ئه‌ڤرۆ نيوز، ژیمان سەعید:
گەلەک مروڤ ھزردکەن کو گەرمکرنا خوارنێ ب رێکا مایکروویڤی یا ب زیانە بو تەندروستیێ . و تیشکێن کەھروموگناتیسی رادبن ب دروستکرنا ھندەک ماددان دبنە ئەگەرێ پەنجەشێرێ، ئایا ئەڤە راستیە یان ژی بتنێ ھزرێن خەلەتن ل دەڤ خەلکی؟ ئایا جورێن خوارنێ ھەنە شیرەت دھێتە کرن برێکا ڤی ئامیرەی بھێنە گەرمکرن و لێنان؟

مایکرووەیڤ دھێتە بکارئینان بو گەرمکرنا خوارنآ ژ سالا 1947 و کارێ ڤی ئامیرەی یا دیارە ب رێکا ووزا تیشکێن کەھروموگناتیسی گەردیلێن دناڤ خوارنێ دا دلڤینیت و گەرماتییەک ژێ پەیدا دبیت ژ ئەگەرێ ھێزا لێکخشاندنا گەردیلان، و ل دووماھیێ گەرماتیەک پەیدا دبیت دناڤ خوارنێ دا بێی کو کارتێکرن دگەل سێنیکێ یان قازانێ بھێتە کرن و خەلکی دەستپێکر ھزرا کو ئامیرێ گەرمکرنا خوارنێ ل مال برێکا تیشکێن کەھروموگناتیسی یێن تایبەت ب خوارنێ بتنێ ڤە زیانە بو ساخلەمیێ و تەندروستیا مروڤی پشتی دیڤچوونا ڤەکولەرێ خوارنێ یێ سویسری _ھێرتێل_سالا 1989 و گوت : مایکرووەیڤی زیانێن نەرێنی یێن ھەین ل سەر لەشی . و ھێرتێلی تێبینی کربوو کو ھیموگلوبینا خوینێ و رێژا کولیسترولێ دناڤ لەشی دا زیان ڤێ دکەڤیت پشتی خوارنا گەرمکری ب ڤی ئامیرەی.

ھەلبەت تانوکە نەھاتییە سەپاندن راستیا ڤێ چەندێ و ژێ دپشت راست نینن ژ لایێ زانستی ڤە و ھەروەسا ھندەک کومپانیا نەرازیبوون دیارکر ژ بیردوزا ھێرتلی، چونکی تانوکە ئەڤ بیردۆزە نەھاتییە خویاکرن ژلایێ ھیچ کەسی ڤە و گوتن کو ئەڤ بیردوزە زیانێ دگەھینیتە بەرھەمێن وان و سکالا ل سەر ڤەکولەرێ خوارنێ تومارکرن و ژ ئەگەرێ ڤێ چەندێ و ڤان ھزروگوتنان وەلاتێ روسیا ل سالێن حەفتێیان رابوو ب قەدەغەکرنا بکارئینانا مایکرووەیڤی، بەلێ دەمەکێ درێژ نەما ئەڤ قەدەغەکرن ھاتە لادان و بدویماھی ئینا و بکارئینانا مایکروویڤی بوو کارەکێ نورمال، بەلێ پا ئایا مەترسیەک ھەیە ژ ئامیرەی؟ ب راستی ھیچ مەترسی نینە ژبکارئینانا ھەر ئامیرەکێ خوارنێ گەرم دکەت وەکو مایکروویڤی و ھیچ پەیوەندی نینە ب ئێشا پەنجەشێرێ ڤە و ل ڤێرە بتنێ ل سەر ھەرکەسی پێدڤییە کو ب تەمامی خوارنا خو نەھێلیتە تێدا وەکو خوارنێن دەستکرد و قودیککری، چونکی رێژا خوارنا سروشتی یا کێمە دناڤ دا.ئاریشە نینە ئەگەر ل ھندەک دەمان بھێتە خوارن ھەروەسا بتنێ خوارنا خوارنێن دەستکرد دوھنی دناڤ لەشی دا زێدە دکەت ل دویڤ چوونا وەزارەتا تەندروستیێ یا ئەلمانی و دبیت ئەگەرێن توشبوونا ئێشێن دلی زورتر لێ بھێن، ئەڤە ژی یا جودایە ژ کەسەکێ بۆ کەسەکی و دشیاندایە بکارئینانا مایکروویڤی بو ئامادەکرنا خوارنان و بڤێ چەندێ دشیاندایە زێدەکرنا دەمی و کێمکرنا سعرێن گەرماتیێ و کێمکرنا روونێ زێدە دناڤ دا و ئەڤە ژی ھندەک ژوان خوارنانە، (ھێک) ئەگەر فلفل دگەل ھێکێ بھێتە تێکڤەدان پاشی بکە دناڤ مایکروویڤی دا بو ماوێ خولەکەکێ و پاشی ھەرو سپێدێ زوو بخوی روژێ ھەمیێ ووزێ ددەتە لەشی.

پیتزایا بچووک د شیان دایە بۆ کەسێ ب لەز دەمێ نیڤرۆ و ئینانا بازنێن پتاتا (چپس) دسێنیکێ دا و پاشی سەروەرکرنا جەرجیرێ و ھندەک ساسێ بوماوێ خولەکەکێ بمینیتە د مایکرووەیڤێ دا پێتڤیە سەروەرکرنا پەنیری ب تەبەقەکا تەنک ل سەر ھەمی خوارنێ بیت، گەرمکرنا زەرزەواتێ بەستیگرتی نورمالە ئەگەر مروڤ بەفرا ب زادێ بەستی گرتی ڤە بحەلینیت ب رێکا مایکرووی بەریا لێنانا وی زادی و ڤەکولینا دیارکر کو زەرزەواتێ بەفرگرتی باشتر و ساخلەمترو ژ یێ بەفرنەگرتی گەلەک مای و نەھاتییە خوارن , چونکی بەفرگرتن پاراستنا ڤیتامینا دکەت دناڤ خوارنا و زادی دا.

ئەڤرۆ نیوز، نەوزاد ھلۆری:

پەروردەکرنا زاروکان دمالێ دا ئاریشەیا ھەری مەزن یا ھەر دایک و بابەکێ یە ، ھەموو دایک ژی ل ئایندەیێ پەروەردەیا زاروکێن خوە د ترسن ، دویرکەفتن ژ زاروکان گەلەک جاران بویە سەدەم کو دایباب دلگران ببن ژبەرڤێ زور جاران دایباب پەنایێ ژ بو جێگرەکێ بو زاروکان دگەریێن کو شونا وان بگریت د وان حالەتێن کو دایک نکاریت ل دەف زاروکێ خوە بیت ، و شارەزایەکێ جڤاکی یاریێن زاروکان باشترین چارەسەر دبینن.

یاسین محەمەد وەکو شارەزایەکێ جڤاکی ددەتن دیارکرن کو ھەر دایبابێن بکارن زاروکەکێ بینن دنیایێ و پەروەردە بکەن ھەتاکو مەزن دبن ھەروەکو ئەو زەنگینترین مرۆڤن ل جیھانێ و بۆ ئەڤرۆ نیوز گۆت: ( زاروک ھیڤیا سەرەکی یا ھەر ژن و مێرەکێ یە پشتی کو ھەڤژینیێ پێکدئینن و زاروک رەوش و روناھیا مالێ و جھێ بەختەوەریا دایبابایە ، ژبەرڤێ پێدڤی یە زور ب ھویری و نازکی سەرەدەری ل گەل پەروەردەکرنا زاروکی بھێتەکرن ب تایبەتی ھەتاکو دگەھیتە نێزیکێ ژیێ چوار سالێی ، پاشان جارەک دن ب قوناغ و پرۆژە و ھندەک رێکێن دن پەروەردەیا زاروکی ژی بھێتە گوھرین ، ئانکو پەروەردەکرنا زاروکی ل گورەی ژیێ زاروکی پێدڤی یە بھێتە گوھرین).

زێدەتر گۆت: ( ل ڤان سالێن داویێ گەلەک ژ دایک و بابان ب بھانەیێن کاری و پەیداکرنا پاریێ ژیانێ و دەوامێ ژ زاروکێن خوە دویر دکەڤن و ھندەک ژی پەنایێ بو داینگە و خزمەتکاران دبەن ب تایبەتی دایک کو ئەڤ یەک ژی مەزنترین شاشیە بەرامبەر پەروەردکرنا زاروکی دھێتەکرن ژ بەرکو زێدەباری خوارنا لەشی د ھەمان دەم دا زاروک پێدڤی ب خوارنەکا ئەقلی یە کو ئەو ژی پەروەردەیا روحی و رەوشتی یە، ھەموو دایباب دکارن خوارنێ بو زاروکێن خوە پەیدا بکەن بەلی َھەموو دایک نکارن پەروەردەیا روحی دەرونی بدەن زاروکێ خوە ).

یاسین محەمەدی ئاماژە ب بوچوونا “ئورلیش گێرت “بسپوورێ پەروەردەیا زاروکان ل ئەلمانیا کر کو ئەو ل وێ باوەریێ یە زاروک د شەڤ و رۆژان دا زێدەتر ژ 20 دەمژمێران پێدڤی ب دیتنا دایبابێن خوەیە ب تایبەتی دایکێ و گۆت ژی : ( ئەگەر ب ھەر بھانەیەکێ دایباب ب تایبەتی دایک ژ زاروکێ خوە دویر کەفت و نەکاری ئەو رێژا پێدڤی یا دیتنا خوە نوشا زاروکێ خوە بدەت ، بلا ھندەک یاریێن زاروکان ، زاروکێن خوە مژول بکەت ژ بەرکو یاری بو زاروکان ب تایبەتی ئەگەر یاری بووک بیت وەکو جێگرە بو دایکێ ژبەرکو زاروک بوکا خوە ب ھەڤال و کەسەکا نێزیک دبینیت ب تایبەتی د ھەر دوو سالێن ئێک و دوویێ یێن ژیێ خوە دا ، بەلێ ل گەل وێ یەکێ ژی نابیت ھەردەم زاروکان بوکا خوە ل گەل ب ھەڤال و کەسەکێ نێزیک بدانیت ژ بەرکو درێژی لسەر ڤێ یەکێ دێ بیتە سەدەم کو زاروک نەکاریت مفای ژ سووز و ڤیانا دایکێ وەربگریت ، ل ڤێرە دایباب دڤێت ب بەرنامەیەکێ جوان ڤێ یەکێ بو زاروکێ خوە بکەت).