ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 6ى چريا دويێ 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1256 |
| 1 يۆرۆيێ ئه‌ورۆپى | 1460 |
| 1 ليرێ توركى | 335 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆنيۆز:
به‌رپرسه‌كێ پارتى ديموكراتى كوردستان، ئه‌ڤرۆ دوشه‌مبى، راگه‌هاند حه‌شدا شه‌عبى ده‌ست ب ته‌عريبكرنا پارێزگه‌ها كه‌ركووكێ و قه‌زا خۆرماتوو وده‌ڤه‌رێن ناكۆكى ل سه‌ر ل ديالا كريه ب رێيا ڤه‌گه‌راندنا كه‌سێن مه‌ترسيدار يێن عه‌ره‌ب ب سه‌ر هه‌ردو رێكخستيێن قاعيده وداعش يێن تيرۆرستى بۆ وان ده‌ڤه‌ران.
عامر رفعه‌ت به‌رپرسێ لژنا ناوچا سه‌عديه يا پارتى ل پارێزگه‌ها ديالا، دداخۆيانيه‌كێ دا ل دووڤ سايتێ فه‌رميێ پارتى گۆت (حه‌شدا شه‌عبى ده‌ست ب سياسه‌تا ته‌عريبێ ل پارێزگه‌ها كه‌ركه‌ه‌كێ وخانه‌قينێ كريه وعه‌ره‌بێن مه‌ترسيدار يێن دهێنه ڤه‌گه‌راندن بۆ وان ده‌ڤه‌ران).
خوياكر ژى (ئه‌وێن هاتينه ڤه‌گه‌راندن بۆ وان ده‌ڤه‌ران، به‌رى نوكه ژلايێ رژێما به‌عس ڤه لێ هاتبوونه ئاكنجيكرن وپشتى ژناڤبرنا رژێمێ گه‌هشتبوونه رێزێن قاعيده وپاشێ داعشێ وپشتى ڤه‌گه‌راندنا وان ژى دووباره يا ده‌ست ب ئه‌نجامدانا كارێن تيرۆرستى وتالانكرنێ وكوشتنێ كرى، هه‌رچه‌نده دداخوازكرى نه ژى بۆ ده‌ستهه‌لاتێن ئه‌منى و حوكمێن دادگه‌هێ ژى ل سه‌ر هاتينه ده‌ركرن).
پشتى به‌لاڤبوونا هێزێن عيراقێ وحه‌شدا شه‌عبى ل كه‌ركووكێ وده‌ڤه‌رێن دى يێن ناكۆكى ل سه‌ر هه‌ى وڤه‌كێشانا هێزێن پێشمه‌رگه‌ى بۆ هه‌رێما كوردستانێ، ب هزاران وه‌لاتيێن كورد ژ كه‌ركووكێ وده‌ڤه‌رێن ناكۆكى ل سه‌ر هه‌ى ئاواره و دهربهدهر بوون، ل دووڤ رێكخراوه‌كا نێڤده‌وله‌تى وئه‌و وه‌لاتيێن ژ كه‌ركووكێ وده‌ڤه‌رێن ناكۆكى ل سه‌ر دهربهدهر بووين، حه‌شددا شه‌عبى سه‌رپێچى و كريارێن كوشتنێ وسوتن و خرابكرنا خانى و دوكان وجهێن بازرگانى يێن كوردان ئه‌نجامداينه ب مه‌ره‌ما په‌يره‌وكرنا سياسه‌تا گوهۆرينا ديموگرافى ل وان ده‌ڤه‌ران.
ئه‌ڤرۆ نيوز:
نێچيرڤان بارزانى سه‌رۆك وه‌زيرێن هه‌رێما كوردستانێ پشتى كۆمبوونا جڤاتا وه‌زيران د كۆنگره‌كێ رۆژنامه‌ڤانى دا ل هه‌ولێر راگه‌هاند “هه‌كه حوكمه‌تا به‌غدا مووچه و 17% يا بوودجه‌ى ب هنێريت و ب گۆره‌ى دستوورى شايستێن دارايى يێن هه‌رێما كوردستانێ ب هنێريت، د ئاماده‌ينه په‌ترۆل و فرۆكخانه و ده‌رگه‌هێن سنورى و هه‌موو داهاتان راده‌ست بكه‌ين”.
ێچیرڤان بارزانی، سەرۆکوەزیرانی هەرێمی کوردستان، لەدوای کۆبوونەوەی ئەنجوومەنی وەزیران لە کۆنگرەیەکی رۆژنامەڤانیدا لە هەلێر رایگەیاند: “ئەگەر حکومەتی عێراق مووچە و 17% ی بودجە و بەپێی دەستوور شایستە داراییەکانی هەرێمی کوردستان بنێرێت، ئامادەین نەوت و فڕۆکەخانەکان و دەروازەکان و سەرجەم داهاتەکانیان رادەست بکەین”.
ئه‌ڤرۆ نيوز:
نێچيرڤان بارزانى سه‌رۆك وه‌زيرێن هه‌رێمێ دياركر، نوكه هه‌رێما كوردستانێ يێ د قوناغه‌كا دژوار دا ده‌رباز دبيت و ب ئێكرێزيێ دێ ڤێ قوناغێ ده‌رباز كه‌ين و گۆت: ئه‌گه‌ر به‌غدا نيه‌تا هنارتنا مووچێ فه‌رمانبه‌رێن هه‌رێما كوردستانێ هه‌بيت، ئه‌م د به‌رهه‌ڤين نەفت و هه‌موو داهاتێ خوه رادەستی بەغدا بکەین.
ئه‌ڤرۆ نيوز:
ئه‌ڤرۆ ژى بۆ رۆژا دويێ ل دووڤ ئێك جڤاتا وه‌زيرێن هه‌رێما كوردتانێ ب سه‌رپه‌رشتيا نێچيرڤان بارزانى سه‌رۆكێ حوكمه‌تا هه‌رێما كوردستانێ يێ د كۆمبوونێ دا و ب گۆره‌ى پێزانينان كۆمبوون ئه‌ڤرۆ ژى ل دۆر بوودجه‌يه.
ب گۆره‌ى ئه‌و پێزانينێن ل به‌ر ده‌ست بۆ كۆمبوونا ئه‌ڤرۆ چو كارنامێن دياركرى نه‌هاتينه به‌رهه‌ڤكرن، به‌لێ دێ ل دۆر ره‌وشا نها يا هه‌رێما كوردستانێ و عيراقێ و بوودجه‌ى بيت.
ئه‌ڤرۆ نيوز:
دادگه‌ها فيدرالا عيراقێ بڕياره‌ك ل دۆر ريفراندۆما هه‌رێما كوردستانێ ده‌ركر و راگه‌هاند كو دستوور رێ ب جودابوونا چو پێكهاتێن عيراقێ ناده‌ت.
ئلياس سامووك، ئاخفتنكه‌رێ فه‌رميێ ب ناڤێ دادگه‌ها بلندا فيدرال راگه‌هاند كو دادگه‌ها بلندا فيدرال د روونشتنا خوه يا ئه‌ڤرۆ رۆژا دوشه‌مبى 6ى چريا دويێ 2017 دا بڕياره‌كا تايبه‌ت ب شرۆڤه‌كرنا ماددێ (1) ژ دستوورى كريه. گه‌هشتنه وى ئه‌نجامى كو ئه‌و مادده و ماددێن دستوورى يێن دى يێن گرێدايى بابه‌تى ته‌كستێ ل سه‌ر ئێكپارچه‌يا ئاخا عيراقێ دكه‌ن و ماددێ (109) يێ دستوورى هه‌موو ده‌سته‌لاتێن فيدرال پابه‌ند دكه‌ت ب پاراستنا وێ ئێكپارچه‌يێ.
ديسا دبێژيت: “دادگه‌ها بلندا فيدرال گه‌هشته وى ئه‌نجامى كو چو ده‌قه‌ك د دستوورى دا ل بن سيبه‌را بڕيارێن بجهئينانێ دا نينه رێ ب جودابوونا چو پێكهاته‌كى بده‌ت كو د ماددێ (116) يێ دستوورى دا هاتبيته بنه‌جهكرن.
ئه‌ڤرۆ نيوز:
کۆمپانیێن ژابۆنێ بۆ وێ یەکێ کارمەندێن وان جگارەکێشانێ بھێلن، رێیەکا نوو داھێنایە و گەلەک لایەنان پەسنا وێ گاڤێ کریە.
ل گۆری نووچەیەکێ رۆژنامەیا تێلیگراف یا بریتانی، کۆمپانیا بیلا یا ژاپۆنی شەش رۆژێن بێھنڤەدان بۆ کارمەندێن خوەیێن نەجگارکێش د مەھێ دا زێدە کرینە، ژبەرکو جگارەکێشان دەمەکێ ژ وێ زێدەتر ب ھەروە دبەت.
گاڤا وێ کۆمپانیێ ژبەر وێ یەکێ بوو کو گەلەک سکالا دھاتنە کرن کو کارمەند ژبەر جگارەکیشانێ گەلەک دەمێ خوە بھەروە دبەن، ژبەر ویێ یەکێ کۆمپانیێ شەش رۆژێن بێھنڤەدانێ بۆ کارمەندێن نەجگارکێش زێدە کرن، ئەو یەک ژی وەدکەت کەسێن جگارەکێش دەست ژێ بەردەن.
نيشاندان
