ئه‌ڤرۆ نيوز:
فه‌لاح مسته‌فا به‌رپرسێ فه‌رمانگه‌ها په‌يوه‌نديێن ده‌رڤه يێ حوكمه‌تا هه‌رێما كوردستانێ راگه‌هاند هه‌لويستێ وه‌لاتان يێ ئاشكرايه كو چ ده‌وله‌ته‌ك دژى پرنسيپێ مافێ چاره‌نڤيس نينه.
فه‌لاح مسته‌فا به‌رپرسێ فه‌رمانگه‌ها په‌يوه‌نديێن ده‌رڤه يێ حوكمه‌تا هه‌رێما كوردستانێ ئاماژه ب وێ يه‌كێ ژى كريه كو تێبينيێن وه‌لاتان هه‌ى ل دۆر ژڤانێ ئه‌نجامدانا ريفراندومێ يه ئه‌وا كو برياره ل 25 ئيلونێ بێته سازكرن.
ئه‌ڤرۆ نيوز:
دو كه‌س ل يانێن شه‌ڤانه يێن ئه‌لمانيا هاتنه كوشتن پشتى كو هێرشه‌ك ل سه‌ر يانه‌يێ هاتينه كرن كو دكه‌ڤيته رۆژئاڤا ئه‌لمانيا، ل دووڤ گوتنێن پوليسێن ئه‌لمانيا گه‌نجه‌كى د ژيێ 34 ساليێ دا ته‌قه ل ڤێ يانا شه‌ڤانه كريه كو دكه‌ڤيته باژێرێ كونستانس ل رۆژا ئێكشه‌مبى كو تێدا دو كه‌س هاتينه كوشتن و كه‌سه‌ك ژى ب گرانى بريندابووينه.
ئەڤرۆ نیوز ، نەوزاد ھلۆری:
ئەڤرۆ ل پیرمام سەرۆکێ ھەرێما کوردستانێ مەسعود بارزانی سەرپەرستیا کومبونەکا بەرفەرھکر و د کومبوونێ دا بریار ھاتەدان کو بەری ئەنجامدانا ریفراندومێ پەرلەمان بھێتە کاراکرن.
ئەڤرۆ ٣٠ تەموزا ٢٠١٧ ل پیرمام سەرۆکێ ھەرێما کوردستانێ سەرپەرشتیا کومبونەکا بەفرەە یا جڤاتا بلندا ریفراندومێ کر کو تێدا سەرۆکێ کومسیونا بلندا سەربەخو و راپرسیێ ژی پشکدارببوو، ل گورەی راگەھاندنا ئەنجامێ کومبوونێ بریار ھاتیەدان کو ریفراندوم ل دەمێ خوە بھێتە ئەنجامدان و پەرلەمان ژی بھێتە کارانکرن بەری ژڤانێ ریفراندومێ.
ل پشکەکا دن یا راگەھاندنا وان دا ھاتیە دانوستاندن لسەر ھەموو پێشھاتەیێن ھەرێما کوردستان و عیراق و جڤاکێ نیڤدەولی ھاتیەکرن و بریار لسەر ئەڤان خالێن خوارێ ھاتنەدان.
ئێک : مەسعود بارزانی سەرۆکێ ھەرێما کوردستانێ و کوسرەت رەسول عەلی ھاتنە راسپاردن بو پێکئینانا لژنەیەکێ کو ل گەل بەغدا دانوستاندنێ بکەت.
دوو :بریار ھاتەدان د دەما دوو حەفتیێن داھاتی دا پەرلەمان بھێتە کاراکرن و دەست ب کارێ خوە بکەت ڤە داکو چارەسەریا ئاریشە و پشتەڤانیا ریفراندومێ بکەت.
سێ : لسەر پرسنیپێن پێکھاتی و سکرتاریەت و ئەنجومەنا بلندا ریفراندومێ بیروچون ھاتنە کرن.
ئەڤرۆ نیوز ، هلۆری:
ئەنجومەنا قەزا شنکالێ دیارکر کو ئەو دێ پشکداریێ دسەرئێخستنا پروسەیا ریفراندۆمێ بو سەربخویا کوردستانێ کەن.
دەمەک بەریا نها وەیسی نائیف سەرۆکێ ئەنجومەنێ قەزا شنگال د کونگرەیەکێ رۆژنامەڤانی دا دیارکر کو ئەو دێ پشکداریێ د سەرئێخستنا پروسا ریفراندۆمێ کەن و گۆت: (ریفراندۆم مافەکێ سروشتیێ شنگال و دەوروبەرایە و ئەم وەکو ئەنجومەنێ قەزا شنگال پشتەڤانیا خوە بو سەرئێخستنا ریفراندمێ رادگەهینین ، ژبەرکو شنگال کوردستانیە و بەری نها ژی ژبەر کورستانبوونێ حکومەتێن عیراقێ چەندین وێرانکاری و نەخوشی ب سەرێ خەلکێ شنگال ئیناینە)
زێدەتر گۆت: (ریفراندۆم مافەکێ سروشتیە و پکداربوون د سەرئێخستنا وێ دا ئەرکەکێ رەوشتی یە)
ئەڤرۆ نیوز ، ھلۆری:
پولیسێن پارێزگەھا نەجەف ل باشوورێ عیراقێ بەلاڤکریە کو نێزیکێ 90 ملیون دینارێن عیراقی د مالا پیرە ژنەکا خازخازک ھاتینە دیتن پشتی کو ئەوێ پیرەژنێ گیانێ خوە ژ دەستدایی.
پولیسان بەلاڤکریە کو ل تاخێ میشراق یا سەر ب پارێزگەھا نەجەف ئەو ل بارا مرنا پیرەژنەکێ ھاتنە ئاگەھدارکرن و پشتی ئەو گەھشتینە جھێ روودانێ ئەوان چەندین کوژمێن پاران دیتن کو زێدەتری 90 ملیون دینارێن عیراقی بوون و بو وان دەرکەفت کو ئەڤ پیرە ژنە ئێک بوویە ژ پیرەژنێن خازخازک ل ئەوی تاخی.
پولیسان لیستەکا ناڤێن ئەوان پاران بەلاڤکریە کو د مالا ئەوێ پیرەژنا خازخازوک دا دیتین کو ئەو ژی
72 ملیۆن و 322 ھەزار دینارێن عێراقی
562 دۆلاری ئەمریکی
90 لیرێن سعودی
119 لیرێن لوبنانی
10 یۆرۆ
300 دینارێن کوێتی
440 تیمەنێن ئیرانی
70 روپیێن ئەفغانستانی.
320 روپیێ، پاکستانی بوون
کو سەرجەمێ وان دکەتن نێزیکێ 90 ملیون دینارێن عیراقی
ئەڤرۆ نیوز ، نەوزاد ھلۆری:
وەسا بریارە کو سوبەھی رێکەفتی ٣١ تەمووزا ٢٠١٧ پشتی نیڤرو رێڤەبەریا شەھید و ئەنفالکریێن بارزان ب ھەڤکاری ل گەل ھەموو دام و دەزگەھێن دەڤەرا بارزان ٣٤ سالیا جینوسایدا بارزانیان ب بەرھەڤبوونا ھژمارەکا نونەرێن وەلاتێن بیانی و بەرپرسێن کوردستانێ د چەند چالاکیەکێن پشتەڤانیا ریفراندومێ ساخ بکەت.
دڤی واریدا رەمەزان رێڤەبەرێ شەھید و ئەنفالکریێن بارزان بو ئەڤرۆ نیوز گوت: (رێڤەبەریا شەھید و ئەنفالکریێن بارزان ب ھەڤکاریا دام و دەزگەھێن دەڤەرا بارزان سوبەھی ٣١تەمووزا ٢٠١٧ لسەر گورستانا جینوسایدا بارزانیان ل گوندێ بارزان دێ رێورسمەکێ ژ ھەژی ب پشکداریا ھژمارەکا زور یا بەرپرسێن حکومی و حزبی و نونەرێن وەلاتێن بیانی و کەس و کارێن جینوسایدکریان ٣٤ سالرۆژا جینوسایدا بارزانیان ھێتە ساخکرن)
زێدەتر گۆت: ( د رێورسمێ دا دێ چەندین گوتار و چالاکیێن جودا ھێنە ئەنجامدان و بو ئێکەمین جار ژی کەس و کارێن شەھیدێن شەرێ داعش دێ تێکەلی کەس و کارێن جینوسایدا بارزانیان بن ، ئەڤە سەرەرای کو دێ چەندین درۆشم بو پشتەڤانیا ریفراندۆمێ ھێنە بلندکرن ، و مەرەم ژ ئەڤان ھەموو چالاکیان ژی ئەوە کو یلی َنو بزانن ھەتاکو ئەڤ ئازادی و دەستکەفتیە بو ملەتی َکورد ھاتی چەند قوربانی ھاتینەدان ، ئێدی داکو چوو جاران قوربانی نەھێنە ژبیکرن پێدڤی یە کو جیلێ نو رێبازا شەھید و جینوسایدکریێن خوە بگرن و بزان نکا لسەر وان چ پێدڤی یە بو پاراستنا ئاخ و گەل و وەلاتێ خوە)
ئەڤرۆ نیۆز،زنار تۆڤی:
وه‌زاره‌تا پێشمه‌رگەی دەربارەی بریارا حه‌یده‌ر عه‌بادی، سەرۆکوەزیرێن عێراقێ بۆ پێدانا پارچە زەڤیان بۆ خێزانێن شەهیدان و کێم ئەندامێن شەرێ داعشێ روونکرنەکێ ددەت و رادگەهینیت،کو بتنێ ل سنوورێ حوکومرانیا بەغدا ئەو بریارە دهێتە جێبەجێکرن.
جەبار یاوەر ئه‌میندارێ گشتی یێ وه‌زاره‌تا پێشمه‌رگێ حوکمه‌تا هه‌رێما كوردستانێ بۆ رووداو گۆتیە، کو بریارا حه‌یده‌ر عه‌بادی، سەرۆکوەزیرێن عێراقێ بۆ پێدانا پارچە زەڤیان بۆ خێزانێن شەهیدان و کێم ئەندامێن شەرێ داعش،بتنێ دێ ل سنوورێ حوکومرانیا بەغدا هێتە جێبەجێکرن،ژبەرکو ل سالا بوری حوكمه‌تا هه‌رێما کوردستانێ بریار دایە کو پارچه زەڤیان بدەتە هه‌موو خێزانێن شه‌هیدان،بۆ هندێ ژی وه‌زاره‌تا باژێرڤانیێ هاتیە هایدارکرن کو ل سه‌رجه‌م پارێزگەهان پارچە زەڤیان تەرخان بکەت.
سەبارەت ب خێزانێن وان شەهیدێن کەفتینە بەر سنوورێ ماددێ 140 جەبار یاوەر دبێژیت: دبیت ئەڤ بریارە وی سنووری بگریت،چونکی هەتاکو نوکە ژ روویێ ئیداری ڤە سەرب بەغدا ڤەنە.
ل رۆژا شەمبی 29-7-2017، حەیدەر عەبادی فەرمانا پێدانا زەڤیێن ئاکنجیبوونێ ب خێزانێن شەهیدان و کێم ئەندامێن پێشمەرگەی، سوپایێ عێراقێ، هێزێن ئەمنی و حەشدا شەعبی د شەرێ داعشێدا دەرکریە.
عەبادی هەر ئێک ژ وەزارەتێن دارایی، ئاڤەدانکرنێ و ئاکنجیبوونێ، باژێرڤانیێ، ئەمینداریا بەغدا و حوکمەتا خۆجهی راسپاردیە کو بۆ هەر ئێکێ ل سنوورێ باژێرڤانیا وی پارچە زەڤیەکێ ب رووبەرێ 200 مەترێن چارگۆشە تەرخان بکەن.
ل شەرێ سێ سالی یێ داعشێدا هێزێن پێشمەرگەی زێدەتر ژ هزار و 700 شەهیدان و پتری 10 هزار برینداران داینە،هەروەسا پشکەک ژ برینداران ب ئەگەرێ برینێن گران کێم ئەندام بووینە.
نيشاندان