ئه‌ڤرۆ نيوز:

شەکر ب تنێ نە ئەگەرێ کرمیبوونا ددانایە، بەلکو ترشیاتی ژی ئەگەرە، ژبەرکو ئەو بەکتریایێن ب شێوەکێ سروشتی دناڤ دەڤی دا ھەین، رادبن ب مەزاختنا شەکرێ و ترشیاتی دچیتە جھێ وان.
سەرەرای وێ ھزرا بەربەلاڤ یا دبێژیت کو مەترسیترین ئاریشێن ددانان ژ شەکرێ و شریناھیا پەیدادبن، بەلێ نوشدار ھوشداریێ ددەنە مە کو ھندەک جورێن دی یێن خوارنێ ژی دبنە ئەگەرێ وێ چەندێ، نوشدار دبێژن: نە بتنێ شەکر ددانا کرمی دکەت، بەلکو ترشاتی ژی، ژبەرکو دەمێ بەکتریایێن دەڤی ب شێوەیەکێ سروشتی رادبن ب نەھێلانا شریناھی، تلاشیاتی جھێ وێ دگریت.
ئێکەم خوارنا نوشدار دبینن کو بسکیتێن خوێ کری خواربترن ژ شەکرێ، ژبەرکو گەلەک نشا دناڤدا ھەیە و دبێژن نابیت بسکێتێن خوێکری بدەنە زارۆیان، ل شوونا وان باشترە فێقی و باھیڤ و شکولاتێن رەش بھێنە دان.
ھەروەسا فێقیێن ھشککری گەلەک زیانێ ل ددانا دکەن، چونکو دەمێ ھشک ددەن گەلەک ئاڤێ ژ ددەست ددەن، شەکر ب تنێ دمینیتە دناڤدا و وەکو شریناھیا لێ دھێن، و زیانا وان گەلەکە دەمێ مرۆڤ بۆ دەمەکێ درێژ ب کاربینن، ھەروەسا دکتور دیاردکەن کو نابیت نیمۆک گەلەک بھێنە ب کارئینان و راستە یا سروشتی یە بەلێ گەلەک ترشیاتی دناڤدا ھەنە و ھەر ئەڤ چەندە دھێتە ب کارئینان کو نابلیت قەھوە و ڤەخوارنێن غازی و چایا جەمەدگرتی و نیمۆک ب کاربینن.

ئه‌ڤرۆ نيوز:

نوشدار دیاردکەن د وەرزێ زڤستانێ دا پتریا وەلاتیان تووشی نەخۆشیا پەرسیڤێ دبن ئەڤە ئێک ژ بەربەلاڤترین نەخۆشیا دناڤ خەلکێ مەدا دەمێ سەقا سار دبیت، نەخۆشیا پەرسیڤی خەلک ب سڤکی وەردگرن، بەلێ دەمێ سەربارکێن وێ دژوار دبن و نەھێتە چارەسەرکرن دبیتە ئەگەرێ مرنێ.
د. نزار بەکر، تایبەتمەندێ نەخۆشیێن زارۆکان ورێڤەبەری نەخۆشخانا ھیڤی یا زارۆکان بۆ لاپەرێ ساخلەمیێ رۆژنامەیا ئەڤرۆ دیارکر کو ل وەرزێ زڤستانێ گەلەک ئێشین بەربەلاڤ زێدەدبن ژوانا ژی پەرسیڤ و کوخک و سینگ کولبوون و بێھنتەنگی بتایبەتی ل دەڤ زارۆکێن ئێشین ھەستیار ھەین وەکو حەساسیێ وتەنگەنەفەس، رەبو، یان ژی ئەو زارۆکێن سیستەمێ وان دروست نەبیت وەکو ئێشین دومدرێژ و دلی وئامیرێ وان بەرەڤانیێ یێ لاواز بیت ئێش زوو ڤان دگرن وەکو سینگکولبوونا دژوار.
د. نزار بەکر، ئاماژە دا وێ چەندێ ژی کو ئەو پتر ژ زارۆکێن بن دو سالیێ دا دترسن ل وەرزێ زڤستانێ ب تایبەتی ژی یێن دبن شەش ھەیڤیێ دا دەمێ تووشی سینگکولبوونێ بیت، چونکە سیستەمێ بەرەڤانیا ڤان زارۆکان دروستاھی چێنەبوویە و ھێشتا کامل نەبوویە و بۆریێن وان یێ ھەوایێ نە وەکو یێن مرۆڤێن مەزن و بۆریێن ھەوایێ یێن زارۆکان گەلەک تەنگن دەمێ پەرسیڤ یان کوخک بھێتێ زووکا ئەو زارۆک دھێتە گرتن بیتە ئەگەر دژواری سیھێن وان زارۆکان کول دبن و گرنگە دایک وباب ھوشیاری زارۆکی خوە ل وەرزێ زڤستانێ نەھێلن بچیتە بەر سەرمایێ وپێدڤیە جۆداھیێ دناڤبەرا سەقایێ ژورا زارۆکێ و سەقایێ ژ دەرڤە دا نەبیت و گرنگە دایک باش دەستێن خوە بشووت، بەری خارنێ و دەمێ کەسەکێ مالێ دا پەرسیڤ ھەبیت کەرەستێن وی نەھێنە بکارئینان بۆ زارۆکان.
د. مەردان خەلیل، تایبەتمەندێ نەخۆشیێن دل وھناڤان ل نەخۆشخانا ئازادی یا فێرکرنێ دیارکر کو د وەرزێ زڤستانێ دا نەخۆشیا بەرسیڤی ئێک ژ بەربەلاڤترین نەخۆشیانە دناڤ خەلکێ مەدا ھەکە ئەنفلونزا ژی بیت ئەم ھەر دبێژینێ بەرسیڤ و گۆت: ئێک ژ مەترسێن نەخۆشیا پەرسیڤی ئەوە دچیتە دسینگێ مروڤی دا و دگەھیتە پشا سۆر و کول دبیت، وەرزێ سەرمایێ دبیتە ھاریکار بۆ ڤەگوھاستنا ڤایرۆسان ژ مرۆڤەکی بۆ ئێکێ دی و پێدڤیە وەرزێ زڤستانێ دا ماچیکرن بھێتە قەدەغەکرن، چونکە ئەو دبیتە ئەگەر نەخۆشی بھێنە بەلاڤکرن.
د. مەردان خەلیل، تایبەتمەندێ نەخۆشیێن دل وھناڤان ل نەخۆشخانا ئازادی یا فێرکرنێ دیارکر کو چەند نیشانێن نەخۆشی مرۆڤی دیاردبن، وەکو کوخک یان بێھنژین و حەفکا مرۆڤی دھێتە گرتن وھندەک جاران سەرێ مرۆڤی دئێشیت یان سەرێ مرۆڤی دگریت و ب شێوەیەکێ گشتی گەنج خوە ل بەر نەخۆشێن وەرزێ زڤستانێ دگرتن، ھەکە گەنجەک تووشی پەرسیڤی ژی دبیت دێ ماوێ سێ ھەتا چوار رۆژان پەرسیڤ ژ وی گەنجی چیت، بتنیً زارۆکێن ئێک سالیێ کێمتر ھەتا پێنج سالیێ و کەسێن دانعەمر خوە ل بەر نەخۆشیا پەرسیڤێ ناگرن، ھندەک جاران ب تایبەتی مرۆڤێ دانعەمر دەمێ پشا سۆر کول دبیت رەنگە ببیتە ئەگەر ئەو نەساخ گیانی خوە ژدەست بدەت.
تایبەتمەندێ نەخۆشیێن دل وھناڤان گۆت: کەسێن ژیێ وان دبیتە 65 سالیێ و سەردا ھندەک جاران( الالتھاب قێابات ھوائیە) دروست دبیت ودگەھیتە مێلاکا سۆر ئەوا ئەم دبیژنی پش، دەمێ دگەھیتە ڤێ قوناغێ پێدڤیە نەساخ دەرمانێن دژەزیندەوەر وەربگریت وەکو ئەموکسلینان، پێدڤیە کەسێن دانعەمر زۆر سەرەدانا نوشداری بکەن، چونکو پەرسیڤی مەترسیا خوە ھەیە ب تایبەتی دەمی کێماسی دروست دبن و دیسا چونکو کەسێ دانعەمر بخوە یەدەکێ وی کێمە د پشێ دا ئەو پیچکا مایی کول بیت و نەشێت ئوکسجینی وەربگریت و دەمێ ئوکسجینی ژی نەوەرگریت بێگومان دبیتە مەترسی و رەنگە نەساخ گیانێ خوە ژدەست بدەن.
ئاشکرا کر کو گرنگە کەسێن مەزن دەمێ تووشی پەرسیڤی دبن کلینسا بکاربینن ژ جھێن گەرم ئیکسەر نەچنە جھێن سەرما، ھەروەسا ژی خاولیێن ئێکدو نابیت ب کاربینن، چونکو گەلەک جاران خاولی دبیتە ئەگەر فایروس بھێتە ڤەگوھاستن.