ئەڤرۆ نیۆز،زنار تۆڤی:
رێڤەبەریا كه‌شناسی و بیڤەلەرزان ل هه‌رێما كوردستانێ د راگەهاندنەکێ ئاماژە ب هندێ دایە کو پلێن گه‌رمێ دێ ل هه‌رێما كوردستانێ بلندبن و هەروەسا رۆژانه دێ 2 بۆ 3 پلێن سیلیزی بلندتر لێ هێن،ل رۆژانێن جەژنا رەمەزانێ.
ل دووڤ پێشبینیێن رێڤەبەریا كه‌شناسی و بیڤەلەرزان ل هه‌رێما كوردستانێ کو ئەڤرۆ سوبەهی دێ بلندترین پلا گه‌رماتیێ ل باژێرێ كه‌ركوكێ بیت و کو دێ گەهیتە 39 پلێن سیلیزی.
ئەڤرۆنیۆز، سالار دۆسکی:
مەلا سەعید عەبدولرەحمان رێڤەبەرێ ئەوقافا قەزا زاخۆ بۆ ئەڤرۆ نیۆز گۆت: (ئەڤان سالان دیاردەکا نە جوان یا بەر بەلاڤبوی دبیت دناڤا مللەتێ مە دا و ھندەک جاران زەکات ناگەھیتە جھێ پێدڤی، ئەوێ زەکاتێ ددەت پێدڤی یە بدەتن وان کەسان ئەوێن قورئانێ گۆتین، دیسا گەلەک جاران تەلەڤزیۆنەک یان حزبەک دێ رکلامێ کەت بۆ زکاتێ و دێ وەرگریت و دبیت ل سەر کارمەند و ھەڤال و لایەنگرێن خوە بەلاڤە کەن و زکات بڤی رەنگی نینە و پێدڤی یە زکات بۆ کەسانێن پێدڤی بیت و ئەگەر نەبیت ژی کەسانا دەست نیشان بکەت و دیسا گەلەک جاران زکات بۆ حزبا چیت ئاینی و نە ئاینی و حوکمەت و دەست ھەلادار و دێ بینی وی بازرگانی مەیل بۆ حزبەکێ ھەیە و دێ زکاتا خوە دەتە حزبان، باشە حزبان پارە ھەیە و لدووڤ سەنگا خوە یێ بۆجا خوە ژ حوکمەتێ وەرگرن. مەلا سەعید ئەو ژی گۆت: زکات پێشمەرگەی دچیت باراپترا پێشمەرگەی ب ھیڤیا مووچێ ھەیڤانە ڤە نە و ئەڤێن پلە بلند پێ ناچیت و دیسا دبیت کەسەک شەھید ب بیت و بازرگان بوو و زاروکێن وی دەولەمەند پێدڤی ناکەت زەکات بۆ بچیت، بازرگانێن مەزن کوردستانێ ھەنە و دڤێت حوکمەت رێکخستنەکێ ل زوکاتێ دا بکەت و پەرلەمان قانوونەکێ بو بدانیت و دیسا پێداچوونا ئەڤان بازرگانان بھێتەکرن و دیسا ئەڤ زکات بگەھیتە کەسانێن پێدڤی، چونکە دبیت کەسەکێ نە ھەژار ھەیە لێ یێ زور شەرمە و خاس خازوکە و فێر بوویە و دێ چیتە دەف گەلەک بازرگان و کەسان دەولەمەند و دیست کەسەک ھەیبت دەە جاران زکاتێ ژ ئێکی وەربگریت و ب رێکێن جودا جودا و دیسا مەیلا زکاتێ ژی دھێتەکرن و گەلەک جاران بۆ بەرژەوەندیێن تایبەت زکات دھێتە بەلاڤەکرن.
ھەمان زانا گۆت ژی: ئەڤ سالە بابەتێ دانا فتاران و دیسا دانا زەکاتێ ژلایێ وەزارەتا ئەوقافێ ڤە ھاتیە رێکخستن و ئەڤە پشتی سالێن بوری گەلەک جاران ھندەک باژێران جوداھی ل گەل باژێرەکێ دی ھەبوو د دانا فتاران دا، ئەڤ سالە ھاتیە رێکخستن و بریار ھاتیەدان کو دو کیلو و نیڤ بن بۆ خوارنا ئەگەر برنج بیت و ئەگەر پارە بیت سێ ھزار دیناربن و ئەگەر کفارت ئێکی ل سەر ھەبن دێ (٦٠٠) غورامێن قویتی دەت و ئەگەر پارەی بدەت دیسا ئەو ژی دێ سێ ھزار دیناران دەت ، گۆت ژی : ھەر کەسەکێ چار ملیۆن و نیف ھەبن دێ زەکات لێ کەڤیت بۆ ھەر سەدێ دو و نیڤە.
رێڤەبەرێ ئەوقافا زاخۆ ژی گۆت: زەکات بۆ برا و خیشکا ئەڤێن ژ مرۆڤی جودا دروست زکات بگەھیتێ، لێ بۆ ئەسل و لەقان دروست نین کو دایک و باب بەر ب سەری ، و دیسا زارۆکێن مرۆڤی بەر ب خوارێ وەکو کچ و کور و نەڤی چونکە ئەڤە ئەرکە بھێنە خودانکرن و نابیت زەکاتێ بدەیە بابێ خوە
ئەڤرۆ نیۆز،زنار تۆڤی:
ئەڤرۆ رۆژا ئەینی 23.6.2017 فکری ئشق وەزیرێ بەرەڤانیا تورکیا د کونفرانسەکێ دا دیارکر:کو تورکیا بنگەهێ خوە سەربازی ل تورکیا دانائێخیت،بنگەهێ وان یێ سەربازی ل قەتەرێ بۆ پاراستنا ئاسایشا ڤێ دەڤەرێ هاتیە دانان.
زێدەتر گۆت:داخوازا وەلاتێن عەرەبی بۆ گرتنا ڤی بنگەهێ سەربازی ل قەتەر دەستێوەردانە دناڤبەرا پەیوەندیێن مە و قەتەرێ دا،لەورا ئەم بنگەهێ خوە یێ سەربازی ناگرین.
تورکیا بنگەهەکێ سەربازی ل قەتەرێ ڤەکریە و بریاربوو تورکیا پێنج هزار سەربازێن دی رەوانەی وی بنگەهی بکەت،لێ پشتی تێکچوونا پەیوەندیێن قەتەرێ و چەندین وەلاتێن کەنداڤی،وان وەلاتێن کەنداڤی داخواز ژ تورکیا کریە کو وی بنگەهێ سەربازی بگریت.
ئەڤرۆ نیوز ، نەوزاد ھلوری:
ژئەگەرا تەقینا بومبەکا چاندی ل سنوورێ ناحیا حاجی ئومەران یا سەر ب پارێزگەھا ھەولێر ، دوو کەسان گیانی َخوە ژ دەست دا و کەسەک ژی برینداربوو.
دڤی واریدا ھاوار ئەرگوشی ئاخفتنکەرێ پولیسێن قەزا سوران بۆ ئەڤرۆ نیوز گۆت: (دوھی ژ ئەگەرا بومبەکا چاندی دوو کەسان بناڤێ رێناس عوسمان و محەمەد ئەسوەد کو دناڤبەرا ژیێ ١٤ بو ١٦ سالیێ بوون گیانی َخوە ژ دەست دا کەسەکێ دن ژی بناڤێ رێناز خالد برینداربوویە کو ھەرسێ کەس ژی خەلکێ قەزا ئاکرێ یا سەر ب پارێزگەھا دھوکێ نە)
زێدەتر گۆت: ( ئەو ھەرسی َکەسە ل گەل کەس و کارێن خوە بو خودانکرنا تەرش و کەوالی ھاتبونە حاجی ئومەران ، تیمێن مە تەرمێن ھەردوو کەسان رەوانەییێ نوژداری یا داد کریە و پەرێن ڤەکولینێ ژی بوو بوودانێ ڤەکریە)
ئەڤرۆ نیۆز،زنار تۆڤی:
ب هه‌لكه‌فتا هاتنا هه‌یڤا ره‌مه‌زانا پیرۆز و دچارچۆڤێ وان فتارێن كارگێریا پارێزگه‌ها دهوكێ بۆ ته‌خێن جڤاكی یێن جودا جودا به‌رهه‌ڤ دكه‌ت.
ل 22-6-2017 ل گۆره‌پانا پارێزگه‌ها دهوكێ ب ئاماده‌بوونا فه‌رهاد ئه‌مین ئه‌ترۆشی پارێزگه‌رێ دهوكێ و عومەر عەلی ته‌ها رێڤه‌به‌رێ گشتی یێ په‌روه‌ردا پارێزگه‌ها دهوكێ ب وه‌كاله‌ت فتاره خوارنه‌ك بۆ پتر ژ 1000 ماموستا و فه‌رمانبه‌رێن په‌روه‌ردا گشتی یا پارێزگه‌ها دهوكێ هاته به‌رهه‌ڤكرن.
پارێزگه‌رێ دهوكێ هه‌یڤا ره‌مه‌زانێ ل ماموستا و فه‌رمانبه‌رێن په‌روه‌ردا گشتی پیرۆزكر و سه‌ركه‌فتن بۆ خواست و سوپاسی و ده‌ست خۆشی ل لیژنا به‌رهه‌ڤكرنا فتاران یا سه‌رب كارگێریا پارێزگه‌هێ ڤه كر هه‌مبه‌ر ماندیبوونا وان بۆ ئاماده‌كرنا فتارا.
هەروەسا پتر ژ هزار ماموستا و فه‌رمانبه‌رێن رێڤه‌به‌ری یا گشتی یا په‌روه‌ردا پارێزگه‌ها دهوكێ به‌رهه‌ڤی ڤی فتاره خوارنێ ببوون.
ئه‌ڤرۆ نیۆز،زنار تۆڤى:
د به‌رێدا جه‌ژنێن گوندان خۆشیه‌كا تایبه‌ت تێدا هه‌بوو،ژبه‌ركو ل سپێده‌هیا رۆژا جه‌ژنێ گوندى هه‌موو دا ل چه‌ند مالان خرڤه‌بن بۆ خوارنا تێشتێ،ڤێ چه‌ندێ وه‌دكر كو ل جه‌ژنان دا په‌یوه‌ندیێن كۆمه‌لایه‌تى ل ده‌ف گوندیان ب هێزتر لێ بهێن،چونكى هه‌موو گوندى ل مالێن ئێكودۆ د روونشتن و جه‌ژن ب كه‌یف و خوه‌شى ده‌رباز دكرن،لێ نوكه بتنێ جه‌ژن ب ره‌نگه‌كێ ساده ل گوندان دهێنه گێران.
سه‌عدولا ئیبراهیم دانعه‌مره‌كێ خۆجهێ گوندیە بۆ ئه‌ڤرۆ نیۆز دبێژیت:د به‌رێ دا ل سپێده‌هیا رۆژا جه‌ژنێ چه‌ندین مالێن گوندى دا خوارنا سپێدێ بۆ خه‌لكێ گوندى چێكه‌ن،ده‌مێ ئه‌م ژ مزگه‌فتێ ڤه‌دگه‌ریاین،ئه‌م هه‌موو دا قه‌ستا وان مالان كه‌ین یێن كو خوارنا تێشتێ چێكرین،ئه‌ڤه كه‌لتۆره‌كێ گه‌له‌ك جوان بوو دناڤ خه‌لكێ گوندى دا،هه‌روه‌سا پشتى خوارنێ زه‌لامێن گوندى پێكڤه و بێى جوداهى د چوونه هه‌موو مالان و ب ڤى ره‌نگى جه‌ژن ل هه‌ڤدو پیرۆز دكرن،دیسا ل پرانیا مالان ئه‌م د روونشتین و ب سه‌رهاتى و سوحبه‌تێن خۆش مه جه‌ژنا خوه دبوراند،هه‌روه‌سا ل جه‌ژنان دا ئه‌و كه‌سێن ژێك سل د گوندى دا مه پێك دئینان و دلێ كه‌سێ ژیێ دى نه دما،هێشتا دبێژیت:لێ نوكه ئه‌و رێوره‌سمێن به‌رێ نه‌ماینه و ئێدى گوندى تێشتێ بۆ جه‌ژنێ به‌رهه‌ڤ ناكه‌ن و جه‌ژنێن گوندان ژى وه‌كى به‌رێ ئه‌و گه‌رم و گۆرى و خۆشى تێدا نه‌مایه،هه‌روه‌سا زوو ب زوو خه‌لك ناچنه مالێن ئێكودۆ،جه‌ژنێ ل ئێكودۆ پیروز ناكه‌ن،له‌ورا ئه‌ڤێ وێ چه‌ندێ دگه‌هینیت كو خه‌لكێ مه یێ ژێك دوور دكه‌ڤیت و ب سه‌ر ئێكڤه ناچن.
ژنه‌ك بناڤێ پیرۆز حامد دبێژیت:چ تشتێن نوكه وه‌كى یێن به‌رێ نه‌ماینه،له‌ورا د به‌رێ دا جه‌ژنان تامه‌كا تایبه‌ت هه‌بوو،ئه‌م ل هیڤیا هندێ دماین كانێ كه‌نگى دێ بیته جه‌ژن؟،ژبه‌ركو ل هه‌موو جه‌ژنان ئه‌م وه‌ك ئافره‌تێن گوندى پێكڤه داچینه جه‌ژنان و مه خۆشیه‌كا تایبه‌ت ژ جه‌ژنان ددیت،هه‌روه‌سا ل ئێڤاریێن جه‌ژنێ دا مه ده‌وات و دیلان دكرن،ئه‌و ژى گۆت:د به‌رێ دا هاتنا جه‌ژنان په‌یوه‌ندیێن مه كۆمه‌لایه‌تى بهێز د ئێخستن،چونكى مه هه‌موو گوندیان قه‌ستا ئێكودۆ دكر،لێ ل جه‌ژنێن نوكه یێن گوندان دا كه‌س زوو ب زوو ناچیته مالێن كه‌سێ ب روونیت و هه‌كه ب چنه جه‌ژنان ژى هه‌ما ل به‌ر ده‌رى جه‌ژنێ ل ئێكودۆ پبرۆز دكه‌ن،ئه‌ڤه وێ دگه‌هینیت كو ئێدى جه‌ژنان تام و خۆشیا خوه ژ ده‌ستدایه.
ئه‌ڤرۆ نیوز:
نڤیسینگه‌ها سه‌رۆكوه‌زیرێن ئیراقێ حه‌یده‌رعه‌بادی داخویانییا ئه‌ندامه‌كێ ده‌وله‌تا قانوونێ دژی كوردان ل به‌غدا شه‌رمزار كر.
ئه‌ندامێ جڤاتا پارێزگه‌ها به‌غدا سه‌عد ئه‌لمه‌تله‌بی دوهي خواست بوو ره‌گه‌زنامه‌یا ئیراقی ژ كوردێن ل به‌غدا دژین ژ وان ژی كوردێن فه‌یلی بهێته ستاندن و ژ به‌غدا بهێنه ده‌رێخستن، هه‌ر ده‌مێ هه‌رێما كوردستانێ بریارا سه‌رخوه‌بوونێ دا.
سه‌عد حه‌دیسی په‌یڤدارێ سه‌رۆكوه‌زیرێن ئیراقێ ئه‌ڤرۆ د به‌رسڤێ دا گۆت: داخویانێن ب وی جۆری گه‌فه ل سه‌ر ئاشتییا جڤاكی و تۆڤێ ره‌گه‌زپه‌رێسیێ دچینیت”.
حه‌دیسی خواست هه‌مي ئالی خوه ژ گۆتنێن ناكوكییان درست دكه‌ن دوور بێخن و گۆت: هه‌ر ژ ده‌ستپێكێ مه هه‌لوه‌ستێ خوه ل دۆر رێفراندۆما هه‌رێما كوردستانێ دیار كرییه، ئه‌م د گه‌ل ده‌ستووری نه و ل دژی بزاڤێن تاكئالینه”.
ئامێدیێ ، نەوزاد ھلۆری:
وەلاتیەکێ قەزا ئامێدیێ بناڤێ خسرو ئامێدی ماوەیێ ٣٧ سالایە ترومبێلەکێ ژ جورێ بەرازیلی دھاژوت و ددەتن دیارکر کو ئەو ترومبێلا خوە ل گەل مونیکایەکێ ژی ناگوھریت.
خسرو ئیبراھیم موستەفا ناسیار ب خسرو ئامێدی شوفێرێ ترومبێلا بەرازیلی بۆ ئەڤرۆ نیوز گۆت: (ل سالا ١٩٨٠ من ترومبێلەکا بەرازیلی کری کو ئەز ئێکەمین کەس بووم کو ترومبێلەکا بەرازیلی ل سنوورێ قەزا ئامێدیێ و دەروبەران بکرم و ھەتا نوکەژی ھەر ئێکەمین کەسم کو ھێشتا ترومبێلا بەرازیلی ھەیی ، و گەلەک سەبرا من ب ترومبێلا برازیلی دھێت و ب ھیچ شێوەیەکێ بەرھەڤ نینم بفروشم یان بگوھرم خوە ئەگەر دەفتەران ژی بدەن من و ترومبێلەکا مونیکا ژی بدەن من ژبەرکو دلێ مرۆڤی ب چوو خوشە دڤێت مرۆڤ بزاڤێ بو وی تشتی بکەت و گەلەک گەلەک دلخوش و ئارامم ب ترومبێلا خوە)
زێدەتر گۆت: (ژبلی گوھرینا مەکینا ترومبێلا خوە من چوو گوھرینێن دن لسەر نەکرینە ، ئەڤ جورێ ترومبێلێ د وەختێ خودا باشترین بوون و گەلەک ژی ب لەز بوون ، نوکە ھەر ئاریشە و خراب بوونەکا بکەڤیتە ترومبێلا من ھەر ئەز بخوە درست دکەم ڤە و ماوەیێ چەندین سالایە من نەبریە فیتەری)
خسرو ئامێدی ١٩٦١ ژ دایکبویە و خێزاندارە و چەند زارویەکێن ھەیی و ھەتا رێزا شەشێ سەرەتایی خواندیە و نھا وەکو فەرمانبەر ل گەنجینەیا ئامێدیێ کاردکەت و زێدەتر گۆت: (ھیڤیا من یا سەرەکی دژیانێ دا ئەوە کو کورد ھەموو پێکڤە ببنە ئێک و پێکڤە پشکداریێ د ریفراندومێ دا بکەن داکو ل قوناغا دوڤدا بکارین ببینە خودان دەولەت و سەربخوەیێ رابگەھینین)
ئەڤرۆ نیوز ، بێوار ھۆکی:
ب ھەلکەفتا جەژنا رەمەزانا پیروز سیروان بارزانی ب رێیا دەزگەھێ خێرخوازیێ بارزانی ھاریکاری ب سەر کەس و کارێن شەھیدێن شەرێ داعش ل سنوورێ قەزا ئاکرێ و بەردەرەش دابەشکرن.
دڤی واریدا سەباح بەیتوللا بەرپرسێ لقێ نەھێ پارتی ل قەزا ئاکرێ بۆ ئەڤرۆ نیوز گۆت: (ب ھەلکەفتا جەژنا رەمەزانا پیروز سیروان بارزانی ب رێیا دەزگەھێ بارزانی و دام و دەزگەھێن دەڤەرا ئاکرێ و بەردەرەش ھاریکاری ب سەر ١٢٠ خێزان و کەس و کارێن شەھیدێن شەرێ داعش ل سنورێ ھەردوو قەزایێن ئاکرێ و بەردەرەش دابەشکرن ، و کەس و کارێن شەھیدان جھێ رێز و قەدرو بھایەکی َمەزنن)
زێدەتر گۆت: ( سوپاسیا دەزگەھێ بارزانی و سیروان بارزانی دکەین کو بەردەوام ھاریکاریان ب سەر کەس و کارێن شەھیدان دابەش دکەن )
ئەڤرۆ نیۆز،زنار تۆڤی:
شاندەکێ پارتی دیموکراتی کوردستان ب سەرۆکاتیا نێچیرڤان بارزانی ئەڤرۆ ل رۆژا پێنجشەمبی 22.6.2017 گەهشتنە سلێمانیێ و سەرەدانا مالا مام جەلال تالەبانی ،سکرتێرێ گشتی یێ ئێکەتیا نیشتمانی کوردستان کریە ل دەباشان و هەروەسا ئەو شاندە ل گەل هێرۆ ئیبراهیم ئەحمەد ئەنداما مەکتەبا سیاسی یا ئێکەتیێ و هەروەسا قوباد تالەبانی جێگرێ سەرۆکێ حوکمەتا هەرێما کوردستانێ و باڤێل تالەبانی کۆمبووینە.
پشتی وێ کۆمبوونێ شاندێ نێچیرڤان بارزانی ب هەڤالینیا هێرۆ ئیبراهیم ئەحمەد سەرەدانا مۆزەخانا ئەمنا سوور ل سلێمانیێ کریە.
نيشاندان