ئەڤرۆ نیوز ، نەوزاد ھلۆری:
وەزارەتا ساخلەمیا عیراقێ دیارکر کو ژ ئەنجامێ ئه‌ردهه‌ژا شەڤا بوری ل عیراقێ 535 کەس بووینە قوربانی ژ وانان ھەشت کەسان گیانێ خوە ژ دەست دایە.
د. سەیف بەدر ئاخفتنکەرێ وەزارەتا ساخلەمیا عیراقێ دیارکر کو ژ ئەنجامێ ئه‌ردهه‌ژا شەڤا بوری 535 کەس بووینە قوربانی ژ وانان ھەشت کەسان گیانێ خوە ژ دەست دایە و ئەوێن دن بریندار بووینە و گۆت: (ھەموو قوربانیێن روودانا ئه‌ردهه‌ژێ ل ھەرێما کوردستانێ بووینە ل پارێزگەھا سلێمانێ و دەربەندیخان و جەلەولا، ھەروەسا 321 کەس ل کوردستانێ بریندار بووینە و 170 کەس ل دیالە و 44 کەس ژی ل کەرکووک).
زێدەتر گۆت: (وەکو وەزارەتا ساخلەمیا عیراقێ ھەموو پێرابوونێن پیدڤی بۆ ساخلەمیا خەلکی گرتینە بەر بۆ ھەر پێدڤی و روودانەکا نەخواستی و دێ ب ھووری سەحا رەوشێ کەین و مە پەیوەندی ل گەل فەرمانگەھێن ساخلەمیێن ھەموو باژێران ھەنە).
ئه‌ڤرۆ نيۆز ، نه‌وزاد هلۆرى:
ده‌مه‌ك به‌ری نوكه بیڤه‌له‌رزه‌كا دى به‌نداڤا ده‌ربه‌ندیخان و ده‌ردورا وێ هه‌ژاند و بڤێ یه‌كێ ژى هوشداریه‌ك ژى بو كارمه‌ندێن به‌نداڤا ده‌ربه‌ندیخان دهێنه‌دان.
كه‌نالێ كوردستان 24 ژزارده‌ڤێ كه‌شناسیا هه‌رێما كوردستانێ راگه‌هاند، ئه‌ڤرۆ 13 چریا دوویێ 2017 ل ده‌مژمێر 10:30 دووباره بیڤه‌له‌رزه‌كێ ل به‌نداڤا ده‌ربه‌ندیخان و ده‌ردورا وێ هه‌ژاند.
زێده‌تر گۆت: ( مه ل گه‌ل تیمه‌كا كه‌شناسیێ سه‌ره‌دانا به‌نداڤا ده‌ربه‌ندیخان كریه و ل سه‌ر به‌نداڤێ ئاگه‌هدار بوینه كو بیڤه‌له‌رزه‌كا دى ل به‌نداڤا ده‌ربه‌ندیخان دایه و مه‌ترسیا ته‌قین و دارمانا به‌نداڤێ هه‌یه ، و پێدڤیه به‌نداڤ بهێته چۆلكرن )
ئه‌ڤرۆ نيوز:
سه‌رۆكێ حوكمه‌تا لوبنانى يێ ده‌ست ژ كار كێشايى سه‌عد حه‌ريرى ژ رياز يا پايته‌ختێ سعودى راگه‌هاند كو ئه‌و دێ ڤه‌گه‌ريته لوبنان ب “ده‌مه‌كێ نێزيك” دا كو ده‌ست ژ كار كێشانا خوه پێشكێش بكه‌ت ب گۆره‌ى دستوورێ لوبنانى. سه‌رۆكێ لوبنان ميشال عون راگه‌هاند بوو كو ئه‌و يێ د “كاودانێن نه‌ديار و گرتى دا”.
سه‌عد حه‌ريرى د ديداره‌كا تله‌ڤزيۆنى دا بۆ كه‌نالێ مسته‌قبل يێ نێزيكى هه‌ڤپه‌يمانيا وى يا سياسى ل مالا وى ل رياز رۆژا ئێكشه‌مبى راگه‌هاند كو ئه‌و دێ ڤه‌گه‌ريته لوبنان ب ده‌مه‌كێ نێزيك دا كو كاودانێن دستوورى يێن پێدڤى ئه‌نجام بده‌ت ب ره‌نگه‌كى دا كو ده‌ست ژ كاركێشانا خوه راده‌ستى سه‌رۆك كۆمارێ لوبنان بكه‌ت.
گۆتژى: “من ده‌ست ژ كاركێشانا خوه بۆ به‌رژه‌وه‌ندا لوبنان و لوبنانيان دايه”، ته‌كست ل سه‌ر وێ چه‌ندێ ژى كريه كو ب ده‌ستێن خوه به‌ياننامه نڤيسيه و دا زانين ژى كو ئه‌و ل سعوديێ يێ ئازاده و په‌يوه‌نديێن وى ل گه‌ل سه‌رۆكێ سعوديێ د نايابن.
ئه‌ڤرۆ نيوز:
پشتى چه‌ند هه‌يڤه‌كێن كێم ژ هاتنه دونايێ يا چێمكێن وى ئيڤا و ماتيۆ، ستێرا جيهانى يا ته‌پا پێ كرستيانۆ رۆنالدۆى راگه‌هاند كو رۆژا ئێكشه‌مبى خودێ كچه‌ك ب ناڤێ ئالانا مارتينا ل ئێك ژ نه‌خۆشخانێن مه‌دريد دايه و هه‌ڤدژى هه‌رسێ خووشك و برايێن وێ ڤێجارێ دايكا زارۆيى يا به‌رنياسه و ئه‌و ژى جۆرجينا يا هه‌ڤالا وى يه.
A Alana Martina acaba de nascer! Tanto a Geo como a Alana estão muito bem! Estamos todos muito felizes! ❤️ pic.twitter.com/nMT4rYc32U
— Cristiano Ronaldo (@Cristiano) November 12, 2017
ئه‌ڤرۆ نيوز:
ژنه‌كا ئه‌مريكى د هنده‌ك قافكان دا گيايێ ماريگوانا يێ بێ هۆشكه‌ر ل ناڤ مال چاندبوو، ژ جهێ وان يێ تايبه‌ت ڤه‌گوهاستن دا كو باشتر شين ببن و باشتر بكه‌ڤنه به‌ر تيشكا هه‌تاڤێ، به‌لێ ئه‌و چێبوو يا د سه‌رێ چو كه‌سان دا نه.
ئه‌و ژن يا كو ل ويلايه‌تا ماساتنسوستس يا ئه‌مريكى دژيت ڤيديۆيه‌ك به‌لاڤكريه كو تێدا ديار بوويه كو قافكێن وێ يێن كه‌فتينه ئه‌ردى و تێدا يا دياره كو پشيكێن وێ ئه‌و گيا خواريه و كه‌فتينه ئه‌ردى.
ئەڤرۆ نيوز:
ھونەرمەندا گەنج لۆکە زاھیر ل شەڤا دەربازبووی چەند وێنێن خوە یێن نوو ل ئینستگرامێ خوە بەلاڤکرن، بێی کو ئاماژە ب وێ چەندێ بدەت کا دێ بەرھەمەکێ نوو ھەبیت یان نە، لێ ھندەک کەسێن نێزیکێ وێ دبێژن: بەلاڤکرنا ڤان وێنا ئاماژەیە بۆ وێ چەندێ کو لۆکایێ بەرھەمەکێ نوو دێ ھەبیت، لێ حەز ناکەت نوکە ئاشکرا بکەت، بەلکو حەز دکەت وەکو ھەرجار سۆپرایزەکێ بۆ حەز ژێکەرێن دەنگێ خوە چێ بکەت.
دووماھی بەرھەمێ لۆکایێ کو ژ چاردە تراکان پێک دھات، ل سالا بۆری 2016 بەلاڤ ببوو، لێ پشتی بەلاڤبوونا وێ ئەلبۆمێ ھەتا رادەکی ژ شاشێن تەلەفزیۆنان و کەنالێن راگەھاندنێ دوور کەفت بوو، لەورا ھندەک کەسێن نێزیکی وێ ل وێ باوەریێ نە ل گەل سالا نوو لۆکا دێ سۆپرایزەکێ بۆ وان کەسان چێکەت یێن کو گوھداریا سترانێن وێ دکەن.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا سێشه‌مبى رێكه‌فتى 14ى چريا دويێ 2017 دهێته پێشبينيكرن ئه‌سمان دێ ئه‌ورێن كێم بن و ل هنده‌ك جهان ژى ئه‌ور دێ زێده‌تر لێ هێن.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن بلندێن وه‌لاتێ توركيا دهێته پێشبينيكرن ئه‌ورێن كێم بن و ل هنده‌ك جهان ژى ئه‌ور دێ زێده‌تر لێ هێن.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 9 پله بيت و بلندترين پله ژى دێ 21 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى دێ 5 بۆ 10 كم بيت د ده‌مژمێره‌كێ دا و ماوێ ديتنێ ژى دێ 10كم دا بيت.
ئه‌ڤرۆ نيوز:
هێمن ئه‌مين شوانى، رێڤه‌به‌رێ راگه‌هاندنێ ل وه‌زاره‌تا خواندنا بلند و ڤه‌كۆلينێن زانستى راگه‌هاند كو وه‌زاره‌تا وان قوتابيان ئاگه‌هدار دكه‌ت كو پشكا هاريكارى و كه‌لتۆرى ل بالوێزخانا فره‌نسا ل عيراقێ ژماره‌كا كورسيێن خواندنا ماسته‌رێ د وارێن (په‌يوه‌نديێن نێڤده‌وله‌تى، قانوون و زانستێن سياسى) پێشكێشى قوتابيێن هه‌رێما كوردستانێ كرينه.
ئاشكه‌را ژى كر كو هه‌ر كه‌سێ حه‌ز ل سه‌ر ب ده‌ستڤه‌ئينانا ڤان كورسيێن خواندنێ هه‌بيت ل دووڤ ڤان مه‌رجێن ده‌ستنيشانكرى بلا ناڤێن خوه تۆمار بكه‌ن.
پێزانينێن گشتى:
1- دڤێت ئه‌ڤێ حه‌ز ل سه‌ر هه‌يى ده‌رچوويێ سالا خواندنێ يا 2016-2017 بيت يان ژى ئه‌ڤ ساله قوتابيێ قووناغا چارێ بيت.
2- كرێيا پشكداريكرن د كورسێن زمانى دا 180.000 هزار دينارن و ئه‌و دكه‌ڤيته سه‌ر ستوويێ كانديدى. ب رێيا ڤى ئيملێى خوه تۆمار بكه: (cours@institutfrancais-erbil.com)
3- هه‌ر كه‌سێ حه‌ز ل سه‌ر هه‌بيت و هاته كانديدكرن ژ رێكه‌فتى 12ى چريا دويێ يا ئه‌ڤ ساله هه‌تا 5ى كانوونا ئێكێ يا سالا بهێت كورسێ زمانى دێ ل ناڤه‌ندا كه‌لتۆرى ل كونسلخانا گشتى يا فره‌نسا ل هه‌ولێر خوونيت.
4- باشترين كانديدێن كورسێ زمانى يێن ئێكێ دێ بۆ ماوێ شه‌ش هه‌يڤ هه‌تا ساله‌كێ خوونن بۆ ب ده‌ستڤه‌ئينانا ئاستێ (B1) پاشان دێ ل فره‌نسا زمانێ فره‌نسى خوونن بۆ ب ده‌ستڤه‌ئينانا ئاستێ (B2) دێ بۆ پێشكێشكرنا سالا خواندنێ يا 2019 ئاماده بيت.
5- ل كانوونا دويێ يا سالا 2019 ل سه‌ر بنه‌مايێ ئاستێ زمان و رێژه‌يا نمرێن زانكۆيێ، پشكا هاريكاريێن كه‌لتۆرى ل بالوێزخانا فره‌نسا كانديدێن سكولارشيپ ده‌ستنيشان كه‌ن.
6- بۆ ب ده‌ستڤه‌ئينانا پێزانين و هوورده‌كاريێن زێده‌تر و خوه‌تۆماركرن ل كورسێ زمانى، دشيان دايه ژ نوكه يێ حه‌ز ل سه‌ر هه‌بيت په‌يوه‌نديێ ب ناڤه‌ندا كه‌لتۆرى يا قونسلخانا گشتى ل فره‌نسا ل هه‌ولێر بكه‌ن ل بن ڤان ناڤونيشانان: (http://cours.institutfrancais.org.uk) http://www.mhe-krg.org/ku/node/3630
ئه‌ڤرۆ نيوز:
ئاژانسا ئه‌نادۆل يا توركى به‌لاڤكر كو وه‌لاتێ توركيا تيمه‌كێ رزگاركرنێ و پێدڤيێن نوشدارى ب فرۆكه‌يه‌كا له‌شكرى ره‌وانه‌ى هه‌رێما كوردستانێ كر.
ئاژانشا ناڤبرى راگه‌هاند كو د په‌خشێ ئێكسه‌ر يێ كه‌نالێ TV24 دا، ره‌جه‌ب ئاكداغ جێگرێ سه‌رۆك وه‌زيرێن توركيا راگه‌هاند كو ل گه‌ل فه‌رمانگه‌ها ئافاد تيمه‌كا فرياگۆزارى يا 70 كه‌سى ل گه‌ل تيمه‌كا فرياگۆزارى يا نوشدارى يا سه‌ر ب وه‌زاره‌تا ساخله‌ميێ ڤه د چه‌ند ده‌مژمێرێن بهێت دا دێ ب رێيا فرۆكه‌يه‌كا سۆپايێ توركيا ره‌وانه‌ى ده‌ڤه‌رێن زيانڤێكه‌فتى كه‌ن.
ئاكداغ هيڤيا سلامه‌تيێ بۆ خه‌لكێ ده‌ڤه‌رێ خواست و راگه‌هاند كو ئه‌وان ب رێنمايا ببنالى يلدرم ئێكسه‌ر ده‌ست ب ئاماده‌كاريان كريه بۆ گه‌هاندنا هاريكاريێن مرۆڤى بۆ ده‌ڤه‌رێ.
جێگرێ سه‌رۆك وه‌زيرێن توركيا ئاماژه ب وێ چه‌ندێ ژى كريه كو فه‌رمانگه‌ها ئافاد و هه‌يڤا سۆر يا توركى و وه‌زاره‌تا ساخله‌ميێ پێكڤه بۆ ڤێ مه‌ره‌مێ د هه‌ماهه‌نگيێ دانه و راگه‌هاند ژى كو خوه بۆ خرابترين سيناريۆ بۆ هاريكاريێ ئاماده كريه.
ده‌رباره‌ى چاوانيا ڤه‌گوهاستنا هاريكاريان ژى ب رێيا ئاسمانى، ئاكداغ ئاماژه ب وێ چه‌ندێ كر كو د وێ ده‌ربارێ دا د هه‌ماهه‌نگىێ دانه ل گه‌ل وه‌زاره‌تا ژ ده‌رڤه يا توركيا و ئاشكه‌را كر كو تيمه‌ك ب رێيا هشكاتى ژ باژێرێ سلۆپى بۆ گه‌هاندنا چادران بۆ ده‌ڤه‌رێن زيان ڤێكه‌فتين.
راگه‌هاند ژى كو ژ به‌ر ريفراندۆما هه‌رێما كوردستانێ توركيا رێگريێ ل گه‌هاندنا هاريكاريێن مرۆڤى ناكه‌ت.
بينالى يلدرم يێ سه‌رۆك وه‌زيرێن توركيا ژى راگه‌هاند كو ئه‌و ب هه‌موو ره‌نگه‌كى پشته‌ڤانێن خووشك و برايێن خوه يێن لێقه‌ومينه و دێ ب هه‌موو ره‌نگان ژى بزاڤێ كه‌ن كو جهێ ئه‌و كێماسيێن په‌يدابووين پڕ كه‌ن.
يلدرم د به‌ياننامه‌كێ دا ئاشكه‌را كريه كو هه‌ر ئێكسه‌ر پشتى زانينا هه‌بوونا ئه‌ردهه‌ژێ ژ ناخێ دلێ خوه هه‌ست پێكريه و ئێكسه‌ر كار ژ بوو ئاماده‌كرنا تيمه‌كا فرياگۆزارى كريه.
نيشاندان