ئەڤرۆ نیۆز،تۆڤی:
وێنەیێن پاییزێ ل دەڤەرا بەرواری بالا
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سه‌ره‌كى Twitter
حدکا: هێزەکا حەشد شعبی و پاسدارێن ئیرانێ بەر ب کویە هاتیە لڤاندن
ئەڤرۆ نیوز ، هلۆری:
ئەندامەکێ دەفتەرا سیاسی یا حزبا دیموراتا کوردستانا ئیران دیارکر کو هێزەکا هەڤپشکا حەشد شعبی و پاسدارێن ئیرانێ بەر ب قەزا کویە یا سەر ب پارێزگەها سلێمانیێ پێشرەویێ دکەن و لڤاندن پێ هاتیەکرن.
محەمەد نەزیف قادری ئەندامێ دەفتەرا سیاسی یا حزبا دیموراتا کوردستانا ئیران دیارکر کو هێزەکا هەڤپشکا حەشد شعبی و پاسدارێن ئیرانێ بەر ب کویە هاتیە لڤاندن و گۆت: ( ئەو هێزا کو بەر ب کویە هاتیە لڤاندن ئەو هێزە یا کو دوهی ل پردێ هێرش کریە سەر پێشمەرگەی ، ئەڤ هێزە ب ئارمانجا لێدانا هێزێن روژهەلاتێ کوردستانێ هاتینە دەڤەرێ)
زێدەتر گۆت: (مە دەستێوەردان د کاروبارێن عیراق و هەرێمێ نەکرینە ، بارەگایێن مەژی ل جهێ شەری دورن )
ژلایێ خوڤە عومەر ئەحمەد رێڤەبەرێ ناحیا تەقتەق بو کوردستان 24 دیارکر کو ئەم وەلاتیێن دەڤەرێ پشتراست دکەین کو چو مەترسی لسەر تەقتەق نینە و تنێ چەند هەمەرەکێن پولسێن فیدرالی ل ناحیا شوان هەتا نێزیک پردێ شێوە سور هاتینە ، ئەو هێز نها زڤریە پێشمەرگە ژی لسەر رێکێ راوەستاینە)
150 هزار كه‌س ل كه‌ركوكێ ئاواره بوینه
ئه‌ڤرۆ نیوز ، نه‌وزاد هلۆرى:
ده‌سته‌یا سه‌ربخوه‌ى یا مافى مرۆڤى و كومسیوونا مافێن مرۆڤى ل عیراقێ ده‌مه‌ك به‌ریا نها ل هه‌ولێر د كونگره‌یه‌كێ رۆژنامه‌ڤانى دا دیاركر كو به‌لگه ل ده‌ف وان هه‌نه كو حه‌شد شه‌عبى و پولیسێن فیدرالى مافێن خه‌لكێ سڤێل ل كه‌ركوك و ده‌ردوران بنپێكرینه و هه‌موو داتایێن ئه‌وان بنپێكرنان ژى به‌رچاڤكرن.
ده‌سته‌یا سه‌ربخوه‌ى یا مافێ مرۆڤى دیاركر كو هێرشا حه‌شد شه‌عبى و پولیسێن فیدرالى بو سه‌ر كه‌ركوك و ده‌ڤه‌رێن ده‌ردورا وێ بنپێكرنا ماددێن ده‌ستورێ عیراقێ دانه نیاسین و ئاماژه ب وێ یه‌كى ژى كر كو نابیت هێز دژى گه‌لێن عیراقێ بهێنه بكارئینان ، و پێدڤى یه ئاریشه ب رێێن دانوستاندنان بهێنه چاره‌سه‌ركرن.
ل گوره‌ى داتایێن ده‌سته‌یا سه‌ربخوه‌ى یا مافێ مرۆڤى نها ملیونه‌ك و 200 هزار ئاواره و په‌نابه‌رێن ل كوردستانێ هه‌نه كو هنده‌ك ژ وان به‌ر ب كه‌ركوكێ چوو بون ، ژ به‌ر هێرشێن حه‌شد شه‌عبى زێده‌ترى 150 هزار كه‌س كو نێزیكێ 25 هزار خێزانایه ئاواره‌یێ ده‌ڤه‌رێ، دن یێن كوردستانێ بوون و ل ڤێ داویێ ژى كارێ مه بتنێ بوویه دوڤچوون.
هه‌ر ل گوره‌ى داتایێن وان پشكه‌كا دن ژى یا ئاوارێن كو مال و حالێن خوه بجهـ هێلاى خه‌لكێ پردێ و خورماتو بوینه و هنده‌ك ل كه‌مپان و هنده‌ك ژى ل هه‌یكه‌ل و مالێن خه‌لكى ئاكنجیبوینه و پێدڤى ب خزمه‌تگوزارى و هه‌ڤكاریێن ماددى هه‌یه و قوربانیێن ئێكێ ژى ژن و زاروك بوینه.
150 مالێن وه‌لاتیان ل خورماتو ژلایێ حه‌شد هاتینه سوتن و چه‌ندا كه‌س ژى ب مه‌ره‌م هاتینه كوشتن.
د داتایێن ده‌سته‌یا سه‌ربخوه‌ى یا مافێ مرۆڤى زێده‌تر ژى هاتیه كو پێدڤى یه رێكخراوێن نه‌ته‌وه‌یێن هه‌ڤگرتى و كونسلولخانه و رێكخراوێن ڤێراگه‌هشتنا بله‌ز ب هانا ئاواره‌یان بهێن و هه‌ڤكاریێن ماددى بو بینن و فشارێ ژى بێخنه سه‌ر حكومه‌تا عیراقێ به‌رامبه‌ر بنپێكرنا ئه‌وان مافێن مرۆڤى و قه‌ره‌بویا هه‌موو وان خێزانان ژى بهێته‌كرن و ب زوترین ده‌م ژى دانوستاندن بو ئاسایكرنا په‌یوه‌ندیێن دناڤبه‌را هه‌ولێر و به‌غدا بهێنه‌كرن.
ب وێنه – كومكرنا هاریكاریان ل دهوكێ بو ئاوارێن كه‌ركوكێ به‌رده‌وامه
ئه‌ڤرۆ نیوز ، نه‌وزاد هلۆرى:
ب مه‌ره‌ما خزمه‌تكرنا ئاوارێن كه‌ركوكێ رێڤه‌به‌ریا گشتى یا هونه‌رى و ره‌وشه‌نبیرى یا دهۆك و ده‌زگه‌هێ كه‌نالێ كوردستان تیڤى ده‌ست ب هه‌وه‌كا كومكرنا هاریكاریان كر و ئه‌ڤرۆ دوماهى رۆژه.
دڤى واریدا” ئاواز نهێلى ” به‌رپرسا راگه‌هاندنا رێڤه‌به‌ریا گشتى یا هونه‌رى ره‌وشه‌نبیرى یا دهۆك بو ئه‌ڤرۆ نیوز گۆت: ( ب مه‌ره‌ما خزمه‌تكرنا ئاوارێن كه‌ركوك مه وه‌كو رێڤه‌به‌ریا گشتى یا هونه‌رى و ره‌وشه‌نبیریا دهۆك و ده‌زگه‌هێ كه‌نالێ كوردستان تیڤى ب هه‌ڤكاریا گه‌نجێن خوبه‌خش ده‌ست ب هه‌وه‌كا به‌رفره‌هـ یا كومكرنا هاوریكاریان بو ئاوارێن كه‌ركوكێ كریه )
زێده‌تر گۆت: ( كه‌مپینا كومكرنا هاریكاریان ل پانوراما ئازادى و بو ده‌ما سێ رۆژان دێ یا به‌رده‌وام بیت ، واته ئه‌ڤرۆ دوماهى رۆژه و هیڤیه هه‌موو خێرخواز و زه‌نگین و وه‌لاتیێن دهوكێ پشكداریێ تێدا بكه‌ن)
وەزیرێ دەرڤە یێ ئەمریکا گەشتەک بۆ رۆژهەلاتا ناڤین دەستپێکر
ئەڤرۆ نیۆز،زنار تۆڤی:
رێکس تیلەرسن، وەزیرێ دەرڤە یێ ئەمریکا، گەشتەکا فەرمی بەرەف رۆژهەلاتا ناڤین،باشۆرێ ئاسیا و ئورۆپا دەستپێکر، ئارمانج ژڤێ گەشتا دپلۆماسی یا تیلەرسنی گەهاندنا پەیاما ئەمریکایە سەبارەت رەوشا عێراقێ و سووریا و هەروەسا کێمکرنا کاریگەریێن ئیرانێ یە دڤێ دەڤەرێ دا.
تیلەرسن ل بنگەهێ سەربازی یێ ئاندریۆس ل ماریلاند برێکەفت و بریارە سەرەدانا هەر ئێک ژ وەلاتێن سعودیە، پاکستان و هندستانێ بکەت،ل دەمێ ڤەگەریانێ دا بۆ ئەمریکا،ل رۆژا 27 ئۆکتۆبەرێ دێ چیته سویسرا ژی.
تیلەرسن دێ ل ریاز بەشداریێ ل ئێکەمین کۆمبوونا ئەنجوومەن هەماهەنگیێ دناڤبەرا سعودیە و عێراقێ دا کەت،د ڤێ کۆمبوونێدا حەیدەر عەبادی سەرۆک وەزیرێ عێراقێ ژی دێ ئامادە بیت،تیلەرسن دێ هەولدەت کو رێکێن گەشەدانا پەیوەندیێن دناڤبەرا سعودیە و عێراقێ دا بێخیته بەرچاڤ.
ئەمریکا دڤێت ب ڤێ رێکێ کاریگەریێن ئیرانێ ل سەر عێراقێ کێمتر لێ بکەت و پەیوەندیێن دناڤبەرا عێراقێ و سعودیە بهێزتر لێ بکەت.
هەروەسا تیلەرسن دێ ل گەل بەرپرسێن سعودیە بابەتێ هەلمەتا سەربازیی یا وی وەلاتی ل دژی چەکدارێن حوسییان سەر ب ئیرانێ ل یەمەن و بابەتێ قەیرانا قەتەرێ گوتۆبێژ کەت.
پشتی ریاز وەزیرێ دەرڤە یێ ئەمریکا دێ سەرەدانا دەوحە یا پایتەختێ قەتەر و دا ئیسلام ئاباد و نیودەلهی کەت،هەروەسا دێ ستراتیژیا ئەمریکا بۆ باشۆرێ ئاسیا روون کەت و دێ جەخت کەتە سەر روو ب روو بوونا تیرۆریزمێ ل ئەفغانستان و پاکستانێ.
ب وێنه – پێشمه‌رگه‌یه‌ك چه‌كێ خوه ، ب ده‌ستێ خوڤه كه‌لامچه‌كر
ئه‌ڤرۆ نیوز ، نه‌وزاد هلۆرى:
پێشمه‌رگه‌یه‌ك كو نها ل پردێ د ئه‌ركێ به‌ره‌ڤانیكرنێ دایه دژى حه‌شد شه‌عبى و دوهى ژى پشكدارى د شه‌رى دا كر بو و ب هه‌ڤكاریا پێشمه‌رگێن قاره‌مان داستانێن مه‌زن توماركرن ، سوزدا كو هه‌تا مرنێ چه‌كى نه‌دانیت و بو ڤێ مه‌ره‌مێ ژى چه‌كێ خوه ب ده‌ستێ خوڤه كه‌لامچه‌كر.
وه‌لید خورشید ئه‌و پێشمه‌رگه‌یه كو چه‌ك ب ده‌ستێ خوڤه كه‌لامچه‌كرى بو ئه‌ڤرۆ نیوز گۆت: (دوهى من ژى لگه‌ل پێشمه‌رگێن قاره‌مان پشكدارى د شه‌رێ دژى تیرورستێن حه‌شد شه‌عبى و پاسدارێن ئیرانێ دا كر و بو مه وه‌كو پێشمه‌رگه جوداهى نینه كو شه‌رێ داعش بكه‌ین یان حه‌شد شه‌عبى ژ به‌ركو هه‌ردوو دوژمنێن مه‌نه ، و سوپاس بو خودێ ئه‌م شیاین دوهى ب سه‌ركه‌ڤین و دوژمنى بشكێنین ، نها ژى ئه‌ز و هه‌موو پێشمه‌رگه د سه‌نگه‌رێ به‌ره‌ڤانیێ دامه و هه‌تاكو دلوپه‌كا خوینێ دگیانێ مه مابیت ئه‌م سه‌نگه‌رێن خوه چول ناكه‌ین)
زێده‌تر گۆت: ( من خێزان و زاروك و كه‌س و كارێن خوه هێلان و به‌ر ب سه‌نگه‌رێن به‌ره‌ڤانیێ ل كوردستانێ چوم ل پردێ و من چه‌كێ خوه ب ده‌ستێ خوڤه كه‌ملاچه‌كریه و سوزێ ب كوردستانێ ژى دده‌م كو چه‌كێ خوه نه‌دانم هه‌تاكو شه‌هید دبم یان ژى كوردستان رزگار ببیت)
وه‌لیدى پێشتر ژى به‌رامبه‌ر تیرورستێن داعش ل مێحوه‌رێ گوێر – مه‌خمور شه‌ركریه و نها ژى ل پردێ یه ، و خودان شه‌ش زاروكه و ل باژێرێ دهۆكێ ژى ئاكنجیه.
د سێ رۆژێن بورى دا 10 هزار كه‌س ئاواره‌یێ پارێزگه‌ها دهۆك بوون
ئه‌ڤرۆ نیوز ، نه‌وزاد هلۆرى:
پشتى كو هێزێن میلشیاتێن حه‌شد شه‌عبى ل كه‌ركوك و ده‌روبه‌را و شنگاڵ و زمار درۆست بوى ، دماوه‌یێ سێ رۆژێن بورى دا 10 هزار كه‌س ئاواره‌یێ سنوورێ پارێزگه‌ها دهوكێ بوینه.
دڤى واریدا” ئیسماعیل محه‌مه‌د ” جێگرێ پارێزگارێ دهوكێ بو كاروبارێن ئاواره و په‌نابه‌ران بو ئه‌ڤرۆ نیوز گۆت: ( ژبه‌ر وان ئالوزیێن كو ل كه‌ركوك و ده‌وروبه‌ر و شنگال و زومار و ده‌وربه‌ر درۆست بوى ، ل ماوه‌یێ سى رۆژێن بورى 10 هزار كه‌س جاره‌ك دن ئاواره‌یێ سنوورێ پارێزگه‌ها دهوكێ بوینه كو پرانیا وان ل شنگال و زمار هاتینه و هنده‌ك خێزان ژى ل كه‌ركوكێ به‌ر ب سنوورێ پارێزگه‌ها دهۆك هاتینه)
زێده‌تر گۆت: ( ئه‌م وه‌كو كارگێریا پارێزگه‌ها دهۆك ب نێزیكى هایدارێ روودانێ نه و زانیاریان لسه‌ر وه‌ردگرین و دنڤیسین و پاشان ره‌وانه‌یێ وان جهان دكه‌ین كو په‌یوه‌ند ب بابه‌تى ڤه هه‌یه ، و د نهادا پشكه‌كا زور یا وان ئاواره‌یان چوینه جهێن خوه‌یێن كه‌ڤن و هنده‌ك ژى چوینه مالێن كه‌س و كارێن خوه و هنده‌ك ژى چوینه ده‌رڤه‌یێ كه‌مپان ئاكنجیبووینه ، و دنهادا حكومه‌تا هه‌رێما كوردستانێ ژى كه‌مپا ماملیان بو وان ئاواره‌یان دیاركریه و هه‌موو بو وان كه‌مپان دهێنه ڤه‌گوهاستن)
جێگرێ پارێزگارێ دهوكێ دیاركر ژى كو ئه‌وان بانگ ل رێكخراوێن مرۆڤایه‌تى و خێرخوازى و لایه‌نێن په‌یوه‌ندیدار یێن نافخوه و جیهانى كرینه و گۆت ژى: ( پێدڤى یه ب زوترین ده‌م لایه‌نێن شوله‌ژێ كار بكه‌ن بو دابینكرنا پێدڤیێن ژیانا رۆژانه بو وان ئاواره‌یان)
هیومان رایتس ووچ راپورته‌كا تایبه‌ت لسه‌ر بنپێكرنا مافێن مرۆڤى ل خورماتو به‌لاڤكر
ئه‌ڤرۆ نیوز ، نه‌وزاد هلۆرى:
رێكخراوا هیومان رایتس وچ یا جیهانى راپورته‌كا تایبه‌ت لسه‌ر ئه‌وان بنپێكر و هێرشێن كو ژلایێ حه‌شد شه‌عبى ل كه‌ركوك و قه‌زا و ناحیێن سه‌ر ب وێڤه به‌لاڤكر و ل گوره‌ى راپورتا وان هژماره‌كا وه‌لاتیان هاتیه كوشتن و برینداركرن و چه‌ندان هاتینه وێرانكرن و سوتن.
راپورتا وان دیاركر كو ژ ئه‌گه‌را ته‌قه‌كرنا ژ هه‌مه‌ره‌كا هێرشان یا هێزێن عیراقێ ل ناحیه‌كا نێزیك كه‌ركوكێ دناڤبه‌را پێشمه‌رگه‌ى و هێزێن عیراقى پێنج وه‌لاتیێن مه‌ده‌نى هاتینه كوشتن و 51 كه‌س ژى برینداربووینه و ئاماژه ب وێ یه‌كى ژى كریه كو پێدڤى یه هێزێن عیراق و كوردستانێ ئاریشه‌یێن خوه ب رێیه‌ك دن چاره‌سه‌ر بكه‌ن كو تێدا رێزێ ل مافێن مرۆڤى بهێته‌گرتن و ئازادیێن مه‌ده‌نى و سه‌ر و مالێ وه‌لاتیان بهێته پاراستن.
د پشكه‌كا دن یا راپورتێ دا ل ناحیا خورماتو ل تاخێ كومار كو پرانیا وان كوردن زێده‌ترى 10 بازارێن كوردان هاتینه سوتن و هژماره‌كا زور یا ترومبێل و مالێن كوردان هاتینه سوتن و تالانكرن و تێله‌ڤزیوون و كومپیوته‌ر و ئامیرێن ئه‌لیكترونى هاتینه دزین ، ئه‌ڤ سه‌ره‌راى كوپ ولیسێن ته‌نگاڤیان هه‌بوون به‌لێ تنێ بینه‌ربوون.
ل داویا راپورتێ ژى هاتیه: (پێدڤى یه ده‌ستهه‌لاتدارێن عیراقێ خوه ژ سوتن و وێرانكرنا مالێن خه‌لكێ مه‌ده‌نى بپارێزن و دادگه‌ها هه‌موو وان كه‌سان ژى بكه نكو تاوانبارین ب وان ده‌ستدرێژیان ، هێزێن ته‌ناهیێ ژى دڤێت ب رولێ خوه رابن)
رووسنەفت:دێ رێککەفتنا خۆ یا نەفتێ ل گەل کوردستانێ جێبەجێ کەین
ئەڤرۆ نیۆز،زنار تۆڤی:
کۆمپانیا رووسنەفت یا رووسی راگەهاند،کو ئەو دێ رێککەفتنا خۆ ل گەل حوکمەتا هەرێما کوردستانێ جێبەجێ کەت.
د راگەهاندنەکێدا، کۆمپانیا رووسنەفت یا رووسی راگەهاندیە،کو پشکا رووسنەفت د وێ رێککەفتنێدا دێ %60 بیت و د قۆناغا ئێکێ دا، نەفتا کوردستانێ دێ هنێریته پالاوگەهێن رووسیا.
وێ کۆمپانیا رووسی ئاماژە ب هندێ ژی دایە،کو رێککەفتنا وان،کوو ل 2 هەیڤا بوری ل گەل حوکمەتا هەرێما کوردستانێ ئیمزاکریە،دێ جێبەجێ کەن،کو ل دووڤ وێ رێککەفتنێ،رووسنەفت دێ نەفتێ ب رێیا بۆریا نەفتا کوردستانێ ڤرێکەتە بازارێن جیهانی.
جێبەجێکرنا وێ رێککەفتنێ ژلایێ کۆمپایا رووسنەفت، کو ئێکە ژ مەزنترین کۆمپانیانیێن نەفتێ د جیهانێدا،د دەمەکێ دایە، کو حوکمەتا عێراقێ گەمارۆیا ئابووریی و ئەسمانی ئێخستیە سەر هەرێما کوردستانێ.
دیاری حسێن:نوکە ل کەرکوکێ سوپایێ پاسداران حوکمی دکەت
ئه‌ڤرۆ نیۆز،عه‌زیز هه‌ورامی:
دەمێ ل 16.10 هێزێن ئێکەتیێ چەپەرێن خۆ بەرداین و ده‌سته‌یه‌كا دناڤ وێ حزبێدا پێشوه‌خت رێککەفتن له گه‌ل حه‌شدا شه‌عبی كری،ل سنورێ پارێزگەها كه‌ركوكێ ئه‌و باژێره كه‌فته ژێر ده‌ستێ حه‌شدا شه‌عبی،د ماوێ ڤان چه‌ند رۆژان دا حه‌شدێ مال و دوكانێن وەلاتیان دسووژیت و گه‌نجێن وی باژێری ده‌ستگیر دکەن و سڤکاتیێ ب خێزانێن وان د‌كه‌ن،جێگرێ به‌رپرسێ ئه‌نجومه‌نێ سه‌ركردایه‌تیا پارتی ل كه‌ركوكێ دیاردکەت،کو حه‌شدا شه‌عبی کارێن هۆڤانە هەمبەری وەلاتیێن كه‌ركوكێ دکەت.
دیاری حوسێن جێگرێ به‌رپرسێ ئه‌نجومه‌نێ سه‌ركردایه‌تا پارتی دیموكراتی كوردستان بۆ ئه‌ڤرۆ نیۆز دبێژیت:نوکە ل كه‌ركوكێ رەوش زۆر ئالۆزبوویە و هێزێن حه‌شدا شه‌عبی مال و دوکانێن خەلکێ تالان دکەن و سڤکاتیێ ب خەلکێ وی باژێری دکەن،لەورا هژمارەکا مەزن یا خەلکێ ئاواره بووینە.
هەروەسا گوت ژی:نوکە حەشدا شەعبی لایه‌نگرێن حزبێن كوردستانی و ل گه‌ل ئه‌و توركمانێن کو ل گەل کوردان بووینە دگرن و مولک و مالێن وان تالان د‌كه‌ن و هەروەسا خانی دوکانێن وان ژی دسووژن،نوکە سوپایێ ئێرانێ حوکمی دکەت ب پشتەڤانیا حه‌شدا شه‌عبی و كۆمه‌کا به‌رپرسێن ئێکەتیا نیشتیمانی یا كوردستانێ.
ئه‌و چەند ژی گوت:دوهی چەندین خێزان ڤەگەریانە كه‌ركوكێ،لێ جارەکادی ژ کەرکوکێ دەرکەفتن،چونکی نوکە حەشدا شەعبی لایەنگر و كادرێن پارتی ده‌ستگیر دکەن.
دیاری حسێن خویاکر ژی:هەموو مال و دوكانێن كوردان ل دووز خورماتۆ هاتینە سووتن،ئەوا نوکە حه‌شدا شه‌عبی دکەت،هەما كریارێن تیرۆرستێن داعشن و ئەڤە ژ وان خرابترن ژی.
نيشاندان
WP Facebook Auto Publish Powered By : XYZScripts.com