ئه‌ڤرۆ نيوز:

کێم نڤستن دبیتە ئەگەرێ پاشڤەزڤرینا حەزا سیکسی ل نک ژنان، ل دووڤ ڤان شیرەتێن بچووک ھەرە دا دەمەکێ تەمام و پێدڤی بنڤی و دا ژیانا تەیا سیکسی باشتر لێبھێت:
سەعەتەکا زێدەتر یا نڤستنێ د ژەڤێ دا دبیت حەزا سیکسی ب رێژەیا 14% ل نک ژنان زێدە بکەت، نڤستن کارتێکرنێ ل ئاستێ وان ھورمۆنان دکەت یێن دبنە ئەگەرێ گوھۆرینان د حەزا سیکسی دا.
مفایێن نڤستنێ ب شێوەیەکێ بەرفەە د ئاشگرا نە: نڤستنا تەمام مرۆڤی ژ نەخۆشیێن دلی و نەخۆشیێن سەرمایێ و ھەودانان قۆرتال دکەت. لێ ڤەکۆلینێن نوو ئاشکرا کریە کو ھندی تو باشتر بنڤی دێ ژیانا تەیا سیکسی خۆشتر بیت.
شیرەت بۆ نڤستنەکا باشتر:
ڤەکۆلەر و شارەزا دبێژن: نڤستن یا ھاریکارە بۆ ژێبرنا سەربۆرێن نەخۆش ژ مێشکی، وەکو تۆرەبوون و پۆسیدەبوون، نڤستن ژی رێ ددەتە مێشک و جەستیێن مرۆڤی بێھنا خوە ڤەدەن و پتر خوشیێ ژ دەلیڤێن گەرم دەمێ جۆتبوونێ ببینیت.
1- بزانە تو پێدڤی چەند سەعەتێن نڤستنێی: ل گۆری سازیا نشتیمانییا نڤستنێ، ھەر مرۆڤەک رۆژێ پێدڤی 7 – 9 سەعەتێن نڤستنێ یە، بزاڤێ بکە زوو بنڤە دا سەعەتێن پێدڤی تەمام بکەی.
2- سیکس خەوا مرۆڤی دئینیت: تو نەشێی بنڤی، شوونا ژ مال بچی یان ل تۆرێن جڤاکی و کەنالێن تەلەڤزیۆنێ بگەری، بزاڤێ بکە بکەڤە یاریان د گەل ھەڤژینێ، ژبەرکو سیکس دێ ھاریکاریا تە بۆ نڤستنێ کەت، ئەگەر: سیکس ھورمۆنێ ئوکسیتۆسین یێ بێھنڤەادنێ زێدە دکەت و ھورمۆنێ کورتیزۆل یێ وەستیانێ کێم دکەت، زێدەباری بەردانا ھورمۆنێ برولاکتین کو دێ ھەستا رحەتیێ و نقرۆسکێن خەوێ بۆ تە چێکەت.
3- خوە ژ ژەھرا ئەلکترۆنی قۆرتال بکە: ب سێ سەعەتان بەری نڤستنێ، بزاڤێ بکە خوە ژ تەلەڤزیۆن، کومپیۆتەر و مۆبایلێ دوور بکە.
4- ئارمانج نڤستنەکا باشە و نەیا نموونەیە: ھەکە تو بەردەوام ھەڤڕکیێ د گەل نڤستنێ بکەی و ھەست ب وەستیانێ بکەی، پرسیارا نۆشداری بکە، تێکچوونا نڤستنێ دبیت کارتێکرنێ ل ساخلەمیا تە بکەت و تە تووشی خەمۆکیێ بکەت، بزاڤێ بکە گەلەک بێھنا خوە ڤەدە دا سەعەتێن نڤستنێ قەرەبوو بکەی.

ئڤرۆ نیوز ، نەوزاد ھلۆری:
پشتی بورینا نێزیکێ ھەیڤەکێ لسەر پەخشێ تێلەڤزیوون و رادیویا تیکو ل قەزا ئاکرێ ، ئەڤرۆ رێڤەبەریا کەنالێ تیکو ل ئاکرێ دیارکر کو دێ پەخشێ وان ھێتە راوەستاندن.
دڤی واریدا ” سەفین سورچی” ژ کەنالێ تیکو-یێ ئاسمانی بۆ ئەڤرۆ نیوز گۆت: (کەنالێ تیکو نێزیکێ ھەیڤەکێ یە بوویە کەنالەکێ ئاسمانی و ئەڤێ یەکێ ژی بارێ تیکو گرانکریە ژبەرڤی َوەکو بەرھەڤیکرن بو پێشئێخستنا کەنالێ تیکو ب شێویەکێ باشتر و بەفرەھتر ئەو دی َنھا پەخشێ کەنالێ تیکو بو دەمەک نەدیار راگرن ھەتاکو ستاف و بارەگایێ خوە ڤەدگوھێزنەک جھەکێ دن ھەر ل قەزا ئاکرێ)
زێدتر گۆت: (ئەم نھا کار لسەر دکەین و دەمەک نێزیک دووبارە جارەک دن دێ ھێنە دخزمەتا بینەرێن تیکودا و دەست ب بەرنامەیێن خوەیێن ھەمەرنگ کەتن ڤە)
تیکو پەیڤەکا ئیسپانی یە و ب رامانا رەوشت دھێت دبیتە ئێکەمین کەنالێ تێلەڤزیوونی ل قەزا ئاکرێ و پشتی دوو سالان کارکرن وەکو کەنالەک لوکالی ھەیڤا بووری دەست ب وەشانا ئاسمانی کر.