ئەڤرۆ نیوز ، نەوزاد ھلۆری:
پشتی کو رێیا سەرەکی یا ئامێدیێ ھاتیە چێکرن بو ئێکەمین جار وەکو جھەکێ تایبەت بو ڤەحەویان و دەم بوراندنێ ھاتە بکارئینان ب تایبەتی د د شەڤانێن رەمەزانێ دا ، و شەڤانە ھژمارەکا زور یا وەلاتیان ل پرانیا سنوورێ قەزا ئامێدیێ قەستا ئەڤی ھی دکەن
کامیرا ئەڤرۆ نیوز چەند دیمەنەکێن ئەوێ رێکێ و دەم بوراندنا وەلاتیان وێنە و بەلاڤ دکەت
ئەڤرۆ نیوز:
پشتی کو مەلا خەواجە ب شاشی ڤە لسەر مینبەرا مزگەفتەکا دھۆکێ دیارکری کو زەکاتا زەنگینەکێ دھۆکێ ٤٠٠ دەفتەرێن دولاری نە و دوڤدا ژلایێ پرانیا بکارھێنەرێن توررێن جڤاکی لێکدانەڤە یێن شاش بۆ ھاتینەکرن ، ئێکەتیا زانایێن ئاینێ ئیسلامی کوردستان لقێ دھۆکێ بەیاننامەیەک دەرئێخست و پشتەڤانیا خوە بو مەلا خەواجە جەرگیس دەربری و ب کەسەکێ کورد پەروەر و شورشگێر و پێشمەرگە و خەباتکار ل قەلەم دا.
لقێ دھۆک یێ ئێکەتیا زانایێن ئاینێ ئیسلامێ کوردستان ل بارا مەلا خەواجە بەیاننامەیەک دەرئێخست و دانەیەک بۆ ئەڤرۆ نیوز ھنارتیە تێدا دیاردکەت کو ئەو ب توندی ئیدانا وان ھێرشان دکەن یێن کو د راستا مەلا خەواجە جەرگیس ماموستایێ ئاینی و ماموستایێ پێشمەرگە ھاتیەکرن و گۆتیە: ( ماموستا و مەلا خەواجە ئێکە ژ وان ماموستایێن گەلەک شارەزا و دیار دناڤا جڤاکی دا و ژ ماموستایێن ئاینی و نەتەوەی یە و دەستێن وی د دیارن دخزمەتکرنا پێشمەرگەیێن قارەمان و ١١ سالان پێشمەرگەیێ کریاری بوویە و سێ مامێن وی شەھیدبووینە ، ژلایێ ماددی ژی ڤە چەندین جاران ئەوی سەرمایەدارێن دھۆکێ کومکرینە و ھاریکاری گەھاندینە سەنگەرێن شەرەفێ یێن پێشمەرگێن قارەمان ، و ھەردیسان ژلایێ جڤاکی ڤە شوون دەستێن وی دیارن بۆ چارەسەرکرنا ئاریشەیێن جڤاکی و ھاریکاریکرنا ھەژار و بەلنگازان)
زێدەتر د بەیاننامەیا وان داە اتیە : (ئەم وەکو لقێ دھۆک یێ زانایان ئیدانا وێ یەکێ دکەین ، بۆ خەلکی َخوەیێ ھێژا ددەین دیارکرن کو ئەو روودانا چەند رۆژێن بوری درۆست بوی و ھێرشا تورێن جڤاکی و راگەھاندنێ بۆ سەر ماموستا خەواجە ، ئەم بێژین کو ئەڤ یەک ھەموو ژ بو وێ یەکێ دزڤریت کو ئەو کەسانێن کو شیانێن وان و شوون دەستێن وان دیارن و ئەو کەسانێن کو دسەرکەفتی و خزمەتکار ، ھندەک کەس ھەنە کو دخوازن کو وێنەیێ وان رەش بکەن و وان ھندەک ئەجندات ھەنە کار لسەر ئەڤێ یەکێ دکەن کو نموونێن جڤاکی ئەو نموونێن کو چاڤێ خەلکی دا جوان ئەڤان کەسان دڤێت بڤی رەنگی رەش بکەن و ھزر دکەن دێ پروژێ نەتەوەیی پێ شکێنن ، مەزنترین بەلگە کو کەس ھەبوینە شاشی کرینە بەلێ بڤی رەنگی وەسا ل گەل ماموستای ھاتیە کرن نەبوویە ، بەلکو یا دیارە ئەڤە ھەموو پروژەیەکە و ھندەک کەس ھەنە کار لسەر دکەن و دڤێت جڤاکی مە ئاگەە ژ خەلکی خویێ خوشتڤی پتر ب رەنگەکێ ھوشیار سەرەدەریێ ل گەل ئەڤام بابەتان بکەن ، دا کو دەستێن نەحەزان زال ببن لسەر جڤاکێ مە و پروژێن وان پتر سەرنەگرن)
ئەڤرۆ نیوز ، نەوزاد ھلۆری:
بنگەھێ رەوشەنبیری و جڤاکیێ لالش کۆمبوونا ئاسایی یا خوە ئەنجام دا و چەند تەوەرەکێن گرنگ بەحسکرن ژ وان پرسا ئەنجامدانا ریفراندۆمێ ، شێخ شامو سەرۆکێ دەستەیا بلند یا بنگەھێ لالش دیارکر کو ئەو دێ ب ھەموو لق و نڤیسینگەھێن خوڤە کار بو سەرئێخستنا ریفراندومێ کەن.
شێخ شامو سەرۆکێ دەستەیا بلند یا بنگەھێ لالش بۆ ئەڤرۆ نیوز گۆت: (ئەم وەکو بنگەھێ لالش یێ رەوشەنبیری و جڤاکی کو تایبەتە ب رەوشنبیری و ھوشیارکرنا کوردێن ئێزدی ڤە ل دھۆکێ کومبووین و مە بەحس ل چەندین تەوەرێن گرێدای بارودوخێ ھەرێما کوردستان و عیراقێ و ئێزدیان کر ، ئێک ژ وان تەوەرێن ھەری گرنگ کو مە ب تێر و تەسەل بەحس لسەر کری پرسا ریفراندومێ بۆ ، ھەلبەت مە وەکو بنگەھێ لالش د کومبوونێ دا بریار دا کو پشکدارێ ریفرانومێ بین و ب ھەموو لق و نڤیسینگەھێن خوە ژی ڤە کار بۆ سەرئێخستنا پرسا ریفراندومێ بکەین و جڤاکێ ئێزدی ھوشیار بکەین و ھانبدەین کو پشکداریێ د ریفراندومێ بکەن و ب بەلێ دەنگ بدەن ژبەرکو ریفراندوم پرسەکا نەتەوەیی و نیشتمانی یە و مولکێ ھەموو کەسایە)
زێدەتر گۆت: (سەرکەفتنا پروسەیا ریفراندومێ دێ ٩٠% ژ دەڤەرێن کوردێن ئێزدی بۆ باوەشا ھەرێما کوردستانێ زڤریت ڤە و کوردێن ئێزدی دێ بنە پشکەکا سەرەکی بو زڤراندنا ئەوان دەڤەران بو ھەرێما کوردستانێ)
بنگەھێ لالش ل سالا ١٩٩٣ ھاتیە دامەزراندن و بارەگایێ سەرەکیێ دکەڤیتە باژێرێ دھۆکێ ، ٤٠ لق و نڤیسینگەە ل ھەرێما کوردستانێ و دەرڤە ھەنە ، ھەتا نھا شەش ھزار ئەندامێن خودان باوەرنامەیێن ئێزدی بخوڤە دگریت.
ئەڤرۆ نیۆز،زنار تۆڤی:
وەزارەتا پەروەردێ ل حوکمەتا هەرێما کوردستانێ رێنمایێن نوو بۆ دانا مۆلەتا بێ مووچەیێ بۆ ماموستایان ل سالا(2017_2018) دەرخستیە،تێدا دیارکریە کو دێ داخوازی ژ “1/7 هەتاکو 31/8/2017 هێنە وەرگرتن.
ئەڤ چەندە د نڤێسینەکا فەرمی دا ل رۆژا 14/6/2017 ژ وەزارەتا پەروەردێ یا حوکمەتا هەرێما کوردستانێ دەرکەفتییە و د 9 خالان دا هەموو رێنمایی تێدا دیار کرینە.
ئەڤرۆ نیۆز،زنار تۆڤی:
ل پەرلەمانێ عێراقێ نامەیەک بۆ سەرۆکێ ھەرێما کوردستانێ دهێتە ڤرێکرن بۆ هندێ کو شەبەک پشکدار بن د ریفراندۆما سەربەخۆیا کوردستانێ.
ل دووڤ نڤێسینەکا فەرمی ل پەرلەمانێ عێراقێ، ژلایێ کوتلەیا شەبەکا ب ژمارە 62 ل 15/6/2017 دەرچوو یە کو ئاراستەی مەسعود بارزانی، سەرۆکێ ھەرێما کوردستانێ کریە،تێدا داخوازکریە کو کوردێن شەبەک بێخنە ناڤ لیستا پشکداربوویێن ریفراندۆمێ.
ئەڤ نڤێسینە ژلایێ سالم شەبەک، نوونەرێ کوردێن شەبەک ل پەرلەمانێ عێراقێ بۆ سەرۆکێ ھەرێما کوردستانێ هنارتییە و تێدا ھاتییە داخواز دکەین رەزامەندیێ بدەن بۆ هندێ کو کوردێن شەبەک ل کۆمسیۆنا ھەڵبژاردنان ناڤێ وان بهێتە تۆمارکرن،بۆ هندێ کو شەڕەفا هندێ پێ بهێتەدان ل راپرسیا رۆژا 25 ئیلۆنێ 2017 پشکداریێ بکەن.
کوردێن شەبەک جهێ نیشتەجێبوونا وان ل سنوورێ پارێزگەها موسلێ یە و ل 75 گوندێن وێ پارێزگەهێ بەلاڤبووینە،ئاینێ وان ئیسلامە و ل سەر مەزھەبێ شیعینە.
پشتی هێرشێن داعش نێزیکی 450 ھزار کوردێن شەبەک ئاوارە بووینە و ب دەهان کەس ژی ژ لایێ داعشێ ڤە هاتینە کوشتن.
ئەڤرۆ نیوز ، نەوزاد ھلۆری:
ماوەیێ دوو رۆژایە ب بھانەیا ھەبوونا بنگەە و بارەگایێن پارتا کرێکارێن کوردستانێ فرۆکێن تورکی لسەر بوردومانکرنا چەند جھەکێن سنوورێ قەزا ئامێدیێ بەردەوامن و زیانێن زۆر ب دارستا و پاوانێ دەڤەرێ کەفتیە ، ب مەرەما گەشت و گوزار و دەم بوراندنێ ژی خەلکەکێ زور قەستا گەلیێ بالندا و دەڤەرا نێروەورێکان و ئاڤا مارک کریە.
ژێدەرەکێ ل سەنتەرێ کومەلگەھا سیریێ دیارکر کو ئەڤرۆ و دوھی فرۆکێن تورکی لسەر برودومانکرنا دەڤەرا نێروە و رێکان بەردەوام و بۆ ئەڤرۆ نیوز گۆت: ( ماوەیێ دوو روژایە فروکێن تورکیا لسەر بوردومانکرنا چەند گوندەکێن سنوورێ نێروە و رێکان بەردەوامە و ژ ئەنجامێ ئەوێ بوردومانێ ئاگر ب دارستان و پوش و پاوانێ چەند گوندەکێن دەڤەرا نێروە و رێکان کەفتیە ، بەلێ ھەتا نھا ناھێتە زانین کا ژ ئەنجامێ ئەوان بوردومانان قەبارێ ئەوان زیانان چەندە و چ زیان ب چ کەفتیە بەلێ زەرێن زور ل سنوورێ دەڤەری َھاتینە چێکرن)
زێدەتر گۆت: (بەری چەند رۆژان ژی فروکێن تورکی نێزیکترین خال بو گەلیێ بالندا ل نێزیک سیریێ بوردومانکربو ، دخوازین کو سنورەک بو بوردومانێن وان بھێتەدانان ژ بەرکو خەلکەکێ زور دچیتە سەر گوندێن خوە)
ل گورەی زانیاریێن ئەڤرۆ نیوز ھژمارەکا زور یا سەربازێن سوپایێ تورکیا داخلی سەر سنوورێ باکوور و باشوور بوویە ، و ئەڤ یەک ژی بوویە سەدەم کو چەکدارێن پارتا کرێکارێن کوردستانێ ژی بو ناڤا سنوورێ باشوور بھێن.
ئەڤرۆ نیۆز،زنار تۆڤی:
کۆمپانیا فێسبووکێ د نووترین گوهۆرینێن خوە دا وێنەیێ لڤاندنا (GIF) یێ ئالایێ کوردستانێ بۆ تۆرا خوە زێدەکر.
وێنێ ل ڤاندی یێ ئالایێ کوردستانێ GIF بۆ تۆرا جڤاکیا فێسبووکی هاتە زێدەکرن،ب رەنگەکێ ل دەمێ نڤێسینا کۆمێنتێدا ل بەشێ (GIF) دێ نڤێسی (kurdistan)،ل وی دەمیدا دێ ب شێوێ وێنەیێ لڤۆک ئالایێ کوردستانێ دەرکەڤیت.
بەشەکێ زۆر یێ ب کارھێنەرێن کورد د فێسبووکێ دا وەسا دایە دیارکرن،کو دانانا وێنەیێ لڤۆکێ ئاڵایێ کوردستانێ ژلایێ کۆمپانیا فێسبووکی ڤە،وەک پاڵپشتیەکێ و دڵسۆزیێ یە بۆ سەربەخۆیا کوردستانێ.
ئەڤرۆ نیوز:
دادگەھا تێھەلچوونا ناوچا سلێمانی فەرمانا گرتنا پەرلەمانتار سوران عومەر پەرلەمانتارێ کومەلا ئیسلامی و سەرۆکێ لژنا مافێ مرۆڤی ل پەرلەمانێ کوردستانێ دەرکر ، بەلێ جێگرێ پەرلەمانێ کوردستانێ رەتکر کو ئەو قبول بکەن سکالا لسەر بھێتە تومارکرن ئەگەر تاوانەکا دیتنی نەکربیت.
ل گورەی نڤیسارەکا فەرمی یا پەرلەمانێ کوردستانێ کو رێکەفتی ١٣/٦/٢٠١٧ دەرچوویە و ناڤ و ئیمزا ” جەعفەر ئیبراھیم ئیمینکی جێگرێ سەرۆکێ پەرلەمانێ کوردستانێ” لسەرە و دەست ئەڤرۆ نیوز کەفتیە تێدا ھاتیە: ( سەبارەت فەرمانا گرتنا پەرلەمانتار سوران عومەر ھەوە ئاگەھدار دکەین کو ناڤبری پارێزبندی لگورەی ماددەیا ٢٧ برگەیا ١و٢ یا پەیرەوێ نافخوەیا پەرلەمانێ کوردستانێ ھەیە ، ئەگەر پەرلەمانتار ل دەما دەواما ئاسایی یا خوە بوو راکرنا پارێزبەندیێ ب زورینەیا دەنگی لسەر پەرلەمانی یە و ل دەما بێھنڤەدانێ ژی دەستەیا سەروکاتیا پەرلەمانی دێ پارێزبەندیێ راکەن ، بەلی َنھا نە پەرلەمانێ کوردستانێ و نە ژی دەستەیا سەرۆکاتیا پەرلەمانی کوم دبیت بو ئەڤێ مەبەستێ ژبەرڤی َنابیت ئەندام پەرلەمان بھێتە گرتن ، ئەگەر حالەتێ راستەوخوە و تاوانەکا بینراو ” تلبس بالجنایە ” نەبیت)
ئەڤرۆ نیوز ، نەوزاد ھلۆری:
کچا پێشمەرگەیەکێ ل قەزا سوران پشتی کو موزەخانەیەکا تایبەت بو کەلوپەلێن شەھیدێن شەرێ داعش ڤەکری ، نھا حەز و بزاڤان دکەت کو موزەخانەیەکێ ل دھوکێ ژی ڤە بکەت.
شادی ھەرکی کچا پێشمەرگە محەددین ھەرکی دیارکر کو ھەموو ھیڤیێن وێ ئەو خزمەتا کەس و کارێن شەھید و پێشمەرگەیێن قارەمان بکەت و بۆ ئەڤرۆ نیوز گۆت: (وەکو رێزگرتن و دلسووزی بو خوینا پێشمەرگەیێن شەھید من ب فەردیت کو لسەر ئەرکی َخوە موزەخانەیەکا تایبەت بو ھەلگرتن و پاراستنا کەلوپەلێن وان پێشمەرگێن قارەمان ئەوێن کو د شەرێ دژی داعش دا گیانێ خوە کریە قوربانی درۆست بکەم و سوپاس بو خودێ من شیا ب ھەڤکاریا رێڤەبەریا شەھید و ئەنفالکریێن سوران ڤێ یەکێ بکەم و ھەتا نھا کەلوپەلێن زێدەتری ٨٠ شەھیدان ئەڤێن کو گرنگ ل دەف شەھیدان و کەس و کارێن وان کوم بکەم و لسەر کومکرنا وان ژی یا بەردەوامم )
زێدەتر گۆت: (زێدەباری کومکرنا کەلوپەلێن وان ئەز بخوە کارێن ھونەرییێن دەستی و گرافیکێ دکەم و ئێک ژ وان کاران ژی درۆستکرنا دارا شەھیدایە کو ناڤێن شەھیدان لسەر ھاتینە نڤیسان ، و من ل بەرە کو موزاخانەیەکا تایبەت ژی ل دھۆکێ درۆست بکەم بو کەلوپەلێن پێشمەرگێن شەھیدێن شەرێ داعش )
کچا پێشمەرگەی زێدەباری کو ئێکە ژ ھونەرمەندێن شێوەکاری و گرافیکێ د ھەمان دەم دا فەرمانبەرە ل رێڤەبەریا شەھید و ئەنفالکریێن سوران و زێدەتر گۆت: (خوشترین رۆژ بو من ئەوە دەما کو ئەز بکارم خزمەتا دایک و خێزان و زاروکێن شەھیدان بکەم و ببمە ئەگەر کو روندکێن وان ڤەمالم ، و ژبەر گرنگی یا من بو پێشمەرگەی و شەھیدان ئەگەر ببیتە قسمەت و خودێ کرە رزق ژی بەرھەڤم شوو ب پێشمەرگەیەکێ بکەم ژبەرکو بابێ من پێشمەرگەیە و برایێ من پێشمەرگەیە و ئەم ژ مالەکا پێشمەرگەینە و شانازیی َدکەین ب کارێ پێشمەرگاتیێ و پێشمەرگایەتی شەرەفەکا مەزنە)
ل بارا کارێن ھونەریێن ئایندە ناڤبرێ گوت: (ئەز ل ئیرانێ فێری کارێن گرافیکێ بویمە و من باوەرناما رێزا شەشێ یا گرافیکێ دەستخوڤە ئینایە ، و من ل بەرە ئایندەیەکێ نێزیک پێشانگەیەکێ بو کارێن خوەیێن شێوەکاری و گرافیکێ ڤە بکەم)
ئەڤرۆ نیوز ، ھلۆری:
سپێدەھیا ئەڤرۆ بیڤەلەرزەکا دن ب پلەیا 4.5 ل گورەی پیڤەرا رێختەرباژێرێ ئەزمیر ل باکورێ کوردستانێ ل كومارا تورکیا ھژاند ، بەلێ چوو ژێدەران بەحس ل زیانێن ئەوێ بڤەلەرزێ نەکریە ، و ئەڤە د دەمەکێ دایە کو حەفتیا بوری ژی بیڤەلەرزەکێ تورکیا ھژاند بوو.
راگەھاندنا فەرمانگەھا بیڤەلەرز و روودانێن سرۆشتی و تەنگاڤیان ل تورکیا دیارکر کو سپێدەھیا ئەڤرۆ دەمژمێر6:40 خولەک بیڤەلەرزەکێ دەڤەرا ئەزمیر درۆست بوویە و بیڤەلەرز ژی ژ کوراتیا 11:88کم بن زەڤیێ ب پلەیا 4.5 ل گورەی پیڤەرا رێختەر بوويه)
نيشاندان