ئەڤرۆ نیۆز،زنار تۆڤی:
ئەڤە وێنێ منارا حەدبایە ل باژێرێ مۆسل کو دوهی ژلایێ تیرۆرستێن داعش ڤە هاتیە پەقاندن و ئەڤ منارا دیرووکی ل ڤی باژێری خرابکریە.
ل دووڤ ژێدەرێن مێژوویی ئاڤاکرنا ڤێ منارێ ڤەدگەریتە بەری 900 سالان ل باژێرێ مۆسل و ئێک نیشانێن هەرە مەزن بوو،ل ڤی باژێری و مۆسل ب منارا حەدبا دهاتە نیاسین.
هەژی ئاماژە پێدانێیە کو پشتی داعش ل مۆسل توشی شکەستنێ بووین،چەندین جهێن کەلتۆری خرابکرینە و ژ ناڤبرینە و زیانەکا مەزن گەهاندیە شارستانیەتا ڤی باژێری.
ئەڤرۆ نیۆز،زناز تۆڤی:
فەرماندێ پۆلیسێن فیدرالی یێن عێراقێ رائید شاکر جەودەت دادیارکرن: کو پۆلیسێن فیدرالی ب هەڤکاریا هێزەکا مغاویر یا تایبەت هێرشکریە سەر بابلبەیز ژ پێخەمەت هەموویێ کونترۆل بکەن.
هەروەسا یەکینەیێن فرقا پێنج ئەڤرۆ پشتی شەرەکێ دژوار مزگەفتا حامدین کونترۆلکریە،دیسا هێزێن مە ژلایێ باشۆرڤە یێ شەرەکێ دژوار ل گەل تیرۆرستێن داعش ل بابلبەیز و باب جەدید و بابلتوب دکەن،بەری ب گەهنە وێ پلانا بۆ هاتیە دانان ل دەڤەرا سەرجخانە.
ناڤهاتی دیارکر ژی:ئەڤرۆ هێزەکا پۆلیسێن فیدرالی شیاینە ب درێژاهیا 100 میتران ل باکۆرێ باژێرێ کەڤن بۆ لایێ مزگەفتا زیوانی ڤە ل مۆسل پێشرەویێ بکەن.
هەروەسا هێزێن مە شیاینە 8 داعشان ب کوژن کو 5 ژوان نیشانشکێن بوون و سێ یێن دی ژی ل سەر ماتۆرسکلێن مینرێژکری هاتینە کوشتن.
فەرماندێ پۆلیسێن فیدرالی ئەو ژی دیارکریە:پشتی هێزێن وان مزگەفتا حامدین کونترۆلکری نوکە هێزێن پۆلیسان یێن د پێشرەویێ دا بۆ گرتنا کەنیسەیا شەمعون ل باژێرێ مۆسل.
ئەڤرۆ نیوز:
ب مەرەما رێزگرتن ل کار و خەباتا وان رۆژنامەڤانێن دوارێ ژینگەھی دا کار دکەن بو ناساندن و ڤەوژاندنا ژینگەھێ و بەرزراگرتنا ژینگەھێ و بەرچاڤ کرنا کار و بزاڤ و چالاکیێن رێکخراوا وار بۆ پاراستنا ژینگەھێ ، ٣٥ رۆژنامەڤانێن سنوورێ قەزا سوران ژلایێ رێکخراوا وار بۆ پاراستنا ژینگەھێ د رێورسمەکێ ژ ھەژی دا ھاتنە خەلاتکرن کو ئێک ژ وان پەیامنێرێ مالپەرا ئەڤرۆ نیوز بو.
دڤی واریدا ھەژار ئیدلیبی بەرپرسێ رێکخراوا وار بو پاراستنا ژینگەھێ دیارکر کو ئەوان ب ھەلکەفتا چوار سالیا دامەزراندنا رێکخراوا وار رێورسمەکێ ژ ھەژی بو خەلاتکرن و رێزگرتنا ٣٥ رۆژنامەڤانێن سنوورێ قەزا سوران رێکخست و بۆ ئەڤرۆ نیوز گۆت: ( ئێک ژ وان رۆژنامەڤانێن کو د دەمێ بوری دا کار و خەباتەکا زور بو ناساندن و پاراستنا ژینگەھێ ل سنوورێ قەزا سوران و دەڤەرا بارزان و چەند دەڤەرەکێن دن کری رۆژنامەڤا و و پەیامنێر و ئێک ژ سەرپەرشتیارێن مالپەرا ئەڤرۆ نیوز ” نەوزاد زادە ھلوری ” بوویە ، و جھێ شانازیێ یە کو ل کوردستانێ مە کومەکا زورا کەسان ھەبن کار بو پاراستنا ژینگەھێ بکەن)
زێدەتر گۆت: (زێدەباری خەلاتکرنا رۆژنامەڤانان د ھەمان دەم دا ٢١ کارمەندێن ژینگەھێ ژی ھاتنە خەلاتکرن کو دەمەکێ زورە کار بو پاراستنا ژینگەھێ دکەن)
ئه‌ڤرۆ نیۆز،زنار تۆڤى:
خانما سترانبێژ رۆژبین كزل كو هه‌تاكو نوكه سێ كلیپ چێكرینه و هه‌روه‌سا حه‌ز دكه‌ت سه‌ره‌دانا هه‌ر چار پارچێن كوردستانێ بكه‌ت و ئاهه‌نگێن سه‌ركه‌فتنێ لێ بگێریت،د هه‌ڤپه‌یڤینه‌كێ دا بۆ ئه‌ڤرۆ نیۆز دیاركر:هه‌تاكو نوكه من هزر د چێكرنا سترانا دوێت دا نه‌كریه و د نوكه‌دا من ل به‌ر نینه چ سترانێن ب ڤى ره‌نگى بێژم،له‌ورا بتنێ نوكه هزرا من هه‌موو ل سه‌ر خواندنا من و هونه‌رێ منه و هه‌روه‌سا ئه‌ز 17 سالیمه و وانه‌یێن هونه‌رى و مۆزیكێ دخوینم،له‌وما من هزر نه‌كریه نوكه شوو بكه‌م،دیسا ئه‌ز دخوازم خواندنا خوه ل زانكۆیێ د وارێ مۆزیكێ دا ب دوماهى بینم،ژ پێخه‌مه‌ت ب شێم كارێن باشتر دڤى وارى دا پێشكێشى گه‌لێ خوه بكه‌م.
رۆژبینێ دیاركر ژى:ئه‌ز گه‌له‌ك حه‌ز دكه‌م ئه‌لبۆمه‌كێ چێكه‌م و من به‌رهه‌ڤى ژى كرینه،كو ئه‌ز ئه‌لبۆمه‌كا”9-10″ تراكى چێكه‌م،لێ هه‌كه سپۆنسه‌ر هه‌بیت،دێ ئه‌ڤ ساله ئه‌لبۆما خوه یا نه‌خرى چێكه‌م،هه‌ر چه‌نده بۆ چێكرنا ئه‌لبۆمان گه‌له‌ك مه‌زاختن دڤێت و نوكه من ئه‌و شیان ل به‌ر ده‌ست نینن،ئه‌و ژى گۆت:ئه‌ز حه‌ز دكه‌م ب ستایلێن جۆدا دناڤا كلیپێ دا ده‌ربكه‌ڤم،لێ پێدڤیه كلیپ ژى گرێدایى په‌یڤێن هه‌لبه‌ستێ بیت،هه‌روه‌سا نوكه رێیه‌كا درێژ ل به‌ر سنگێ من هه‌یه و من هیڤى هه‌یه كو ئه‌ز ب گه‌همه ئاسته‌كێ باش دناڤ هونه‌ر و سترانا كوردى دا.
هه‌روه‌سا حه‌زا من ئه‌وه كو ئه‌ز هونه‌رێ كوردى بۆ جیهانێ ژى ب ده‌مه نیاسین،هێشتا دبێژیت:جوانى ژى مه‌رجه‌كه بۆ كچا سترانبێژ،ژ پێخه‌مه‌ت كچ ب شێت باشتر هونه‌رێ خوه ب گه‌هینیته خه‌لكێ،ئه‌ڤ چه‌نده ده‌لیڤه‌كا زێده‌تر دده‌ته سترانبێژا كچ بۆ سه‌ركه‌فتنا هونه‌رێ وێ،هه‌روه‌سا ئه‌و حه‌ز ژ ده‌نگێ هونه‌رمه‌ندێن كورد ئارام تیگرانى و گۆلستان په‌روه‌رێ دكه‌ت و دخوازیت سه‌ره‌دانا هه‌رێا كوردستانێ ژى بكه‌ت،دیسا رۆژبین گه‌له‌ك حه‌ز ژ سترانێن گه‌له‌رى ژى دكه‌ت،لێ وێ دڤێت سترانا هه‌ڤچه‌رخ بێژیت،چونكى ب بۆچوونا وێ ستران و مۆزیكا نوو دێ هونه‌رێ كوردى پێش ئێخیت.
رۆژبین كزل خه‌لكا باژێرێ نسێبینه ل باكۆرێ كوردستانێ و نوكه ل گه‌ل خێزانا خوه ل وه‌لاتێ ئه‌لمانیا دژیت.
ئەڤرۆ نیوز :
رێکخراوا تیرورستی یا داعش ھەردوو منارەیێن حەدبا و مزگەفتا نوری ل موسل تەقاندن ، ئەڤێ یەکێ ژی کارڤەدانێن نافخویی و نیڤدەولی دوڤ خوە ھێلان ژ بەرکو منارا حەدبا و مزگەفتا نوری دوو ھێمایێن شارستانی و دیروکی یێن پارێزگەھا موسل بوون.
دیسان مزگەفتا نوری سەرەرای کو مزگەفتەک دیروکی و گرنگ بوو ل موسل د ھەمان دەم دا ئەو مزگەفت ژلایێ داعشێ ژی زور یا گرنگ بو ژ بەرکو ئێکەمین جار داعشێ ب رێیا مینبەرا مزگەفتا نوری خەلافەتا داعشێ ل عیراق و سوریا راگەھاند.
تەقاندنا منارا حەدبا و مزگەفتا نوری د دەمەکێ دایە کوە ێزێن عیراقی ل موسلا کەڤن گەلەک نێزیکێ منارێ و مزگەفتێ ببوون کو مەزنترین پێگەھێ داعشێ دکەفتە وێرێ و داعشێ نەڤیایە کو ئەڤ یەک بکەڤیتە د دەستێن ھێزێن عیراقی دا ژبەرکو ل گورەی ھندەک زانیاریان گەلەک بەلگەنامەیێن داعشێ ژ بریارێن کوشتنا وەلاتیان و گرێبەستێن نەفتێ و بازرگانی و رەڤاندن و کرین و فروتنا کچ و ژن و زاروکان ل وێرێ دھاتن ھەلگرتن.
ڤێرە کلیک بکە بو دیتنا تەقینا منارا حەدبا
ئەڤرۆ نیۆز،زنار تۆڤی:
وەزیرێ بەرەڤانیا ئەمریکا جێمس ماتیس د کۆنگرەکێ رۆژنامەڤانی دا گۆت:پشتی ژناڤبرنا داعشێ ل سووریێ و رۆژئاڤایێ کوردستانێ ئەم دێ وان هەموو چەکێن مە داینە هێزێن یەپەگێ ژێ وەرگرین.
دیارکر ژی:ئەم دێ وێ لیستا چەکی یا مە دایە یەپەگێ ژی دێ دەینه دەستێ تورکیا و دێ هەموو ڕێکاران بۆ ئاسایشا تورکیا گرینە بەر،هەروەسا مە گۆتیە تورکیا کو ئەو هێزێن دێ رەقە رزگار کەن 80% یا وان ژ نەتەوەیێ عەرەبن.
د شەرێ تیرۆرستێن داعش ل رۆژئاڤایێ کوردستانێ ئەمریکا هژمارەکا چەکێن پێشکەفتی داینە یەپەکێ و ماوێ سێ سالانە یەپەگە ل گەل ئەمریکا شەرێ داعشێ دکەت،لێ ئەمریکا گۆتیە پشتی شەری دێ وان چەکان هەموو یان ژێ وەرگرین.
ئەڤرۆ نیوز ، عەزیز رەسول ھەورامی:
دەرگەھێ بارزگانیێ سپە ل دەڤەرا ھەورامان یا سەر ب پارێزگەھا ھەلەبچە کو دەرگەھەکێ نەفەرمی یە دناڤبەرا ھەرێما کوردستان و کومارا ئیسلامیا ئیرانێ دکەت ژلایێ ئیرانێ ڤە ھاتە دائێخست.
دڤی واریدا ” سابر رەشید “ ئێکە ژ وان وەلاتێن کو ب دەواران ھاتن و چوونێ ل دەرگەھێ سپە دناڤبەرا ھەرێما کوردستان و کومارا ئیسلامیا ئیرانێ دکەت بۆ ئەڤرۆ نیوز گۆت: (ماوەیێ دوو رۆژایە ھیچزێن سەر ب پازدارێن ئیرانێ ھاتینە سەر رێیا گشتی یا دەرگەھێ سپە و دەرگەە دائێخستیە و نالێن ئەم ھاتن و چوون و ئالوگورا بازرگانی بکەین ، مەژی ب نەچاری خیڤەت لسەر سنووری ھەلداینە ، بەلێ ئەو ھەر دەوارەکێ ببینن ژ مە وەردگرن و د بەن)
مەسعود محەمەد ئەو ژی ئێکە ژ وەلاتیێن دەڤەرا ھەورامان و رۆژانە ب دەواران ھاتن چوونێ ل وی دەرگەھی دکەت بۆ ئەڤرۆ نیوز گۆت: (رۆژانە سەدان بارێن جگارا و گویز و پەروکان ب رێیا دەرگەھێ سپە دھێنە ئالوگورکرن و سەدان داھاتیێ خێزانێن خوە ل ڤێرە دابین دکەن بەلێ ب خابنیڤە ئیرانێ دەرگەە گرت و سەدان خێزان ھێلانە بێ کار)
ئەڤرۆ نیوز پەیوەندی بلایەنێن پەیوەندیدارێن ھەورامان کر بەلێ بەرھەڤنەبوون چوو داخویانیان دڤی واریدا بدەن.
ئەڤرۆ نیوز:
دەمەک بەریا نھا رێڤەبەریا گشتی یا ساخلەمیا پارێزگەھا دھۆکێ د کونگرەیەکێ رۆژنامەڤانی د اپلانا رێڤەبەریا گشتی یا ساخلەمیێ ل پارێزگەھا دھۆکێ بۆ رۆژێن جەژنێ راگەھاند.
پلانا جەژنێ یا رێڤەبەریا گشتی یا ساخلەمیا پارێزگەھا دھۆکێ
-ھەمی پشکێن تەنگاڤیا ل نەخوشخانێن گشتی ( ئازادی، تەنگاڤیا، ھیڤی، ئافرەت و زارۆبوونێ، سۆتن و نشتەرگەریێن جوانکاری، چاڤا، ل گەل نەخۆشخانێن گشتی ل ئاکرێ و زاخۆ و شێخان).
بنگەھێن نوبەدار ل دھۆکێ دێ ٩ بنگەە بن و ب ڤی رەنگی:
-ناڤەندا دھۆکێ بنگەھێن خەبات و مالتا.
-بنگەھێ دوبان ل سێمێلێ.
-بنگەھێ ساخلەمیێ ل بەردەرەش و کەلەکچی و قەسروک.
-بنگەھێ گارە ل سەرسنکێ.
-بنگەھێ دێرالوک و شێلادزێ.
تیمێن ١٢٢ دێ ب ڤی رەنگی بن:
-٢٠ تیم بۆ پشتەڤانیا ھێزێن پێشمەرگەی:
-٤ تیم ل شنگالێ و چیایێ شنگالێ.
-٤ تیم ل ناوەران و باشیکێ.
-٤ تیم ل زومار و حگنە
-٣ تیم ل سنونێ.
-تیمەک ل دوبەردان
-٤ تیم ل بەنداڤا مووسل و تلسقوف.
-تیمێن زێرەڤانیا ساخلەمیێ رۆژانە ل رۆژانێن جەژنێ دێ دەرکەڤن ل سەرانسەر دەڤەرێن سەرب پارێزگەھا دھۆکێ ڤە:
-٥ تیم دێ ل ناڤەندا باژێرێ دھۆکێ بن.
-ھەر قەزایەکێ رۆژانە تیمەک دێ ھەبیت.
ئامارێن خۆپاراستنا ساخلەمیێ:
١١ جھێن گشتی ژبەر نەپێگیریێ ب رێنمایێن ساخلەمیێ ھاتینە گرتن.
-٣٦ جھێن گشتی ھاتینە سزادان.
-١٩٤ جھێن گشتی ھاتینە ھوشداریکرن.
-٢٦٤٠ کگم کەرستێن ئێکسپایر ھاتینە ژناڤبرن.
ئەڤرۆ نیوز ، ھلۆری:
رێکخراوا نەتەوەیێن ھەڤگرتی د نووترین راپورتا خوە دا دیارکر کو نھا ھژمارا ئاکنجیێن سەر روویێ زەڤیێ7 ملیار 600 ملیون کەسن و ھەتا سالا 2050 دێ گەھیتە 9 ملیار 800 ملیون کەسان و ل سالا 2100 دێ بو 11 ملیار 200 ملیون کەسان بلند بیت ، بڤێ یەکێ ژی ھژمارا وەلاتیێن ھندستانێ دێ چیتە بەرا چینێ.
ل گورەی ئاژانسێن جیھانی نھا چنیێ زورترین ھژمارا ئاکنجییان لسەر روویێ زەڤیێ ھەیە بەلێ ل سالا 2050 ھندستان دێ ب ھژمارەکا بەرچاڤ کەڤیتە پێش چینێ ، و نێجیریا ژی دێ چیتە بەرا ئەمریکا.
راپورت کو ژلایێ دەستەیا کاروبارێن ئابووری و جڤاکی یا سەر ب رێکخراوا نەتەوەیێن ئێکگرتیێن ئەمریکا ھاتیە بەرھەڤکرن و بەلاڤکرن دیار دکەت ژی کو سالانە ھژمارا مرۆڤان ل سەرانسەرێ جیھانێ 83 ملیون کەس لسەر روویێ زەڤیێ زێدەدبن و زێدەت ھاتیە: (روژ بو رۆژێ ئەڤ ھژمارە دێ د زێدەبوونێ دا بیت و ل سالا 2050 دێ گەھیتە 9 ملیار 800 ملیون کەسان ، ل سالا 2100 ژمارا وان دێ زێدەتر بیت و گەھیتە 11 ملیار 200 ملیون کەسان و ھەر بتنێ یا ھندستانێ دێ گەھیتە 1 ملیار 300 ملیون کەسان )
د راپورتێ دا زێدەتر ھاتیە: ( ل سالا 2050 ھژمارا پیرەمێران گەھیتە 2 ملیار 100 ھزار کەسان ، ئەڤە د دەمەکێ دایە کو نھا ھژمارا پیرەمێران 962 ملیون کەسە ، و ل سالا 2100 ھژمارا وان دێ بو 3 ملیار 100 ملیون کەسان بلند بیت)
نيشاندان