ئه‌ڤرۆنيۆز:
سه‌رۆكێ يانا زاخۆ يا وه‌رزشى، به‌رهه‌ڤيا يانێ بۆ پشكداريێ دخۆلا پلا ناياب يا ته‌پێ ل عيراقێ راگه‌هاند.
بارزان مسته‌فا سه‌رۆكێ يانا زاخۆ گۆت، يانا زاخۆ يا به‌رهه‌ڤه بۆ پشكداريێ دوه‌رزێ نوو يێ خولا پلا ناياب يا عيراقێ، سه‌ره‌راى كو كێشێن دارايى ب تمامى چاره‌سه‌ر نه‌بووينه ومه كێشه ژى ل دۆر هژمارا يانان نينه.
ل دۆر هه‌لويستێ وان ژبريارا ئێكه‌تيا ته‌پا پێ يا عيراقى كو ئه‌ڤ ساله سێ يانێن كوردستانێ بێ به‌شكرن ژ خۆلا ياناب يا عيراقى، سه‌رۆكێ يانا زاخۆ بۆ رووداو گۆت، ئه‌م دپێگيرين ب بريارێن رێڤه‌به‌ريا گشتى يا وه‌رزشى ل هه‌ريمێ، هه‌كه بێژيت خوه ڤه‌كێشن، بێگومان پشكداريێ دخۆلێ دا ناكه‌ين
ئه‌ڤرۆ نيوز:
حه‌یده‌ر عه‌بادى سه‌رۆك وه‌زیرێن عیراقێ راگه‌هاند: ئه‌م پێشوازیێ ل هه‌لویستێ حوكمه‌تا هه‌رێما كوردستانێ دكه‌ین.
حوكمه‌تا هه‌رێما كوردستانێ راگه‌هاندنه‌ك ل دۆر بریارا دادگه‌ها فیدرال سه‌باره‌ت جودابوونێ ژ ئیراقێ به‌لاڤكر و راگه‌هاند: هه‌رێم رێزێ ل وێ بریارا دادگه‌ها فیدرال دگریت ئه‌وا تایبه‌ت ب شروڤه‌كرنا مادده‌یێ ئێكێ ژ ده‌ستوورێ ئیراقێ، لێ پێدڤییه ئه‌ڤ هه‌لوێستێ هه‌رێمێ، ببیته بنه‌مایێ ده‌ستپێكرنا دیالۆگه‌كا نیشتیمانی یا گشتگیر بۆ چاره‌یا هه‌موو ناكوكییان و بجهئینانا ته‌ماما مادده‌یێن ده‌ستووری.
حه‌یده‌ر عه‌بادى داخواز ژ حوكمه‌تا هه‌رێمێ كر كو بۆ په‌یره‌وكرنا ده‌ستوورى و برێڤه‌برنا خالێن سنورى د هه‌ڤكارین و گۆت” حوكمه‌تا عیراقێ یا پابه‌نده ب دانا مووچێ فه‌رمانبه‌رێن هه‌رێما كوردستانێ”.
سه‌باره‌ت به‌نداڤا ده‌ربه‌ندیخان، سه‌رۆك وه‌زیرێن عیراقێ راگه‌هاند” چو كێشه بۆ به‌نداڤا ده‌ربه‌ندیخان دروست نه‌بووینه و مه‌ترسى ل سه‌ر نینه”.
ئه‌ڤرۆنيۆز:
قايمقامێ ده‌ربه‌نديخان راگه‌هاند، ئه‌ڤرۆ ئێڤارى بيڤه‌له‌رزه‌كا دى ل قه‌زا ده‌ربه‌نديخان دا.
ناسح حه‌سه‌ن قايمقامێ ده‌ربه‌نديخان، ل دووڤ خه‌ندان، گۆت، بيڤه‌له‌رز يا ب هێز نه‌بوو وپلا وێ گه‌له‌ك يا كێم بوو، له‌وما چو زيان نه‌بوون.
دياركر ژى، ژبه‌ركو وه‌لاتيێن ده‌ربه‌نديخان ژ بيڤه‌له‌رزا رۆژا ئێكشه‌مبيابۆرى ترسابوون، له‌وما ئه‌و تاخێن هه‌ست ب بيڤه‌له‌رزا ئه‌ڤرۆ كرى ژمالێن خوه ده‌ركه‌فتن.
ئه‌ڤرۆنيۆز:
گرۆپێ رۆسى يێ په‌ترۆلى يێ زه‌به‌لاح (روسنه‌فت) ، راگه‌هاند، ل به‌رامبه‌ر وه‌رگرتنا په‌ترۆلێ ل سالا 2017 ، وێ دوێ سالێ دا گوژمێ مليار و300 مليۆن دۆلاران بۆ حوكمه‌تا هه‌رێما كوردستانێ مه‌زاختيه.
ئاژانسا رويته‌رز، ئه‌ڤرۆ سێشه‌مبى به‌لاڤكر، روسنه‌فت دئه‌نجامێن خوه يێن دارايى (پشكا سيێ) ژسالا 2017 به‌لاڤكرينه وتێدا دبێژيت، گۆژمێ مليار و300 مليۆن دۆلار بۆ حوكمه‌تا كوردستانێ هاتينه مه‌زاختن دچارچۆڤێ گرێبه‌ستا كرينا په‌ترۆلا خام ل گه‌ل حوكمه‌تا كوردستانێ.
روسنه‌فت ل چريا ئێكێ يا بۆرى راگه‌هاندبوو كو وێ رێكه‌فتنێن هه‌ڤپشكيێ دبه‌رهه‌مئينانا پێنج كێلكێن په‌ترۆلى ل كوردستانێ ئيمزاكرينه ول سالا 2018 دێ ده‌ست ب ئه‌نجامدانا به‌رنامێ هه‌ڤپشك يێ ڤه‌ديتنا پترۆلى هێته كرن وهه‌كه يێ به‌رهه‌مدار بيت، دێ روسنه‌فت ده‌ست ب پرۆسا پێشڤه‌برنا هه‌موو بيرێن په‌ترۆلى ل سالا 2021 كه‌ت .
ئه‌ڤرۆنيۆز:
فيليب كوتينۆ هێرشبه‌رێ يانا لێڤه‌رپۆل يا ئينگليزى و هه‌لبژارتيێ به‌رازيلێ يێ ته‌پا پێ به‌رسڤا به‌رشه‌لونا دا وبێ هيڤى كر كو بچيته دناڤ رێزێن وێ دا.
كوتينۆى دنووترين داخۆيانى دا گۆت، ئه‌ز ل ليڤه‌رپۆل يێ ئاسووده مه ويێ به‌رهه‌ڤ نينم رێزێن وێ بجه بهێلم.
ل ده‌مێ بۆرى رۆژناما ماركا يا نيزيك ژ ريال مه‌دريد ئاشكراكربوو كو به‌رشه‌لونا دخوازيت دوه‌رزێ ڤه‌گۆهاستنا ياريكه‌ران دا ل زڤستانا بهێت، كوتينيۆى بينيته رێزێن خوه و رێكه‌فتنا ده‌ستپێكهى ژى ل گه‌ل راهێنه‌رێ لێڤه‌رپۆل هاتيه كرن، به‌لێ كوتينيۆى هه‌موو ئه‌و ده‌نگوباس رتكرن
ڤى ياريكه‌رێ به‌رازيلى گۆت ژى په‌يوه‌نديێن من ل گه‌ل راهێنه‌رى يانێ يورگن كلوب وياريكه‌ران دباشن وئه‌ز ل ئێك ژ مه‌زنترين يانێن جيهانێ يێ ياريێ دكه‌م، له‌وما من نه‌ڤيت ژ يانا خوه بچم.
د وه‌رزێ ڤه‌گۆهاستنا ياريكه‌ران دا ل هاڤينا 2017، يانا به‌رشه‌لونا چار گرێبه‌ستێن جودا جودا ئاراسته‌ى لێڤه‌رپۆل كرن بۆ بده‌ستڤه‌ئينانا وى ياريزانى، به‌لێ هه‌موو بزاڤێن به‌رشه‌لونا شكه‌ستن خار.
ئەڤرۆ، مللەت جەمال:
پشتی ل ماوێ بوری کارگێریا یانا دھۆک پەیوەندی ب یاریزانێ خوە یێ وەرزێ بوری پیشەکارێ ئیڤواری جونیور کونستانت کری کو جارەکادی بزڤریتە ناڤا رێزێن تیمێ ڤە یاریزانێ ناڤبری رازیبوویە بزڤریت لێ داخوازا کوژمەکێ پارەی ژ یانا دھۆک کریە بەری پەیوەندیێ ب تیمێ بکەت.
ژێدەرەکێ تایبەت بو رۆژناما ئەڤرۆ دیارکر کو کارگێریا یانا دھۆک پەیوەندی ب یاریزانێ خوە کر کو بو پشکداریکرنێ ل گەل تیما یانا دھۆک بکەت د خولا پلە ئێکا ھەریمێ دا بکەت یاریزان رازیبوو لێ یاریزانی بەری بھێتە کرودستانێ ب بھانەیا پارێن ڤیزێ داخوازا کوژمەکێ پارەی ژ یانا دھۆک و کارگێریا یانێ ژی ئێکەم جار ١٣٠٠ دولار بو وی یاریزانی رەوانەکرن و پاشان ب ماوەکی ٢٠٠ دولارێن دیژی بو راوەانەکرینە ئانکو ھەموو پێکڤە بوینە ١٥٠٠ دولار گەھشتینە دەستێ ڤی یاریزانی.
زێدەتر ھەمان ژێدەر دیارکر پشتی ئێکەتیا تەپا پێی یا ھەرێما کوردستانێ بریارا راگرتنا چالاکیێن خوە راگەھاندی یانا دھۆک داخوازا ڤەگەراندانا ڤی کوژمێ پارەی کریە لێ یاریزان رازی نینە وی پارەی بزڤرینیت پشتی چەندین ھەولێن کارگێریا یانا دھۆک لگەل یاریزانی.
بەرامبەر ڤێ چەندێ سکرتێرێ یانا دھۆک قاسم سالح بۆ رۆژناما ئەڤرۆ گوت: دێ کومبوونێ لسەر ڤی بابەتی کەین و مە ئاگەە ژ ھەر پێنگاڤەکێ ھەیە و ئەم دشێین پێرابوونا وەرگرین ھەکە ئەو پارە نەھیتە زڤراندن .
دھێتە زانین خولا کوردستانێ نە خولەکا باوەرپێکریە ل ئێکەتیا تەپا پێی یا جیھانێ ئانکو نە یانێ و نە ئێکەتیا تەپا پێی چوو رێک نینن کو بشێن پێرابوونێن یاسایی بەرامبەر ڤی یاریزانی وەرگرن و تایبەت چنکو ئەڤ چەندە ھاتیە کرن دناڤبەرا کارگێریا یانێ و یاریزانی دا ب شێوەکی ئێکسەر ئانکو نە ب رێکا چوو بریکارێن یاریزانان.
ئەڤرۆ نیوز:
یانا ئەرسینال یا ئینگلیزی ماوەکێ درێژە چاڤدێریا ستێرا یانا لیون نەبیل فەقیر دکەت بۆ ئیمزاکرنا ھەڤبەستا ئەڤی یاریزانی ل ڤەگوھاستنێن بھێت دا و بیتە شینگرێ یاریزانێ وێ یێ شیلی ئەلکیس شانشێز ئەوێ رەتکری ھەڤبەستا خوە ل گەل یانا لەندەنی ئیمزا بکەت.
رۆژناما دیلی ستار یا برێتانی ئاشکراکریە راھێنەرێ یانا ئەرسینال ئەرسین ڤینگر ئارمانجا خوە یا سەرەکی بۆ وەرزێ بھێت کریە یاریزانێ لیون و ھەلبژارتیێ فەرەنسا نەبیل فەقیر کو ھەتا نوکە ئەڤی یاریزانی ئێک باشترین ئاستە پێشکێشکری یە دخولێن ئورۆپی و فەرەنسی دا کو ل گەل یانا خوە ژ سەرجەمێ یازدە یاریان شیا یازدە گولان توماربکەت ، ئەوێ رۆژنامێ دیارکریە ژی یانا بەرشەلۆنە ژی گرنگیەکا مەزن ب شیانێن ئەڤی یاریزانی دایە بۆ ئیمزاکرنا ھەڤبەستا ئەوی ڤەگوھاستنێن ھاڤینا بھێت لێ یانا ئەرسینال دێ بیتە رێگر د رێیا یانا بەرشەلۆنە دا ژبەرکو یانا ئینگلیزی کوژمەکێ ٦٠ ملیون جینی ئیسترلینی بەرھەڤکرینە بۆ ئیمزاکرنا ھەڤبەستا نەبیل .
ئه‌ڤرۆنيۆز:
ژئه‌نجامێ به‌ربوونا ئاگرى ب موه‌ليدا كاره‌بێ ل مالا وه‌زيره‌كێ عيراقى ل به‌غدا، دو كه‌س برينداربوون.
په‌يڤدارێ وه‌زاره‌تا كار وكاروبارێن جڤاكى يا عيراقى، راگه‌هاند ئه‌ڤرۆ سێشه‌مبى ئاگر به‌ربوو موه‌ليدا كاره‌بێ ل مالا وه‌زيرێ كار وكاروبارێن جڤاكى محه‌مه‌د شياع ئه‌لسودانى.
دياركر ژى، ژ ئه‌نجامێ وى ئاگرى دو كه‌س كو كريكار بوون برينداربوون وتيمێن ئاگر ڤه‌مراندنێ شيان كونترۆلى ل سه‌ر ئاگرى بكه‌ن.
گۆت ژى، وه‌زير يێ ل ده‌رڤه‌ى عيراقێ ژبۆ پشكداريێ دكۆمبوونێن جڤاتا وه‌زيرين كار وكاروبارێن جڤاكى يێن عه‌ره‌ب ل كوێتێ.
ئه‌ڤرۆنيۆز:
ئه‌ندامه‌كێ لژنا دارايى ل جڤاتا نوونه‌رێن عيراقێ ئاشكراكر كو جڤاتا وه‌زيرێن عيراقێ دێ مووچێن فه‌رمانبه‌ران ب رێژا 20% كێم كه‌ت د بودجا سالا 2018 دا ودياركر كو به‌غدا خوه ب رێكه‌فتنه‌كێ ڤه ل گه‌ل سندووقا دراڤى يا نيڤده‌وله‌تى ب مه‌رجێن زه‌حمه‌ت ڤه گرێدايه.
مه‌سعود حه‌يده‌ر ئه‌ندامێ لژنا دارايى ل جڤاتا نوونه‌رين عيراقێ دكونگره‌كێ رۆژنامه‌ڤانى دا ل ئاڤاهيێ جڤاتا نوونه‌ران راگه‌هاند، جڤات چاڤه‌رێ هاتنا قانوونا بودجێ ژ حوكمه‌تێ دكه‌ت وگه‌له‌ك تێبينى يێن ل سه‌ر ره‌شنڤيسا بودجێ هه‌ين ژبه‌ر رێژا كورتهێنانا تێدا.
دياركر ژى،تێبينى ل سه‌ر گۆژمێن حوكمه‌ت دێ ل سالا 2018 قه‌ر كه‌ت كو دێ بن بارگرانى ل سه‌رنه‌ڤيێن داهاتى، زێده‌بارى تێبينيان ل سه‌ر رێژا هاتيه دياركرن بۆ هه‌رێما كوردستانێ.
خوياكر، ل دووڤ رێكه‌فتنا ل گه‌ل سندووقا دراڤێ نێڤده‌وله‌تى وبه‌نكا نێڤده‌وله‌تى هاتيه كرن ل دۆر كێمكرنا مه‌زاختيان، پێزانينێن دوپاتكرى يێن هه‌ين كو حوكمه‌تێ رازيبوونا خوه يا دياركرى ل سه‌ر كێمكرنا مووچێن فه‌رمانبه‌رێن ده‌وله‌تا عيراقى ب هه‌موو پارێزگه‌هێن خوه‌ڤه، ژ بچووكترين فه‌رمانبه‌ر هه‌تا سه‌رۆكێ كۆمارى، گۆژمێ وێ كێمكرنێ دێ بيته هه‌فت تريليۆن دينار ژ سه‌رجه‌مێ گۆژمێ مووچێن فه‌رمانبه‌رێن ده‌وله‌تا عيراقێ كو 36 تريليۆن دينارن.
گۆت ژى ، رێژا كێمكرنا مووچان دێ 20% بيت.
نيشاندان