ئەڤرۆ نیۆز،زنار تۆڤی:

مالپەرێ جام کوردی کو ئێک ژ مالپەرێن ئیرانی یە و سوپایێ پاسداران وی مالپەری ب رێڤە دبەت، د نووچەیەکێ خوە دا ئاشکرا کریە،کو عێراق قەردارا سێ ژنێن کوردە کو رێگری ل پارچەبوونا ئاخا عێراڤێ کریە و ئاماژە دایە هندێ،کو ئەو هەرسێ ژنێن کورد هێرۆ ئیبراهیم ئەحمەد، ئەنداما مەکتەبا سیاسی یا ئێکەتیێ و ئالا تالەبانی، ئەنداما جڤاتا نوونەرێن عێراقێ و هەروەسا سروە عەبدولواحد، سەرۆکا فراکسیۆنا گۆرانێ ل پەرلەمانێ عێراقێ نە.

هەروەسا وی مالپەری دیارکریە،کو هەر ئێک ژ حەنان فەتلاوی و عالیە نوسێف،کو هەردو ئەندامێن پەرلەمانێ عێراقێ نە، ل گەل هەرسێ ژنێن کورد، ب ئاشکرایی دژی پرسا ریفراندۆما سەرخوەبوونا کوردستانێ و پارچەبوونا عێراقێ و هەبوونا دەستهەلاتا حوکمەتا ناڤەندی ل هەموو دەڤەرێن د ناڤا سنۆرێن وێ دا بووینە،لەورا عێراق قەردارا وان ژنێن کوردە.

ئەڤرۆ نیۆز،زنار تۆڤی:

د به‌یاننامه‌كێدا هاتیە ئاشكرا کرن‌،کو وه‌زیرێ ده‌رڤە یێ ئه‌مریكا،گوتیە‌ عه‌بادی، واشنتۆن ژ ناكۆكیێن دناڤبەرا هه‌ولێر و به‌غدا یا نیگه‌رانه‌ و ب پێدڤی د‌زانین،بێی گیروبوون ده‌ست ب‌ گفتوگۆ و دانوستاندنێ بهێتە کرن.

فه‌رمانده‌یێ ناڤەندیا ئه‌مریكا،ل په‌یجێ تایبەتێ خۆ ل تۆرا كۆمه‌لایه‌تیا (فێسبووك)ی د به‌یاننامەکێ دا دەر‌باره‌ى سه‌رەدانا وه‌زیرێ ده‌رڤە یێ ئه‌مریكا بۆ لایێ سه‌رۆك وه‌زیرێن عێراقێ بەلاڤکریە،تێدا هاتییه‌:ل ‌سه‌رەدانا خۆ دا،ریكس تیله‌رسۆنی، پێرۆزباهیا رزگاركردنا باژێرێ مووسل و سه‌ركه‌فتنا حه‌ویجه‌ و ته‌لعه‌فه‌ر ل‌ حه‌یده‌ر عه‌بادى كریه‌.
هه‌روه‌سا دیارکریە،کو ناكۆكیێن ڤێ دوماهیێ یێن دناڤبەرا حوکمه‌تا هه‌رێما كوردستانێ و حوکمه‌تا عێراقێ، بووینە جهێ نیگه‌رانیا وان و ب پێدڤی د‌زانن هه‌ردولا ده‌ست ب گفتوگۆ و دانوستاندنێ بکەن.

دەر‌باره‌ى لایه‌نێ ئابووری‌، وه‌زیرێ ده‌رڤە یێ ئه‌مریكا،گوتیە عه‌بادى،کو چاڤێ وان ل هندێ یە،کو ئەڤ دەڤەرە یا‌ سه‌قامگیر بیت بۆ هندێ کو كۆمپانیێن ئه‌مریكا بشێن هەڤشێوێ سالێن بەرێ ڤەگەرنە عێراقێ.

دوهی وه‌زیرێ ده‌رڤە یێ ئه‌مریكا،چاڤ ب‌ سه‌رۆك وه‌زیرێن عێراقێ کەفتیە و جارەکا دی ل به‌غدا سه‌رەدانا عه‌بادى كریە‌،داخواز ژ‌ عەبادی کریە،کو دڤێت میلیشیاتێن شیعی یێن ئیرانێ ژ عێراقێ دەرکەڤن،هەروەسا به‌شەکێ زۆر ژ ‌سه‌ركردێن میلیشیاتێن شیعی، داخواز ژ عه‌بادى كر،کو وه‌زیرێ دەرڤە یێ ئه‌مریكا ژ عێراقێ ده‌ربێخیت‌.