ئه‌ڤرۆنيۆز:
ل دووڤ سايتێ سكاى نيۆز عه‌ره‌بى، ئه‌ڤرۆ دهێرشه‌كا هه‌ڤدژ دا، داعشێ 50% ژباژێرێ ئه‌لبوكه‌مال يێ سوورى دوباره كونترۆلكر.
سايتێ ناڤبرى دياركر، داعشێ كۆنترۆلا هژماره‌كا تاخێن وى باژێرى كر پشتى هێرشه‌ك كريه سه‌ر هێزێن سوورى وميليشيايێن دگه‌لدا وهه‌تا نوكه شه‌ر يێ به‌رده‌وامه.
به‌رى دو رۆژان له‌شكرێ سوورى ئازادكرنا ئه‌لبوكه‌مال ب تمامى ژ ده‌ستێ داعشێ راگه‌هاندبوو.
ئه‌ڤرۆنيۆز:
رۆژناما (الحياة) يا له‌نده‌نى به‌لاڤكر كو شانده‌كێ توركمانى دكۆمبوونه‌كێ دا ل گه‌ل سه‌رۆكێ توركيا ل ئه‌نقه‌ره داخوازا پێكئينانا هێزه‌كا توركمانى ل كه‌ركووكێ وتله‌عفه‌ر كر.
رۆژناما ناڤبرى ژزارده‌ڤێ هنده‌ك ژێده‌رێن سياسى ڤه‌گۆهاست( شانده‌كێ توركمانێن سونه وشيعه ل دووماهيا مه‌ها چريا ئێكێ يا بۆرى سه‌ره‌دانا ئه‌نقه‌ره كر ول گه‌ل سه‌رۆكێ توركى ره‌جه‌ب ته‌يب ئه‌ردۆگانى كۆمبوويه وداخواز ژێ كريه هاريكاريێ دپێكئينانا هێزه‌كا چه‌كدار يا توركمانى ل كه‌ركووكێ وتله‌عفه‌رێ دا بكه‌ت).
رۆژناما ناڤبرى ئاماژه ب وێ چه‌ندێ نه‌كر ئايا ئه‌ردۆگان رازى بوويه ل سه‌ر وێ داخوازيا توركمانان، يان نه.
ئه‌ڤرۆنيۆز:
ياريكه‌ر وگولكه‌رێ به‌رێ يێ هه‌لبژارتيێ به‌رازيلێ،رۆماريۆ، دێ خوه به‌ربژاركه‌ت بۆ هه‌لبژاتنرێن سه‌رۆكاتيا وه‌لاتى كو ل سالا بهێت دێ هێنه ئه‌نجامدان.
رۆماريۆى دداخۆيانيه‌كێ دا گۆت، ئه‌ز وياريكه‌رێ به‌رێ يێ هه‌ڤالێ من بيبيتۆ كار دكه‌ين كو ئێك ژ مه ببيته سه‌رۆكێ به‌رازيلێ.
به‌رى نوكه هه‌ردو ياريكه‌رێن به‌رێ يێن هه‌لبژارتيێ به‌رازيلێ دهه‌لبژارتنێن په‌رله‌مانێ به‌رازيلێ دا شيابوون ب سه‌ركه‌ڤن وببن ئه‌ندامێن په‌رله‌مانێ وى وه‌لاتى.
ديسا هه‌ردو ياريكه‌ران رۆله‌كێ مه‌زن هه‌بوو د سه‌ركه‌فتنا به‌رازيلێ دمونديالا 1994 ل ئه‌مريكا كو ل ياريا دووماهيێ ب سه‌ر ئيتاليا ب سه‌ركه‌فتبوو ب لێدانێن سزايان و جاما جيهانى ب ده‌ستڤه‌ئينابوو.
ئەڤرۆ نیۆز،زنار تۆڤی:
سەرۆک وەزیرێن تورکیا داخوازیەکا ئەمریکا دەربارەی هەرێما کوردستانێ قەبوول دکەت.
د کۆمبوونەکێدا ل گەل بینالی یلدرم سەرۆک وەزیرێن تورکیا، مایک پێنس، جێگرێ سەرۆکێ ئەمریکا داخواز ژ تورکیا کریە کو هەڤکاریا گوتۆبێژان دناڤبەرا هەولێر و بەغدا دا بکەت و هەول بدەت کو هەردو لایا نێزیکی ئێک بکەت.
سەرۆک وەزیرێن تورکیا بینالی یلدرم سەبارەت ب ڤێ داخوازیا مایک پێنسی راگەهاندیە،تورکیا پشتگیریا دانوستاندنان دناڤبەرا هەرێما کوردستانێ و عێراقێ دکەت و یا ئامادەیە پشکداریێ د کۆمبوونێن وان ژی دا بکەت.
ئه‌ڤرۆنيۆز:
ب شێوه‌كێ نه‌چاڤه‌رێكرى ستێرا به‌رازيلى ويانا پاريس سان جيرمان (نيمار دا سيلڤا) سه‌ره‌دانا ياريكه‌رێن يانا به‌رشه‌لونا ل ژۆرا گۆهارتنێ ل ياريگه‌ها نوكامپ كر پشتى ب دووماهى هاتنا راهێنانێن يانا به‌رشه‌لونا.
گه‌له‌ك ده‌زگه‌هێن راگه‌هاندنێ ل جيهانێ وه‌سا دياردكه‌ن كو سه‌ره‌دانا نيمارى بۆ يانا خوه يا به‌رێ به‌لگه‌يه ل سه‌ر وێ چه‌ندێ كو نيمار يێ ئارام نينه ل يانا پاريس سان جيرمان.
رۆژناما(سپۆرت) به‌لاڤكر(نيمار ل گه‌ل هه‌ڤالێن خوه يێن نێزيك ل به‌رشه‌لونا ئاخڤت وگۆته وان دێ قه‌بوول كه‌ن جاره‌كادى ب زڤرم؟).
ئه‌ڤرۆنيۆز:
ئه‌ندامێ سه‌ركردايه‌تيا پارتى ديموكراتى كوردستان، هێمن هه‌ورامى بريارا به‌نكا ناڤه‌ندى يا عيراقێ ب راوه‌ستاندنا فرۆتنا دۆلارى بۆ لقێن به‌نكان ل هه‌ريمێ ب سزادانا ب كۆم هژماره‌ت.
هه‌ورامى دبه‌رپه‌رێ خوه ل تويته‌رى گۆت( سزدانه‌كا ب كۆم يا دى ژبه‌غدا ل سه‌ر هه‌رێما كوردستاێ هاته سه‌پاندن، ئه‌وژى بريارا راوه‌ستاندنا فرۆتنا دراڤێ بيانى بۆ لقێن به‌نكان ل هه‌رێما كوردستانێ.
دهێته زانين، به‌نكا ناڤه‌ندى يا عيراقێ ل رۆژا چارشه‌مبى يا بۆرى ئه‌ڤ برياره ده‌ركربوو وئاماژه دابوو كو وێ ل دووڤ برياره‌كا جڤاتا نوونه‌رێن عيراقێ ئه‌ڤ كاره ئه‌نجامدايه.
ئەڤرۆ نیۆز ، زنار تۆڤی:
ئیدین هازارد یاریزانێ یانا چێلسی یا ئنگلیزی گوتیە ئەو یانەیا کو زێدان سەرپەرشتیێ لێ دکەت،دێ من پێخۆش بیت یاریێ بۆ بکەم.
یاریزانێ بەلجیکی د لێدوانەکێ دا بۆ رۆژنامەڤانان بەحس ل زەینەدین زێدانێ راهێنەرێ یانا ریال مەدرید دکەت و دبێژیت هەموو کەس دزانن کو من چەند رێز ل زێدانی گرتیە دەمێ ئەو یاریزان،نوکە ژی کو راهێنەرە ب هەمان شێوە رێزێ لێ دگرم،ئەو ئێکە ژ وان راهێنەران کو من دڤێت ژیانا من یا یاریکەریێ وەک یا زێدانی دەرباز ببیت ب باشترین شێوە،هەر چەندە ئەز نزانم دێ داهاتیێ من چو لێ هێت،بەلێ حەز دکەم ل یانەیەکێ یاری بکەم کو زێدان راهێنەراتیێ لێ بکەت،ل گەل هندێ ژی ل یانا چێلسی زۆر یێ دلخۆشم و گەلەک ناسناڤ هەنە دبێت ئەم ببەین.
هازارد د ژیێ 26 سالیێ دایە و ل ڤی وەرزی ل گەل یانا چێلسی پشکداری د 14 یاریان دا کریە و 3 گۆل تۆمارکرینە و 4 ئەسیست ژی دروستکرینە.
ئه‌ڤرۆ نيوز:
سه‌رۆكێ مسرێ عه‌بدولفه‌تاح سيسى رێزه‌كا تايبه‌ت ل كچا ئێزدى له‌ميا حه‌جى به‌شار چالاكڤانا وارێ مافێن مرۆڤى گرت كو ژ لايێ داعش روو ب روويێ ده‌ستدرێژى و شێواندنا لاشى بوويه.
ل دووماهيا كۆربه‌ندێ جيهانى، سيسى ب شێوازه‌كا تايبه‌ت ل گه‌ل له‌ميايێ ئاخفت و قه‌لغانێ كوربه‌ندى پێشكێشى وێ كر و پاشان ل سه‌ر ستێچێ هۆلێ ل گه‌ل چوو هه‌تا چووى و جه‌ماوه‌ى ژى ب ده‌ستقوتان پێشوازى لێكر.
سيسى ل 5ى ڤێ هه‌يڤێ ب گۆتاره‌كا ده‌سپێكرنا كارێن كوربه‌ندێ گه‌نجێن جيهانێ ل وه‌لاتێ خوه راگه‌هاند و هه‌تا 9ى ڤێ هه‌يڤێ يا به‌رده‌وام بوو.
كۆربه‌ند ل شه‌رمولشه‌يخ ب پشكداريا سێ هزار گه‌نجان ل جيهانێ و ب ده‌هان سه‌رۆك و سه‌رۆك وه‌زير و به‌رپرسێن پله بلندێن وه‌لاتان د پشكدار بوون.
د ڤى كۆربه‌ندى دا، له‌ميا به‌شار، گۆتاره‌ك پێشكێش كر و ژ ئه‌گه‌رێ وێ چه‌ندێ پتريا ئاماده‌بوويان كرنه گرى و تێدا به‌حس ل وان نه‌هامه‌تيان كر يێن ژ لايێ داعش ب سه‌رێ وێ هاتين.
ئه‌ڤرۆ نیۆز،زنار تۆڤى:
كاره‌كێ خۆش نینه ده‌مێ تۆ ترۆمبێلا خۆ دهاژۆى و لایتێن پێشیێ زه‌ر ببن،چونكى دێ سیمایه‌كێ نه‌شرین ده‌ته ترۆمبێلێ،هه‌ڤده‌م ب شه‌ڤێ ژى وه‌كو پێدڤى به‌رسنگێ ته رووهن ناكه‌ت،بۆ هندێ كو لایتێن ترۆمبێلاته زه‌ر نه‌بن ڤان رێنمایان بكار بینه:
.ترۆمبێلا خۆ بۆ ماوه‌یه‌كێ زۆر نه‌هێله ل به‌ر تیشكا تاڤێ ب تایبه‌تى د وه‌رزێ هاڤینێ دا،چونكى پلێن بلند یێن گه‌رمێ هوكارن بۆ تێكچوونا لایتێن ترۆمبێلا ته.
.دبیت باران ژى زیانێ بگه‌هینیته لایتێن ترۆمبێلێ،ئه‌و ژى ژبه‌ر وان گازێن زیانبه‌خش یێن كو ژ كارگه‌هان ده‌ردكه‌ڤن و تێكه‌لى بارانێ دبن.
.ترۆمبێلا خۆ ل وى جهى رانه‌وه‌ستینه یێ كو گه‌له‌ك تۆز ب سه‌ر دا بهێت.
.ده‌مێ تۆ ترۆمبێلا خۆ دشۆى یان ژى ل ده‌مێ باران بارینێ،تۆ هه‌ست ب ڤى جۆرێ زه‌ربوونێ دكه‌ى،بۆ هندێ كو ته‌ریاتیا شۆشتنێ و ئه‌و باران زیانێ نه‌گه‌هینیته نافخۆیا لایتێن ترۆمبێلێ،ژ هندێ دل رحه‌ت به،كو لایتێن ته چو شكه‌ستن و ده‌رز تێدا نینن.
هه‌روه‌سا بۆ پارێزگاریكرنێ ل ڤان خالێن سه‌رى،ترۆمبێلا خۆ ل جهێن سیبه‌ر راوه‌ستینه،هه‌كه سیبه‌ر نه‌بوو،پێدڤیه تۆ تشته‌كێ دانیه سه‌ر لایتێن ترۆمبێلا خوه و ژ گه‌رمێ ب پارێزى.
ل دووڤ گوتنێن شاره‌زایان ئه‌ڤ خاله ئه‌گه‌رێن سه‌ره‌كى یێن زه‌ربوونا لایتێن ترۆمبێلانه،بۆ رزگاربوون ژ ڤێ زه‌راتیێ چه‌ندین رێك هه‌نه بۆ لابرنێ،به‌لێ پێدڤیه وێ چه‌ندێ بزانین كو گه‌له‌ك مانه‌یا ڤێ زه‌ربوونێ،ئه‌گه‌رێ ژێڤه‌كرنێ ب زه‌حمه‌تتر لێ دكه‌ت.
ئه‌ڤرۆ نیوز، نه‌وزاد هلۆرى:
شێوازێ ژیانا ئافره‌تان و شاره‌زایا وان د ژین و ژیان و كاروبارێن رۆژانه و شێوازێ خوارن و ره‌فتاران ئه‌گه‌رێن دوگیانبوونا ئافره‌تانه، ئه‌وێن ل خوارێ پێنج ژ گرنكترین نهێنییێن دوگیان نه‌بوونا ژنانه.
1- چه‌ورى ” دوهنیات ” : خوارنا خوارنێن ب چه‌ورى یێن گران وه‌كو خوارنێن سوركرى وخوارنێنن بله‌زهێلكێن ژنان لاواز دكه‌ن و ئه‌گه‌رێ زاروكبوونێ كێم دكه‌ت.
2- گه‌له‌ك وه‌رزشكرن : ئه‌نجامدانا وه‌رزشه‌كا زور و نه‌پێدڤى و وه‌ستيانه‌كا زۆر و نه شاره‌زایى د وه‌رزشى دا و هنده‌ك لڤینێن شاش كارتێكرنێن نه‌رێنى ل سه‌ر هێلكێن ژنان درۆست دكه‌ن.
3- له‌شه‌كێ لاواز : هه‌بوونا له‌شه‌كێ لاواز و نه‌خوارن و ڤه‌خوارنا پێدڤى، ئێكا دنه ژ خالێن نه‌رێنى كو كارتێكرنێ ل سستبوونا هێلكان دكه‌ت.
4- هه‌بوونا سترێسێ ل سه‌ر زه‌لامێ ژنێ: ڤه‌كۆلین دده‌ن دیاركرن هه‌كه زه‌لامى سترێس ل سه‌ر هه‌بیت ئه‌ڤجا ژ به‌ر كارى بیت یان وه‌ستيانێ دێ بیته سه‌ده‌ما كارتێكرنێن مه‌زن ل سه‌ر سپێرمێن زه‌لامى و گرنگه گه‌له‌ك كارتێكرن ل سه‌ر زه‌لامى نه‌هێنه‌كرن.
5- ده‌مێن شاش : هنده‌ك ده‌م و وه‌خت هه‌نه ئافره‌ت چه‌نسێ دوگيانبوونا ئافره‌تێ تێدا زێده‌تره ژهنده‌ك ده‌مێن دى، ژبه‌رڤێ ل گوره‌ى عاده‌یا هه‌یڤانه پێدڤیه ئافره‌ت یا شاره‌زا بیت ، ب هه‌ر رێیه‌كا هه‌بیت پێدڤیه ئافره‌ت رێیا زانینا ده‌مێن خوه و وان رۆژان بزانیت يێن كو پێدڤيه بزانيت بۆ دوگيانبوونا خوه.
نيشاندان