ئەڤرو نیوز ، نەوزاد هلوری:
دەمەک بەریا نها ل سنورێ قەزا ئاکرێ ئاگر بەربویە ترومبێلەکێ و ب تەمامی هاتە سووتن.
دڤی واریدا ئازاد هەرنی شایەتحالێ روودانێ تایبەت بو ئەڤرو نیوز گۆت: (دەمەک بەریا نها ل گوندێ سوسنا یا سەر ب قەزا ئاکرێ ڤە ئاگر بەربوو ترومبێلا وەلاتیەکێ بناڤێ سەباح هەرنی کو ماموستایە ، ب تەمام هاتە سووتن ، بەلێ سوپاس بو خودێ چو زیانێن گانی نەبوون)
زێدەتر کۆت: (هەتا نها ئەگەرا روودانێ ناهێتە زانین کا ژ ئەگەرا چ دروست بویە ، ترومبێل یا راگرتی بو و ژ نیشکەکێڤە خودانێ ترموبێلێ هاتە ئاگەهدارکرن کو ئاگرێ بەربویە ترومبێلا وی)

ئەڤرۆ نیوز ، نەوزاد هلوری:
پشتی نڤێژا مەغرەبا ئەڤرو فروکێن شەرکەرێن تورکی گەلێی بالندا بوردومانکر.
رافق سیتەیی وەلاتەکێ گوندێ کەمپا سیریێ کو دکەڤیتە دەرێ گەلیێ بالندا بو ئەڤرو نیوز گۆت: ( پشتی نڤێژا مەغرەبا ئەڤرو دەمژمێر 7:40 خولەک فروکێن تورکیا گوندێ سیتە ل دەرێ گەلیێ بالندا بوردومانکر کو تنێ دوو کلومەتران ژ سەنتەرێ گوندێ کەمپا سیریێ و کیلومەترەکێ ژ پرا بالندا و بارەگایێ ئاسایشا گەلیێ بالندا دویرە)
زێدەتر گۆت: ( ئەڤە بوجارا ئێکێ یە فروکێن تورکیا هندە نێزیک دەڤەرێ بوردومان دکەن و ژ ئەنجامێ بوردومانێ ترسەکا زۆر لدەف وەلاتیان دروست کریە و ئاگر بەربویە پوش و پاوانێ دەڤەرێ)

دیارکر ژی کو فروکان سێ جاران گوندێ سیتە بوردومانکر و دەرگەه و پەنجەرێن دوکان و مالان ل گوندێ کەمپێ د لەرزین ، ئەڤە زێدەباری کو ئاڤا مارک ژی بوردومانکریە.

ئەڤرو نیوز ، نەوزاد هلوری:
بو ئێکەمین جار ل هەرێما کوردستان و پارێزگەها دهۆک چاپخانەکا مودێرنا حکومی بناڤێ چاپخانا پارێزکەها دهۆک هاتەدامەزراندن کو یا تایبەتە ب چاپ و وەشانێ.
دڤی واریدا دلخواز خورشید ژ راگەهاندنا چاپخانا پارێزکەها دهۆک تایبەت بۆ ئەڤرو نیوز گۆت: (بو ئێکەمین جار ل ئاستێ هەرێما کوردستان ب گشتی و پارێزگەها دهۆکێ ب تایبەتی چاپخانەکا مودێرن و پێشکەفتی یا حکومی بناڤێ چاپخانا پارێزکەها دهۆک هاتە دامەزراندن کو یا تایبەتە ب چاپ و وەشانێن پرتووک و نامیلکە و پوستەر و بەلاڤکرنا وان ڤە)
زێدەتر گۆت: (چاپخانا پارێزگەها دهۆک ب هەول و بزاڤێن زور یێن کارگێریا پارێزگەها دهۆک وچەند کەسەکان بویە و دەمەکێ زورە کار بۆ دامەزراندنا وێ دهێتەکرن ، چاپخانە دێ ژلایێ کارگێریا پارێزگەها دهۆکێ هێتە ب رێڤەبرن و ستافەکێ تایبەت بو هاتیەدانان و دەمەک نێزیک دێ کەڤیتە دخزمەتا دام و دەزگەهێن حکومی و نڤیسەر و رەوشەنبیران دا)
لدوڤ ئاخفتنێن داخوازی چاپکرنا پرتوک و نامیێکە و پوستەران بو دام و دەزگەهێن حکومی و بابەتێن گرێدای پرسێن نەتەوەیێن مینا ریفرانۆم ونەوروۆز تنێ ب بهایێ کەرستەی دێ هێنە وەرگرتن ، بەلێ بۆ نڤیسەر و دام و دەزگەهێن دن ب ئەزانترین شێوە ل هەموو کوردستانێ هێنە چاپکرن.
لگورەی زانیاریان ل هەموو عیراقێ تنێ ل پارێزگەها دهۆک ئەڤ شێوازێ پێشکەفتیێ چاپخانێ هەیە.