ئەڤرۆ نیۆز،زنار تۆڤی:

ئەنجوومەنێ ئاسایشا هەرێما کوردستان،راگەهاند کو میلیشیاتێن سه‌ر ب‌ حه‌شدا شه‌عبى كو ژلایێ‌ ئیرانێ ڤە پشتەڤانی لێ دهێتەکرن، ب‌ چه‌كێ ئه‌مریكی هێرش كریه‌ سه‌ر پردێ.

ئەنجوومەنێ ئاسایشا هەرێما کوردستانێ، راگەیاند ژی:هێزێن عێراقی،ژ وان ژی حەشدا شەعبی کو ژلایێ ئیرانێ ڤە پشتەڤانی لێ دهێتەکرن،ل پردێ هێرشێ دکەنە سەر هێزێن پێشمەرگەی.

ئەنجوومەنێ ئاسایشا هەرێما کوردستانێ هەروەسا راگەهاند،هێزێن عێراقی،ژ وان ژی حەشدا شەعبی،ب چەکێ ئەمریکی د هێرشاندا ب کاردئینن.

ئەڤرۆ نیۆز،زنار تۆڤی:

نه‌جمه‌دین كه‌ریم، پارێزگارێ كه‌ركووكێ، نهێنیێن روودانا داگیركرنا كه‌ركووكێ ئاشكرا دکەت و راد‌گه‌هینیت،کو پێشتر هێرش ل وی هاتبوونەکرن.

پارێزگارێ كه‌ركووكێ گوت ژی،نوکە ژی هەکە ڤەگەریته ڤە مه‌ترسی ل ‌سه‌ر ژیانا وی هه‌یه‌،لەورا وی کەرکووک بجه هێلایە.

نه‌جمه‌دین كه‌ریمی بۆ‌ ئاژانسا بلوومبێرگ دیارکریە‌،ئه‌و شەڤا میلیشیاتێن شیعه‌یان هێرشکریە سه‌ر كه‌ركووكێ، هەڤپه‌یمانێن نێڤده‌ولەتی هیچ رۆلەک نه‌بوو.

هه‌روه‌سا راگه‌هاندیە‌،کو حه‌یده‌ر عه‌بادی، سه‌رۆك وه‌زیرێن عێراقێ، ئاماژه‌ ب هندێ‌ كریه‌،کو هیچ قوربانیه‌ك د وێ روودانێدا نینه‌، به‌لێ ته‌رمێ ب دەهان كه‌سان ب به‌رچاڤێ خەلکێ کەفتینە و هاتینە ڤەگۆهاستن بۆ نه‌خۆشخانان.

نه‌جمه‌دین كه‌ریمی ئاشكراکریە‌،کو‌ شه‌ڤا پێشتر هه‌ر ئێک ژ‌ بافل تالە‌بانی، كورێ‌ مەزن یێ مام جه‌لالی،ل گەل لاهور و ئاراس جه‌نگی و نوونەرێ قاسم سلێمانی هاتینە دەف وی و هێرش لێكرینە‌ و ئەوان گوتە من،دڤێت تۆ ژ هەلویستێ خۆ لێڤەببی،هەکە تۆ وەنەکەی دێ هێرشێ کەینە سەر تە.

ئاژانسا بلوومبێرگ دیارکریە،کو قاسم سوله‌یمانی، فه‌رماندێ فه‌یله‌قا قودسێ یا سه‌ر ب‌ سوپایێ پاسداران ڤە، رۆلێ سه‌ره‌كی هه‌بوو،د وێ هێرشێ دا و گوتیە،بریاره‌ ل رۆژا ئێكشه‌مبیا داهاتی،قاسم سوله‌یمانی،وێ رێككه‌فتنێ ل ‌گه‌ل هێرۆ ئیبراهیم ئه‌حمه‌دی ته‌مام بكەت.

وێ ئاژانسێ گوتیە،ئێکەتیا نیشتمانی یا كوردستانێ هەر ژ دەستپێکێ یا‌ نێزیکی‌ ئێرانێ بوو‌،ل شه‌ڤا هێرشکرنێ ژی،بەشەکێ ژ هێزێن ‌وان،هیچ به‌رگری نه‌كر و ل هەمبەری‌ هێزێن حه‌شدا شه‌عبی پاشه‌كشه كر.

هەروەسا نه‌جمه‌دین كه‌ریم بۆ وێ ئاژانسێ‌ دبێژیت: شه‌رم ژ حوکمه‌تا ئه‌مریكا د‌كه‌م كو هه‌لگرێ رەگەزناما وی وەلاتیمە، چونكی ئەڤە چەند سالە ل عێراقێ،ئێک بووم ژ وانا یێن کو من پشتگیری ل سیاسه‌تا ئه‌مه‌ریكا دكر.
هه‌روه‌سا دبێژیت:رۆژەکێ هه‌ر دێ ڤەگەرینە كه‌ركووكێ.