NO IORG
نووترين نووچه
Twitter

ئەڤرۆ نیوز ، نەوزاد ھلۆری:
وەسا بریار کو ئەڤرۆ ل سەنتەرێ باژێرێ دھوکێ ھژمارەکا رێکخراوێن پارێزگەھا دھوکێ کەمپینەکا پشتەڤانیێ بۆ پرسا ریفراندۆمێ رابگەھینن.
دڤی وارید ” ھێرش رەشید ” ئێک ژ رێکخەرێن ئەوێ کەمپینێ بو ئەڤرۆ نیوز گۆت: (ئەم وەکو رێکخراوێن جڤاکێ سڤێل و چەند رێکخراوەکێن دن ب مەرەما پشتەڤانیکرن ل پروسا ریفراندۆم بۆ سەربخویی یا کوردستانێ دێ کەمپینەکا پشتەڤانیێ راگەھینین و تێدا زێدەتری ٢٠ رێکخراو پشکدارن)
زێدەتر گۆت: (ل دەمژمێر ١١ێ سپێدێ ئەڤرۆ رۆژا سێشەمبی ل نیڤا بازارێ باژێرێ دھوکێ دێ کەمپین ھێتە راگەھاندن و دێ بەیانمایەک ھێتەخواندن و دوڤدا کەمپین دی َکارێن خوە ل ھەموو کوردستانێ دەست پێ کەت ب ئەنجام دانا چالاکیێن ژێکجودا)
دھێتە زانین ل ھەردوو پارێزگەھێن ھەولێر و سلێمانیێ ژی ھەمان کەمپین بو پشتەڤانیکرنا ریفراندۆمێ ھاتینە پێکینان.

ئەڤرۆ نیۆز،زنار تۆڤی:

رێڤەبەرێ راگەهاندنا وەزارەتا رەوشەنبیریی یا حوکمەتا هەرێما کوردستانێ راگەهاندیە کو رێکێ ب ڤەکرنا هیچ کەنالەکێ بۆ دژایەتیا سەربەخۆیا کوردستانێ نادەین.
محەمەد گەردی رێڤەبەرێ راگەهاندنا وەزارەتا رەوشەنبیری راگەهاندیە،ئەو هایداری وی کەنالێ نوو نینن،کو بۆ دژایەتیا ریفراندۆما سەربەخۆیا کوردستانێ هاتیە ڤەکرن و دێ دووڤچوونێ بۆ کەین“.

محەمەد گەردی هەروەسا دیارکریە کو وەزارەتا رەوشەنبیریێ رێکێ ب هیچ کەنالەکێ بۆ دژایەتیکرنا ریفراندۆما سەربەخۆیێ نادەت و وی گومان د هندێ دا هەیە کو ئەو کەنال ”ل دەرڤەی کوردستانێ“ هاتبیتە ڤەکرن.

رێڤەبەرێ راگەهاندنا وەزارەتا رەوشەنبیری جەخت ل هندێ ژی کریە کو هەر کەنالەکێ دژایەتیا ریفراندۆما سەربەخۆیا کوردستانێ بکەت دێ لێپرسینێ ل گەل کەین، چونکی ل دووڤ رێنمایێن وەزارەتێ، ”نابیت ھیچ کەنالەک بانگەشێ بۆ تێکدانا ئاشتەوایا نیشتمانی بکەت و کارێ وی ل دژی نەتەوەیێ بیت“.

699

ئەڤرۆ نیۆز،زنار تۆڤی:

ھێلی لۆڤ خانما سترانبێژا کورد،دێ سترانەکێ بۆ پشتەڤانیکرنێ ل ریفراندۆما سەربەخۆیا کوردستانێ بەلاڤکەت.

ل شەڤا بوری 6/8/2017 ھێلی لۆڤێ چەند وێنەیێن خوە ل گەل فەلاح مستەفای بەرپرسێ فەرمانگەها پەیوەندیێن دەرڤە یێن حوکمەتا ھەرێما کوردستانێ ل ھژمارا تایبەتیا خوە ل تۆرا کۆمەلایەتی یا تۆیتەری دا بەلاڤکرینە و ئاماژە ب هندێ ژی دایە،کو دێ سترانەکێ بۆ ریفراندۆما سەربەخۆیا کوردستانێ بەلاڤکەت.

هەروەسا هێلی لۆڤێ،ل سەر وێنان دا نڤێسیە:بۆ ئامۆژگاریێن تە یێن مەزن،سوپاسیا تە دکەم فەلاح مستەفا،بۆ من شانازییە کو من تۆ دیتی.

ھێلی لۆڤ وەک ئێک ژ 100 کاریگەرترین کەسایەتیێن جیھانێ بۆ سالا 2015 هاتیە ھەلبژارتن،ھەروەسا وەک ھونەرمەندەکا کورد پشکداری د چەندین فیستیڤالێن نێڤدەولەتی ژی دا کریە.

received_1417341011634942

ئەڤرۆ نیۆز،زنار تۆڤی:

بریاره‌ ئەڤرۆ‌ مه‌كته‌بێن سیاسی یێن پارتی و ئێكه‌تیێ ل هه‌ولێرێ كۆمببن و پارتی دێ ب فه‌رمی به‌رسڤا نه‌خشه‌رێیا ئێكه‌تیێ ده‌ت.

ئەڤرۆ سێشەمبی 8.8.2017‌ ل هه‌ولێرێ هەردو مه‌كته‌بێن سیاسی یێن پارتی دیمۆكراتی كوردستان و ئێكه‌تیا نشتیمانی یا کوردستانێ دێ كۆمبن و دێ نه‌خشه‌رێیا ئێكه‌تیێ یا ل دۆر چاره‌كرنا ره‌وشا ناڤخوه‌یا هه‌رێمێ هێنە گۆتوبێژكرن و بریاره‌ پارتی ب فه‌رمی به‌رسڤا خوه‌ ل دۆر وی نه‌خشه‌رێ بگه‌هینیته‌ ئێكه‌تیێ.

شاندێ پارتی دێ ب سه‌رۆكاتیا نێچیرڤان بارزانی جێگرێ سه‌رۆكێ پارتی بیت و شاندا ئێكه‌تیی ژی دێ ب سه‌رۆكاتییا مه‌لا به‌ختیار به‌رپرسێ ده‌سته‌یا كارگێری یا وێ حزبێ بیت و دهێتە چاڤەرێکرن کو كاراكرنا په‌رله‌مانێ كوردستانێ و ریفراندۆما سه‌رخوه‌بوونا كوردستانێ د وێ کۆمبوونێ دا بهێنه‌ گۆتوبێژ كرن.

ئه‌ڤرۆ نیوز:
هه‌رێما كوردستانێ پلانا خوه‌ بۆ ئاڤاكرنا 14 به‌نداڤان دیار كر ب مه‌ره‌ما پشتراستكرنا تژیكرنا پێدڤییا ئاڤێ ل هه‌رێمێ.
عه‌بدولستار مه‌جید، وه‌زیری چاندن و ژێده‌رێن ئاڤێ یێ هه‌رێما كوردستانێ ئه‌و پلانه‌ ئاشكرا كر و گۆت: پێدڤییا هه‌رێمی ب ئاڤێ زێده‌بوویه‌ ژبه‌ر بكارئینانا وێ یا نه‌رێكخستی.
هه‌روه‌سا ناڤهاتی دوپات كر كو هه‌تا هه‌كه‌ر توركیا شه‌رێ ئاڤێ دژی هه‌رێما كوردستانێ بكه‌ت، ئه‌و پلانا حكومه‌تا هه‌رێمێ دێ تێرا هه‌رێمێ ئاڤێ دابین كه‌ت.

114

ئەڤرۆ نیوز ، ھلۆری:
ب بەرھەڤبوونا سدقی ئامێدی بریکارێ وەزارەتا ئاڤەدانکرن و نیشتەجێکرنێ و بەھزاد ئادەم جێگرێ پارێزگارێ دھۆک رێڤەبەریا گشتی یا رێک و پرا ل دھوکێ مالباتێن شەھیدان و کومپانیێن پشکداری شەرێ داعش دا کرین خەلاتکرن.
د چارچوڤێ خەلاتکرنا مالباتێن شەھیدان دا مەعسوم ئیبراھیم رێڤەبەرێ رێڤەبەریا گشتی یا رێک و پرا ل دھوکێ گوت : (ھەر ژدەستپێکا پەیدابوونا شەر تیرورستێن داعش تیمێن ئەندازیاری یێن رێک و پرا پشتەڤانیا ھێزێن پێشمەرگەی کریە بو بەرەڤانیکرنێ ژ ئاخا کوردستانێ ئەو ژی ب رێکا چێکرنا چەپەر و سەنگەرا و ڤەکرنا رێکا و لێدانا خەندەکا ، و دماوەیێ بووری شیاینەھزار ٢٢١ سەنگەرا بو پێشمەرگەی چێکەن ، ل گەل لێدانا ٣٤٧کم خەندەکێن بەرەڤانیێ ، و ٣٢١کم رێکان ژی ھاتینە ڤەکرن و سەخبێرکرن و ٤٥٦ کم یێن چەپەرا (ساتر) ھاتینە چێکرن ، ئەڤە زێدەباری چەندین کار و خزمەتکاریێن دی )
زێدەتر گۆت: ( ژئەنجامێ کارکرنێ پێنج فەرمانبەر شەھیدبوینە و ١٥ ژی برینداربوینە ، ژ بەرڤی َل ڤێرە داخوازێ ل ھەموو لایەن دگەین کو ھاریکار و پشتەڤان بن بو سەرئێخستنا پروسا ریفراندومێ )
ل دوماھیێ خەلاتێن رێزلێینانێ ل سەر مالباتێن شەھید و بریندار و ٣٩کومپانیێن ھاریکاریا پێشمەرگەی کرین ھاتنە بەلافکرن.

ئەڤرۆ نیوز:
سەرۆککۆمارێ تورکیا حکومەتا ئەلمانیا ب ھاریکاریکرنا تیرۆرستان سووچبار کر.
رەجەب تەیب ئەردۆغان، د گۆتارەکێ دا ل پارێزگەھا ریزە یا وی وەلاتی خویا کر: تورکیا پتری چوار ھزار و پێنجسەد بادەک دانە دەستی ئەلمانیا لێ ھەتا نھا وی وەلاتی بەرسڤا چ ژ وان نەدایە.
ئەردۆغانی ب دژواری حکومەتا ئەلمانیا رەخنە کر ژبەرکو حکومەتا وی وەلاتی رەت دکەت بەرگومانێن رادەستی وان بکەت و گۆت: ل دەمێ تیرۆرستەک ل ئەلمانیا بیت و تورکیا داخوازا رادەستکرنا وی بکەت ئەلمانیا رەت دکەت، لێ هه‌كه‌ر تیرۆرستەک ل تورکیا بیت و ئەلمانیا داخوازا رادەستکرنا وی بکەت نابیت داخوازا وان بھێتە رەت کرن، ھەروەکی قانوون ل ئەلمانیا ھەیە لێ حکومەتا وی قانوونێن خوە ‌یێن تایبەت نینە!

ئەڤرۆ نیۆز،زنار تۆڤی:

رێڤه‌به‌ریا گشتی یا ره‌گه‌زنامێ ل هه‌رێما كوردستانێ راگه‌هاندیە کو بۆ ماوێ 14 رۆژان پێدانا پاسپۆرتێ دێ هێتە را‌گرتن و داخوازێ ژ وەلاتیان د‌كه‌ن کو سه‌رەدانا رێڤەبەریێن پاسپۆرتان نه‌كه‌ن.

ل دووڤ نڤێسینەکێ کو ئیمزا لیوایێ مافپه‌روه‌ر دلێر ئه‌حمه‌د ئاكۆ رێڤە‌به‌رێ گشتی یێ ره‌گه‌زناما هه‌رێما كوردستانێ ل سه‌ره،‌پشت ب نڤێسینەکا رێڤە‌به‌ریا گشتی یا كاروبارێن شارستانی و پاسپۆرت و ئاکنجیبوونێ‌ – رێڤەبه‌راتیا‌ پاسپۆرتا به‌غدا به‌ستییە‌‌،هەروەسا هۆكارێ راگرتنا پێدانا پاسپۆرتێ روونكریە کو‌‌ ب ئەگەرێ گوهۆرینا ‌ سیستەمێ كەڤن ب سیستەمێ نووڤە و ئەڤ راگرتنه دێ‌ ل رۆژا 8/8/2017 هەتا 22/8/2017 یا به‌رده‌وام بیت.

هەروەسا دیارکریە کو بتنێ ئه‌و وەلاتی دشێن‌ سه‌رەدانا رێڤەبەریا پاسپۆرتا بكه‌ن،یێن کو‌ مامه‌لێن وان ل ‌سه‌ر سیستەمێ کەڤن هاتینە تەمامکرن.

گۆتیە ژی،ئه‌ڤ گۆهورینە دێ‌ سه‌رجه‌م پارێزگەهێن عێراقێ ڤەگریت و پاشی وێ به‌روارێ دێ‌ پێدانا پاسپۆرتان ب سیستەمێ نوو ده‌ست پێکەت‌.

433

 
ئەڤرۆ نیۆز،زنار تۆڤی:

 

ئەڤرۆ دوشەمبی 2017/8/7 ل دەمژمێر 4:00 ئێڤاری ل ناحيا سەرسنکێ یا سەر ب قەزا ئامێدیێ ڤه و ل جادا شەهیدان،د روودانەکێ دا دو ترۆمبێلان ژ جۆرێ پیکاب نیسان یا رەنگ سپی و هوندا ئەلنترا یا رەنگ سپی لێکدا و د ئەنجامدا زیانێن ماددی گەهشتنە هەردو ترۆمبێلان،لێ چو زیانێن گیانی نەگەهشتنە وان کەسێن د وان هەردو ترۆمبێلان دا.

 

FB_IMG_1502121487680

624

ئەڤرۆ نیوز ، ھلۆری:
سترانبێژا کچ (لانا زەنگە ) ئەڤرۆ نووترین بەرھەمێ خوە کو چێکرنا کلیپەکێ بویە بۆ پشتەڤانیا ریفراندۆمێ بەلاڤکر .
زەنگەنە لسەرلاپەرێ خوەیێ تایبەت ل تورا جڤاکی یا فێسبوکێ کلیپا خوە بەلاڤکر و گۆت : ( ئەز زور دلخوشم کو نووترین کاری خوەیێ ھونەری لسەر ریفراندۆما ھەرێما کوردستانێ بو سەربخوە و جودابوون ل عیراقێ بەلاڤکری و کو یەڤ یەک ژی بەرھەمەکێ نویە ل سالا ٢٠١٧ و کومەکا کەسێن تایبەتمەند تێدا کارکریە ژ وانان کلیپ ژ دەرھێنەریا یوسف لەشکەر ، پەیڤ ژی کاوە شێخ )
زێدەتر گۆت: ( دەمەکێ نێزک ئەڤ کلیپە دێ ھێتە بەلاڤکرن و کەڤیتە دخزمەتا بینەران دا )

بو دیتنا کلیپێ ڤێرە کلیک بکە

website security
WP Facebook Auto Publish Powered By : XYZScripts.com