
دڤێ پارچا ڤيديۆيى دا ده‌رزه‌كا مه‌زن دياردبيت ژ ئه‌نجامێ بيڤه‌له‌رزا ئێكشه‌مبيا بۆرى كو ب ئه‌ردى كه‌فتيه ل ده‌ڤه‌ره‌كا ب سه‌ر قه‌زا كه‌لار ڤه ل گه‌رميان.
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
په‌رله‌مانێ كوردستانێ: بودجا عيراقێ سه‌رپێچيه ودێ كاريگه‌ريێ سه‌ر ژيارا خه‌لكێ كوردستانێ كه‌ت
ئه‌ڤرۆنيۆز:
ئه‌ڤرۆ ل هه‌ولێرێ، ده‌سته‌يا سه‌رۆكاتيا په‌رله‌مانێ كوردستانێ وسه‌رۆكێن فراكسيۆنێن په‌رله‌مانى ل گه‌ل كونسۆل وجێگرێ كونسۆلان ونوونه‌رێن وه‌لاتان ل هه‌رێما كوردستانێ كۆمبووه.
ده‌سته‌يا سه‌رۆكاتيا په‌رله‌مانێ كوردستانێ، كۆنسۆل ونوونه‌رێن وه‌لاتان ئاگه‌هداركرن ل سه‌ر پێشيلكاريێن قانوونى ودارايى ئه‌وێن دپرۆژه قانوونا بودجا عيراقێ يا سالا 2018.
پشتى كۆمبوونێ، دكۆنگره‌كێ رۆژنامه‌ڤانى دا، جه‌عفه‌ر ئێمينكى جێگرێ سه‌رۆكێ په‌رله‌مانى راگه‌هاند، په‌رله‌مانى راسپاردا تمام بۆ دانوستاندنێن حوكمه‌تا هه‌رێما كوردستانێ ل گه‌ل به‌غدا به‌رهه‌ڤكريه وهيڤيخوازين دانوستاندن دناڤبه‌را هه‌ردولادا زوو ده‌ست پێ بكه‌ن.
بێگه‌رد تالبانى، سكرتێرا په‌رله‌مانێ كوردستانێ ژى گۆت، مه وه‌كو په‌رله‌مانێ كوردستانێ په‌ياما خه‌لكێ كوردستانێ گه‌هانده ناڤه‌ندێن نێڤده‌وله‌تى ونوونه‌رێن وه‌لاتان ل هه‌رێما كوردستانێ.
بێگه‌ردى گۆت ژى، په‌ياما مه ئه‌وبوو كو گه‌لێ كورد دڤێت دچارچۆڤێ دستوورێ عيراقێ دا دانوستاندن ل گه‌ل به‌غدا ده‌ست پێ بكه‌ن، بۆ وێ مه‌ره‌مێ ژى مه ل روونشتنا بۆرى يا په‌رله‌مانى راسپارده‌كا 18 خالى دابوو حوكمه‌تا هه‌رێمێ كو تێدأ به‌حسێ هه‌موو وان خال ومادان كريه كو دره‌شنڤيسێ بودجا عيراقێ دا هاتينه وهه‌تا نوكه نه‌چوونه جڤاتا نوونه‌ران وئيمزا ل سه‌ر نه‌هاتيه كرن، به‌لێ گه‌له‌ك پێشيلكارى ل سه‌ر مافێن دستوورى يێن هه‌رێما كوردستانێ يێن تێدا هه‌ين، وێ چه‌ندێ ژى دێ كاريگه‌ريه‌كا گه‌له‌ك مه‌زن ل سه‌ر ژيارا خه‌لكێ كوردستانێ هه‌بيت.
گۆت ژى، هه‌كه به‌غدا دانوستاندنێ ل گه‌ل هه‌رێما كوردستانێ ره‌ت بكه‌ت، بژارده‌يا خوه‌ڤه‌كێشانێ ژ پرۆسا سياسى ل عيراقێ يا ڤه‌كريه.
دده‌مێ چه‌ند رۆژێن بۆرى دا، پتريا وه‌لاتێن زلهێز هه‌لويستێ خوه ل دۆر ده‌ستپێكرنا دانوستاندنان دناڤبه‌را به‌غدا وهه‌ولێرێ دا راگه‌هاندبوو وپێشوازى ل وێ رۆهنكرنێ كربوو كو ژلايێ حوكمه‌تا هه‌رێما كوردستانێ هاتبوو ده‌ركرن بۆ ده‌ستپێكرنا دانوستاندنان دچارچۆڤێ دستوورى دا.
چۆپى به‌حسا نووترين كارێن خوه دكه‌ت
ھونەرمەندا بەرنیاسا کورد چۆپی فەتاح راگەھاند، ئەو چو جاران ژ سترانگۆتنێ پەشیمان نەبوویە، و ھندی دژیانێ دا مابیت دێ بەردەوام سترانا بێژیت، چونکو سترانگۆتن بوویە پارچەکا گرنگ دناڤ ژیانا وێ رۆژانە دا.
چۆپیێ بۆ رادیۆیەکا ناڤخوەی گۆت: من ب حەزا خوە دەست ب سترانگۆتنێ کریە و بۆ دەمێ چەندین سالانە ل گەل دژیم، لەورا ھێلانا وێ دێ گەلەکا ب زەحمەت بیت چونکو ھەڤالەکا عەزیزە بۆ من.
ل دۆر نووترین کارێ خوە یێ ھونەری گۆت: بۆ سالا بھێت دێ مە بەرھەم ھەبن، لێ ژبەرکو ھندەک د قوناغا ئامادەکرنێ دانە نەشێم دیاربکەم دێ کەنگی و چەوا بیت، لێ حەزژێکەرێن دەنگێ خوە پشت راست دکەم ل سالا بھێت ئەم وان ژبیرناکەین و ھەکە ئەلبۆم ژی نەبیت دێ ب ھندەک ستران و کلپێن نووڤە ھێینە خزمەتا وان.
سكس سەرئێشێ تەنا دکەت
ئه‌ڤرۆ نيوز:
گۆتنا (سەرێ من یێ دئێشت) ژ ئەڤرۆ و پێدا نابیتە بەھانەکا قەبوول کری، وەسا دیارە جۆتبوون و پەیوەندیا سیکسی باشترین تەناکەرێ شەقەسەرێ و سەرئێشێ یە و ئەو دەرمانە یێ نۆشدار دیار دکەن.
سیکس دەرمانەکێ کارایە بۆ سەرئێشێ و بتایبەت شەقەسەرێ، گەھشتنا خۆشیا سیکسی ھندەک کەرستێن کێمیایی یێن وەکو ئەندرۆفین و سیرۆتونین و دۆبامین بەرددەت و دبنە ئەگەر شەقەسەر سڤک بیت.
ھەروەسا ھەستکرنا ب ئێشانێ کێم دکەت و ھەستا تەنابوونێ چێدکەت، ئۆکسیتۆسین یێ ل دەمێ کریارا سیکسی بەرھەم دھێت، خەوا مرۆڤی ژی خۆش دکەت.
سکس چاوا سەرئێشێ تەنا دکەت؟
تا نھا چو تێگەھێن ئاشکرا نینن کا چاوا سیکس سەرئێشێ سڤک و تەنا دکەت، ژبەرکو تا نھا شەقەسەر ل نک زانایان یا ئاشکرا نینە، لێ بەلکو دبیت ئەو یەک گرێدای ھورمۆنایە، ژبەرکو ھورمۆن بلەزتر ژ دەرمان کار دکەن، لەورا ئەو یەک ئێکسەر چێدبیت. ھندەک کەس پشتی سیکسی ھەست ب تەنابوونێ دکەن، لێ ھندەکین دی پشتی دەمەکێ کورت ھەست ب وێ یەکێ دکەن.
ئەگەرێ ژ ھەموویان بەرئاقلتر ژی ئەوە کو پالدانا ئەندۆرفینی ل دەمێ گەھشتنا خۆشیا سیکسی، ئەو بخوە سڤککەرەکێ سروشتییە بۆ ئازاران.
ب ڤیدیۆ: ئامیره‌كێ نوو ناهێلیت شۆفێر د ترومبێلێ دا خه‌و بچیت
ئه‌ڤرۆ نیوز:
هه‌ژماره‌كا بپسۆرێن رۆسی ئامیره‌ك ب ناڤێ (پشكنه‌رێ خه‌وێ) داهێنا كو ناهێلیت شۆفێر ل ده‌مێ هاژوتنا ترومبێلێ خه‌و بچیت یان نقوروسكا بده‌ت یان ژبه‌ر وه‌ستیانا زێده ته‌ركیزا خوه ژده‌ست بده‌ت.
ئه‌و ئامیر ده‌ربرینێن دێمێ مرۆڤی و سرۆشتێ نه‌گوهور یێ سه‌رۆچاڤان دخوینیت و دپشكنیت، ب وی ره‌نگی دێ شێت ژ خه‌وچوون یان ژده‌ستدانا ته‌ركیزا شۆفێری ئاگه‌هدار بیت و دێ ب ده‌نگ و رۆناهییه‌كێ هۆشداریێ ده‌ته شوفێری و هشیار كه‌ت.
بۆ ئێكه‌م جاره ئامیره‌كێ ب ڤی جۆری دهێته چێكرن و مه‌ره‌م پێ كێمكرنا ب سه‌دان روودانێن هاتنوچوونێ یه كو ژ سه‌ده‌مێ خه‌وچوونا شۆفێران سالانه ل سه‌رانسه‌ری جیهانێ چێدبن.
به‌فر بارين دێ ده‌سپێكه‌ت
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو ل رۆژا شه‌مبى هه‌رێما كوردستانێ دێ كه‌ڤيته به‌ر ره‌وشا نه‌يا سه‌قامگير و باران بارين دێ بۆ ماوێ حه‌فتيه‌كێ روو ل هه‌رێما كوردستانێ كه‌ن.
د نڤيساره‌كا پشكا پێشبينيان يا سه‌ر ب رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ كو دانه‌ك ب ده‌ست ئه‌ڤرۆ نيوز كه‌فتيه دا هاتيه كو رۆژا ئێكشه‌مبى كو دبيته 19ى چريا دويێ 2017 هه‌رێما كوردستانێ دێ كه‌ڤيته به‌ر كه‌شه‌كێ نه‌يێ سه‌قامگير و دهێته پێشبينيكرن كو پێله‌كا باران بارينێ ب سه‌ر هه‌رێما كوردستانێ و ده‌ڤه‌رێ دا بهێت و بۆ ماوێ حه‌فتيه‌كێ يا به‌رده‌وام بيت.
هه‌ر د وێ نڤيسارێ دا هاتيه ژى كو رۆژا ئێكشه‌مبى كارتێكرنا فشارێن نزمێن ده‌ريا ناڤه‌راست دێ كارتێكرنێ ل سه‌ر ده‌ڤه‌رێ كه‌ن و ئه‌سمانێ هه‌رێمێ بۆ ئه‌ورێن ته‌مام گوهۆڕيت و باران بارين ل پتريا ده‌ڤه‌ران ل ده‌مێ پشتى نيڤرۆ باريت.
ئاشكه‌را ژى كر كو ل رۆژا ب دووڤدا دوشه‌مبى سه‌ره‌رارى فشارێن نزمێن ده‌ريا ناڤه‌راست كارتێكرنا فشارێن نزژمێن ده‌ريا سۆر ژى دێ بۆ سه‌ر ده‌ڤه‌رێ درێژ بن و رێژا باران بارينێ دێ زێده‌تر لێ هێت.
سه‌قاناسيا هه‌رێمێ خۆيا ژى كريه كو ل رۆژێن سێشه‌مب و چارشه‌مبێ ل گه‌ل بارينا بارانه‌كا ب هێز دێ بريسى و هه‌وايه‌كێ سار ژى ل گه‌ل بن كو ژ ژێده‌رێ وى هه‌واى ناڤه‌راستا ئورۆپا يه و ژ باكوورێ هه‌رێمێ دێ كارتێكرنێ كه‌ته سه‌ر ده‌ڤه‌رێ و پلێن گه‌رمێ نزم بن ب ره‌نگه‌كى دبيت ل ده‌ڤه‌رێن چيايى به‌فر ژى بباريت.
ماوێ كارتێكرنا ڤێ پێلێ بۆ سه‌ر هه‌رێما كوردستانێ ب گۆره‌ى نه‌خشێن سه‌قايى هه‌تا رۆژا دوشه‌مبى رێكه‌فتى 27ى چريا دويێ 2017 ل هه‌رێما كوردستانێ دێ يا به‌رده‌وام بيت.
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ تێبينيا وێ چه‌ندێ ژى كريه كو پلێن گه‌رمێ دێ گه‌له‌ك هێنه خوار و ل هنده‌ك جاران دێ هێزا هه‌وايى ژى بۆ 25كم د ده‌مژمێره‌كێ دا زێده بيت.
پشكا پێشبينيان ئاماژه ب وێ چه‌ندێ ژى دكه‌ت كو ده‌ما كارتێكرنێن ڤێ پێلێ ل سه‌ر ده‌ڤه‌ره‌كێ دژوار دبن د رۆژانێن هاتنا ڤێ پێلێ دا دێ وه‌لاتيان ئاگه‌هدار كه‌ن.
جڤاتا نوونه‌رێن عيراقێ ئه‌ڤرۆ دێ كۆم بيت
ئه‌ڤرۆ نيوز:
بڕياره ئه‌ڤرۆ په‌رله‌مانێ عيراقێ كۆم ببيت و هێشتا سه‌رۆكاتيا جڤاتا نوونه‌ران به‌رنامێ كارى ئاشكه‌را نه‌كريه.
جڤاتا نوونه‌رێن عيراقێ 14ى ڤێ هه‌يڤێ ده‌ست ب روونشتنا كريه و چه‌ندين ته‌وه‌ر گه‌نگه‌شه‌كرينه و پاشان روونشتن هاتيه هه‌لگرتن بۆ رۆژا پێنجشه‌مى 16ى چريا دويێ 2017.
د وێ روونشتنێ دا يا كو 170 نوونه‌ر پشكدار بووين، ده‌نگ ل سه‌ر دوو پرۆژێن قانوونان هاته دان و دووماهى ب خواندنا پێنج پرۆژان ئينا.
هه‌ر د وێ روونشتنا جڤاتا نوونه‌ران دا داخواز ژ حوكمه‌تێ هاتبوو كرن گرنگيه‌كا ته‌مام بده‌ته ده‌ڤه‌رێن تووشى كاره‌ساتا ئه‌ردهه‌ژا شه‌ڤا ئێكشه‌مبى بووين كو چه‌ند ده‌ڤه‌رێن هه‌رێما كوردستانێ و عيراقێ ژى ڤه‌گرتبوون.
دوهى د به‌ياننامه‌كێ دا فراكسيۆنا پارتى ديموكراتى كوردستان ل جڤاتا نوونه‌رێن عيراقێ راگه‌هاند كو ئه‌و دێ ڤه‌گه‌رنه به‌غدا و پشكداريێ د كۆمبوونێن جڤاتا نوونه‌رێن عيراقێ دا كه‌ن.
وەزارەتا کار دخوازیت ب ڤێ رێ قەرێن گەنجان دەسپێکەتەڤە
ئەڤرۆ نيوز، نیوار:
وەزارەتا کار و کاروبارێن جڤاکی داخوازێ ژ جڤاتا وەزیران دکەت کو قەرێن بچووک بۆ گەنجان دەسپێبکەتەڤە.
ئەڤرۆ رۆژا چارشەمبی رێکەفتی 15ی چریا دویێ ئەندامێن تایبەت ب ڤەکۆلین و پێشنیازکرنا داخوازیێن وەزارەتا کار و کاروبارێن جڤاکی کو پێکھاتبوون ژ محەمەد قادر ھاودیانی وەزیرێ کار و کاروکاروبارێن جڤاکی، ئەکرەم جمۆ سەرۆکێ فەرمانگەھا رێکخراوێن نەحکۆمی، حەرۆش عومەر ئەسعەد شیرەتکارێ دارایی ل وەزارەتا دارایی و ئابووری، حەیدەر مستەفا رێڤەبەرێ گشتی یێ ھەماھەنگی و پێشڤەبرنێ ل وەزارەتا پلاندانانێ، عارف حیتۆ رێڤەبەرێ گشتیێ دەستەبەرکرنا جڤاکی.
ب گۆرەی راگەھاندنا وەزارەتا کار و کاروبارێن جڤاکی ئەڤ لژنە ل جڤاتا وەزیران پێشنیاز کریە کو ب مەرەما دووڤچوون بۆ ھەردو سندوقێن دەستەبەرکرنا جڤاکی و قەرزێ بچووکێ لاوان.
ب گۆرەی ھەمان راگەھاندن ئەو لژنە دێ دانوستاندنآ ل سەر پرۆژێ قەرێن بچووک کەت کو ھاتیە خواستن ل سالا نوو ژ وەلاتیان بھێتە وەرگرت، ژ بەر ھندێ ژی داخواز ژ جڤاتا وەزیران کریە کو ل گەل وەرگرتنا قەرزێ بچووک دانا قەرزێ بچووک بۆ گەنجان دەست پێ بکەت ب رەنگەکی ئەو قەرێ ژ وەلاتیان وەردگرن بکەنە د ژمارەکا بانکی یا تایبەت دا و ب گۆرەی رێنمایان جارەکا دی ب سەر گەنجام دا بھێتە بەلاڤکرن.
هه‌لبژارتيێ32 ودووماهيێ ئه‌ڤرۆ گه‌هشته مونديالا رۆسيا 2018
ئه‌ڤرۆنيۆز:
ئه‌ڤرۆ سپێدێ ڤاڤارتنێن قاره‌مانيا جاما جيهانێ (مونديالا رۆسيا 2018) ب دووماهى هاتن وهه‌لبژارتيێ 32 ودووماهيێ گه‌هشته مونديالێ ئه‌وژى هه‌لبژارتيێ پيرۆ پشتى ل سه‌ر نيوزيلاندا ب دو گۆلان بێ به‌رامبه‌ر ب سه‌ركه‌فتى.
هه‌لبژارتيێ پيرۆ شيا گێمێ ئێكێ ب گۆله‌كێ بێ به‌رامبه‌ر ب پێشكه‌ڤيت كو ژلايێ ياريكه‌رێ وێ جيفرسۆن فارفان ل خۆه‌كا 28 هاتيه تۆماركرن ، ل گێمێ دويێ ژياريێ پيرۆ گۆلا خوه يا دويێ ومسوگه‌ركرنێ ب رێيا يارێكه‌ر كريس مارتن ل خۆله‌كا 64 تۆماركر وب ڤێ سه‌ركه‌فتنێ هه‌لبژارتيێ پيرۆ گه‌هشته مونديالا رۆسيا 2018، پشتى هه‌ردو هه‌لبژارتى د ياريا ئێكێ دا بێ گۆل وه‌كهه‌ڤ بووين.
دووماهى پشكداريا پيرۆ دمونديالا ته‌پا پێ دا دزڤريت بۆ سالا 1982 ده‌ما پشكدارى دمونديالا ئيسپانيا دا كرى وژقۆناغا گرۆپان ده‌ركه‌فتى پشتى هاتيه دوراندن ل گه‌ل پوله‌ندا 1-5 ول گه‌ل ئيتاليا وكاميرۆن وه‌كهه‌ڤ بووى 1-1 و 0-0.
پيرۆ به‌رى نوكه چار گه‌هشتيه مونديالا ته‌پا پيێ ئه‌وژى ل سالێن 1930 و1970و 1978 و1982 وشيابوو ل مونديالا مه‌كسيك 1970 بگه‌هيته قۆناغا چارێك دووماهيێ كو تێدا هاتيه دوراندن ل سه‌ر ه‌ستێ هه‌لبژارتيێ به‌رازيل ب 2-4.
نۆشدارەک : کێمخەوی و کێم لڤین هۆکارێن سەرەکی یێن ئێشا شەکرێ نە
ئەڤرۆ نیۆز ، زنار تۆڤی:
بسپۆرەکێ نەخۆشیێن شەکرێ ل هەرێما کوردستانێ دیاردکەت،کو کێمخەوی و کێم لڤین ژ هۆکارێن سەرەکی نە بۆ تۆشبوونا مرۆڤی ب ئێشا شەکرێ.
دکتۆر تاها مەحوی بسپۆرێ شەکرێ و رێڤەبەری سەنتەرێ شەکرێ ل سلێمانیێ دیارکریە،کو د ماوێ بوری دا مە تێبینیا هندێ کریە،کو پتریا وان کەسێن وەک تۆشبوویێن ئێشا شەکرێ هاتینە دەست نیشانکرن خوارن و خەوا وان نە یا ساخلەمە،هەروەسا وەرزش کرن ژی بەشەک نینە ژ ژیانا وان.
هەروەسا دکتۆر تاها دبێژیت ژی، بۆ خۆپاراستن ژ نەخۆشیێن دۆمدرێژ ب گشتی و ئێشا شەکرێ ب تایبەتی، پێدڤیە ئەم ستایلێ ژیانا خۆ ب گوهۆرین.
نيشاندان
WP Facebook Auto Publish Powered By : XYZScripts.com