ئه‌ڤرۆنيۆز:
شيره‌تكارێ سه‌رۆكێ حوكمه‌تا هه‌رێما كوردستانێ، دلشاد شه‌هاب، راگه‌هاند پێدڤيه حوكمه‌تا عيراقێ له‌زێ بكه‌ت دهنارتنا تيمين خوه يێن ته‌كنيكى بۆ هه‌رێما كوردستانێ.
دلشاد شه‌هاب بۆ دوارۆژ گۆت، ئه‌گه‌رێ ڤێ داخوازيێ ئه‌وه حوكمه‌تا هه‌ريمێ دخوازيت ب رێيا دانوستاندنێ ئه‌و گرژيا ده‌مه‌كه سه‌رهلداى نه‌مينيت.
ل دووماهى كۆمبوونا جڤاتا وه‌زيرێن هه‌رێما كوردستانێ، بريار هاتبوو دان ب پێكئينانا لژنه‌كا قانوونى وبسپۆرى بۆ دانوستاندنێ ل گه‌ل به‌غدا.
ئەڤرۆ نیۆز ، زنار تۆڤی:
ل رۆژانێن بوری، په‌یوه‌ندیێن دبلۆماسی یێن دناڤبەرا سعوودیه و ئیرانێ گرژیێن زۆر ب خۆڤە دیتن، ب تایبه‌تی پشتی کو به‌رگرییا ئەسمانی یا سعوودیه، روو ب روو مووشه‌كەکێ بووی،کو ژ یه‌مه‌نێ هاتە ئاراستەکرن بۆ ریاز و میدیایێن وی وەلاتی وه‌ك كریارەکا دوژمنكارانه یا ئیرانی ل دژی سعوودیه ب ناڤکر.
گرژی زێدەبوون و رۆژناما ده‌یلی ئێكسپرێس یا بریتانی به‌راوردیەك دناڤبەرا شیانێن سه‌ربازی یێن سعوودیه و ئیرانێ دا كرینە.
لدووڤ وێ راپۆرتا رۆژناما بریتانی،سعوودیه دشێت نێزیكی 934 هزار كه‌سا بۆ خزمه‌تكرنا نیشتمانی بانگهێشت بكەت،د دەمەکێ دا نێزیکی 4 ملیۆن کەسان ئاماده بکەت ل دەمێ پێدڤیدا، به‌لێ ئیرانێ 250 هزار سه‌رباز و ئه‌فسه‌ر د رێزا سوپای دا هەنە و دشێت 14 ملیۆن كه‌سان بۆ خزمه‌تا نیشتمانی بانگهێشت بكەت.
هەروەسا دیارکریە کو هێزا ئەسمانی یا سعوودی خودانا 790 فرۆكێن شه‌ركه‌ر و هێلیكۆپته‌ره و پتریا وان شه‌ركه‌رن، به‌لێ هێزا ئەسمانیا ئیرانێ خودانا 476 فرۆكانە و زۆربه‌یا وان فرۆکێن ڤەگۆهاستنێ نە.
به‌لێ ژ روویێ هژمارا تانكان ڤە تا راده‌یه‌كێ نێزیكی ئێکن، سعوودیێ 1142 تانك هه‌نه و ئیرانێ ژی 1161 تانك هەنە، به‌لێ ژ روویێ كه‌لووپه‌لێن سه‌ربازی ڤە سعوودیێ ژ ئیرانێ پتر هه‌نە، سوپایێ سعوودیه 5500 زرێپۆش و ترۆممبێلێن سه‌ربازی هه‌نه، به‌لێ ئیرانێ ژ ڤی جۆری ب تنێ 1315 هه‌نە.
دیسا وێ رۆژنامێ گوتیە، ئیرانێ د وارێ تۆپخانه و تۆپهاڤێژیێ دا ل پێشتره و خودانا 1474 راجیمه و موشه‌كانە و هەروەسا 2500 تۆپهاڤێژێن دیتر هه‌نە، به‌لێ سعوودیهێ 322 راجیمه و 1000 تۆپهاڤێژێن دیتر هه‌نە،هەروەسا دبیت ئیران د ده‌ریایێ دا شكەستنێ بگەهینیتە سعوودیه، چونكی كه‌شتیگه‌ل یا سه‌ربازی یا ئیرانێ ژ 398 پاپۆرێن جه‌نگی پێكدهێت، به‌لێ كه‌شتیگه‌ل یا سه‌ربازی یا سعوودیه 55 به‌له‌مە هەنە.
ده‌ربارەی خه‌رجیێن سه‌ربازی، ریازێ 43 ملیار جونه‌یهێن ئیسته‌رلینی ئەنکو نێزیكی (57 ملیار دۆلارێن ئەمریکی بۆ خه‌رجیێن سه‌ربازی ته‌رخانكرینە، د به‌رامبه‌ر دا ئه‌ڤ سالە تێچوویا سه‌ربازی یا ئیرانێ نێزیكی 5 ملیار دۆلاران بوویە.
هەکە مرۆڤ ته‌ماشای ڤی دۆخی بکەت، هه‌ر دوو وەلاتان خالێن لاواز ژ روویێ سه‌ربازی ڤە هه‌نه. به‌لێ هه‌ر پێنگاڤەک ب ئاراسته‌یا گرژی و دروستكرنا شه‌ری ڤە بچیت،دێ ده‌رئەنجامەکێ كاره‌ساتی لێ کەڤیت.
ئه‌ڤرۆنيۆز:
ياريكه‌رێ هه‌لبژارتيێ ئه‌رجه‌نتينێ ويانا به‌رشه‌لونا يا ئيسپانى، ليونێل ميسى، راگه‌هاند ئه‌و ناخوازيت ل مۆنديالا رۆسيا 2018 هه‌لبژارتيێ ئه‌رجه‌نيتن بكه‌ڤيته به‌ر هه‌لبژارتيێ ئيسپانيا.
ميسى بۆ كه‌نالێ TYC يێ ئه‌رجه‌نتينى گۆت، ناخوازم ل به‌رامبه‌ر ئيسپانيا ياريێ بكه‌م ل قۆناغا گرۆپان ل مۆنديالا، چۆنكى ئيسپانيا دێ هه‌ڤركه‌كا ب زه‌حمه‌ت بيت.
دياركر ژى، ئه‌ز و هه‌ڤالێن خوه ل هه‌لبژارتيێ ئه‌رجه‌نتينێ هه‌ژى وێ چه‌ندێ بووين ل دو ياريێن دووماهيێ ب سه‌ركه‌ڤين ژ وان سێ ياريێن دووماهيێ ئه‌وێن ئه‌م گه‌هشتينێ ل ده‌مێ بۆرى ( وه‌كو ئاماژه‌ك بۆ ياريا دووماهيێ يا مۆنديالا 2014 ل به‌رازيلێ كو ئه‌لمانيا ل سه‌ر ئه‌رجه‌نتينێ ب سه‌ركه‌فتبوو، و هه‌ردو ياريێن دووماهيێ يێن سه‌ر ئێك ژ جاما ئه‌مريكا باشوور كو د هه‌ردو ياريان دا هه‌لبژارتيێ شيلى ب سه‌ر ئه‌رجه‌نتينێ سه‌ركه‌فتبوو).
ميسى خوياكر، هه‌كه ئه‌رجه‌نيتينێ بۆ قاره‌مانا مۆنديالا 2018 ل رۆسيا، دێ ب پێيان ژ رۆسيا زڤرم ئه‌رجه‌نتينێ.
ئه‌ڤرۆنيۆز:
به‌رپرسه‌كێ پارتى ديموكراتى كوردستان ل كه‌ركووك – گه‌رميان، راگه‌هاند، هزار فه‌رمانبه‌رێن عه‌ره‌ب ژبه‌غدا هاتينه ڤه‌گۆهاستن بۆ كه‌ركووكێ.
عه‌دنان كه‌ركووكێ په‌يڤدارێ جڤاتا سه‌ركردايه‌تيا پارتى ل كه‌ركووك- گه‌رميان بۆ باسنيۆز گۆت، دچارچۆڤێ ب عه‌ره‌بكرنا كه‌ركووكێ ژلايێ چه‌كدارێن حه‌شدا شه‌عبى وحوكمه‌تا عيراقێ ڤه، زێده‌تر ژ هزار فه‌رمانبه‌ران ژ به‌غدا بۆ كه‌ركووكێ يێن هاتينه ڤه‌گۆهاستن.
كه‌ركووكى گۆت ژى، مه به‌لگێن ب هێز يێن هه‌ين كو نوكه چه‌كدارێن حه‌شدا شه‌عبى هه‌موو بزاڤان دكه‌ن بۆ ب عه‌ره‌بكرنا كه‌ركووكێ.
ئه‌ڤرۆنيۆز:
وه‌زيرێ گازا عيراقێ راگه‌هاند، 30 مليۆن لترێن گازا سپى دێ بۆ هه‌رسێ پارێزگه‌هێن هه‌رێما كوردستانێ هنێرين بۆ به‌لاڤكرنێ ل سه‌ر وه‌لاتيان.
جه‌بار لعێبى وه‌زيرێ گازا عيراقێ گۆت، ل هه‌فتيا داهاتى دێ ده‌ست ب به‌لاڤكرنا 30 مليۆن لترێن گازا سپى ل سه‌ر پارێزگه‌هێن سلێمانيێ، هه‌ولێرێ، دهۆكێ و باژێرێ دى يێن باكوورێ عيراقێ كه‌ين.
دياركر، وه‌زاره‌ت يا به‌رده‌وامه ل سه‌ر دابيكرن وبه‌لاڤكرنا گازا سپى ل كه‌مپێن ئاواران و ده‌ڤه‌رێن ئازادكرى ژ داعشێ ل باكوورێ عيراقێ.
ئه‌ڤرۆنيۆز:
هه‌لبژارتيێ سه‌نيگال دوهى گه‌هشته مونديالا رۆسيا 2018 پشتى ب سه‌ركه‌فتى ل سه‌ر هه‌لبژارتيێ باشوورێ ئه‌فريقيا ب دو گۆلان بێ به‌رامبه‌ر د ڤاڤارتنێن كۆما چارێ يا كێشوه‌رێ ئه‌فريقيا.
هه‌ردو گۆلێن سه‌نيگالێ ژلايێ هه‌ردو ياريكه‌ران ساخۆ و تامساكنا (به‌رگريكارێ باشوورێ ئه‌فريقيا ب شاشى ڤه) ل خۆله‌كێن 12 و38 هاتن تۆماركن وب ڤێ سه‌ركه‌فتنێ خالێن سه‌نيگال بوونه 11 وهه‌ردو هه‌لبژارتيێن بوركينا فاسو وكاب فيردى 6 خال يێن هه‌ين به‌رى ياريا وان يا دووماهيێ كو ب سه‌ركه‌فتنا چ ژ وان هه‌ردو هه‌لبژارتيان دێ خالێن خوه گه‌هيننه 9 خالان وب ڤێ چه‌ندێ سه‌نيگال ب فه‌رمى بۆ مونديالا 2018 ل رۆسيا ب سه‌ركه‌فت.
سه‌نيگال هه‌لبژارتيێ سيێ يه ل ئه‌فريقيا دگه‌هێته مۆنديالا رۆسيا پشتى نێجيريا ومسرێ ودبيته هه‌لبژارتيێ 24 بگه‌هيته مۆنديالێ.
ئه‌ڤه جارا دويێ يه سه‌نيگال دگه‌هيته مۆنديالا ته‌پا پێ كو جارا ئێكێ ل مۆنديالا كوريا –يابان 2002 پشكداربوو و تێدا ب سه‌ركه‌فتبوو بۆ قۆناغا 16 ول سه‌ر ده‌ستێ هه‌لبژارتيێ توركيا ده‌ركه‌فتبوو.
ئه‌ڤرۆنيۆز:
ئه‌ندامه‌كا په‌رله‌مانێ كوردستانێ راگه‌هاند، پرۆژه قانوونا تايبه‌ت ب شووكرنا كچێن دژيێ 9 ساليێ دا ل ب چو شێوه‌كى ل هه‌رێما كوردستانێ ناهێته بجهئينان.
فه‌يرۆز تاها جێگرا سه‌رۆكێ لژنا مافێن مرۆڤى ل په‌رله‌مانێ كوردستانێ ل سه‌ر ليستا پارتى بۆ دوارۆژ گۆت، پرۆژه قانوونا شووكرنا كچێن دژيێ 9 ساليێ دا دژى قانوونێن نێڤده‌وله‌تيه يێن تايبه‌ت ب ژنان وزارۆيان ڤه وسه‌رپێچيه ل سه‌ر وان قانوونان.
فه‌يرۆزێ گۆت ژى، ب چوو شێوه‌كێ بريارێن عيراقێ ل هه‌رێما كوردستانێ ناهێنه بجهئينان، چونكى هه‌رێما كوردستانێ خودان حوكمه‌ت وپه‌رله‌مانێ خوه‌يه.
دياركر، هه‌كه هات وره‌وشا نه‌ئاسايى دناڤبه‌را هه‌رێما كوردستانێ وبه‌غدا به‌ر ب پێش بچيت وپاشێ بهێته داخوازكرن ئه‌و قانوونه ل هه‌رێما كوردستانێ بهێته بجهئينان، وى ده‌مى په‌رله‌مان وحوكمه‌ت دێ كارێ رژد ل سه‌ر وى بابه‌تى كه‌ن بۆ رێ گرتنێ ل به‌رده‌م بجهئينانا وێ قانوونێ.
په‌رله‌مانێ عيراقێ ل حه‌فتيا بۆرى پرۆژه قانوونا راستڤه‌كرنا قانوونا بارێ كه‌سايه‌تى ل عيراقێ خسته دناڤ به‌رنامێ كارێ خوه دا كو پشكه‌ك ژ راستڤه‌كرنێ يا تايبه‌ته ب بابه‌تێ هه‌ڤژينيێ وتێدا رێ ب شووكرنا كچێن ژيێ 9 هه‌تا 14 سالى دده‌ت.
ئه‌ڤرۆنيۆز:
ئه‌ڤرۆ سپێدێ ره‌وشا ساخله‌ميا كۆسره‌ت ره‌سول ل باژێرێ سلێمانيێ تێكچوو و ل نه‌خوه‌شخانه‌كا وى باژێرى يێ دبن چاڤدێريا چر يا نوژداران دا.
نڤيسينگه‌ها رۆژنامه‌ڤانى يا كۆسره‌ت ره‌سولى دبه‌ياننامه‌كێ دا گۆت، دكتۆر دارا ره‌شيد ژ تيمێ نوژداريێ تايبه‌ت يێ كوسره‌ت ره‌سول راگه‌هاند، نوكه كۆسره‌ت ره‌سول يێ دبن چاڤدێريا چر يا نوژداران دا وچاره‌سه‌ريا پێدڤى يا بۆ دهێته كرن.
Some #iPhoneX owners report mystery green lines appearing on displays https://t.co/hxmWF0Yze4 pic.twitter.com/pxoQzeiIF0
— AppleInsider (@appleinsider) November 10, 2017
This is just the green felt from iOS 6 trying to sneak back in. Ignore it. #iPhoneX #OneMoreThing pic.twitter.com/3earlnzykn
— ᶰᵒᵗ Jony Ive (@JonyIveParody) November 10, 2017
ئه‌ڤرۆ نيوز:
پتر ژ 2603 ته‌نێن كه‌لوپه‌لێن جودا ل كۆمه‌لگه‌ها ده‌رگه‌هێ نێڤده‌وله‌تى يێ ئيبراهيم خه‌ليل هاتنه ژناڤبرن و ڤه‌گه‌راندن.
راگه‌هاندنا كۆمه‌لگه‌ها ده‌رگه‌هێ نێڤده‌وله‌تى يێ ئيراهيم خه‌ليل راگه‌هاند كو ل هه‌يڤا چريا ئێكێ يا ئه‌ڤ ساله كۆمه‌لگه‌هێ 2603 ته‌ن و 503 كيلۆ ژ كه‌لوپه‌لێن خوارنێ و ڤه‌خوارنێ و پێدڤيێن نوشدارى و كه‌رستێن پاقژكرنێ و جودا يێن دى هاتينه ژناڤبرن و ڤه‌گه‌راندن پشتى كو پشكنين بۆ هاتيه كرن و ديار بووى كو ب كێرى ب كارئينانێ ناهێن.
ب گۆره‌ى راپۆرتا راگه‌هاندنا كۆمه‌لگه‌ها ده‌رگه‌هێ نێڤده‌وله‌تى يێ ئيبراهيم خه‌ليل ژناڤبرن و ڤه‌گه‌راندن ب ڤى ره‌نگێ ل خوارێ بوويه:
1- لژنا ژناڤبرنێ رابوویه ب ژناڤبرانا 69 ته‌ن و305 كیلۆ ژ كه‌لوپه‌لێن خوارنێ وه‌كو فێقی، زه‌رزه‌وات، بسكویت، ده‌رمانێ نوشدارى، پاقژكه‌ر.
2- بنگه‌هێ ساخله‌ميێ رابوویه ب زڤراندنا 563 ته‌ن 788 كیلۆ ژ كه‌لوپه‌لێن خوارنێ وه‌كو ساڤار، شه‌ربه‌تێن جودا، زه‌یتون، چبس.
3- گره‌نتینا ڤیته‌رنه‌ری رابوویه ب زڤراندنا 76 ته‌ن و 865 كیلۆ ژ گوشت مریشك، هێكێن خوارنێ.
4- تاقيگه‌ها بینا سازی رابوویه ب زڤراندنا 26 ته‌ن و 250 كیلۆ گێچ .
5- گره‌نتیا چاندنێ رابوویه ب زڤراندنا 398 ته‌ن و 200 كیلۆ ژ پیفاز و پتات و كه‌سكاتى.
6- كۆمپانیا پشكنینێ 1469 ته‌ن 95 كیلۆ كه‌رستێن جودا ژناڤبرينه و ڤه‌گه‌راندينه.
نيشاندان